ရင်ခွင်တံခါးလေးဖွင့်ထားဆဲပါ

သူငယ်ချင်း
မာနနဲ့ပြိုင် တုကာယှဉ်တိုင်း
မင်းရဲ့ဘဝ ခရီးလမ်းမှာ

အတ္တကိုစွဲ ငါစွမ်းနိုင်ဟု
ဘုရားကိုမေ့ ဘေးချိတ်ထားက
ဘဝတစ်ကွေ့ တစ်နေ့တစ်ချိန်
ဧကန်မုချ ကျရှုံးမည်မှန်
မင်းရဲ့အတွေး နှလုံးထဲ၌
စွဲမြဲသေချာ မှတ်သားပါလော။

သူငယ်ချင်း
ရှောင်လွှဲမရ တစ်နေ့နေ့မှာ
ကျရှုံးမှုကယက် ရိုက်ခတ်ဒဏ်ကြောင့်
ဘဝတစ်ခုလုံး စုတ်ပြတ်သွားချိန်
မာနကိုပစ် ဗလာနတ္ထိ
နောင်တအပြည့် ရင်ဝယ်ပိုက်ကာ
လှမ်းလာခဲပါ ခရစ်တော်ဆီသာ
ခရစ်တော်ရှင်ဟာ မင်းအတွက်ဆို
ရင်ခွင်တံခါး ဖွင့်ထားဆဲပါ။

P နိုင်နိုင်

ထားခဲ့ပါတယ် . . .

" မင်းက ငအ ငတုံး 

မင်းမို့လို့ ဒီလမ်းကိုလျှောက်တယ် " တဲ့ သူငယ်ချင်းတွေ ပြောသံ

" မိဘကို ပြန်မကြည့်ဘူး

တကိုယ်ကောင်းသမား " တဲ့ မိဘ ပြောသံ
 

" ခေါင်းရှောင်တာ 

မောင်နှမအပေါ်မှာ အကြီးမပီသသူ " တဲ့ မောင်နှမတွေပြောသံ

" အချစ်ကိုတန်ဖိုးမထားဘူး

သစ္စာမဲ့တဲ့ယောင်္ကျား " တဲ့ ချစ်သူ ရဲ့ ဆိုသံ

အသံပေါင်းစုံ ကြားကထွက်ခဲ့တာ ကိုယ်တော်အတွက်ပါ

သံယောဇဉ်တွေ တွဲတာနေလည်း ကိုယ်တော့်အတွက်မို့ ပိုကာမြတ်စေ 

ကားတိုင်ကိုထမ်း ဒီလမ်းလျှောက်ဖို့

 ခေါ်သံကျယ်ကျယ် ပဲ့တင်ထပ်လို့ 

ဘုရားတပည့်တော်လည်း တပည့်တော်ကြီးများနှင့် မခြားနား လိုက်ခဲ့ပါပြီ . .

 လမ်းပြပေးပါအရှင် . . .

သာသနာ့လယ်ကွင်းမှာ စွမ်းစွမ်းတမန် ထမ်းရွက်နိုင်ဖို့

ဝိညာဉ်တော် အလင်းနဲ့ လမ်းပြပေးပါသခင်

ခေါ်သံအောက်မှာ ပျဝပ်စင်းကာ

ထမ်းရွက်ဖို့အသင့်၇ှိသူ တည့်တော်ပါသခင်။ 

                                                                Justine(SFX)

ရဟန်းဘောင်သို့တက်လှမ်းကြမည့် သူများအတွက်ရည်ရွယ်ရေးသားပါသည်။

ဟက်ပီ ဘတ်ဒေးလ် ပါးပါးဘနက်ဒစ်(၁၆)

ယုံကြည်ခြင်းပျောက် အမှောင်လမ်းဝယ်

ဝိုးတ၀ါးနဲ့ တဇွတ်ထိုး
သွားကာ သွားနေ ပန်တိုင်မတွေ့
ဤကမ္ဘာ ထိုလူသားများ
ဘယ်ကို သွားနေကြပါအံ့။

အုပ်မြစ်မချ အခြေမခိုင်
လမ်းတ၀က်မှဖြတ် ကြုံရာခရီး
တကောက်ကောက်လိုက်
ထိုလူများလည်း
ဘယ်ခရီးပန်းတိုင် လိုက်ပါသွားပါအံ့။

ဤအချိန်ခါဝယ် ဘုရားစေလွှတ်
တမန်တော်ကြီး
အုတ်မြစ်ကို အခြေတည်ပေး
ခိုင်မြဲစေရန် သူကြိုးစား
ယုံကြည်ခြင်းပျောက် အမှောင်လမ်းထဲ
တရားမီးတိုင် သူထွန်းညှိ
အလင်းတန်ဆောင် သူဖော်ဆောင်
မျက်စိအလင်း သူဖွင့်ခဲ့

ကဲ- ကမ္ဘာလူသား သင်မြင်စမ်း
အဘယ်ခရီး သင်သွားပါအံ့။

အသက်တော် (၈၆)နှစ်ပြည့် မွေးနေ့ပွဲအတွက် ပါးပါးဘနဒစ်(၁၆)အား ဂုဏ်ပြုနှုတ်ဆက်လျက်
ကိုရင် (ဒိုမီနီကန်) ရေးစပ်သည်။

မေတ္တာပန်းဆန်းဒေးကဗျာ

မြေမှာခင်းကျင်း မာနအချင်း
ကိုယ်တော်ကြွလာ လမ်းတလျှောက်မှာ
ကြိုကာလေပြု ဒီလူတစု
နောက်ဆုံးတော့လည်း
တင်ပါသတ်ပါ အော်ကာဟစ်ကြ

ဟေရုဒ်ရှေ့မှာ ဒီလူတွေ
ကိုယ်တော်တောင်းတ ဒို့နှလုံးသား
အ၀တ်တွေမစုတ် နှလုံးသားတွေ စုတ်
ပန်းတွေ မခင်း နှလုံးသားကိုကျင်း
တောင်တွေ မဖြို မာနတွေ ချိုး
ကျင့်ကြံတည်ဆောက် ၀ါတွင်းတလျှောက်
ပြောင်းလဲ ပြုပြင် တို့ ဘ၀တွေ
ပေးအပ်ခံစား ကိုယ်တော့်ထံပါး

သက်သေတည်ရင်း ပြန်လည်ကြွေးကြော်

ဟိုရှဏ္ဏ ဟိုရှဏ္ဏ ဟိုရှဏ္ဏ. . . 

Justine (SFX)

စွန့်သူနဲ့ ပေးသူ

အိပ်တ၀က် နိုးတ၀က် ငါ့ဝမ်းစာအတွက်
ပင်လယ်ပြင်ထက် အသက်ကိုအပ်ကာ
ဖမ်းလိုက်ရသည့်ငါး မိုးပင်လင်းသွား
ငါ့ပိုက်ကွန်ကိုကြည့် ဗလာနတ္တိ။
စိတ်ဓါတ်အားမာန် ကုန်ခမ်းလေပြီ . . .

ကုန်ခမ်းစိတ်ဓါတ်  သခင်ပြန်ဆက်ကာ
မာကျောနှလုံး စီမွန်အဖို့ကား

ရွှေ့လောနက်ရာ ရေရှိရာသို့
သခင့်ရဲ့စကား ရင်မှာထားကာ
နာခံသည့်အကျိုး ငါ့အဖို့ ထူးပေလှသည်။

စွန့်ခဲ့ဥစ္စာ သံယောဇဉ်များ 
ထားခဲ့ဖခင် လှေတစင်းနှင့်

ငါးပင်မဟုတ် လူပင်ဖမ်းကာ
အသင်းတော်အား တည်မည့်ကျောက်အား
ပေးသည့်သော့ကား ရွှေနိုင်ငံအ၀င် ဂိတ်တံခါးပါလား။

Justine (SFX)

တို့ထိခွင့်လေး

လှမ်းကာလျှောက်လာ ဒီလမ်းပေါ်မှာ

ဖောက်ကာလေထွက် လူအုပ်အထက်

သခင့်ခြေလှမ်း ငါ့လက်တကမ်းမှာ

ခံစားဝေဒနာ ငါ့ရောဂါအား

သခင့်ရဲ့မေတ္တာ ဒီသစ္စာနဲ့

သူ့ရဲ့သင်္ကန်း ငါလေလှမ်းကာ

ထိခွင့်ပန်ကြား သခင့်ထံပါး

ပျောက်ပါစေသား ဒီရောဂါများ

ကုသစေရာ သူ့ဝေဒနာ

တိုးကာလေပွား ယုံကြည်ခြင်းများ

တုယူစံထား ငါတို့များ

လိုက်ကာလေကျင့် သူ့ရဲ့ အကျင့်။

Justine (SFX)

မိခင်ရဲ့ချစ်အင်းအား

ရင်ဝယ်ထွေးပိုက်ခဲ့ရ သည်ချစ်သား
လောကသားများတွက် သူရည်ရွယ်ကာ
ကားတိုင်ထွက်မှာ အသက်စတေး
ကားတိုင်အောက်မှ ဒီမိခင်
ကုန်ခမ်းမျက်ရည် နွမ်းရိအင်အား
နှလုံးဒဏ်ရာများဖြင့်

အပြစ်သားငမိုက် သူတသိုက်ရဲ့
ဆိုးကျိုးအပြစ် မဖြစ်လေအောင်
ဆိုးကျိုးအပြစ် မရှိလေအောင်
သွန်းလောင်းကယ်တင် သွေးပင်ကုန်ခမ်း
ပေးဆပ်ဝေမျှ. . .

ကောင်းကင်ဝင်လမ်း လမ်းပြထောက်ကူ
မျှော်ကာလေကြည့် အမေ့ရဲ့ဒီအချစ် . . .

သားတို့ရဲ့ ရွှေနိုင်ငံ အ၀င်လမ်းပါ . . . အမေ။

 Justine (MDY)

နေ့သစ်များအတွက်

ပင်ပန်းနွမ်းလျ . . . စိတ်ပျက်ကြွေနွမ်း
ဘ၀လမ်းတွေ  . . . နေတစ်ရာမက
ရောဂါဆိုးတွေ . . . နှိပ်စက်မွှေနှောက်
ကုန်ခမ်းအားအင်. . ခွေယိုင်ပြိုလဲ
သည်အချိန်များ . . .ရင်ဆိုင်ရတိုင်း
အပြေးလွှားသွား . . .သခင်ဘုရား
စံမြန်းတည်ရာ . . . . ဗိမ္မာန်နန်းဝယ်
ခေါင်းငုံ့ပျက်ဝပ် . . . အားအင်ကိုတောင်း
သက်သေတည်ရာ . . ကရာနီလမ်း
ကိုယ်တော်ညွှန်ပြ . . . လှမ်းကြည့်လိုက်တော့
အင်အားသစ်များ . . . . ရင်မှာနိုးထ
လျှောက်လှမ်းရန်ကျန် . . ဘ၀လမ်းသည်
နေ့သစ်များစွာ ................................။

နေမိုး

သူရွေးတဲ့လမ်း

ရိုက်နှက်ညှင်းဆဲ . . . နာကျင်မဲ့လမ်း

ကိုယ်တော်ဘာလို့ လျှောက်ခဲ့လဲ . . .

အ၀တ်မပါ ကိုယ်ဗလာမှာ . . .

သွေးစက်တွေစီး . . . ဦးခေါင်းသရဖူ

ကိုယ်တော်ဘာလို့ ဆောင်းခဲ့သလဲ. . .

ခြေလက်သံမှို . . . စွဲကာကပ်လို့

သစ်တိုင်ထက်မှာ . . . သုံးနာရီတိုင်

နာကျင်ခံစား . . . ကိုယ်တော်သက်တော်စွန့်ခဲ့တယ်

ဘ၀လမ်းမှာ . . . အပျော်တစ်ခါကြုံခဲ့ပါသော်

ကိုယ်တော်ကျေးဇူး . . . တစ်ခါချီးမွမ်း မလုပ်သည့်ပြင်

စိတ်ညစ်စရာကြုံခဲ့ရင်လည်း . . . စိတ်ပျက်ညည်းညူ

မမြင်ကြဘူး . . .

သစ်တိုင်တော်ထက် . . . လူသားပြစ်တွက်

နာကျင်မဲ့လမ်း . . . လျှောက်ကာလှမ်းတဲ့

ကိုယ်တော်ရွေးတဲ့ . . . အပြစ်ကယ်ချွတ်ခဲ့ရာလမ်း

နေမိုး

ကားတိုင်လမ်း

သွေးစက်တစ်စက် . . . ကျခဲ့လေတိုင်း

နာကျင်ခံစား . . . အနာတရများ

အံကိုကြိတ်ကာ . . . ကားတိုင်ကိုထမ်း

ပြိုလှဲယိုင်နဲ့ . . . ခြေလှမ်းတွေနဲ့ 

သက်စွန့်သည့်တိုင် . . . သည်ကားတိုင်လမ်း

ကိုယ်တော်လှမ်းလျှောက်ခဲ့ပါတယ် . . .

အဆွေလူသား . . . ဘ၀လမ်းမှာ

မောပမ်းနွမ်းလျ . . . ပြိုယိုင်လဲသော်

အသိတချက်ရှိကာ ထားလို့ . . .မြင်ယောင်ကြည့်ပါ

အပြစ်တွေများ . . . တို့လူသားတွက်

ကယ်တင်ရှင်လျှောက်လှမ်းခဲ့သော . . .

ကားတိုင်လမ်း . . . ။

နေမိုး