ကက်သလစ်အသင်းတော်ကြီး၏ ယုံကြည်နှစ်အမှတ်တရအဖြစ် ရန်ကုန်မြို့အမျိုးသားဇာတ်ရုံကြီးမှာ ရုပ်ရှင်သရုပ်ဆောင်များ၊ နိုင်ငံကျော်တေးသံရှင်များ၊ ရဟန်း၊ သီလှရှင်၊ နှင့် လူငယ်များ ပေါင်းစပ်ကာ ယခုလို အောင်မြင်သည့် ပြဇာတ်ကြီးကို ပြသဖျော်ဖြေရုံမကဘဲ တနည်းအားဖြင့် ဘုရားသခင်အား သက်သေခံနိုင်လိုက်ပါပြီ။
ပြဇာတ်ကြီးအတွက် စတင်ပြင်ဆင်ချိန်ကစပြီး သူတို့ရဲ့လှုပ်ရှားမှု့တွေ၊ ဇာတ်တိုက်တာတွေကို အွန်လိုင်းမှာ တွေ့ရကတည်းပင် ကျွန်တော့် စိတ်တွေ အလွန်ပင်နိုးကြားနေပါတယ်။ ကျွန်တော့် တသက် မြန်မာပြည်မှာ ဒီပွဲလုပ်ဖြစ်တာ ဟုတ်ရဲ့ လားလို့ အမြင်တွေကိုပဲ ကြည်ကြည် လင်လင် ဖြစ်အောင် ရှင်းလိုက်ရသေးတယ်။ မိတ်ဆွေ သူငယ်ချင်းတွေနဲ့တွေ့တိုင်းလည်း ဒီပြဇာတ် အကြောင်း ပြောဖြစ်နေမိတာ အလိုလိုပါပဲလေဗျာ။ တချို့က စနေကြသေးတယ် "ကိုရင်ကတော့ သူလည်းလာကြည့်နိုင်တာ ဟုတ်ဘဲနဲ့ အကဲပိုနေတာ" တဲ့။ မသိဘူးဗျာ- လာကြည့်နိုင်တာ မကြည့်နိုင်တာ နောက်ထား ဒီမှာ ဂုဏ်ယူမိလွန်းလို့ပါ။ ဖြစ်နိုင်ရင် ပြဇာတ်စတိုက်ကတည်းပင် ပါလေရာငပိ လုပ်နေ လိုက်ချင်ပါရဲ့ဗျာ။ (ဘယ်လောက်ပိုသွားလဲ မသိဘူး မျက်စောင်းလေတွေကတော့ ညမီးအိမ်တွေလိုပဲ ပြူးစံပြူးစံလေးတွေနဲ့)။
အန်တီနွဲ့ကြည့်ရတာ ထာဝရလူငယ်များခံယူထားသလားလို့ပါ။ အခုထိ သာသနာအရေးမှာ လူငယ်များနှင့်တန်းတူ တက်ကြွမှု့က မလျော့၊ အင်တိုက်အားတိုက် အစွမ်းရှိသမျှနဲ့ စည်းရုံးပါဝင်နေပုံ၊ ထောက်ပံ့နေပုံ၊ ဖျော်ဖြေနေပုံ၊ အစုံပါပဲ။ သူ့ကိုကြည့်ရတာ ကျွန်တော်လို သာသနာပြုကိုရင်တစ်ပါးအတွက် ခရစ်တော်ရဲ့ယုံကြည်ခြင်းမျို့စေ့တွေကို ကြဲနေသည့် တောင်သူမကြီးတစ်ဦးလိုပါပဲ။ အရမ်းကို အားရှိတာပဲ။ ဂုဏ်ယူနေဆဲပါ အန်တီ။
မယ်တော်နေရာမှာ သရုပ်ဆောင်တဲ့ မမချစ်သူဝေက ရုပ်ရှင်အနုပညာရှင်လို့ မပြောရဘူး။ သိပ်ကိုပီပြင်လွန်းလို့ ကြည့်သူပရိတ်သပ် ရင်သပ်ရှုမောရတယ်ဆိုရင်ပဲ ခံစားချက်ကို ဖွင့်ပြောရတာ မလုံလောက်သေးပါဘူး။ ယေဇူးကိုယ်တော်နေရာမှာ သရုပ်ဆောင်တဲ့ ကိုဖရက်ဒီထင်ပါရဲ့။ သရုပ်ဆောင်မင်းသားများထက်ကို ပီလွန်းလို့ ဇာတ်ဝင်ခန်းတိုင်းက အသက်ဝင်နေလှပါတယ်။ မြန်မာတိုင်းမ်မှာပင် ယခုလို ချီးမွမ်းထားပါသေးတယ် "တော်ရုံလူ လျှာလိပ်လောက်တဲ့ ဘာသာရေးစကားတွေကို ပိုင်ပိုင်နိုင်နိုင်တင်ဆက်နိုင်ခဲ့တဲ့ ယေဇူးအဖြစ်သရုပ်ဆောင်သူ အပါအ၀င် ပြဇာတ်ကပြသူ တစ်ဖွဲ့လုံးကို ချီးကျူးခဲ့ရပါတယ်။"
ကျန်တဲ့အခန်းတွေကနေ ကိုယ့်အခန်းနှင့်ကိုယ် ပါဝင် သရုပ်ဆောင်သူတွေကလဲ သိပ်ကို ပီပြင် လွန်းလို့ တိုင်းမ်သတင်းမှာ စာမျက်နှာကြီး တစ်မျက်နှာကို ရေးသားချီးမွမ်းဖွဲ့ထားပါတယ်။ "ငါမြင်ရပြီ' ဆိုတဲ့ ၀ုန်းခနဲ့ အော်လိုက်တဲ့ မျက်မမြင်အဖြစ် သရုပ်ဆောင်သူရဲ့ အောင်လွန်းတဲ့ အသံကြောင့် ယေဇူးအပါအ၀င် ပြဇာတ်မှာ ပါဝင်သူအကုန်လုံး ဆတ်ခနဲ့ တုန်ပြီး လန့်သွားတာကြောင့် ........." ဆိုပြီး ဇာတ်ဝင်လေးတွေနဲ့အတူ စာဖတ်သူကိုပင် ဇာတ်ပွဲထဲ ရောက်အောင်ဆွဲပို့ထားလေတယ်။
ဘုန်းတော်ကြီး ဘရူနိုမှာလည်း ကိုယ်တိုင်ပါဝင်သရုပ်ဆောင်ရင်း လူငယ်များနှင့် တသားတည်း ဖြစ်နေတာမို့ သိပ်ကို အားရမိလှပါတယ်။ စစ္စတာညဏ်ပိရဲ့ ဂရုဏာရှင်အသံမှာလည်း ပြဇာတ်ကို အတော်လေးအသက်ဝင်စေအောင် ကျေးဇူးတော်ချီးမွမ်းရာ ဖြစ်စေပါတယ်။
ပွဲတော်ကြီးအတွက် ဂုဏ်ယူဝံ့ကြွားရင်း . . . မြန်မာပြည်မှာလည်း ကက်သလစ်ဖြစ်ရတာ အစဉ်ဂုဏ်ယူလျက် . . .
ကိုရင် (ဒိုမီနီကန်)
No comments:
Post a Comment