၂၀၁၈ ခုနှစ်အတွက် ပါစကားပွဲတော်နေ့ ကြေငြာခြင်

ဝါကြီးဝင်သည့် ဗုဒ္ဓဟူးနေ့ကြီးသည် ဖေဖေါ်ဝါရီလ ၁၄ ရက်နေ့။

ပါစကားပွဲတော် တနင်္ဂနွေနေ့ကြီးသည် ဧပြီလ ၁ ရက်နေ့။

ဒိုမီနီကန်ကိုရင်

dom.koyin@gmail.com

ပြည်သူ့ဆန္ဒမဲနှင့် လွတ်လပ်၍တရားမျှတသော ရွေးကောက်ပွဲအတွက် ပန်ကြားနှိုးဆော်လွှာ

နှစ်ပေါင်း ၆၀ ကျော်နေ၀င်ခဲ့ရပြီး အမှောင်ထုတစ်ခု၏ဖုံးလွှမ်းမှု့ကို ခံခဲ့ရသော မြန်မာနိုင်ငံတော်ကြီးနှင့်အတူ ၎င်းအတွင်းမှီတင်းနေထိုင်ကြသည့် လူမျိုးစု၊တိုင်းရင်းသားနွယ်အပေါင်းတို့ဟာ အလင်းရောင်ကို အလွန်ဆာလောင်နေကြပါတယ်။

လွန်ခဲ့သော ငါးနှစ်မှာ အလင်းတန်းမှိန်မှိန်တစ်ခုကို အကျွန်ုပ်တို့တတွေမြင်တွေ့ခဲ့ရပြီ။ ထို့ကြောင့် နိုင်ငံတော်နှင့်မှီတင်းနေထိုင်သူအားလုံးအတွက် မျှော်လင့်ချက်တို့တဖန်မွေးခဲ့ပါပြီ။ သို့သော်လည်း ထိုမျှော်လင့်ချက်ကို အကောင်ထည်ဖော်နိုင်ဖို့တော့ အကျွန်ုပ်တို့တစ်ဦးချင်းစီ မပါမနေ၊ မဖြစ်မနေ ပါဝင်လှုပ်ရှားကြရပါလိမ့်မယ်။ ထိုအခွင့်အရေးသည်ပင် လူတစ်ဦး၏ အခြေခံအခွင့်အရေးပါ။ ဒီမိုကရေစီမှာ ပြည်သူပြည်သားတစ်ဦးချင်းစီ၏ မဲဆန္ဒတွေဟာ အလွန်တန်ဖိုးကြီးလှပါတယ်။ ထို့ကြောင့် ကြားနေ၍ မဖြစ်ပါ။ မဲပေးကို ပဲရပါမယ်။ အသက်ပြည့်သူတိုင်း မဲပေးပိုင်ခွင့်ရှိကို ရှိရပါမယ်။ မဲပေးဖို့ဟာ ပြည်သူ ပြည်သား တစ်ဦးချင်းစီ၏ နိုင်ငံ့တာဝန်ပါပဲ။ ဒါကြောင့် မိမိတို့၏မျိုးချစ်စိတ်တွေကို ဤနေရာမှာ အကောင်းဆုံးအသုံးချလိုက်ကြပါ။

ပါတီစုံဒီမိုကရေစီစနစ်ကိုကျင့်သုံးတဲ့ ယခုလိုနိုင်ငံမှာ ပါတီပေါင်းများစွာရှိနေတာ မဆန်းပါဘူး။ ဒီလို မတူညီကွဲပြားတဲ့ ပါတီတွေရှိနေတာဟာ နိုင်ငံတော်ကို အကျည်းမတန်စေပါဘူး - တကယ်တော့ အရောင်စုံပြီး ပို၍တင့်တယ်စေပါတယ်။ ပါတီအမျိုးမျိုးမှ အရည်အချင်းမျိုးစုံနှင့်အမတ်လောင်များလည်း နိုင်ငံတော်ကြီး၏အိပ်မက်တွေ၊ မျှော်လင့်ချက်တွေကို အကောင်ထည်ဖော်ဖို့အတွက် ရရာတာဝန်ထမ်းဆောင်ကြမယ်ဆိုတဲ့ ၎င်းတို့၏ဆန္ဒတွေကို ထုတ်ဖော်ပြသနေကြပါတယ်။ ထိုသို့ပင်ဆိုစေသော်လည်း ပြည်သူတွေအတွက်တော့ မှန်မှန်ကန်ကန်နှင့် အသင့်တော်ဆုံး အမတ်လောင်းကို  မဲပေးရွေးချယ်နိုင်စွမ်းရည်ရှိဖို့တော့ ပို၍လိုအပ်လာပါပြီ။

နှစ်ပေါင်း ၆၀ကျော် အလင်းပျောက်နေတဲ့ နိုင်ငံတော်ကြီးမှာ အနာအဆာ ဒဏ်ရာပေါင်းများစွာဖြင့် ဖြတ်သန်းလာခဲ့ရပါတယ်။ ဒီဒဏ်ရာတွေကို ကုစားပေးဖို့ နိုင်ငံသားတိုင်းမှာ တာဝန်ရှိပါတယ်။ ထို့ကြောင့် မိမိတို့တတွေဟာ မဲဆန္ဒပေးတော့မည်ဆိုလျှင် တနိုင်ငံလုံးအတိုင်းအတာဖြင့်ကြည့်၍ အမြင်ကျယ်ကျယ်ဖြင့် မဲပေးနိုင်စွမ်းရှိဖို့လိုပါလိမ့်မယ်။ ဒီအချိန်ဟာ နိုင်ငံတော်ကြီးကို ကုစားနေရသည့်အချိန်ဆိုတာ မမေ့ကြပါနှင့်။

ထို့ကြောင့် မိမိတို့တတွေအနေဖြင့် မဲပေးတော့မည်ဆိုလျှင် -

၁။ မြန်မာပြည်အတွင်း ကာလကြာရှည်ဖြစ်ပွားနေသည့် တိုင်းရင်းသားပဋိပက္ခနှင့် စစ်ပွဲများကို အဆုံးသပ်နိုင်စွမ်းရှိသည့် ပါတီနှင့်၎င်းပါတီဝင်များ

၂။ တကွဲတပြားဖြစ်နေသော နိုင်ငံတော်၏တိုင်းရင်းသားမျိုးနွယ်စုများအား ပြည်ထောင်စုကြီးအဖြစ် စစ်မှန်သည့် စည်းလုံးညီညွှတ်ခြင်းနှင့် အားလုံးတန်းတူအခွင့်အရေးရရှိအောင် ပြုလုပ်ပေးနိုင်စွမ်းရှိသည့် ပါတီနှင့် ၎င်းပါတီဝင်များ

၃။ မြန်မာနိုင်ငံအတွင်းရှိ နိုင်ငံသားတိုင်း၏ လူနေမှု့ဘ၀ကို အမှန်တကယ်မြှင့်တင်ပေးနိုင်မည့် ပညာရေး၊ စီးပွားရေး၊နှင့် လူ့အခွင့်အရေးများကို ဖော်ဆောင်ပေးနိုင်မည့် ပါတီနှင့် ၎င်းပါတီဝင်များ

၎။ နိုင်ငံတော်အတွင်းရှိ သဘာဝသံယဇာတများကို နိုင်ငံအကျိုးပြုနှင့် ပြည်သူပြည်သားများလည်း မျှဝေခံစားခွင့်ရှိအောင် အခြားနိုင်ငံများနှင့်လက်တွဲလုပ်ဆောင်သည့်တိုင်အောင် မိမိတို့၏နိုင်ငံသားတိုင်း၏ အခြေခံအခွင့်အရေးများကို ကာကွယ်ပေးနိုင်ပြီး နိုင်ငံတော်၏သဘာဝအရင်းအမြစ်တွေကို နည်းစနစ်ကျကျအသုံးပြု၍ ကာကွယ်စောင့်ရှောက်နိုင်စွမ်းရှိသည့် ပါတီနှင့် ၎င်းပါတီဝင်များ

၅။ မြန်မာနိုင်ငံသူ၊ နိုင်ငံသားတိုင်းနှင့် တစ်ထပ်တည်းကျပြီး နိုင်ငံတော်အား စစ်မှန်သည့် စနစ်ကောင်းများဆီသို့ ခေါ်ဆောင်သွားနိုင်သည့် ပါတီနှင့် ၎င်းပါတီဝင်များကို စီစစ်ရွေးချယ်ပြီး မဲပေးနိုင်ကြရပါမယ်။ သို့မှသာလျှင် ကျွန်ုပ်တို့သည်လည်း နိုင်ငံပေးတာဝန်ကို တာဝန်ကျေပွန်စွာ ဖြည့်ဆည်းရာရောက်ပါလိမ့်မယ်။

အကျွန်ုပ်သည် ကက်သလစ်ခရစ်ယာန်ရဟန်းလောင်းဖြစ်သည့်အလျောက် ပါတီနိုင်ငံရေးအား လုပ်ဆောင်ခြင်းမပြုသည့်အတွက် ဘယ်ပါတီကို မဲပေးပါ၊ ဘယ်ပါတီကို ကန့်ကွက်ပါဟူ၍ မဟောပြောပါ။ သို့သော်လည်း နိုင်ငံသားတစ်ဦးဖြစ်သည့်အလျောက်၊ တရားတော်၏သားတော်ဖြစ်သည့်အလျောက် အမျိုးသားနိုင်ငံရေးအရ နိုင်ငံတော်ကို အမှန်တကယ်ငြိမ်းချမ်းစေရန်နှင့် ဘယ်စုံဖွံ့ဖြိုးတိုးတက်စေဖို့ ယေဇူးခရစ်တော်၏မေတ္တာတရား၊ ငြိမ်းချမ်းခြင်းတရားနှင့် တရားမျှခြင်းတရားတို့ကို လက်ကိုင်ထား၍ ယခုလို နိုးဆော်လိုက်ရခြင်းသာ ဖြစ်ပါတယ်။

ဆုတောင်းမေတ္တာ။

တရားမျှတခြင်း၊ မေတ္တာတရားနှင့် အားလုံးစုံကို တတ်နိုင်သောမူသော အိုအဖဘုရားသခင်၊ တပည့်တော်တို့၏နိုင်ငံတော်ကြီးကို ကောင်းကြီးပေးသနားတော်မူပါ။ နိုင်ငံတော်အတွင်းရှိ အုပ်ချုပ်ဦးဆောင်နေသူများကိုကောင်းကြီးပေးတော်မူပါ။ ပြည်သူပြည်သား တစ်ဦးချင်းစီကိုလည်း ကောင်းကြီးပေးတော်မူပါ။ မကြာမှီကျင်းပပြုလုပ်မည့် အထွေထွေရွေးကောက်ပွဲမှာလည်း ကိုယ်တော်ရှင်အစ၊အလယ်၊ အဆုံးထိတိုင်အောင် ပါဝင်ပြီး ငြိမ်းချမ်းစွာ ကျင်းပပြုလုပ်နိုင်စေဖို့ ကောင်းကြီးပေးတော်မူပါ။ ရွေးကောက်ပွဲကြီးကိုလည်း လွတ်လပ်၍ တရားမျှတသော ရွေးကောက်ပွဲကြီးဖြစ်စေတော်မူပါ။ မဲပေးခွင့်ရှိသူတိုင်း မဲပေးနိုင်ကြပြီး မဲပေးကြသူတိုင်းလည်း မှန်ကန်လွတ်လပ်စွာ မဲပေးနိုင်ကြစေတော်မူပါ။ အခုရွေးကောက်ပွဲကြီးမှ မြန်မာနိုင်ငံတော်အတွက် ငြိမ်းချမ်းရေးနှင့် ဘက်စုံတိုးတက်မှု့ရှိရန် ဦးဆောင်ဦးရွက်ပြုနိုင်သော အစိုးရဖွဲ့ကို ရွေးကောက်နိုင်စေပါမည့်အကြောင်း ကိုယ်တော်ရှင်၏တစ်ပါးတည်းသော သားတော်ယေဇူးခရစ်တော်ကို အမှီပြု၍တောင်းလျှောက်ကြပါသည်။ အာမင်။

ကိုရင် (ဒိုမီနီကန်)

အာဇာနည်နေ့ (၁၉ ဇူလိုင် ၂၀၁၄)

ကိုယ်တော်သည် ရှင်ပြန်ထမြောက်တော်မူပြီ။

(၄၈) ကြိမ်မြောက် ကမ္ဘာ့ဆက်သွယ်ရေးနေ့ အတွက် နိုးဆောင်ခြင်း

ငြိမ်းချမ်းခြင်းနှင့် ညီအစ်ကို မောင်နှမရင်းပမာ ချစ်ခြင်း

၂၀၁၄ ခုနှစ် ဂိုဏ်းချုပ်ဆရာတော်ကြီး ချားစ်(လ်)ဘို၏ နှစ်သစ်မင်္ဂလာ သတင်းကောင်းမြန်မာပြည်သစ်၏ လမ်းစဉ် -

“ ငြိမ်းချမ်းခြင်းနှင့် ညီအစ်ကို မောင်နှမရင်းပမာ ချစ်ခြင်း”

အားလုံးကို ပျော်ရွှင်စရာ မင်္ဂလာနှစ်သစ်ကူး ပါလို့နှုတ်ခွန်း ဆက်ပါရစေ။ "အားလုံး အပေါ် ငြိမ်သက်ခြင်းရှိစေ သတည်း"ဆိုတဲ့ ခရစ္စမတ် သတင်းကောင်းက ဆက်လက်ပြီး တည်ရှိနေတယ်။ ဒီနေ့ဟာ ငြိမ်းချမ်းခြင်း နေ့ရက် ဖြစ်တယ်။ မြန်မာပြည်သူပြည် သားတွေ အားလုံးအတွက် ဒီနေ့ဟာ အတူတကွ စိတ်ကူးရည်မှန်း၊ မျှော်လင့် တောင်း တနေတဲ့ နေ့ရက် တစ်ရက်ဖြစ်ပါတယ်။ ငြိမ်သက်ခြင်း ကောင်းကြီးမင်္ဂလာနဲ့ ပြည့်ဝ တဲ့နှစ်သစ်လို့ အားလုံးကို ဆရာတော် ထပ်မံ မေတ္တာပို့သ နှုတ်ဆက် လိုက်ပါတယ်။

နှစ်သစ်ရဲ့ အာရုဏ်ဦးအတွက် ဒို့တတွေ ပြင်ဆင်နေကြ သလို၊ မြန်မာပြည်မှာလည်း ဒို့တွေ ခောတ် ကာလအသစ် တစ်ခုရဲ့ အာရုဏ်ဦးအတွက် ပြင်ဆင်နေကြတယ်။ လွတ်လပ်ခြင်း၊ တရားမျှတခြင်း၊ ငြိမ်းချမ်းခြင်းနဲ့ မျှော်လင့်ခြင်းရဲ့ ခေတ်သစ်ရာသီ ပွင့်လန်းဖို့အတွက် ပြင်ဆင်နေကြပါတယ်။ မတူညီ ကွဲပြားခြားနား၊ လှပတဲ့ ဒို့တွေရဲ့ လူမျိူးပေါင်းစုံ တိုင်းရင်းသားများ အကြားမှာ ညီရင်းအစ်ကို မောင်ရင်းနှမ စည်းလုံးခြင်းနှင့် ချစ်ခြင်း ခောတ်ကာလအသစ် တစ်ခုအတွက် ပြင်ဆင်နေကြတယ်။

ကျေးဇူးတင်စရာတွေ များစွာရှိသလို၊ မျှော်လင့်စရာတွေလည်း အများအပြား ရှိနေပါတယ်။ ဒို့တွေရဲ့ အတိတ် သမိုင်းက ကျန်ရှိနေသေးတဲ့ စိန်ခေါ်မှုတွေနဲ့အတူ ခံစားနေရတဲ့ ကောင်းကြီး ကျေးဇူးတော်မှာ ဆက်လက် ရှင်သန် ရပ်တည် နေထိုင်နေကြပါတယ်။ မြန်မာပြည် အဖြစ်အပျက် သမိုင်းရဲ့ သင်ခန်းစာအသစ်၊ အစ ပထမဦးဆုံး စာမျက်နှာမှာပဲ ဒို့တွေ ရှိနေသေးတယ်။ ဒို့တိုင်းပြည်ရဲ့ တံခါးတွေဟာ လွန်ခဲ့တဲ့ (၂)နှစ် ကနေစပြီး အခြားသောကမ္ဘာ့ နိုင်ငံများ အတွက်ဖွင့်ပေးနိုင်ခဲ့တယ်။

မျှော်လင့်ချက်တွေအတွက် အကြောင်းပြချက်တွေ အများကြီးရှိပါတယ်။ လွန်ခဲ့တဲ့ (၂) နှစ် ကနေစပြီး လွတ်လပ်မှုအကန့်အသတ်၊ အချုပ်အနှောင်၊ တင်းမာမှု ကနေ သက်သာ လွတ်မြောက်ရာရရှိခဲ့တယ်။ မြို့ပြအုပ်ချုပ်ရေးဆိုင်ရာ အဖွဲ့အစည်းတွေမှာ နေရာရလာတယ်။ လူထုဆက်သွယ်ရေးနဲ့ နိုင်ငံရေးရာ လှုပ်ရှားမှုတွေမှာ လွတ်လပ်စွာနဲ့ ပြောဆိုလုပ်ကိုင်နိုင်တဲ့ အခွင့်အရေး လေးတွေ ရရှိခဲ့ပါတယ်။ ဒေသခံ တိုင်းရင်းသား လူမျိူးစု များနဲ့အတူတူ စတင်ပြီး ငြိမ်းချမ်းရေး ခြေလှမ်းသစ် တွေ လှမ်းနိုင်ခဲ့ပါတယ်။ နိုင်ငံရေး အကျဉ်းသားများ လွတ်ငြိမ်းချမ်းသာခွင့် ရရှိခဲ့သလို ဒေါ်အောင်ဆန်းစုကြည် လည်းပဲ နှစ်ပေါင်းများစွာ အကျယ်ချုပ်နဲ့ ဖမ်းဆီး ချုပ်နှောင်ခြင်းခံခဲ့ရပြီးနောက် မိမိရဲ့ အဖွဲ့ဝင် အပေါင်းအဖော်များနဲ့အတူ ဒီမိုကရေစီ ရရှိရေးအတွက် ကြိုးပမ်း ဆောင်ရွက်ရာမှာ လွှတ်တော် အမတ်အဖြစ် ရွေးချယ် တင်မြောက်ခြင်းခံခဲ့ ရပါတယ်။

အသစ်သော အာရုဏ်ဦးရဲ့ လှပတဲ့ မြင်ကွင်းသစ်ကို ကြည်လင်ပြတ်သားစွာ မြင်နိုင်ဖို့ရန် ဒီခြေလှမ်းတွေက ဒို့ကိုအားပေးနေတယ်။ နှစ်ပေါင်း (၅၀)ကျော်ကြာ ပြီးနောက် ပထမဦးဆုံး အကြိမ် အနေနဲ့ မြန်မာပြည်ကြီးအတွက် မျှော်လင့် ချက်တွေပြည့်ဝစေတဲ့ အကြောင်းအရာ၊ အခွင့်အရေးတွေ ရှိနေပါတယ်။ ဒီအခွင့်အရေးတွေ ဖြစ်ပေါ်လာ ဖို့ ၁၉၈၈ ညီအစ်ကို မောင်နှမတွေရဲ့ အမှောင်ကမ္ဘာက အာဏာ အမှားကြီးကို ရဲ့ဝံ့စွာ ဆန့်ကျင် နိုင်ခဲ့ခြင်းကြောင့် ဖြစ်ပါတယ်။ တချို့ဆိုရင် မိမိတို့ရဲ့အသက်ကို စတေးဘို့ ၀န်မလေးပဲ၊ ရက်ရက်ရောရော ပေးဆပ်ခဲ့တယ်။ မနေ့က သူတို့ရဲ့ စွန့်စား ပေးဆပ်ခြင်းက ဒို့ဒီနေ့ လွတ်လပ်နေတယ်။ မြန်မာပြည်ကြီးရဲ့ မနက်ဖြန်က တရားမျှတခြင်းဆီကို ဦးတည်နေပါတယ်။

အမြဲသတိရှိနေဘို့က ဒို့တွေ အစပြုနေတဲ့ အခြေအနေလေးမှာပဲ ရှိနေတယ် ဆိုတာကိုပါပဲ။ နိုင်ငံရေး အကျဉ်းသမား တချို့ လွှတ်ချိန်မှာ၊ တချို့က ဖမ်းဆီးခံနေကြရတယ်။ ပြန်လည်ကျေအေး သင့်မြတ်တဲ့ အကြောင်းတွေ ပြောနေကြတဲ့ အချိန်မှာ၊ ကချင်ပြည်ရှိ တိုင်းရင်းသားများ စစ်အစိုးရရဲ့ တိုက်ခိုက်ခြင်းခံ နေကြရတယ်။ လွှတ်လပ်စွာပြောဆိုခွင့်ကို စတင်ကျင့်သုံးစဉ်မှာပဲ တချို့က မွတ်စလင် ညီအစ်ကို မောင်နှမတွေကို ဆန့်ကျင် အမုန်းပွားတဲ့ မကောင်းသတင်း စကားတွေကို ပြောကြတယ်။ ဒို့ရှေ့ဆက်လျှောက်ရမည့် ခရီးက တကယ်ဝေးတုန်းပဲ။ စိတ်မချမ်းမြေ့စရာ စိန်ခေါ်မှုတွေ၊ မည်းမှောင်တဲ့ တိမ်ထုပမာ ဒုက္ခအခက်အခဲ ကြိုးစားရုန်းကန်မှုကြားမှာ မျှော်လင့်ခြင်း အလင်းရောင်ခြည် ကရှိနေတယ်။ မြန်မာပြည်သူ ပြည်သားအားလုံး ငြိမ်းချမ်း၊ လွှတ်လပ်စွာ မနေနိုင်သရွေ့၊ မြန်မာပြည်ကြီး ဟာလည်း ဘယ်တော့မှ စစ်မှန်တဲ့ လွှတ်လပ်ခြင်းနဲ့ ငြိမ်းချမ်းခြင်းရှိမှာ မဟုတ်ဘူး။ ငြိမ်းချမ်းရေးလမ်းစဉ် တစ်ရပ်ဖြင့်သာ စစ်မှန်တဲ့ ငြိမ်းချမ်းခြင်းကို ရရှိအောင် မြင်နိုင်ပြီး ရိုးရိုး casefires မဟုတ်။ ဒီလမ်းစဉ်မှာ မြန်မာပြည်သူ ပြည်သားများ အားလုံးအတွက် နိုင်ငံရေးရာ အပြန်အလှန် ဆွေးနွေးမှုတွေ ပါဝင်ပတ်သက်နေရပါမယ်။ ဒါဟာ အမှန်တရားပဲ။ ဒါပေမဲ့ ဒို့တွေရဲ့ နှလုံးသားထဲမှာ စစ်မှန်တဲ့ ငြိမ်းချမ်းခြင်းကို ဆန့်ကျင်ပုန်ကန်မှုနဲ့ပဲ ရယူနိုင်မယ်လို့ ခံယူကြတယ်။ ညီအစ်ကို မောင်နှမချစ် ခြင်းရဲ့ တန်ဖိုးကို  ပြန်လည်ရှာဖွေရင်း၊ ကိုယ်စီ စိတ်နှလုံးသားများ တဖန် ပြန်လည် ဆန်းစစ် ကြည့်ကြစို့။

ဆဌမမြောက် ရဟန်းမင်းကြီး ပေါလူးမိန့်မြွတ်ခဲ့ဖူးတယ် ငြိမ်းချမ်းရေး ဆိုတာ စစ်မရှိ၊ စစ်မဖြစ်ရတာလေးနဲ့ မဟုတ်ဘူး။ ငြိမ်းချမ်းရေးကို လိုလားရင်၊ တရားမျှတခြင်းအတွက် လုပ်ဆောင်ပါလို့ လမ်းညွှန် သတိပေးခဲ့ ပါတယ်။ တရားမျှတမှု မရှိတဲ့နေရာမှာ ငြိမ်းချမ်းရေး ဆိုတာ ဘယ်လိုမှ မရှိနိုင်ပါဘူး။ ကက်သလစ် အသင်းတော်ရဲ့ မွန်မြတ်တဲ့ထုံးထမ်းစဉ်လာ ယုံကြည်ချက်အရ ငြိမ်းချမ်းခြင်းဟာ တရားမျှတမှု ကနေ မွေးဖွား ပေါ်ပေါက်လာတာဖြစ်ပါတယ်။ ကမ္ဘာ့ငြိမ်းချမ်းရေးနေ့အတွက် ရဟန်းမင်းကြီး ဖရန်စစ်ရဲ့ နှစ်သစ်သတင်း ကောင်းထဲမှာ “လူသားတိုင်းရဲ့ အတွင်းစိတ်နှလုံးမှာ ပြည့်ဝတဲ့အသက်တာနဲ့ ရှင်သန်နေထိုင်ဖို့ အမြဲအလို ဆန္ဒ ရှိနေကြပါတယ်။ ဒါ့အပြင် တဦးနဲ့တဦး ရန်သူလို မမြင်ကြပဲ ညီအစ်ကို မောင်နှမရင်းပမာ ချစ်ခင်ရင်းနှီး အတူလက်တွဲနိုင်တဲ့ ပေါင်းသင်းဆက်ဆံရေးကို ဆာငတ်  တောင်းတနေကြပါတယ်။”

နိုင်ငံတော် ကြီးဟာ နှစ်ပေါင်း ၆၀ လောက် အာဏာရှင် စနစ်အောက်မှာ နှစ်မွန်းခဲ့ပါတယ်။ သင်နဲ့ ကျွန်ုပ် အားလုံးသော ပြည်သူ ပြည်သားတွေ ရက်စက်၊ ရှည်လျားတဲ့ ညအမှောင်ထုမှာ နာကြင်မှုတွေအတွက် တိတ်တဆိတ် ကြိတ်ငိုခဲ့ကြရတယ်။ ဖိစီးနှိပ်စက်မှုအမှောင်ထုကနေ လွတ်မြောက်ပြီး၊ အခု အာရုဏ်ဦးရဲ့ အလင်းရောင်ခြည်ကို တို့တွေမြင်နေကြရတယ်။ ရုတ်တရက်ဆိုသလို မြင်နေရတဲ့ အလင်းတန်းရဲ့အလယ်မှာ အမှောင်ထုတစ်ခု ရှိနေသလို တွေ့နေရတယ်။ ဘာသာရေး ပဋိပက္ခတွေကြောင့် ၀မ်းနည်းကြေကွဲစရာတွေ၊ အနာတရဖြစ်မှုတွေက နုနယ်ငယ်ရွယ်တဲ့ တိုင်းသူပြည်သားတွေဆီမှာ မပျောက်မပျက်နိုင်တော့တဲ့ ဒဏ်ရာတွေအဖြစ် ကျန်ရစ်နေတယ်။ လွန်ခဲ့တဲ့ (၁၈) လတုန်းက ကြောက်စရာ အမုန်းတရား လှိုင်းလုံးကြီးက ရခိုင်ပြည်မှာ ရှိတဲ့ ညီအစ်ကိုမောင်နှမတွေဆီ ပြင်းထန်စွာ ရိုက်ခတ်ခဲ့တဲ့အပြင်၊ မထ္ထ္ထီလာ၊ အုတ်ခံ၊ လားရှိုး နဲ့ အခြားနယ် တွေမှာလည်း တိုက်ခတ်ခဲ့တယ်။ ဒီကြောက်ရွံ့စရာ အမုန်း မုန်တိုင်းကြီးက လူပေါင်းများစွာရဲ့ အသက်နဲ့ အိုးအိမ်၊ စည်းစိမ်ကို ဖျက်စီးခဲ့ရုံမကဘူး ညီရင်းအစ်ကို မောင်နှမ ချစ်ခင်ပေါင်းသင်းဆက်ဆံရေးကိုပါ အဆုံးသတ် ဖျက် ဆီးခဲ့တယ်။ အဖွဲ့အစည်းတွေ အားလုံး နာကြင်ခံစား၊ နစ်နာခဲ့ရပါတယ်။

ကျွပ်န်ုပ်တို့ရဲ့လုပ်ငန်းက ဖျက်ဆီးခံရတဲ့အဆောင်များ ပြန်လည်တည်ဆောက်ရုံမက ဖျက်ဆီးခံရတဲ့ပေါင်းသင်း ဆက်ဆံ ရေးကို ပြန်လည်ဆောက်တည် ကြရမယ်။ ရဟန်းမင်းကြီး ဖရန်စစ်သူတော်မြတ် မိန့်ဆိုတာက (Without fraternity it is impossiple to build a just society and a solid and lasting peace) မိသားစုစိတ်ဓါတ်မရှိပဲ တရားမျှတတဲ့ လူ့အဖွဲ့အစည်း မတည်ဆောက်နိုင်။ ကြံ့ခိုင်တဲ့ ငြိမ်းချမ်းရေးလဲ မတည်ဆောက်နိုင်ဘူး။ မြန်မာပြည်မှာ ကျွန်ုပ်တို့ဟာ ဘယ်ဘာသာပဲကိုးကွယ်ကိုးကွယ် စိတ်နှလုံးအာရုံဟာ တို့လူသားအချင်းချင်းပဲ တို့မိသားစု ညီအစ်ကို မောင်နှမများ ဖြစ်တယ်ဆိုတာ ဦးတည် ဖို့အရေးကြီးပါတယ်။ ရဟန်းမင်းကြီးစကားထဲမှာ တို့သမိုင်းကိုကြည့်ရင် လူမျိုးပေါင်း စုံတဲ့ ပင်ကိုယ်စိတ် နှလုံးထဲမှာ တစ်ဦးနဲ့တစ်ဦး အရေးပေးချင်တဲ့စိတ် ညီအစ်ကို မောင်နှမစိတ်များဟာ ဗီဇထဲ ကအရင်းခံ ဖြစ်နေတယ်။ ကျွန်ုပ်တို့မြန်မာပြည်မှာ unity in diversity မတူခြားနားခြင်းရဲ့ စည်းလုံးမှု တန်ဖိုးတွေ ရှိဖို့လိုပါတယ်။ တိုင်းရင်းသားပေါင်းစုံ ယုံကြည်ကိုးကွယ်ဘာသာ မျိုးစုံရှိတယ်။ ဒါဟာ ခွန်အား ဖြစ်တယ်။

မုန်တိုင်းအပြီး နေထွက်လာတဲ့အခါမှာ ကျွန်ုပ်တို့ဟာ အရောင်မျိုးစုံ သက်တန့်နိုင်ငံဖြစ်တယ်။ မြန်မာပြည် မွေးတဲ့လူတိုင်း ဒါဟာတို့မြေ ဒို့ပြည်၊ ဒို့အိမ်၊ လို့ခံစားကြရမယ်။ လူတိုင်းအနာဂါတ်အတွက် တာဝန်ရှိတယ်။ လူတိုင်း ညီတူညီမျှ ရိုသေလေးစားမှု ခံရမယ်။ညီမျှတဲ့ အခွင့်အရေး ရရှိကြရမယ်။ ဘေးကလူရဲ့ လက်ခံအရေးပေးခံကြရမယ်။ There must be no second class people မည်သူမျှ ဧည့်သည်မဟုတ်။ အားလုံးတန်းတူ အိမ်ရှင်များ ဖြစ်ကြတယ်။ ရဟန်းမင်းကြီး သူတော်မြတ် ဖရန်စစ် သတင်းထဲမှာ ကမ္ဘာ့နေရာများများမှာ လူ့အခြေခံ အခွင့်အရေးကို ထိခိုက်တာတွေ့ရတယ်။ အထူးသဖြင့် အသက်ရှင်ပိုင်ခွင့်နဲ့ မိမိဘာသာကို လွတ်လွတ်လပ်လပ် ကိုးကွယ်မှုကို စော်ကားကြတယ်။ ဒါလဲ ကမ္ဘာ့ ဒေါင့်တစ်ဒေါင့် ဖြစ်တဲ့ မြန်မာနိုင်ငံမှာ ငြိမ်ချမ်းရေး ဆွေးနွေးကြပေမဲ့ ကချင်ပြည်နယ်ျွှာ ရွာတွေအပစ်အခတ်ခံရ၊ ဘုရားကျောင်းတွေထဲ လုယက်ထိုးဖောက်ကြ၊ အမျိုးသမီး မိန်းကလေးတွေကို ဖျက်လိုဖျက်ဆီး ပြုကြတယ်။ အခြားဒေသမှာ ဗလီကျောင်းများ အဖျက်ဆီးခံရကြတယ်။

တို့ခရစ်ယာန်များ ယုံကြည်တယ်။ လူတိုင်းဟာဘုရားရှင်ရဲ့ ပုံသဏ္ဍာန်တော် အတိုင်း ဖန်ဆင်းခြင်း ခံရကြတယ်။ အားလုံးဟာ ဘုရားရှေ့ ဂုဏ်သိက္ခာရှိသူများ ဖြစ်ကြတယ်။ နိုင်ငံတော်အစိုးရနဲ့ အပြည်ပြည်ဆိုင်ရာ အဖွဲ့အစည်းများဟာ citizenship နိုင်ငံသားအဖြစ်လက်ခံရေးကို ၀ိုင်းဝန်းအဖြေရှာဖို့ လိုပါတယ်။ မေတ္တာ ကရုဏာနဲ့ စိုးမိုးခဲ့တဲ့ ကျွန်ုပ်တို့နိုင်ငံမှာ ရုတ်တရက် သည်းခံစိတ်ဓါတ်တွေ ပျောက်ကင်းပြီး ရုတ်တရက် အကြမ်း ဖက်ကြတယ်ဆိုတာ လုံးဝမဖြစ်သင့်ပါဘူး။ တစ်နေရာမှာ မတရားမှုဟာ နေရာတကာမှာ မတရားမှုဖြစ်တယ်လို့ မာတင်းလူသာကင်းက ဆိုခဲ့တယ်။ ပြည်တွင်းစစ်ဖြစ်နေတယ်။ ဘာသာရေး ပဋိပက္ခဖြစ်နေတယ်။ ဒါဟာ အဖွဲ့အစည်းများ ကိုဒုက္ခဝေဒနာ ဖြစ်စေတယ်။ နိုင်ငံတော်ကို နစ်နာစေတယ်။ သိန်းသန်းမက လူများဒုက္ခ ခံစားကြပေမဲ့ သတိမမူအရေး မပေးတာကို ၀မ်းနည်းစွာ မြင်ကြရတယ်။ ကျွန်ုပ်တို့ရှေ့မှာ ဖြစ်ပျက်နေ တဲ့အရာတွေကလည်း အမျိုးသမီးများ၊ ကလေးသူ ငယ်များ လူကုန်ကူးခံကြရတယ်။ တခြားစော်ကားမှု များနဲ့အတူတူ မြေနေရာ အသိမ်းခံကြရတယ်။ အလုပ်အကိုင်နဲ့အစိုးရ ရာထူးဝန်ထမ်းမှာ ကိုးကွယ်ဘာသာ ကြောင့်မို့၊ တိုင်းရင်းသားဖြစ်ရလို့ အနှိမ်ခံကြရတယ်။

ရဟန်းမင်းကြီးရဲ့သ၀ဏ်စာထဲ မှာလဲဒါကို ပြောထားတယ်။ လုံးဝလူ့ဂုဏ်သိက္ခာကို မလေးစားတော့ပဲ လူကုန်ကူးကြတယ်။ စီးပွားရေးအတွက် စစ်ပွဲဖြစ် ပစ်ခတ်တာတွေ အသက်အိုးအိမ် မိသားစုနဲ့လုပ်ငန်းတွေကို ဖျက်ဆီးနေတာတွေ့ရတယ်။ ဒီစကားတွေဟာ ကျွန်ုပ်တို့ မြန်မာပြည် အခြေအနေကို မီးမောင်းထိုးပြနေပါတယ်။ မကြာခင်က(၂၇)ကြိမ်မြောက် ဆီးဂိမ်းကစားပွဲကြီးကို အောင်မြင် စွာ ကျင်းပနိုင်ခဲ့တယ်။ အံ့သြဂုဏ်ယူစရာ ကောင်းပါတယ်။ လိုအပ်တဲ့အခါ မြန်မာပြည်သူပြည်သား ဘာအခက်အခဲ မဆို ကျော်လွှားနိုင်စွမ်း ရှိကြတယ်။ ဒီအတိုင်းပဲ နိုင်ငံကြီးကို သွေးထွက်သံယိုဖြစ်စေတဲ့ ရှည်လျားလှတဲ့ ပြည်တွင်းစစ်များကို အဆုံးသတ် နိုင်ကြရမယ်။ သမိုင်းကြည့်ရင် လွတ်လပ်ရေးရချိန် ၁၉၄၈ခုနှစ်မှာစပြီး ဒီနေ့တိုင်အောင် ပြည်တွင်းစစ် မဖြစ်ပဲ၊ ပစ်ခတ်မှုမရှိပဲ၊ တစ်နှစ်မှ မရှိခဲ့ဘူးပြောတယ်။

နောက်တစ်ချက် ၄၀ ရာခိုင်နှုန်း မြန်မာပြည်သူပြည်သား လုံးဝ ဆင်းရဲသူများ ဖြစ်ကြတယ်။ သိန်း သန်းမက မလေးရှားငရဲ၊ ထိုင်းနိုင်ငံငရဲထဲမှာ ခေတ်သစ် ကျွန်ဘ၀ ရောက်နေကြတယ်။ ဒါဟာ နိုင်ငံတော်ကို နစ်နာစေတယ်။ ကြီးမားတဲ့စိန်ခေါ်သံတစ်ခုဟာ အတိဆင်းရဲဒုက္ခဖြစ်တယ်။ ပုပ်ရဟန်းမင်းကြီး မြွက်ဆိုတဲ့ စကားမြတ်အရ မိသားစုစိတ်ဓါတ်ရှိဖို့ လိုလားချက်ဟာ ဆင်းရဲနုံချာ ခေါင်းပါးမှုကို တိုက်ခိုက်ကြရမယ်။ ဆင်းရဲနုံချာတာ ကိုအဆုံးသတ်ဖို့ ပထမဆုံးနှလုံးသားများရဲ့ ကြွယ်ဝမှုကို ဦးစားပေးကြရမယ်။ အဲဒီအတွက် အမြတ်ထုတ်ချင်တယ်။

အာဏာကိုလိုချင်တဲ့ လောဘစိတ်များရဲ့ သွေးထိုးမှုကို ကျော်လွှားနိုင်ရမယ်။ ရန်သူလို့အမြင်ရှိရင် ဒီပုဂ္ဂိုလ်ဟာငါ့ရဲ့ညီအစ်ကိုမောင်နှမများဖြစ်ကြတယ်။ တိုက်ချင်သတ်ချင်တဲ့စိတ်ကို လျှော့ပြီး လက်နက်ကို မကိုင်ပဲ ဆွေးနွေးတိုင်ပင်ကြဖို့တွေ့ ကြပါ။ အခွင့်လွတ်ကြပါ။ မိတ်သဟာယဖြစ်စေကြပါ။ ဒါမှ မြန်မာပြည် ကြီးတရားမျှတမှု ဆောက်တည်မယ်။ တစ်ဦးနှင့် တစ်ဦး တစ်ဖက်နှင့်တစ်ဖက်ယုံကြည်မယ်။ ပြည်တော်ကြီး အတွက် မျှော်လင့်စရာဖြစ်မယ်။ ကိုးကွယ်ဘာသာတိုင်း၊ တိုင်းရင်း ပြည်သူပြည်သားတိုင်း၊ ညီအစ်ကို မောင်နှမတိုင်းကို နိုင်ငံတစ်ဝန်းလုံးမှာ အထူးပျော်ရွှင်သော နှစ်သစ်ဖြစ် ပါစေလို့ နှုတ်ခွန်း ဆက်သပါတယ်။ လက်တွဲကြပြီးရောင်စုံလှပတဲ့ သက်တန့်နိုင်ငံသစ်ကိုတည်ဆောက်ကြပါစို့။ ၂၀၁၄ခုနှစ်သည် ခေတ်သစ်ပိုမိုလွတ်လပ်သော နိုင်ငံသာမက မြန်မာတ၀ှမ်းမိသားစုစိတ်ဓါတ်နဲ့ လွှမ်းမိုး နိုင်ပါစေ။ မိသားစုစိတ်ဓါတ် ရှိမှသာ တည်ငြိမ်သော ငြိမ်းချမ်းခြင်းနဲ့ တိုးတက်ကြွယ်ဝခြင်းများ ဆွတ်ခူး နိုင်ပါတယ်။ ညီအစ်ကိုမောင်နှမတို့ မြန်မာနိုင်ငံ အသစ်ဖြစ်နိုင်ပါတယ်။ တရားမျှတခြင်း၊ ငြိမ်းချမ်းခြင်းနဲ့ မြန်မာပြည်ကြီး တဖန် မွေးဖွားတော့မယ်။ ရောင်စုံမတူခြားနား ခြင်းနဲ့ ညီညွတ်ခြင်းကို အောင်ပွဲခံကျင်းပကြမယ်။ လွတ်လပ်တဲ့ မြန်မာပြည်ကြီး အမုန်းတရားနဲ့ ကင်းတဲ့ နိုင်ငံဖြစ်နိုင်ရမယ်။ လိုအပ်ချက်က မိမိကိုယ်ကျိုး အမြတ်ထုတ်မဲ့အစား ကိုယ့်ကိုယ်ကို အနစ်နာခံနိုင်ခြင်း၊ တစ်ပါးသူကို ဖိနှိပ် အနိုင်ကျင့်မဲ့အစား အစေခံ နိုင်ခြင်းများဖြစ်ပါတယ်။ တစ်ခြားတစ်ပါး လူပုဂ္ဂိုလ်ဖြစ်ဖြစ်၊ လူစုပဲဖြစ်ဖြစ်၊ နိုင်ငံပဲ ဖြစ်ဖြစ်အားလုံးကို ကိုယ့်မိသားစုလို့ မြင်နိုင်ကြရပါမယ်။ ခရစ်ယာန်ရဲ့စိတ်ဓါတ်ဟာ ဘေးကလူကို သူ့ရပိုင်ခွင့်နဲ့လူသား တစ်ဦးလို ချစ်ခင်တာထက် လူတိုင်းဟာ အသက်ရှင်သော ဘုရားရဲ့ပုံသဏ္ဍာန်တော်များ ဖြစ်ကြတယ်ဆိုတာလက်ခံနေခြင်း ဖြစ်တယ်။

ကျွန်ုပ်တို့ ဒီ၂၀၁၄နှစ်သစ်နဲ့အတူ မြန်မာပြည်ခေတ်သစ်ဆီ ဦးတည်တဲ့အခါ ရဟန်းမင်းကြီး သူတော်မြတ် ဖရန်စစ်နဲ့အတူတူ ပဲ့တင်ထပ်ကြေငြာချင်တာက ပဋိပက္ခကြောင့်၊ စစ်ဒဏ်ကြောင့် အတိဒုက္ခရောက်နေသူများ (I assure you of my personal closeness) သင်တို့အနားမှာရှိပါတယ်။ အသင်းတော်ရဲ့ လုပ်ငန်းစဉ် ဟာလည်း သခင် ယေဇူးချစ်ခြင်းအတိုင်းပါပဲ။ စစ်ကြောင့်အကွယ်အကာမရှိ ဒုက္ခသည်များအတွက် ငြိမ်းချမ်းခြင်း မေတ္တာ အနာအဆာဒဏ် ရာရသူများ၊ အစာငတ်နေသူများ၊စစ်ပြေးဒုက္ခသည်များ၊ နေရာအိုးအိမ်မဲ့နေရသူများ၊ ကြောက်ရွံ့စိတ် တထိတ်ထိတ်နေ ရသူများကိုကူညီအစေခံဖို့ အသင်းတော်အနေနဲ့ အဆင်သင့်ရှိပါတယ်။ အကြမ်းဖက်ဖို့သွေးထိုးနေသူများ လက်နက်ကိုင်ပြီး အသက်သေအောင်လုပ်နေသူများကို ကျွန်ုပ်အနေနဲ့ အနူးအညွတ် မေတ္တာရပ်ခံချင်ပါတယ်။

ဒီနေ့ သင်တို့နဲ့ အတူ ဆရာတော် ဆုတောင်းလိုတာက အိုအဖဘုရား- My Father - our Father - let my country awake တပည့်တော်ရဲ့ မြန်မာနိုင်ငံတော်ကြီးကို နိုးကြားစေတော်မူပါ။ အာမင်။

ခရစ္စမတ်သတင်းကောင်း Christmas Message

CHRISTMAS is JESUS Birthday! ခရစ္စမတ်သည် ယေဇူးဘုရားမွေးနေ့

ခရစ်တော်ယေဇူးက “သင်တို့ကိုသာ ငါအလိုရှိ၏” (2 Cor 12: 14)

ခရစ္စမတ်စ် သည် ခရစ်တော်ယေဇူးရဲ့ မွေးနေ့၊ Brithday မွေးနေ့လက်ဆောင် သူအလို လားဆုံးကျွန်တော်တို့ရဲ့ဘ၀ကို လက်ဆောင်အဖြစ်ပေးခြင်းဖြစ်၏။ခရစ်တော်ယေဇူးဘုရား အရာ အားလုံး ပိုင်းဆိုင်သော အရှင်ဖြစ်ပေမယ့် ကျွန်တော်တို့ ဆန္ဒသဘောထား လွတ်လွတ်လပ်လပ် ပေးရန်ဖြစ်ပြီး အဓမ္မမတောင်းပါ။

          ခရစ်တော်ယေဇူးဘုရားရှင် ကျွန်တော်တို့ကို ပိုင်ဆိုင်တာမို့ ကျွန်တော်တို့ ခရစ်တော်ကို ရွေးနိုင် (သို့မဟုတ်) ငြင်းပယ်နိူင်၏။ ဒီနှစ်ခရစ္စမတ်စ်မှာ ယေဇူးဘုရားအလိုရှိသော လက်ဆောင်ပေးရာမှာ ရောင်း ချရန်ကုန်ပစ္စည်းများ၊ ခြောက်ပစ်ကင်းမဟုတ်သောအရာများ၊ ခရစ်တော်၏အသင်းတော်ကို မိမိအား ဆက် သရာ၌ အညစ်ကြေးမရှိ၊ အစွန်းကွက်မရှိဘဲ သန့်ရှင်း၍ အပြစ်ကင်းစင်လျက် ဂုဏ်သရေနှင့် ပြည့်စုံးစေ ရန်ဖြစ်၏။ (ဧဖက်သြ၀ါဒစာ ၅း ၂၇)

          ခရစ်တော်၌ရရှိသော အသက်သစ် ညီအစ်ကိုတို့ ငါသည်ဘုရားသခင်၏ သနားကရုဏာ တော်ကို ထောက်ထား၍ သင်တို့အား တိုက်တွန်းနိူးဆော်လိုသည်မှာ “သင်တို့၏ ခန္ဓာကိုယ် များကို သက်ရှိ ယဇ်ပူ စော်သက္ကာကဲသို့ သန့်ရှင်းမြင့်မြတ်၍ ကိုယ်တော်နှစ်သက်လက်ခံဖွယ်ရာ ဖြစ်စေခြင်းငှါ ဆက်ကပ်ပူ ဇော်ကြလော့။ (ရောမ ၁၂း ၁)

          He wants us to wish Him a “ Merry Christmas”.

ခရစ်တော်ယေဇူး အလိုရှိတာ ကျွန်တော်တို့ဘုရားရှင်ကို မယ်ရီခရစ္စမတ်စ်ဟု နှုတ်ဆက်ခြင်း ဖြစ်၏။ ကောင်းကင်သိကြားတမန်တော်က မယ်တော်မာရီယားအား မကြောက်ရွံ့နှင့် (လုကား ၁း ၃၀) အလားတူ ကျွန်တော်တို့လူသားများ ယေဇူးဘုရားကို လက်ဆောင်အဖြစ်လက်ခံသောအ ခါ အမိမယ် တော်မာရီယားကဲ့သို့ မကြောက်ရွံ့ရန်ဖြစ်၏။

သုံးပါးတစ်ဆူး သန့်ရှင်းသောဝိညာဉ်တော်ဘုရား၏ တန်းခိုးတော် ကျွန်တော်တို့အပေါ် ဆင်း သက်၏။ “ကောင်းကင်တမန်က သန့်ရှင်းသော ၀ိညာဉ်တော်သည် သင့်အပေါ်ဆင်းသက်လိမ့်မည်၊ အမြင့်ဆုံးသောအရှင်၏ တန်းခိုးအာဏာတော်သည် သင့်ကို လွမ်းမိုးလိမ့်မည် (လုကား ၁း ၃၅)

မယ်တော်မာရီယားသည် ဘုရားသခင်ရဲ့အလိုတော်ကို လက်ခံရာမှာ “ကျွန်မသည် ဘုရားသခင်၏ အစေခံဖြစ်ပါ၏၊ သင်၏ စကားတိုင်း ကျွန်မ၌ ဖြစ်ပါစေ (လုကား ၁း၃၈) Let it be done to us according to God’s  Word. ကျွန်တော်တို့ အပေါ် ဘုရားသခင်၏ စကားအတိုင်းဖြစ်ပါစေ၊ ကျွန်တော်တို့ ကြွေး ကြော် နိူင်ပါစေ။

God is Holy. ဘုရားသခင်သည် သန့်ရှင်းမြင့်မြတ်တော်မူ၏။

          ငါသည် သန့်ရှင်းမွန်မြတ်တော်မူတော်သောကြောင့် သင်တို့သည်လည်း သန့်ရှင်းမွန်မြတ်ကြလော့ (ပေတရု သြ၀ါဒစာ ပထမစာဆောင် ၁း ၁၆) ဘုရားရှင်သည် သန့်ရှင်းမြင့်မြတ်တာမို့ ကျွန်တော်တို့လည်း သန့်ရှင်းမြင့်မြတ်ကြဖို့ တိုက်တွန်းထား၏။ ဘုရားသခင် မတက်နိူင်သောအရာ တစ်စုံတစ်ခုမျှမရှိ (လုကား ၁း ၃၇) For nothing is impossible with God.

ယေဇူးဘုရားရှင် ရွှေ၊ ငွေ၊ လော်ဗန်နံသာ၊ မီးရာ၊ အမွေးကြိုင် မလိုအပ်ပါ

          အရှေ့တိုင်းပြည်မှ မင်းပညာရှိများသည် သူငယ်တော်ယေဇူးကို သူ၏ မယ်တော်မာရီယားနှင့်အတူ တွေ့မြင်ကြသောကြောင့် ပျပ်ဝပ်ရှိခိုးလျက် မိမိတို့ ဘဏ္ဍာ ပစ္စည်းတို့ကို ဖွင့်ကြပြီး ရွှေ လော်ဗန်၊ မီးရားတို့ကို ဆက်ကပ်ကြ၏ (မာတေဦး ၂း ၁၁)

          ယေဇူးဘုရားရှင်း၏ ဆန္ဒ အကောင်းဆုံး အောင်မြင်မှု ရရှိလိုသော ရွှေ ငွေ လက်ဆောင်များ ဘယ်လို တန်ဖိုးကြီးပါစေ၊ ခရစ်တော်ကို ချစ်လို့ သူလိုချင်တမ်းတသော ကျွန်တော်တို့ ဘ၀ကြီးကို သူကို ပေးအပ်လိုက်ပါ။

နီလာစမိုင်း (ရေဦး)

St. Mary’s Church

မြင်းခြံ

(အထက်ပါ ခရစ္စမတ်သတင်းကောင်းမှာ မြင်းခြံမြို့ စိန်မေရီဘုရားကျောင်းမှ ကျောင်းထိုင်ဘုန်းတော်ကြီး ဖာသာရ်ပြုံးချို (နီလာစမိုင်း)မှ ပေးပို့ထားခြင်းဖြစ်ပါတယ်။) 

အလင်းသက်သေ၏ တစ်နှစ်ပြည့်သုံးသပ်ချက်များနှင့် ရှေ့ခြေလှမ်းများ

အလင်းသည် မှောင်မိုက်တွင် ထွန်းလင်း၏။ မှောင်မိုက်မူကား အလင်းကို မလွှမ်းမိုးနိုင်ချေ။ (ယောဟန် ၁း၅)

ဘုရားသခင်၏ ကျေးဇူးတော်ကို ချီးမွမ်းရင်း အလင်းသက်သေ (မြန်မာကက်သလစ် ဘလော့)ကို ဖတ်ရှု့ အားပေးကြသော ဓမ္မမိတ်ဆွေအပေါင်းတို့ မင်္ဂလာပါလို့ နှုတ်ခွန်း ဆက်သလိုက်ပါသည် -

သန့်ရှင်းသော ၀ိညာဉ်တော်၏ ကျေးဇူးတော်ဖြင့် ဇန္ဒ၀ါရီလ (၁၄) ရက်နေ့ဆိုလျှင် အလင်းသက်သေ (မြန်မာကက်သလစ် ဘလော့) စတင် တည်ထောင်ခြင်း  (၁) နှစ်ပြည့်မြောက်ခဲ့ပြီဖြစ်သည်။ ဘုရားသခင်၏ ကျေးဇူးတော်ကြောင့်သာလျှင် ယခုလို (၁) နှစ်ပြည့်မြောက်ခဲ့သည့်တိုင်  မြန်မာကက်သလစ် အသင်းတော်၏ လိုအပ်ချက်ကို တထောင့် တနေရာမှာ ပါဝင်နေနိုင်ခဲ့ခြင်း ဖြစ်ပါသည်။ ထိုအပြင် ဘာသာတူ ညီအစ်ကို မောင်နှများ၏ အားပေးမှု့ကြောင့်လည်း ယခုကဲ့သို့ ဆပ်ကပ်နိုင်ခဲ့ခြင်းကြောင့် ကျေးဇူး အထူးတင်ရှိကြောင်း ပြောကြားလိုပါတယ်။

ထို (၁)နှစ်အတွင်း အလင်းသက်သေ၏ ပါဝင်ဆက်ကပ်နိုင်ခြင်းများကို ပြန်လည် သုံးသပ်ပြီး ရှေ့ဆက်လုပ်ဆောင်မည့် အစီအစဉ်များကို ဘာသာတူတို့အား ယခု ပိုစ်ဖြင့် အသိပေးပြောကြားလိုပါသည်။ အလင်းသက်သေ၏ ပါဝင်ဆက်ကပ်နိုင်ခြင်းများအား ပြန်လည်သုံးသပ်ရလျှင်  ကျေနပ် အားရများရှိသလို အားနည်းချက်များလည်း ရှိခဲ့ပါသည်။ ထို အားသာချက်/အားနည်းချက်များကို ပြန်လည် သုံးသပ်ပြီး နောက်နှစ်များတွင် ယခုထက်ပိုပြီး ဘုရားသခင်အား ဆက်လက် အစေခံနိုင်ရန် ကြိုးစားသွားမည်ဖြစ်ကြောင်း တင်ပြလိုပါသည်။

အလင်းသက်သေ (မြန်မာကက်သလစ် ဘလော့)တွင် တနင်္ဂနွေ အပတ်စဉ် ကမ္မဋ္ဌာန်း ထောက်ရှုချက်များ ကိုရင် (ဒိုမီနီကန်) မှ ရေးသားနိုင်ခဲ့ပါသည်။ ထိုအပြင် ပြည်တွင်း/ပြည်ပ ဘာသာရေးသတင်းများ၊ ဆောင်းပါးများ၊ ကဗျာများနှင့် စာစောင်များကိုလည်း တင်ဆက်နိုင်ခဲ့ရာ တနှစ်ပတ်လုံး (၁၈၀) ကျော်တင်နိုင်ခဲ့ပါသည်။ ဘလော့သို့ လာရောက် ဖတ်ရှု့သူများလည်း တနေ့တခြားတိုးတက်လာရာ  ဖတ်ရှု့ကြသည့် အကြိမ်ပေါင်း (၁၄,၁၃၅) ကျော်ထိ ရှိနေပြီဖြစ်ပါသည်။

ဝင်ရောက် ဖတ်ရှုသူ အများဆုံးနိုင်ငံ (၅) နိုင်ငံမှ မြန်မာနိုင်ငံ၊ အမေရိက၊ စင်္ကာပူ၊ မလေးရှား၊   မကာအိုို တို့မှ ၀င်ရောက် ကြည့်ရှုခဲ့ကြပါသည်။ အလင်းသက်သေ (မြန်မာကက်သလစ် ဘလော့)တွင် တင်သော ပိုစ့်များအား ဖေ့ဘွတ်အကောင့်တွင် ထပ်မံ Share  ပေးရာ ထို ဖေ့ဘွတ်ဂရုအား လိုက်လုပ်သူများလည်း တလထက် တလတိုးတက်လာရာ ယခုအချိန် အထိဆိုလျှင် ၆၅၇ ဦးကျော်ရှိနေပြီဖြစ်ပါသည်။  ထိုဖေ့ဘွတ်အကောင့်နှင့် ဆက်ဆက်ပြီး တခြားသော "မြန်မာပြည်ရှိ ကက်သလစ် ဘုရားကျောင်းများ" page ကို ပြုလုပ်ပေးခဲ့ရာ ဘာသာတူများ၏  ကြိုက်နှစ်သက်မှု့များနှင့် ပါဝင်မှုများကို ရရှိခဲ့ပါသည်။

ထို ကျေနပ်ချက်များနှင့် အတူ အားနည်းချက်များကို ပြန်လည်သုံးသပ်ရလျှင် ယခုဘလောက်သို့ ၀င်ရောက် ဖတ်ရှုသာ ဘာသာတူဦးရေသည် မြန်မာနိုင်ငံကက်သလစ်ဘာသာတူ အင်တာနက် အသုံးပြုသူ အရေအတွက်၏ ၃ ပုံလျှင် ၁ ပုံမျှသာ ရှိနေသေးသည်။  ဒါပြင် ၀င်ရောက် ဖတ်ရှုသူများသည်

ထက်ဝက်ကျော်မှ ပြည်ပရောက် ဘာသာတူများသာ ဖြစ်ပါသည်။  ကြိုးစား ရပါဦးမည်။ ပို့စ်တင်မှု့ အခြေအနေများကို သုံးသပ်ရလျှင် တနင်္ဂနွေ အပတ်စဉ် ကမ္မဋ္ဌာန်းများကို ကိုရင် (ဒိုမီနီကန်) မှ ပင်ထိုင်ရေးသားနေခဲ့ရာ ကိုရင် မြန်မာပြည်သို့ ခွင့် (၂) လ သွားရောက်ချိန်များတွင် အပတ်စဉ် မတင်နိုင်ခဲ့ခြင်း၊ ကိုရင်မှ မြန်မာပြည်မှ ကြိုးစားခဲ့ရာတွင်လည်း လိုင်းအားနည်းခြင်းကြောင့် အဆင်မပြေဖြစ်ခြင်းများကြောင့် ပို့စ်တင်မှု့များလည်း လျှော့ကျသွားခဲ့ရာ ၀င်ရောက်ဖတ်ရှုသူဦးရေ

ထိုလများတွင် ကျဆင်းသွားခဲ့ပါသည်။ ဘာသာရေးသတင်းများ တင်ဆက်မှု့ကို သုံးသပ်ရလျှင် အများဆုံး တင်ဆက်နိုင်သော ဘာသာရေးသတင်းများမှ ဘာသာပြန် ဘာသာရေးသတင်းများသာ ဖြစ်နေပါသည်။ သို့သော် ၀င်ဖတ်ရှုသူများသည် ပြည်ပရောက် ဘာသာတူများ ဖြစ်ကြသောကြောင့် မြန်မာနိုင်ငံ ပြင်တွင်းမှ ဘာသာရေး သတင်းများကို ပိုမို စိတ်ဝင်တစား ဖတ်ရှု့တောင်းဆိုကြပါသည်။ အလင်းသက်သေ အဖွဲ့အနေဖြင့် အတက်နိုင်ဆုံး ဖြည့်ဆည်းပေးလျှက်ရှိရာ ဂလိုရီယာဂျာနယ်ဖြင့် ချိပ်ဆက် ခွင့်တောင်းပြီး ဂလိုရီယာဂျာနယ်အား အလင်းသက်သေ ဘလော့တွင် ထည့်သွင်းဖော်ပြနိုင်ခဲ့ပါသည်။

အလင်းသက်သေ အဖွဲ့ တည်ထောင်သူများ ပြည်ပရောက် မြန်မာကက်သလစ် ဘာသာတူများ ဖြစ်သဖြင့် မြန်မာပြည်တွင်းမှ ဘာသာရေး သတင်းများ ရယူနိုင်ရန်မှာ အခက်အခဲရှိနေကြောင်း၊ ပြည်တွင်းမှာ ဘာသာရေး သတင်းများ ပေးပို့ပေးကြဖို့ရန် အစဉ်အမြဲ ဖိတ်ခေါ် တောင်းခံလျှက်ရှိနေပါသည်။ ပူးပေါင်းပါဝင် ကူညီပေးကြဖို့ကိုလည်း တိုက်တွန်းနိုးဆော်အပ်ပါသည်။  ရှေ့ဆက်လုပ်ဆောင်မည့် အစီအစဉ်များတွင် ယခု တနှစ်တာ၏ အတွေ့အကြုံများပေါ် မူတည်ပြီး အချို့လုပ်ငန်းလေးတွေကို ချဲ့ထွင်စေချင်သည့် သဘောဖြစ်ပါသည်။ ပထမအစီအစဉ်အဖြစ် အလင်းသက်သေဘလော့သည် Google ၏ blog ပေါ်တွင် လွင့်တင်ထားရာမှ အလင်းသက်သေ၏ ကိုယ်ပိုင် ဒိုမိန်း www.ALinnThetThay.org ကို ၀ယ်ယူပြီး ပြောင်းလဲ လွင့်တင်သွားမည် ဖြစ်ကြောင်း အသိပေးပြောကြားလိုပါသည်။ Website ဒီဇိုင်းကို စာဖတ်သူ လွယ်ကူစွာ ဖတ်ရှု့နိုင်ရန် ယခု ဘလော့ပုံစံဖြင့် လွင့်တင်သွားမည်ဖြစ်ကြောင်း အသိပေးအပ်ပါသည်။ ကျွန်ုပ်တို့ဘလော့ဟာ ဘာသာရေး ၀က်ဆိုဒ်အဖြစ် ပီပီပြင်ပြင်ပေါ်လာသည့် အလျောက် စာဖတ်ပရိတ်သပ် အချို့ဟာ ကျွန်ုပ်တို့အားဖြင့် ဂရုဏာရေးလုပ်ငန်း အချို့တွင် တိုးချဲ့ ပါဝင် လှုပ်ရှားစေလိုကြပါတယ်။ ထို  ဒုတိယ အစီအစဉ်ကို ဖော်ဆောင်ရန် ယခု လက်ရှိအချိန်ထိ အလင်းသက်သေမှာ ရံဘုံငွေများ၊ ထောက်ပံကြေးများ၊ အလှူများ မရရှိ။ မထားရှိပါ။ ယခုကဲ့သို့ အကြံပေးပို့ချက်များကြောင့်လည်း ဂရုဏာရေးလုပ်ငန်းများကို တိုးချဲ့ပြီး လှုပ်ရှား ဆောင်ရွက်ရန် ဖြစ်ပေါ်လာသော အခါ ထိုရံပုံငွေထည့်သွင်း စဉ်းစား လာရပါသည်။

ရည်မှန်းထားချက်မှာ အလင်းသက်သေ၏ ရံဘုံငွေအချို့ထားရှိပြီး ထို ရံဘုံငွေမှနှင့်အတူ အခါအားလျော်စွာ လှူဒါန်းမှု့များကို လိုအပ်သည့်နေရာများ ကို ထောက်ပံလှူဒါန်းရန်ဖြစ်ပါသည်။  ဥပမာ မိဘမဲ့ကလေးငယ်များ၊ သက်ကြီးရွယ်အိုများနှင့် အခြား မစွမ်းမသန်သူများကို ပံ့ပို့ထောက်ပံ့သွားမှာ ဖြစ်ပါတယ်။ ထိုကြောင့် ရှေ့ဆက်၍ ကျွန်တော်တို့ အလင်းသက်သေမှ လက်ခံရရှိလာသည့် အလှူငွေများကို နည်းစနစ်ကျကျ လက်ခံထိန်းသိမ်း ဖြန့်ဖြူးနိုင်ရန် စီစဉ်နေပါတယ်။ အလှူငွေများ ပို့လာပါကလည်း လက်ခံနိုင်ရန် ဘဏ်အကောင့်ဖွင့်ဖို့၊ ပေးပို့လာသည့် အလှူငွေများ အပေါ်မူတည်ပြီး ထိုဂရုဏာလုပ်ငန်းများကို မြန်မာပြည်မှ ဆက်သွယ်လာသည့် ဘုန်းကြီး၊ သီလှရှင်နှင့် အခြားလူကြီးမင်းတို့ကို ချိတ်ဆက်၍ ထောက်ပံလှူဒါန်း လုပ်ဆောင်သွားရန် ရည်မှန်းထားပါသည်။

ထို့အပြင် ကျွန်တော်တို့၏ အလင်းသက်သေရဲ့ အဓိက ရည်မှန်းချက် မပြည့်မြောက်သေးပါဘူး။ ထို ရည်မှန်းချက်မှာ မြန်မာနိုင်ငံ ကက်သလစ် အသင်းတော်တစ်ခုလုံး၏ သာသနာအသီးသီးမှာ  ဖြစ်ပျက်နေမှု့များကို သတင်းများ အဖြစ်သော်လည်းကောင်း၊ ဆောင်းပါးများ အဖြစ်သော်လည်းကောင်း၊ ရသမျိုးစုံဖြင့် ပိုမို ဝေမျှလိုပါတယ်။ ပိုမို ဖော်ပြလိုပါသည်။ သာရေးသော်လည်းကောင်း၊ နာရေးသော်လည်းကောင်း အားလုံး ပူးပေါင်းပါဝင်မှု့ဖြင့်  မျှဝေ ပေးပို့ဖလှယ်ကြပြီး အင်တာနက် ခေတ်ဖြစ်သည်နှင့် အညီ လျှင်မြန်စွာ တချိန်တည်း သိရှိစေလိုပါတယ်။ ထိုကြောင့် မြန်မာနိုင်ငံအတွင်းမှ ပူးပေါင်း ပါဝင်လာမည့်သူများ၏ လုပ်အားမှာ အလွန်ပင် လိုအပ်ပါတယ်။ ကျွန်တော်တို့ အလင်းသက်သေမှ ထပ်မံ ဖိတ်ခေါ်ပါတယ်။ စိတ်ပါဝင်စားစွာ ပူးပေါင်း ပါဝင်လာကြမယ်လို့ မျှော်လင့်ပါတယ်။ ယခုလည်း နှစ်ပတ်လည် အထိမ်းအမှတ်ဖြင့် တနှစ်အတွင်း သတင်း၊ ဆောင်းပါး၊ ကဗျာများပေးသူများကို အသင်းသက်သေ လိုဂိုဖြင့် ရှပ်အင်္ကျီ အချို့ထုတ်ပြီး လက်ဆောင်ပေးလိုသော်လည်း အဖွဲ့ရံဘုံငွေ လစ်လပ်မှု့ကြောင့်လည်းကောင်း၊ တာဝန်ယူ ရိုက်နှိပ်၊ ဖြန့်ဝေပေးမည့် လုပ်အားများ မရှိခြင်းကြောင့် ယခုနှစ်တွင် ပြုလုပ်နိုင်ရန် အကောင်အထည် မဖော်နိုင်ခဲ့ပါ။ သို့သော်လည်း နောင်တွင် ပိုမို ပီပြင်အောင် လုပ်ဆောင်နိုင်ဖို့ အများကြီး မျှော်လင့်မိပါတယ်။ ကျွန်တော်တို့ အလင်းသက်သေ၏ အောင်မြင်မှု့အပေါ်မူတည်၍ အခြား ရည်မှန်းချက်များကိုလည်း အကောင်ထည် ဖော်သွားမည် ဖြစ်ပါတယ်။ ကြိုးစားသွားပါမည်။

စာဖတ်သူအနေဖြင့် တခြားသော ကူညီအားပေးမှု့များ မပြုလုပ်နိုင်ပင်လျှင် အဓိက ကူညီနိုင်သော အချက်တချက်ရှိပါသည်။ ထိုအချက်မှာ ဆုတောင်းပေးခြင်းပင် ဖြစ်သည်။ ဆုတောင်းခြင်းသည် မရှိမဖြစ် အထူး လိုအပ်သောအရာ ဖြစ်သည်။ ဘုရားသခင်၏ ကျေးဇူးတော် ယခုနှစ် တနှစ်လုံး အတူတကွ ရှိနေတော်မူခြင်း၊  ကျွန်ုတို့၏ စိတ်ဝိညာဉ်ကို ဘုရားသခင် လှုပ်ရှားစေခြင်း၊ သမ္မာတရားကို မြင်စေရန် မျက်စေ့ဖွင့်ပေးခြင်း တို့မှာလည်း ဆုတောင်းပေးခြင်းကြောင့် ဖြစ်ပါသည်။ ထိုကြောင့် အလင်းသက်သေကို ပိုမိုပြီး ဘုရားသခင်၏ အလင်းတော်ကို သက်သေခံနိုင်သော ကျေးဇူးတော်ခံစားရနိုင်ဖို့ သင်တို့ ဆုတောင်းပေးကြပါရန် ခရစ်တော်၏ နာမတော်အားဖြင့် တောင်းခံအပ်ပါသည်။

အလင်းသက်သေ (မြန်မာကက်သလစ် ဘလော့)

သရုပ်ဆောင်ရဲတိုက်၏ဆန္ဒထုတ်ဖော်ခြင်းနှင့်ပတ်သက်သည့်ဖြစ်ရပ်မှန်

စိန်မေရီကာသီဒြယ်ဘုရားကျောင်းတော်ကြီးသည်ကက်သလစ်ခရစ်ယာန်ဘာသာဝင်များ၏ ၏အထွဋ်အမြတ်ထားရာဝတ်ပြုကိုးကွယ်သည့်နေရာဖြစ်သည်။ 
နံနက် ၈း၃၀နာရီမှ နေ့ လည်၁၂း၀၀နာရီအထိတစ်ကြိမ်၊ မွန်းလွဲ ၂း၀၀နာရီမှ ညနေ ၆း၀၀ နာရီအထိတစ်ကြိမ်၊ ဘုရားဖူးဘာသာတူများနှင့် လာရောက်လေ့လာသူများနှင့် ၀တ်ပြုဆုတောင်း သူများ အတွက် နေ့စဉ်ဖွင်လှစ်ပေးထားပါသည်။ 
မည်သည့်လာရောက်လေ့လာ၊ ၀တ်ပြုကိုးကွယ်သူ မည်သူမဆိုလူမျိုးဘာသာ မခွဲခြားဘဲ လွတ်လပ်စွာလာရောက်ခွင့်ပြုထားပါသည်။ ရှေးဟောင်းအဆောက်အဦ်းဖြစ်သည်နှင့်အညီ ထူးဆန်းသောဗိသုကာလက်ရာများတည်ရှိရာနေရာဖြစ်ရာ၊ ဗိသုကာပညာရပ်ကိုစိတ်ဝင်စား သောသူများနှင့် ပညာရှင်များလည်းလာရောက်လေ့လာလေ့ရှိပါသည်။
မည်သည့်ဘာသာရေးအဆောက်အဦးမဆို၊ တစ်သီးတစ်ခြားသတ်မှတ်ထား သည့် ဓါတ်တော် မွေတော်များထားရှိရာ သန့် ရှင်းသောနေရာများရှိတတ်ကြပါသည်။ ဤကဲ့သို့သောနေရာများသို့ ၀င်ရောက်ခြင်းကိုအထူးကြပ်မတ် စောင့်ရှောက်ထားပါသည်။
ထိုကဲ့သို့ သတ်မှတ်ထားသည့် နေရာများကို လာရောက်ကြသည့် ဧည့်သည် တိုင်းသည် သင့်တင့်လျောက်ပတ်သည့် ရိုသေလေးစားမှု ရှိကြရမည်ဖြစ်သည်။
ယနေ့ဖြစ်စဉ်မှာ သူတော်စင်များသာဝင်ရောက်ရသည့်၊ ဓါတ်တော် မွေတော်များထားရှိရာ သန့်ရှင်းသည့်နေရာ ၊အထွဋ်အမြတ်ထားရာ (Sanctuary) အတွင်းသို့ ၊ မြန်မာ့ယဉ်ကျေးမှု ဓလေ့စရိုက်နှင့်ဆန့်ကျင်သည့် မတင့်တယ်သော အ၀တ်အစား(စွပ်ကျယ်လက်ပြတ်) နှင့် ၀င်ရောက်ကာ အထွဋ်အမြတ်ထားရာ ဗိမာန်တော်ကိုကျောပေးလျက်၊ မသင့်တင့် မလျောက်ပတ်မလျော်ကန်သောအပြုအမူမျိုး ပြုလုပ်ခြင်း၊ ကိုတွေ့ရှိရလေရာ သက်ဆိုင်ရာ မှသတိပေးပြောကြားခဲ့ခြင်းမှစ၍ မကျေမနပ် ဖြစ်သွားပုံရသည်။ ထိုမှတစ်ဖန်၊ တတိယ အကြိမ် ပြန်လည်ရောက်ရှိလာရာတွင်၊ သတင်းထောက်များ၊ Media အဖွဲ့ဝင်များခေါ်လာပြီး အသင့်ရေးလာသော ဆိုင်းဘုတ်ကိုင်ဆောင်ကာ၊ ဘုရားကျောင်းသာသနာ့ ပုရ၀ဏ်အတွင်း ၀င်ရောက်ကာ၊ မည်သည့်အာဏာပိုင်အဖွဲ့အစည်း၏ခွင့်ပြုချက်မျှရယူခြင်းမရှိဘဲ တစ်ကိုယ် တော်ဆန္ဒပြခဲ့ပါသည်။ သာသနာ့အကျိုးဆောင်အဖွဲ့မှ အကြိမ်ကြိမ် မေတ္တာရပ်ခံ နေ သည့်ကြားမှပင် ကာယကံရှင်မှကိုယ်ထိလက်ရောက်စတင်ကျူးလွန်ခဲ့ပါသည်။ ပိတ်ပင် တားမြစ်ခြင်းခံရသည်ဟု ကာယကံရှင်ကအပြစ်တင်စွပ်စွဲ ပြောဆိုနေသော်လည်း သုံးကြိမ် သုံးခါတိုင်တိုင်ဝင်ရောက်ခဲ့ခြင်းသည်၊ ကာယကံ ရှင်၏ စွပ်စွဲချက်နှင့် လုံးဝ ဆန့်ကျင် နေသည်မှာထင်ရှားပါသည်။
အထက်ပါအပြုအမူများသည် ၊ ရည်ရွယ်ချက်ရှိရှိနှင့် ကြိုတင်ကြံစည်ထား သည်ဟု ယူဆ နိုင်ပါသည်။
ကက်သလစ်သာသနာဘုရားကျောင်းတော်ဝင်းသည် ၀တ်ပြုကိုးကွယ်ခြင်းနှင့် ငြိမ်းအေး ရာနေရာဖြစ်ပြီး၊ မည်သည့်ဆန္ဒပြခြင်းမဆို၊ ထိုသဘောသဘာဝအကြောင်း တရား များ နှင့်ဖီလာဆန့်ကျင်နေပါသည်။
ယခုသတင်းMedia များတွင်ပါသောအကြောင်းအချက်များသည် ဖြစ်ရပ်မှန်နှင့် လွဲမှားစွာ ဖော်ပြထားခြင်းဖြစ်ရာ မလိုလားအပ်သော အကျိုးဆက်များ ဖြစ်ပေါ်လာနိုင်သည်ကို စိုးရိမ် ရသည်ဖြစ်၍၊ ပြည်သူလူထုအနေနှင့် ဖြစ်ရပ်မှန်ကိုသိရှိရန်တင်ပြအပ်ပါသည်။
သာသနာ့အကျိုးဆောင်အဖွဲ့
စိန်မေရီကာသီဒြယ်သာသနာ၊
ရန်ကုန်မြို့  

http://www.facebook.com/pages/StMary-Cathedral/126029727483181