အများကောင်းကျိုး (သို့) ဘုံကောင်းကျိုး

"No man is island" ဆိုသလိုပဲ ကျနော်တို့တတွေဟာ ကျွန်းတွေလို တစ်ယောက်တည်း နေလို့မရပါဘူး။ လူဘ၀ထဲစတင်ဝင်ရောက်လာကတည်းက အသိုင်းအ၀ိုင်းကြားမှာ မိသားစုကြားမှာ ကျနော်တို့တတွေဟာ အုပ်စုနဲ့နေထိုင်ရှင်သန်ကြရပါတယ်။ ဒါကိုက လူ့သဘာဝလို့ခေါ်ဆိုရမှာပဲ။ ဒီလိုအုပ်စုဖွဲ့နေတတ်တာ လူတွေတင်မဟုတ်ပါဘူး။ အခြားသက်ရှိတိရိစ္ဆာန်များလည်း အုပ်စုဖွဲ့နေတတ်သလို၊ အချို့သစ်ပင်များပင် အုပ်စုလိုက် ရှိနေတတ်တာကို သတိထားမိမှာပါ။ ဒီတော့ ဒီလိုအုပ်စုဖွဲ့နေတတ်တဲ့သဘာဝစရိုက်ရှိတဲ့ သက်ရှိတိုင်းအတွက် "ငါ"ဆိုတဲ့ တစ်ဦးချင်းစီဟာ "အုပ်စု၊ အသိုင်းအ၀ိုင်း"ဆိုတာနဲ့ ကိုင်းကျွန်းမှီ ကျွန်းကိုင်းမှီ ရှင်သန်နေထိုင်ကြရတာလည်း သဘာဝကျပါတယ်။ ဒါ့ကြောင့် သဘာဝကျကျဆက်ပြောရရင်တော့ "ငါ့အကျိုး" နဲ့ "အများအကျိုး၊ ဘုံအကျိုး၊ အဖွဲ့အစည်းရဲ့အကျိုး" ဟာလည်း တစ်ခုမှတစ်ခု ဘယ်ထုတ်လို့မရအောင် အရေးပါနေတာကို သတိထားမိမှာပါ။
ကျနော်တို့တတွေ ဘောလုံးကစားနည်းကို ကောင်းကောင်းနားလည်ကြမှာပါ။ ဘောလုံးကစားနည်းဟာ တစ်ဦးတစ်ယောက်တည်း ယှဉ်ပြိုင်ရတဲ့ကစားနည်းမဟုတ်ဘဲ အဖွဲ့လိုက် ကစားရတဲ့ ကစားနည်းတစ်မျိုးပါပဲ။ ဒီလို အဖွဲ့လိုက်ကစားနေရင်းနဲ့ ကစားသမားတစ်ဦးချင်းစီကလည်း မိမိတို့အကျိုးကို ရှာယူနိုင်ပါတယ်။ ဥပမာ- တိုက်စစ်မှူးဟာ ဂိုးများများသွင်းခြင်းအားဖြင့် ထင်ပေါ်ကျော်ကြားလာနိုင်ပြီး မိမိအတွက် သီးသန့်အကျိုးကိုခံစားရနိုင်ပါတယ်။ အဲဒီလိုပဲ အလယ်တန်းမှာကစားတဲ့သူ၊ နောက်တန်းမှာကစားတဲ့သူ၊ ဂိုးဖမ်းသမား စသဖြင့် မိမိတို့ရဲ့အရည်အချင်းအတိုင်း ကိုယ်ကျိုးရရှိနိုင်ပါတယ်။ ဒါပေမယ့် တကယ့်ရည်မှန်းချက်အောင်မြင်မှုဟာ အသင်းရဲ့အောင်မြင်မှုပါပဲ။ အသင်းဟာ ဂိုးများများသွင်းပေးတဲ့ ကစားသမားတစ်ယောက်တည်းကြောင့် ကစားပွဲကို အနိုင်ရတာမဟုတ်ပါ။ ကစားသမားတိုင်း သူ့နေရာနဲ့သူ တော်ပြီး အသင်းလိုက် စည်းလုံးမှု၊ အကွက်စေ့မှုနဲ့ ကြိုးစားကြလို့သာ အနိုင်ရတာပါ။ ဒါ့ကြောင့် ကစားသမားတစ်ဦးချင်းစီနဲ့ အသင်းဟာ ကျွန်းကိုင်းမှီ ကိုင်းကျွန်းမှီလို အချင်းချင်းမှီခိုနေပါတယ်။ ကမ္ဘာကျော်အင်္ဂလိပ်ဘောလုံးအသင်း လီဗာပူးအသင်းရဲ့ ဆောင်ပုဒ်လေးကို သဘောကျမိပါတယ် - You will never walk alone!
ကျနော်တို့ရဲ့ နိုင်ငံတော်၊ ပြည်ထောင်၊ ပြည်နယ်၊ လူ့အဖွဲ့အစည်း၊ အသိုင်းအ၀ိုင်း၊ မိသားစု တွေနဲ့ ကျနော်တို့ တစ်ဦးချင်းစီဟာလည်း အပြန်အလှန်မှီခိုနေရသလို ကိုယ့်အကျိုးနဲ့ နိုင်ငံ့အကျိုး၊ ပြည်ထောင်စုအကျိုး၊ ပြည်နယ်အကျိုး၊ မိသားစုအကျိုး စတာတွေလည်း တစ်ခုမှတစ်ခု ဖယ်ထုတ်လို့မရအောင် ချိတ်ဆက်နေပါတယ်။ နိုင်ငံမတိုးတက်ခြင်းဟာ မိမိအတွက်လည်း အကျိုးထိခိုက်စေသလို၊ မိမိရဲ့အကျိုးထိခိုက်ခြင်းဟာလည်း နိုင်ငံတိုးတက်ဖို့ အတားအဆီးဖြစ်စေပါတယ်။ မိသားစုအကျိုးထိခိုက်တာ မိမိအကျိုးထိခိုက်တာပါပဲ။ မိမိအကျိုးထိခိုက်တာလည်း မိသားစုအကျိုးထိခိုက်ပါတယ်။ ဒီလိုဆိုတော့ ကျနော်တို့မှာ double duty -တာဝန်နှစ်ထပ်-ရှိနေတာ သေချာနေပါပြီ။ ဒါ့ကြောင့် အများအကျိုး (သို့) ဘုံအကျိုးကို ကျနော်တို့ရဲ့ အရေးပါမှုထဲက ဖယ်ထုတ်လို့မရပါဘူး။ ဒါဟာ တာဝန်ဝတ္တရားတစ်ခုပါ။
ပုပ်ရဟန်းမင်းကြီး ဂျွန် (၂၃)က ဒီဘုံအကျိုးကို "လူ့အဖွဲ့အစည်းတစ်ခုလုံးရဲ့ စုပေါင်းအခြေအနေတွေဖြစ်ပြီး အဲဒီစုပေါင်းစုအခြေအနေကြီးကနေ လူအုပ်စုလိုက်သော်လည်းကောင်း၊ တစ်ဦးချင်းစီသော်လည်းကောင်း သူတို့ရဲ့ပန်းတိုင်ဆီကို ပိုပြီးခိုင်မာစွာနဲ့ ပိုပြီးလွယ်ကူစွာ ရောက်ရှိနိုင်အောင်၊ ရည်မှန်းချက်တွေပြည့်အောင် လမ်းဖွင့်ပေးပါတယ်"လို့ Materet Magistra စာချွန်တော်ထဲမှာ မိန့်ဆိုခဲ့ပါတယ်။
ပုပ်ရဟန်းမင်းကြီးဂျွန် (၂၃)ရဲ့ မိန့်ဆိုချက်ကို ထပ်မံရှင်းပြရမယ်ဆိုရင်တော့ ဒီလိုပါ။ ကျနော်တို့ တစ်ဦးချင်းစီဖြစ်ဖြစ်၊ အဖွဲ့လိုက်ဖြစ်ဖြစ် အောင်မြင်တိုးတက်ချင်ကြပါတယ်။ စီးပွားရေးပဲဖြစ်ဖြစ်၊ ပညာရေးပဲဖြစ်ဖြစ်၊ နိုင်ငံရေးပဲဖြစ်ဖြစ်၊ ကျန်းမာရေးပဲဖြစ်ဖြစ်၊ နောက်ဆုံး ဘာသာရေးပဲဖြစ်ဖြစ် လူ့ဘ၀ လူ့အဖွဲ့အစည်းရဲ့ ကောင်းကျိုးတွေကို လူတိုင်းလူတိုင်း လိုချင်တပ်မက်ကြတာ မဆန်းပါဘူး။ ဒါ့ကြောင့် ဒီလိုအကျိုးကျေးဇူးတွေကို တစ်ဦးချင်းစီ တကိုယ်ကောင်းဆန်ဆန်နဲ့ လုယူပြိုင်ဆိုင် ရယူနေကြမယ်ဆိုရင် ဆိုးယုတ်မှုတွေသာ ဖြစ်လာမှာဖြစ်ပါတယ်။ ဒီလိုမဟုတ်ဘဲ တစ်ဦးချင်းစီရဲ့ အားအင်တွေ၊ အရည်အချင်းတွေကို အဖွဲ့အစည်းလိုက် ပေါင်းစည်းပြီး အတူတကွ ကြိုးစားကြရင်တော့ အထက်ကပြောတဲ့အကျိုးကျေးဇူးတွေကို ရဖို့ပိုပြီးသေချာသလို ပိုပြီးလွယ်ကူပါတယ်။
မြန်မာစကားပုံလိုပဲ - အတူရွေ့ရင် ရွေ့နိုင်ပါတယ်။ ဒီလို အတူတူ ရွေ့ကြတဲ့အခါ မျှော်မှန်းထားတဲ့ဘုံပန်းတိုင်ကိုရောက်ဖို့ ဆက်ကပ်ရတာတွေလည်း ရှိနေတတ်ပါတယ်။ တကယ့်ကို ဆက်ကပ်ရတဲ့အချိန်တွေ ရှိပါတယ်။ ဒီလိုအချိန်မျိုးမှာ အဲဒီလို ဆက်ကပ်နေတဲ့သူကို ပစ်ထားပြီး ဘုံပန်းတိုင်ကြီးကိုပဲ အတ္တဆန်ဆန်နဲ့ ဦးတည်နေရမှာမဟုတ်ဘဲ ဒီဘုံပန်းတိုင်ကြီးဆီရောက်ဖို့ အဲဒီဆက်ကပ်နေတဲ့သူတစ်ဦးဟာ ဘယ်လောက်အရေးပါသလဲဆို သဘောပေါက်ရမှာဖြစ်ပါတယ်။ ဒါ့ကြောင့် အဲဒီလို ဆက်ကပ်နေရတဲ့သူတွေကိုလည်း စာနာပေးရမယ်၊ ဂရုစိုက်ပေးရမယ်၊ အားပေးရမယ်၊ ပြန်လည်ဖေးမကြရမှာဖြစ်ပါတယ်။ ဘုံပန်းတိုင်ကိုရောက်ဖို့ အသင်းထဲမှာရှိတဲ့ မည်သူမဆိုဟာ လျစ်လျူရှုခြင်းမခံရသင့်သလို၊ ဂရုမစိုက်ဘဲ ပစ်ထားခြင်းလည်း မခံရသင့်ပါ။ တန်းတူအကျိုးခံစားခွင့် အပြည့်အ၀ရှိကြပါတယ်။ ဒီအတွက် Solidarity - အချင်းချင်းစာနာစိတ် ရှိကိုရှိပါလိမ့်မယ်။ ဒီလို Solidarity -ကိုယ်ချင်းစာစိတ်ရှိခြင်းဟာ ကျနော်တို့အချင်းချင်း တစ်ဦးနဲ့တစ်ဦး အချင်းချင်း အပြန်အလှန် စောင့်ရှောက်သူအဖြစ် မြင်စေပါတယ်။ ဒီလိုမြင်နိုင်မှ ကျနော်တို့အချင်းချင်း "စည်းလုံးညီညွတ်ကြပြီး မိမိနေထိုင်ရာ လူ့ဘောင်အဖွဲ့အစည်းကို အကောင်းဆုံး ဆောက်တည်နိုင်လာကြမှာ"ဖြစ်ပါတယ်။
ဒီဆောင်းပါးလေးဖတ်ခြင်းအားဖြင့် "ငါလုပ်မှ ငါစားရမှာ" "ငါငတ်ရင် ဘယ်သူမှ ပေးမှာမဟုတ်ဘူး" "ငါသာလျှင် ငါဘုရင်" စတဲ့ တကိုယ်ကောင်းဆန်တဲ့အတ္တအတွေးတွေကို စွန့်လွတ်နိုင်ပြီး "ငါနေတဲ့ ဒီလူ့ဘောင်အဖွဲ့အစည်းမှာ ငါလည်း တစ်ယောက်အပါအ၀င်မို့၊ ငါနဲ့ ဒီလူ့ဘောင်အဖွဲ့အစည်းဟာ သူ့အကျိုးကိုယ်ပေး ကိုယ်အကျိုးသူပေးနေပါလား"ဆိုတဲ့ လောကနိယာမကြီးကို နားလည်သဘောပေါက်ပြီး ကျနော်တို့နေထိုင်နေတဲ့ လူ့ဘောင်အဖွဲ့အစည်းကြီးမှာ အမျးအကျိုးပြုရင်း ကိုယ်ကျိုးအောင်နိုင်ပါတယ်ဆိုတဲ့ စိတ်ထားလေးများ မွေးမြူလာနိုင်ကြပါစေလို့ ဆန္ဒပြုလိုက်ပါတယ်။


ဒိုမီနီကန်ကိုရင်

ဘုံကျူးသောအပြစ် (သို့) ဘုံအပြစ်

အပြစ်လို့ပြောလိုက်ရင် ကျနော်တို့တတွေက တစ်ဦးတစ်ယောက်ချင်း တစ်သီးတခြား ကျုးလွန်ကြတာကိုပဲ ပေးမြင်မိကြပါတယ်။ တကယ်တော့ ဒါကို ကက်သလစ်အသင်းတော်မှာတော့ တစ်ဦးတည်းကျူးလွန်တဲ့ ကိုယ်ရေးကိုယ်တာအပြစ်လို့ သွန်သင်ထားပါတယ်။ ဒီ့အတွက်ကြောင့်ပဲ အာပတ်ဖြေခြင်းစက္ကရမင်တူးကို ပြုလုပ်ကြတဲ့အခါတိုင်း တစ်ဦးချင်းစီ ဘုန်းတော်ကြီးဆီချည်းကပ်ပြီး ကိုယ်ရေးကိုယ်တာ အပြစ်များကို အာပတ်ဖြေဆိုကြပြီး ဘုရားသခင်ရဲ့အပြစ်ခွင့်လွတ်ခြင်းကို ရယူကြပြီး အသင်းတော်နဲ့ပြန်လည်ကြေအေးသင့်မြတ် လာကြပါတယ်။ ကိုယ်တိုင်ကျူးလွန်တဲ့အပြစ်အတွက် ကိုယ်တိုင်ဖြေဆိုကြတာပေါ့။ တခြားသူတွေကျူးလွန်တဲ့အပြစ် ကိုယ်နဲ့ဘာဆိုင်လဲပေါ့။ တကယ်တော့ ကက်သလစ်အသင်းတော်ရဲ့သွန်သင်ချက်မှာ အခြားသူတွေကျူးလွန်တဲ့အပြစ်ဟာလည်း ကိုယ်နဲ့သက်ဆိုင်နိုင်ပါတယ်။ ပြောရမယ်ဆိုရင်တော့ အလိုတူအလိုပါ အပြစ်တွေပေါ့ဗျာ။ ဒါကို ဘုံကျူးတဲ့အပြစ်လို့ ခေါ်ပါတယ်။ ဘုံကျူးတဲ့အပြစ်ဟာ ဘယ်လိုအပြစ်မျိုးဖြစ်မလဲလို့ စဉ်းစားနေမိမှာပါ။

ဘုံကျူးတဲ့အပြစ်ဟာ အဖွဲ့အစည်းတစ်ခုအတွင်း၊ အုပ်စုတစ်စုအတွင်းမှာ ရှိနေနိုင်ပါတယ်။ လူအချင်းချင်းနှိပ်စက်ကြတဲ့ လူ့အဖွဲ့အစည်းအတွင်း၊ လူ့ဂုဏ်သိက္ခာတွေကို တန်ဖိုးမထားဘဲ ချိုးဖောက်နေကြတဲ့ လူ့အဖွဲ့အစည်းအတွင်း၊ အခြေခံလူ့အခွင့်အရေးတွေကို ဖိနှိပ်ပြီး အဆင့်အတန်းခွဲ့ခြားကြတဲ့လူ့အဖွဲ့အစည်းအတွင်း၊ တရားမျှတမှုနဲ့ တန်းတူအခွင့်ရေးတွေကို မျက်ကွယ်ပြုပြီး လူနည်းစုကောင်းစားဖို့အတွက် မတရားမှုတွေနဲ့ ဒုစရိုက်မှုတွေကို ကျူးလွန်းနေကြတဲ့ လူ့အဖွဲ့အစည်းတွေကြားမှာ ဘုံကျူးတဲ့အပြစ်တွေ ပြည့်နေပါတယ်။ ဒီလို လူ့အဖွဲ့အစည်းအတွင်းမှာ နေထိုင်ချိန် မိမိကိုယ်တိုင်လည်း ဘုံကျူးတဲ့အပြစ်ရဲ့ တရားခံတွေထဲက တရားခံတစ်ဦး ဖြစ်နေနိုင်ပါတယ်။ ဒါကို ကက်သလစ်အသင်းတော်ရဲ့ Compendium of the Social Doctrine of the Church မှာ “အချို့အပြစ်တွေဟာ တစ်စုံတစ်ယောက်ရဲ့ နီးစပ်သူအား ရည်ရွယ်ချက်ရှိရှိနဲ့ တိုက်ခိုက်ဖို့ရန် သေချာအကွက်ချ စီစဉ်ထားတဲ့ အပြစ်တွေပါ။ ဘုံအပြစ်ဟာ တစ်ဦးနဲ့တစ်ဦးကြား၊ တစ်ဦးနဲ့အဖွဲ့အစည်းတစ်ခုအကြား၊ အဖွဲ့အစည်းတစ်ခုနဲ့ တစ်ခုအကြားမှာ တရားမျှတခြင်းအား ဆန့်ကျင်ကျူးလွန်တဲ့အပြစ်ပဲဖြစ်ပါတယ်။” ကက်သလစ်ဓမ္မသင်္ဂြိုပညာရှင် Gregory Baum ကလည်း ဘုံအပြစ်နဲ့ပတ်သက်ပြီး အခုလိုပြောဆိုထားပါတယ်။ -“ကိုယ်ရေးကိုယ်တာ အပြစ်ကို လွတ်လွတ်လပ်လပ်ရွေးချယ်ကျူးလွန်တတ်ကြပေမယ့် ဘုံအပြစ်ကတော့ အစုလိုက်မျက်စိ ကွယ်နေသလိုပါပဲ။” အမှန်တကယ်ပါပဲ- ကျနော်တို့လူသားတွေဟာ တခါတရံ အုပ်စုလိုက် မျက်စိကန်းနေတတ်ပါတယ်။ အများမိုးခါးရေသောက်သလို ကိုယ်လည်း လိုက်သောက်နေတတ်ပါတယ်။ ဒါကို သတိထားမိဖို့ဆိုတာ ကျနော်တို့တတွေကိုယ်တိုင် တခါတလေ အဲဒီအဖွဲ့အစည်းအပြင်ဘက် ထွက်ကြည့်တတ်ဖို့ လိုပါလိမ့်မယ်။ တခြားသူတွေရဲ့ ရှုထောင့်ကနေ ပြန်ကြည့်တတ်ဖို့ လိုပါလိမ့်မယ်။ ဒါတွေကို ကျနော်တို့ သတိထားမိပြီဆိုရင်တော့ ဘုံကောင်းစားဖို့၊ အများသူများ ကောင်းစားဖို့၊ တရားမျှမှုတွေကို ပြန်လည် ထုတ်ဖော်လာနိုင်မှာပါ။ တကယ်တော့ ကျနော်တို့ကိုယ်တိုင် တစ်ယောက်တည်းနေလို့မရတဲ့ သတ္တ၀ါတွေဖြစ်တာမို့ တကိုယ်တော်ကောင်းစားဖို့အရေး တစ်ခုတည်းနဲ့တော့ မရှင်သန်နိုင်ကြတာ အမှန်ပါပဲ။ ဒ့ါကြောင့် အဖွဲ့အစည်းအတွင်း အများသူငှာ ကောင်းစားဖို့အရေးဟာလည်း ကိုယ်နဲ့တနည်းတဖုံ ဆက်စပ်နေပါတယ်။

ခရစ်ယာန်သမ္မာကျမ်းစာမှာဆိုရင်လည်း အစ္စရေးလူမျိုးစု တစ်စုလုံးနဲ့တင်စားပြီး အားလုံးရဲ့ ဘုံအပြစ်ကို ဦးစားပေးပြောလေ့ရှိတာကို သတိထားမိပါလိမ့်မယ်။ အစ္စရေးလူမျိုးတွေ ဘာဘီလုံမင်းရဲ့လက်အောက်မှာ ကျွန်ဘ၀ရောက်ခဲ့ရတာ ဘုံအပြစ်ကြောင့်ပါပဲ။ ထို့အတူ အီဂျစ်ဘုရင်ရဲ့လက်အောက်မှာ ကျွန်ဘ၀ရောက်ခဲ့ရတာလည်း ဘုံအပြစ်ကြောင့်ပါပဲဆိုပြီး ဘုရားသခင်က ပရော်ဖက်တွေကနေတဆင့် သတိထားမိအောင် ဟောပြောခိုင်းခဲ့ပါတယ်။ ပြီးတော့ လူမျိုးစုတစ်စုလုံး နောင်တယူပြီး သမ္မတရားဘက်ကို ပြောင်းလဲဖို့ “နောင်တရကြလော့။”ဆိုပြီး ဟောပြောစေခဲ့ပါတယ်။ အာဒံနဲ့ဧ၀တို့ကျူးလွန်ခဲ့တဲ့အပြစ်ဟာလည်း ဘုံအပြစ်ဖြစ်တာမို့ နောက်ဆုံးသောနေ့ထိအောင် လူသားထုတစ်ခုလုံး အကျိုးဆက်အနေနဲ့ခံစားနေရတာပါပဲ။ ဒါ့ကြောင့်မို့ ကိုယ်ရေးကိုယ်တာအပြစ်တွေကိုသာမဟုတ်ဘဲ ဘုံအပြစ်ကို အထူးပြောခဲ့တာ တွေ့ရပါတယ်။ အပြစ်ဆိုတာကိုက အားလုံးနဲ့သက်ဆိုင်တဲ့ သဘောသဘာဝ ရှိနေတယ်ဆိုတာကို ပြသတာပါပဲ။ သံပေါလူးကလည်း “အပြစ်နဲ့သေခြင်းတရားဟာ လောကတစ်လုံးကို လွှမ်းမိုးနေတယ်” လို့မိန့်ဆိုထားပါတယ်။ ဒါ့ကြောင့် ဒါတော့ ငါကျူးလွန်တာမဟုတ်ဘူး၊ ဒါတော့ သူကျူးလွန်တယ်ဆိုပြီး ဟိုဟိုဒီဒီလက်ညိုးထိုး စွပ်စွဲနေရုံနဲ့ မပြီးပါဘူး။ Napoleon ပြောသလိုပဲ ကမ္ဘာကြီးမှာ ဒုက္ခဝေဒနာတွေနဲ့ပြည့်နေရတာဟာ မကောင်းတဲ့လူတွေ အကြမ်းဖက်လို့မဟုတ်ဘဲ ကောင်းတဲ့လူတွေ တိတ်ဆိတ်နေလို့ ဖြစ်ရတာဆိုသလိုပေါ့။ ဒီလို တိတ်ဆိတ်နေတာဟာ တိတ်တဆိတ်အပြစ်ကျူးသူပါပဲ။ အထူးသဖြင့် တာဝန်ယူထားတဲ့ ပုဂ္ဂိုလ်တွေဟာ တိတ်ဆိတ်နေလို့မရဘဲ ၀တ္တရားရှိကိုရှိနေတယ်ဆိုတာ သတိထားနိုင်ကြပါစေ။

ဒိုမီနီကန်ကိုရင်

ရဟန္တာသူတော်စင်အပေါင်းပွဲနေ့ကြီး

နိုဝင်ဘာ ၁ရက်နေ့။

Άγιοι που δε θα γιορταστούν γιατί δε θα τους βρουν ημέρα που ταιριάζει. 

ဂရိလိုရေးထားတဲ့ စာကြောင်းရဲ့အဓိပ္ပာယ်ကတော့ "သင့်တော်တဲ့ရက်ရှာမတွေ့၍ ပွဲတော်မကျင်းပပေးဖြစ်သော ရဟန္တာသူတော်စင်များအားလုံး" လို့ဆိုပါတယ်။ ဒီစာကြောင်းလေးဟာ ရဟန္တာသူတော်စင်များအားလုံးရဲ့ ပွဲနေ့ကြီးကျင်းပရခြင်းရဲ့ ရည်ရွယ်ချက်လေးကို ပေါ်လွင်စေပါတယ်။

အသင်းတော်၏ယုံကြည်ရာချက်မှာ အသင်းတော်တစ်ခုတည်းရှိပြီး အသင်းတော်ကြီးရဲ့ဦးခေါင်းဟာ ယေဇူးခရစ်တော်ဘုရားကိုယ်တော်တိုင်ဖြစ်ပြီး များစွာသော ခန္တာအစိတ်အပိုင်းများရှိပါတယ်။ ဒီ တစ်ခုတည်းသောအသင်းတော်ထဲမှာပင် နယ်ပယ် (State)သုံးခုနဲ့ နားလည်နိုင်ပါလိမ့်မယ်။ ပထမနယ်ပယ်ကတော့ ကောင်းကင်နိုင်ငံအသင်းတော်ကြီး၊ ဒုတိယနယ်ပယ်ကတော့ ကျနော်တို့ကမ္ဘာပေါ်အသင်းတော်နဲ့ တတိယနယ်ပယ်ကတော့ အောက်နက်ရာအရပ်မှ အသင်းတော်ဖြစ်ကြပါတယ်။ ဒီအချက်ဟာ ယုံကြည်ရာအချုပ်ထဲတွင်လည်း ပါဝင်ပါတယ်။ ယေဇူးခရစ်တော်ဟာ ကျနော်တို့အားလုံးကို ကယ်တင်ဖို့အတွက် ဖွားမြင်ခြင်းကိုခံယူတော်ပြီး အသေခံတော်မူရာမှ အောက်နက်ရာအရပ်သို့ ဆင်းကြွတော်မူပါတယ်။-ထိုနောက် သုံးရက်မြောက်သောနေ့မှာ ရှင်ပြန်ထမြောက်တော်မူပြီး ကောင်းကင်ဘုံသို့ တက်ကြွတော်မူတယ်လို့ ယုံကြည်ရာချက်မှာ အသင်းတော်နှင့်အတူ ကျနော်တို့ ၀န်ခံကြပါတယ်။

ကောင်းကင်နိုင်ငံအသင်းတော်ကြီးဟာ လောကစုံစမ်းနှောက်ယှက်မှုတွေနဲ့ အခက်ခဲတွေကို အောင်မြင်ပြီးတဲ့ ရဟန္တာသူတော်စင်များရှိရာ နေရာပဲဖြစ်ပါတယ်။ ဘုရားသခင်ကိုယ်တိုင် စံပယ်ပြီး ဘုရားသခင်ရဲ့ ရွှေမျက်နှာတော်ကို ဖူးခွင့်ရပြီးသူများရဲ့ အရပ်ပဲဖြစ်ပါတယ်။ ဒါဟာ ကျနော်တို့ ခရစ်ယာန်တွေအားလုံး မျှော်လင့်တောင်းတနေကြတဲ့ ထာဝရဆုလာဒ်ကြီးပဲမဟုတ်ပါလား။

ဒီလို ကောင်းကင်နိုင်ငံတော်မှာ ဘုရားသခင်ရဲ့ရွှေမျက်နှာတော်ကို ဖူးမျှော်ခွင့်ရနေကြပြီးဖြစ်တဲ့ ကျနော်တို့ရဲ့ ညီအစ်ကိုမောင်နှမတွေကို ရဟန္တာသူတော်စင်များအဖြစ် ကမ္ဘာပေါ်အသင်းတော်ကြီးက ကြေငြာပေးပါတယ်။ ဒါမှ ကမ္ဘာပေါ်အသင်းတော်တွင် ရှိနေကြတဲ့ ကျနော်တို့ လူသားတွေဟာ အဲဒီရဟန္တာသူတော်စင်များကို အတုယူကျင့်ကြံပြီး ခရစ်တော်နောက်ကို ဆက်လက်လျှောက်လှမ်းနိုင်ကြမှာဖြစ်ပါတယ်။ အသင်းတော်ကြီးအတွင် ရဟန္တာသူတော်စင်များစွာကို ကြေငြာပြီးဖြစ်ပေမယ့် လူမသိ၊သူမသိနဲ့ ခရစ်တော်နောက်လိုက်ရင်း ယုံကြည်ခြင်းအတွက် အသက်ပေးခဲ့တဲ့ သူတော်စင်များစွာလည်း ရှိနေပါတယ်။ ဒါ့ကြောင့် ဒီနေ့ နိုဝင်ဘာလ ၁ ရက်နေ့ကို လူသိ၊ လူမသိ အားလုံးသောရဟန္တာ သူတော်စင်များအား အောက်မေ့သတိရ ကျင်းပကြပါတယ်။

ပထမသံယောဟန်ကျမ်းမှာမိန့်ဆိုခဲ့သလိုပဲ ကျနော်တို့အားလုံးဟာ ယေဇူးခရစ်တော်အားဖြင့် ဘုရားသခင်၏သားသမီးများအဖြစ်သို့ ခေါ်တော်မူခြင်းခံရပြီး အားလုံးဟာ ရဟန္တာသူတော်စင်များအဖြစ်သို့ လမ်းဖွင့်ဖိတ်ခေါ်ကြိုဆိုခံနေရတာကို သတိရစေချင်ပါတယ်။ ဘာကိုသတိရမိသလဲဆိုတော့ ...ရှေးဦးကာလ ခရစ်တော်နောက်လိုက်များကို ခရစ်ယာန်များလို့ အခေါ်မခံရခင်ကာလမှာတုန်းက သူတို့ကို ဂရိဘာသာစကားနဲ့ Οἱ Ἁγιοι ဆိုပြီး သန့်ရှင်းသောသူတော်စင်များလို့ ခေါ်ဆိုကြပါတယ်။ အဲဒီဝေါ်ဟာရကနေတဆင့် ကျနော်တို့ဘိုးဘွားတွေကို ဘာကြောင့် အဲဒီလိုခေါ်ဆိုခဲ့ကြသလဲဆိုတာကို မြင်မှန်းဆနိုင်ပါတယ်။

ရဟန္တာသူတော်စင်ပေါင်းပွဲနေ့ကြီးကို အေဒီ ၃၇၃ ခုနှစ်မှာ ကျင်းပနေကြပြီးဖြစ်ကြောင်း အစောဆုံးသက်သေခံချက်အဖြစ် စိန်အက်ဖရင်စီးရီးယမ်း၏ သြ၀ါဒမှာတွေ့ရှိနိုင်ပါတယ်။

ကျနော်တို့တတွေလည်း ရဟန္တာသူတော်စင်များအဖြစ်သို့ အခေါ်ခံထားရတာကို မမေ့ကြဖို့၊ ဘုရားသခင်ရဲ့သားသမီးများအဖြစ် ထိုက်ထိုက်တန်တန် ရှင်သန်သက်သေခံကြဖို့ ဒီနေ့ပွဲတော်အားဖြင့် ပြန်လည်သတိယူ ခွန်အားယူကြပါစို့။

ကောင်းကင်အရပ်ရှိ ရဟန္တာသူတော်စင်အပေါင်းတို့- ကျွန်ုပ်တို့အဖို့ငှာ ဆုတောင်းပေးတော်မူပါ။

ဒိုမီနီကန်ကိုရင်

dom.koyin@gmail.com

အတင်းအဖျင်း ကင်းရှင်းပါစေ

အတင်းအဖျင်းဆိုတာတော့ အဓိပ္ပာယ်ဖွင့်ရှင်းပြစရာ လိုမယ်မထင်ပါဘူး။ မြန်မာလူမျိုးအားလုံး ရင်းနှီးကျွမ်းဝင်ရှိလှဆုံး ဝေါဟာရတစ်စုလို ထင်ပါတယ်။ ကျနော်တို့ ရပ်ထဲရွာထဲမှာဆို တစ်အိမ်တက် တစ်အိမ်ဆင်းနဲ့ သူတစ်ပါးမကောင်းကြောင်းကို လှည့်လည်ပြောဆိုတတ်သူတွေကို မြင်ဖူး ကြုံဖူးကြမှာပါ။ တချို့တွေဆို BBC လို့ဘွဲ့တွေပင် ရလာတတ်ပါတယ်။ ဒီနေ့ခေတ် အင်တာနက်ခေတ်ဆိုတော့ တစ်အိမ်တက် တစ်အိမ်ဆင်းဟာ လိုင်းပေါ်ကနေ သက်တောင့်သက်တာ ပြောလို့ရတာပေါ့။ Facebook လို social network အကြီးစားမှာ အတင်းအဖျင်းဇရပ်လို အသုံးချလာသူတွေလည်း ဒုနဲ့ဒေးပဲလေ။

ပုပ်ရဟန်းမင်းကြီးအရှင်သူမြတ်ကြီးကတော့ - အတင်းအဖျင်းဟာ အကြမ်းဖက်တိုက်ခိုက်မှုထက်ပိုဆိုးတယ်လို့ ပြောဆိုပါတယ်။ ဒါ့အပြင် သဟဇာတဖြစ်တဲ့ ကျနော်တို့အသိုင်းအ၀ိုင်းကို အဆိုးဆုံးဖြစ်စေတဲ့ အဆိုးဆုံးရန်သူဟာလည်း အတင်းအဖျင်းပါလို့ မိန့်ဆိုပါတယ်။
အရှင်သူမြတ်ကြီးက -
တစ်ခါက သာသနာအုပ်စုတစ်ခုမှာ အတင်းပြောတတ်လွန်းတဲ့ အမျိုးသမီးကြီးတစ်ဦးရှိတယ်။ အကြောင်းရာအကုန်လုံးကို ပြောဆိုတတ်ပါတယ်။ တကယ်တော့ သူမရဲ့အိမ်က ဘုရားကျောင်းနဲ့ကပ်နေတာပါ။ သူမရဲ့ပြတင်းပေါက်ကနေကြည့်ရင် ဘုရားကျောင်းထဲက ဘုရားစင်ကိုပင်မြင်နေရပါတယ်။ မစ္ဆားတရားတော်မြတ်ကို နေ့တိုင်းလာတက်ပါတယ်။ ဒါပေမယ့် နေ့တနေ့ရဲ့အခြားအချိန်တွေကိုတော့ တခြားသူတွေအကြောင်း လှည့်လည်ပြောဆိုရင်းနဲ့ အချိန်ကုန်သွားတာပဲ။

တနေ့ကျတော့ သူမကတုတ်ကွေးဖြစ်ပြီး နေမကောင်းလို့ ကျောင်းထိုင်ဘုန်းကြီး ဖုန်းလှမ်းဆက်ပါတယ်. ကျမတော့ တုတ်ကွေးမိပြီး အိပ်ရာပေါ်မှာပါ ဘုန်းဘုန်း။ ကျမအတွက် ကိုယ်တော်မြတ်စက္ကရမင်တူးပင့်လာခဲ့ပေးပါ၊ ဘုန်းဘုန်း။ ဒါနဲ့ ဘုန်းကြီးက - ဒီ့အတွက် ဘာမှမပူနဲ့။ နင့်ရဲ့လျှာက အဲဒီလောက်ရှည်တာဆိုတော့ နင့်အိမ်ပြတင်းပေါက်ကနေ ကိုယ်တော်မြတ်လှမ်းပင့်လို့ရမှာပါလို့ စ၊နောက်လိုက်တယ်။

အရှင်သူမြတ်ကြီးက ဆက်လက်ပြီး - ဘုန်းကြီးမကောင်းကြောင်းပြောတဲ့သူတွေ ဘယ်နှစ်ယောက်ရှိလဲ။ ခရစ်တော်ကို သက်သေမခံဘဲ သနားစရာ၊ တစ်ကိုယ်တည်းနေရတဲ့ ဘုန်းကြီးအကြောင်းကို ပြောနေတယ်။ ပြောချင်တာက အတင်းအဖျင်းကိုပါ။ ခရစ်ယာန်မိသားစုအတွင်းမှာ ရုပ်အဆိုးဆုံးအရာဟာ အတင်းအဖျင်းပဲ။ Do you know that gossip is terrorism? အတင်းအဖျင်းဟာ အကြမ်းဖက်မှုဆိုတာ သင်သိသလား။ ဘာလို့လဲဆိုတော့ အတင်းအဖျင်းပြောသူဟာ အကြမ်းဖက်သမားလိုပဲ ပြုမူတယ်။ ရုပ်တရက်ချည်းကပ်ပြီး ရုပ်တရက် စကားလုံးဗုံးတွေကြဲတော့တာပဲလေ။ ပြီးတော့ သူကထွက်သွားတယ်။

တချို့မိတ်ဆွေတွေက ဒါကို အတင်းအဖျင်းပြောတာလို့ ၀င်မခံဘဲ ဝေဖန်တာလို့ စောဒကတက်ပါလိမ့်မယ်။ အသင်းတော်ကောင်းဖို့၊ အဖွဲ့အစည်းကောင်းဖို့၊ မိသားစုကောင်းဖို့ ဝေဖန်တာပါလို့ စောဒကတက်ပါလိမ့်မယ်။ ဒါပေမယ့် ဝေဖန်ခြင်းနဲ့ အတင်းအဖျင်းဟာ လုံးဝကွာခြားတယ်ဆိုတာ သိသင့်ပါတယ်။ ဝေဖန်ခြင်းမှာ Objectively ရည်ရွယ်ချက်ကောင်းနဲ့ စိတ်ရင်းမှန်နဲ့ ထောက်ပြပြောဆိုပေမယ့် အတင်းအဖျင်းမှာတော့ စိတ်ရဲ့အလိုအတိုင်း ပြောလိုရာကို၊ မှန်သည်မှားသည် ချင့်ချိန်မှုမရှိဘဲ စကားလုံးဗုံးကြဲတာပါပဲ။ ဒါဟာ အကြမ်းဖက်မှုတစ်ခုပါပဲ။

ဒီတော့ဗျာ - အတင်းအဖျင်းတွေ ကင်းရှင်းဖို့ ကြိုးစားကြရမယ်။ ဝေဖန်မှုဆိုရင်လည်း စိတ်ရင်းစေတနာအရင်းဆုံးမှန်ကန်ပါစေ။ မပြောခင် စဉ်းစားပါ၊ ပြောရင်လည်း စကားလုံးရွေးချယ်ပါ။ မိမိရဲ့စိတ်ရင်းစေတနာပေါ်လွင်အောင် ထားပါ...
ဗုဒ္ဓဆရာတော်ကြီး ဦးဥတ္တမသာရကတော့ ဒီလိုလေးမိန့်ဖူးပါတယ်-

မေတ္တာနှင့် တစ်လောကလုံးကို ဖြန့်ပြီး စိတ်ရှင်းရှင်းထား နေတတ်သူဟာ
အမှိုက်သရိုက်နဲ့တူတဲ့ သူ့ကြောင်းကိုယ်အကြောင်း
ရှုပ်ရှုပ် ယှက်ယှက် တွေကို မစဉ်းစားဘူး။

ကိုယ့်လာပြောလည်း နားမထောင်ဘူး။
စိတ်ကိုရှင်းရှင်းထားမှ ချမ်းသာတယ်။

ဒိုမီနီကန်ကိုရင်

dom.koyin@gmail.com

ကက်သလစ်တွေ ကယ်တင်ခြင်းရရှိပြီးပြီလား

အမေး။       ။    ။ကက်သလစ်တွေဟာ သူတို့ရဲ့အကျင့်အားဖြင့် ကောင်းကင်နိုင်ငံရောက်အောင် ပို့ဆောင်ပေးတယ်လို့ယူဆနေကြပါတယ်။ ဒါကြောင့် ဘုရားသခင်ကိုယုံကြည်ပြီး ကယ်တင်ခြင်းရရှိဖို့လိုအပ်ပါတယ်။ ဘာကြောင့်လဲဆိုတော့ ဧဖက်သြဝါဒစာစောင်မှာ ယုံကြည်သောအားဖြင့် ကျေးဇူးတော်ကြောင့် ကယ်တင်ခြင်းရောက်ရ၏။ ကိုယ်အလိုအလျောက်ရောက်သည်မဟုတ်။ ဘုရားသခင်သနားတော်မူရာ ဖြစ်သတည်း။ ကိုယ်ကုသိုလ်ကြောင့် ကယ်တင်တော်မူခြင်းသို့ရောက်သည်မဟုတ်။ သို့ဖြစ်၍ အဘယ်သူမျှဝါကြွားစရာ အခွင့်မရှိ။ ဟူ၍ ဖော်ပြထားပါတယ်။

 အဖြေ။      ။      ။ပထမဦးဆုံးကျွနိုပ်တို့ နားလည်ထားသင့်တာကတော့ ဘုရားသခင်ရဲ့နှုတ်ကပတ်တော်ကျမ်းစာတော်မြတ်ကို

ကိုယ်ကြိုက်သလိုဘာသာပြန်မရဘူး၊အဓိပ္ပယ်ဖွင့်ဆိုလို့မရဘူးဆိုတာ

နားလည်ထားသင့်ပါတယ်။ဘာဖြစ်လို့လည်းဆိုတော့ ကျမ်းစာတစ်ခုနဲ့တစ်ခုကဆက်စပ်နေပြီး သခင်ယေဇူးကိုယ်တိုင်ဓမ္မဟောင်းကျမ်းကို ကိုးကားအသုံးပြုခဲ့တာတွေရှိသလို သခင်ယေဇူးဟောပြောခဲ့တာတွေကလည်း ဓမ္မဟောင်းကျမ်းကို ထောက်ပြခဲ့တာတွေရှိပါတယ်။ အဲဒါကြောင့် ဓမ္မသစ်ကျမ်းကို နားလည်ဖို့ကြိုးစားတဲ့အခါမှာလည်း ကျမ်းစာတစ်ခုနဲ့တစ်ခုရဲ့ဆက်စပ်မှုကို နောက်ကျမ်းစာတစ်စောင်ကနေ သိဖို့လိုအပ်ပါတယ်။

ဧဖက် ၂:၅ ဒုစရိုက်အပြစ်၌ သေလျက်ရှိနေသော  ငါတို့ကို ခရစ်တော်နှင့်အတူ အသက်ရှင်စေ တော်မူပြီ။ ကျေးဇူးတော်ကြောင့်သာ ကယ်တင်ခြင်း သို့  ရောက်ရ၏။

စိန်ပေါလ် ပြောထားတဲ့အတိုင်းဆို ကုသိုလ်ကောင်းမှုကြောင့်ကယ်တင်ခြင်းရတာမဟုတ်ဘူး၊ကျေးဇူးတော်ကြောင့်

လို့ ထောက်ပြထားပါတယ်။ ဒါပေမယ့် နောက်ထပ် ဧဖက် အခန်းကြီး ၂ အခန်းငယ် ၁၀ ကိုပြန်ကြည့်ရအောင်

ဧဖက် ၂:၁၀ အဘယ်ကြောင့် နည်းဟူမူကား၊ ငါတို့သည် ကောင်းသော အကျင့်တို့ကို ကျင့်ရမည်အကြောင်း၊ ယေရှုခရစ်၌ ပြုပြင်၍  ဖန်ဆင်းတော်မူရာ ဖြစ်ကြ၏။ ထိုကောင်းသော အကျင့်တို့၌  ငါတို့သည် ကျင်လည်ရမည်အကြောင်း၊ ဘုရားသခင်သည် ငါတို့ကို ပြင်ဆင်တော်မူနှင့်ပြီ။ ဟု အကျင့်(အလုပ်) နဲ့ပက်သက်ပြီး ပြန်ထောက်ပြထားပါတယ်။ ဒါဟာ ဘာကိုဆိုလိုချင်တာလည်းဆိုတော့ ကမ္ဘာဦးကျမ်း၊ ဓမ္မဟောင်းကျမ်းကတည်းက ဘုရားသခင်က လူကိုဖန်ဆင်းတဲ့အခါ သူရဲ့ပုံစံနဲ့အညီ ဖန်ဆင်းထားခြင်းကို ဆိုလိုတာဖြစ်ပါတယ်။ လူကိုဘုရားသခင် သူရဲ့ပုံစံနဲ့အညီဖန်ဆင်းထားတယ်ဆိုတဲ့အရာကတော့ လူဟာသဘာဝအလျှောက် လောကသဘာဝအပြစ်ကိုရှောင်ပြီးတော့ ကောင်းသောအမှုကိုပြုစေချင်တဲ့ သဘောထားကို ပြောပြနေတာဖြစ်ပါတယ်။ ဒါကြောင့် ဘုရားရဲ့ကယ်တင်ခြင်းကျေးဇူးကို ရရှိတဲ့လူဟာ ကောင်းသောအမှုကိုပြုတဲ့အခါ အကျင့်ကအဲဒီကယ်တင်ခြင်းကျေးဇူးတော်နဲ့ ဆန်ကျင်ခြင်းဖြစ်စေတာမဟုတ်ဘဲနဲ့ ကယ်တင်ခြင်းကျေးဇူးတော်ရရှိခြင်းကြောင့်သာ ကောင်းသောအမှု(အကျင့်) ကိုပြုတာဖြစ်ပါတယ်။ ဒါကိုနားလည်ဖို့လိုအပ်ပါတယ်။ ဒါကြောင့် ကောင်းတဲ့အမှုကိုပြုတာနဲ့ ယုံကြည်ခြင်းနဲ့ ဘယ်လိုမှဆန့်ကျင်ဘက်ဖြစ်နေတဲ့ သဘောတရားမရှိပါဘူး။ ဒါနဲ့ပက်သက်ပြီး နောက်ကျမ်းပိုဒ်ပြန်ကြည့်ရအောင်

ရှင်ယာကုပ် ၂:၁၄-၁၈

၁၄ ငါ့ညီအစ်ကိုတို့၊ တစုံတယောက်သောသူက၊ ငါသည်ယုံကြည်ခြင်း ရှိ၏ဟုပြောလျက်၊ အကျင့်ကို မကျင့် ဘဲနေလျှင် အဘယ်အကျိုးရှိသနည်း။ ထိုယုံကြည်ခြင်း သည် ထိုသူကိုကယ်တင်နိုင်သလော့။

၁၅ ညီအစ်ကိုနှမတို့သည် အဝတ်အချည်းစည်းရှိ၍ ၊ နေ့တိုင်းစာရသော အစာမရှိသော အခါ၊

၁၆ သင်တို့တွင် တစုံတယောက်သောသူက၊ ငြိမ်ဝပ်စွာ သွားကြလော့။ နွေးကြလော့။ ဝကြလော့ဟု ပြောလျက်၊ သူတို့ကိုယ်နှင့်တော်လျော်သော  အသုံးအဆောင်ကိုမပေး ဘဲနေလျှင် အဘယ်အကျိုးရှိသနည်း။

၁၇ ထိုနည်းတူ၊ အကျင့်နှင့် ကင်းသော ယုံကြည်ခြင်း သည် တပါးတည်းရှိသော  ကြောင့်အသေဖြစ်၏။

၁၈ တနည်းကား၊ သင်သည်ယုံကြည်ခြင်း ရှိ၏။ ငါသည်အကျင့်ရှိ၏။ သို့ဖြစ်၍ သင်သည် အကျင့်မရှိဘဲသင်၏ ယုံကြည်ခြင်း ကိုပြလော့။ ငါမူကား၊ အကျင့်အားဖြင့်ငါ၏ ယုံကြည်ခြင်း ကိုပြမည်ဟု ပြောစရာရှိ၏။

ဒီကျမ်းပိုဒ်ကိုထောက်ရှုရရင် ရှင်ယာကုပ်ပြောတာရှင်းရှင်းလေးဖြစ်ကြောင်းတွေ့ရမှာပါ။ ဘုရားသခင်က ကယ်တင်ခြင်းကျေးဇူးတော်၊ယုံကြည်ခြင်းကျေးဇူးတော်ပေးထားပါတယ်။ အဲဒီယုံကြည်ခြင်းကျေးဇူးတော်ကြောင့်ကယ်တင်ခြင်းရတယ်ဆိုပေမယ့် ကယ်တင်ခြင်းကျေးဇူးတော်ကို ကျွန်ုပ်တို့သေတဲ့အချိန်မှာကောင်းကင်ဘုံမှာ အပြည့်အဝခံစားရပါမယ်။ ကယ်တင်ခြင်းကလည်းရရပြီးသား။ ဒါပေမယ့်ကောင်းကင်နိုင်ငံမဝင်ခင် အဲဒီကြားထဲမှာ မိမိရဲယုံကြည်ခြင်းကို ကောင်းသောအမှုအကျင့် အထူးသဖြင့် တစ်ဦးနှင့်တစ်ဦးအစေခံခြင်း၊ တစ်ဦးကိုတစ်ဦး သနားကြင်နာခြင်းစသော အရာတွေနဲ့ သက်သေမပြနိုင်ဘူးဆိုရင် ကျွန်ုပ်တို့ရဲ့ ယုံကြည်ခြင်းဟာ သေနေသောယုံကြည်ခြင်းဖြစ်တယ်၊ သေနေသောယုံကြည်ခြင်းကဘယ်လိုကယ်တင်ခြင်းကို ပေးနိုင်မလဲဆိုတာ ရှင်ယာကုပ်က ပြန်ပြောထားပါတယ်။

ရှင်ပေတရုသြဝါဒစာ ဒုတိယစောင် ၂း၈

အကြောင်းမူကား ဆိုးယုတ်သောသူတို့အလယ်တွင် နေထိုင်ခဲ့သောထိုဖြောင့်မတ်သူသည် မိမိတွေ့မြင်ကြားသိခဲ့ရသော မကောင်းမူများကြောင့် နေ့စဉ်ရက်ဆက် မိမိ၏ ဖြောင့်မတ်သော စိတ်ဝိညာဉ်၌ အနှောင့်အယှက်ဖြစ်ရလေ၏။

နောက်ကျမ်းပိုဒ်တစ်ခုကြည့်ရအောင်

ကောရိန့်သုသြဝါဒစာ ပထမစောင် ၂း ၁၅

ဝိညာဉ်နှင့်ဆိုင်ရာကိုလိုက်နာ ကျင့်ကြံသူတို့သည် အရာခပ်သိမ်းကိုစီရင်ဆုံးဖြတ်ပြီး သူကိုယ်တိုင်မှာမူ မည်သူ၏စီရင်ဆုံးဖြတ်ခြင်းကိုမခံရပေ။

ဆိုပြီးစိန်ပေါလ်က ဆိုထားပါတယ်။

အခုလိုအချိန်ခါတွေ အထူးသဖြင့် ကက်သလစ်တွေကိုစွပ်စွဲပြောဆိုတဲ့ သင်တို့ရဲ့ကောင်းမှုကုသိုလ်ပြုခြင်းတွေ နိုဗီနာပြုလုပ်ခြင်းတွေဒါမှမဟုတ် စက္ကရမင်းတူးခံယူခြင်းတွေဟာ မလိုဘူး ယုံကြည်ရင် ကယ်တင်ခြင်းရပြီဆိုတဲ့သူတွေလွဲနေတာကတော့ သံပေါလူးဖြစ်စေ၊သံပေတရူးဖြစ်စေ အဲဒီအချိန်အခါက သူတို့ပြောနေတာတွေက ဂျူးလူမျိုးတွေကို ပြောနေတာဖြစ်ပါတယ်။ ဂျူးလူမျိုးတွေဟာ မိုးဇယ်ရဲ့တရားဥပဒေကိုဘဲ ခံယူပြီးတော့ သခင်ခရစ်တော်ကိုလက်မခံတဲ့သူ၊ လက်မခံချင်တဲ့အခြေအနေတွေမှာရှိနေတဲ့သူတွေကို ပြောတာဖြစ်ပါတယ်။ အဓိကသူတို့ပြောချင်တာက မင်းတို့ဂျူးလူမျိုးတွေ ဘယ်လောက်ဘဲ ဒီဥပဒေတွေရဲ့အောက်မှာကောင်းတဲ့အရာတွေကိုဘယ်လောက်ဘဲလုပ်ပါစေ သခင်ခရစ်တော်ကိုမယုံကြည်ဘူးဆိုရင် ကယ်တင်ခြင်းမရနိုင်တဲ့အကြောင်း ပြောချင်တာဖြစ်ပါတယ်။

နောက်တစ်မျိုးပြောရရင် ယုံကြည်ခြင်းကိုဘေးဖယ်ထားပြီးတော့ ကောင်းမှုတစ်ခုတည်းနဲ့ကောင်းကင် ဘုံရောက်ဖို့ကြိုးစားနေတဲ့ ဂျူးလူမျိုးတွေကို အဲဒီခေတ်၊အဲဒီအချိန်မှာ ပြောနေတာဖြစ်ပါတယ်။ သူတို့ဟာ ခရစ်တော်ကိုယုံကြည်ခြင်းမရှိဘူး၊ ဒါ့အပြင် ကယ်တင်ခြင်းကို လက်ခံခြင်းမရှိဘဲနဲ့ ပညတ်တော် ၁၀ ပါးနဲ့ မိုးဇယ်ပေးထားတဲ့ဥပဒေတွေကိုဘဲလုပ်ရင် ငါတို့လည်းကောင်းကင်ဘုံရောက်မယ် ဆိုပြီးခံယူနေကြတဲ့ အဲဒီအချိန်က ဂျူးတွေကိုရေးနေတာဖြစ်ပါတယ်။ ဒီတော့ ကျွန်ုပ်တို့ယုံကြည်ခြင်းရရှိပြီးသားသူတွေအတွက်ကျတော့ ဘယ်လိုဖြစ်သွားမလဲ သံပေါလူးနဲ့သံပေတရူးပြောချင်က ကောင်းမှုဘယ်လောက်လုပ်လုပ် ယုံကြည်ခြင်းကိုလက်မခံရင် ကောင်းကင်ဘုံမရောက်ဘူး၊ ဒါပေမယ့် ယုံကြည်ခြင်းကိုလက်ခံထားပြီးတော့ကောင်းမှု(အကျင့်)မလုပ်ရဘူးလို့ပြောနေတာမဟုတ်ဘူး၊ ယုံကြည်ခြင်းကိုလက်ခံထားပြီးတော့ ကောင်းမှုလုပ်တာဟာ ယုံကြည်ခြင်းနဲ့ဆန်ကျင်နေတယ်၊အပိုတွေဖြစ်တယ်လို့ ပြောနေတာမဟုတ်ပါဘူး။ ကောင်းမှုကုသိုလ်ဘဲလုပ်ပြီးတော့ ယုံကြည်ခြင်းကိုလက်မခံလို့ သူတို့က ပြောနေတာဖြစ်ပါတယ်။

ဒီတော့ ခရစ်တော်ကိုအသက်သခင်အဖြစ်ယုံကြည်ခြင်း၊ ဘုရားပေးတဲ့ကျေးဇူးတော်ကိုလက်ခံခြင်းပြီးတော့ကောင်းမှုကုသိုလ်ပြုခြင်းဆိုတာဟာ သံဟဇာတဖြစ်ပြီးတော့ ပြုလုပ်ရမယ့် အရာဖြစ်ပါတယ်။ ဘာကြောင့်လဲဆိုတော့ ဘုရားသခင်ကိုယ်တော်တိုင်ပြောထားပါတယ်။ မသဲ ၂၅း ၃၁-၄၆ ကိုရှုရန်။

ကိုယ့်ကိုယ်ကိုယ် တရားဥပဒေအောက်မှာနေတယ်ဆိုတဲ့သူတွေက သူတို့ကိုတရားစီရင်တဲ့အချိန်မှာ ကောင်းကင်နိုင်ငံမှာလက်မခံတဲ့အတွက် သူတို့ဘာများအမှားလုပ်ခဲ့မိလို့လဲလို့ မေးတယ်၊ အဲဒီအချိန်မှာ သခင်ခရစ်တော်က ငါရေငတ်တဲ့အချိန်မှာ သင်တို့ငါ့ကိုရေမပေးဘူး၊ ငါထောင်ကျတဲ့အချိန်မှာ လာမကြည့်ဘူးဆိုပြီး Good Work of Mercy၊ကောင်းသောအမှုကိုလျစ်လျူရှုခဲ့ကြတဲ့ တရားဥပဒေအောက်မှာ နေခဲ့ကြတဲ့သူတွေကို ကောင်းကင်ဘုံက လက်မခံဘူးဆိုတာကို သခင်ယေဇူးရဲ့တရားဟောချက်မှာ ရှင်းရှင်းလင်းလင်းကိုတွေ့ရပါတယ်။ ဒါလေးက အင်မတန်မှကို ရှင်းနေပါတယ်။

နောက်ဥပမာတစ်ခုကိုကြည့်ရအောင်။။ ကောင်းသောဆာမာရိတန်အကြောင်းပါ။ နောက်ဆုံးမှာ သခင်ယေဇူးက သင်တို့လည်းထိုနညးတူပြုကြလော့လို့ဆိုထားပါတယ်၊ အဲဒီတော့ ကောင်းမူကုသိုလ်ပြုခြင်းက ယုကြည်ခြင်းကိုဆန့်ကျင်တာမဟုတ်ဘဲနဲ့ ဘုရားသခင်ပေးသနားတဲ့ ယုံကြည်ခြင်းကျေးဇူးတော်ရဲ့အောက်က အသီးအပွင့်သက်သေသာဖြစ်ပါတယ်။ ယုံကြည်ခြင်းကို မလက်ခံဘဲနဲ့ ကောင်းသောအမှုကိုပြုခြင်းက မလုံလောက်ပါဘူး။ ကောင်းသောအမှုကိုပြုပြီး ယုံကြည်ခြင်းကိုလက်ခံခြင်းက ကောင်းကင်နိုင်ငံရောက်စေဖို့ဖြစ်ပါတယ်။

ဒီတော့ ကယ်တင်ခြင်းကျေးဇူး၊ယုကြည်ခြင်းနဲ့ကောင်းသောအမှုဆိုတာ အဲဒါဖြစ်ပါတယ်။

ကယ်တင်ခြင်းလည်းလိုအပ်နေတယ်၊ယုံကြည်ခြင်းကိုလက်မခံဘဲနဲ့ ကောင်းမှုတွေဘယ်လောက်လဲလုပ်လုပ်အလားဘဲ။ ကယ်တင်ခြင်းကလည်းရပြီ၊ကျေးဇူးတော်ကိုလည်းရပြီ၊ ယုံကြည်ခြင်းကိုလည်းလက်ခံထားပြီး ကောင်မှုကုသလိုလ်လုပ်တာ ဘာမှဖြစ်မသွားဘူး ပိုတောင်ကောင်းလာတာဖြစ်တယ်။

 နောက်ဆုံးအနေနဲ့ ကက်သလစ်တွေဟာ သခင်ခရစ်တော်ကိုယုံကြည်မှသာလျှင် ကယ်တင်ခြင်းကျေးဇူးတော်ကိုရရှိမယ်ဆိုတာကိုယုံကြည်ပါတယ်။ ဘုရားသခင်ရဲ့ကျေးဇူးတော်အားဖြင့် ယုံကြည်တဲ့အတွက် ကောင်းမှုတွေကိုလုပ်တာဖြစ်ပါတယ်။

(CCC.၂၀၁၁) ခရစ်တော်သခင်၏ မေတ္တာတော်သည် ဘုရားသခင်၏ရှေ့တော်၌ ကျွန်ုပ်တို့ကုသိုလ်ရရှိမှု၏အရင်းအမြစ်ဖြစ်သည်။ ကျေးဇူးတော်သည် ခရစ်တော်သခင်၌ လက်တွေ့ကျသော ချစ်ခြင်းမေတ္တာနှင့်ပေါင်းစပ်စေခြင်းဖြင့် ကျွန်ုပ်တို့၏အပြုအမှုများကို သဘာဝထက်လွန်ကဲခြင်းအဆင့်သို့ မြှင့်တင်ပေး၍ ဘုရားသခင်ရှေ့တော်နှင့် လူတို့ရှေ့တွင် ကုသိုလ်ဖြစ်စေသည်။ ရဟန္တာအရှင်သူမြတ်တို့သည် မိမိတို့၏ကုသိုလ်များကို ဘုရားသခင်၏ ကျေးဇူးတော်သက်သက်ဖြစ်သည်ဟု အောက်မေ့ကြသည်။ 

င်ယ်ာကျမ်းပိုဒ်ပြန်ကြည့်ရအောင် န်ကြည့်ရအောင် နဲ့ ဘယ်လိုမှဆန်ကျင်ဘက်ဖြသ်နကိုနားလည်ဖို့လိုအပ်ပါတယ်။်

Joseph Khai

ယုံကြည်ခြင်းနှင့် ကျင့်ကြံနေထိုင်ခြင်း (အပိုင်း ၅)

မိမိတို့အား ယုံကြည်ခြင်းခွန်အားတိုးပွားစေမည့် အချက် (၈)ချက်။

၁။နေ့စဉ်မစ္ဆားတရားတော်မြတ်တွင် ပါဝင်ခွင့်ရလျှင် ပါဝင်ပါ။ ကိုယ်တော်မြတ်ကိုလည်း အတတ်နိုင်ဆုံး ထိုက်တန်စွာပင့်ယူနိုင်ရန် ကြိုးစားပါ။
၂။ ကိုယ်တော်မြတ်ဖူးမျှော်ခြင်းမှာ မကြာခဏပါဝင်ပါ။
၃။ အာပတ်ဖြေခြင်းကို ပုံမှန်လုပ်နိုင်အောင်ကြိုးစားပြီး သြတ္တပစိတ်ကို ရှင်းရှင်းလင်းလင်းထားပါ။
၎။ ကျမ်းစာကိုနေ့စဉ်ဖတ်ပါ။
၅။ စိတ်ပုတီးစိတ်၍ဆုတောင်းပါ။
၆။ အသင်းတော်အတွင်းလှုပ်ရှားမှုများတွင် ပါဝင်ပါ။ စေတနာ့ဝန်ထမ်းအဖြစ် တစ်ခါတစ်ရံ ပါဝင်လှုပ်ရှားပါ။
၇။ ဖြူစင်ခြင်းကို ကြိုးစားကျင့်ကြံပါ။
၈။ လူငယ်အဖွဲ့တွေမှာ ပါဝင်လှုပ်ရှားပါ။

ဂိုဏ်းချုပ်ဆရာတော်ကြီး ဒန်နီရဲ ပြောတာကို ပြန်ပြောပြချင်ပါတယ်။ - ကက်သလစ်ယုံကြည်ခြင်းဟာ သိပ်ကိုကြွယ်ဝသလို သိပ်ကိုရှုပ်ထွေးပါတယ်။ မိမိတို့ကိုယ်ကို ကက်သလစ်ပါလို့ဆိုသူတွေလည်း သူတို့ဘ၀မှာ ပို၍နက်ရှိုင်းတဲ့ ကက်သလစ်ယုံကြည်ခြင်းကို ရှာဖွေတွေ့ရှိနေတုန်းပါပဲ။ လူငယ်ဘ၀ရောက်မှ ကက်သလစ်ဖြစ်လာတဲ့သူတွေဆို ပိုပြီးတော့သိသာပါတယ်။- သူတို့ကိုယ်သူတို့ တခြားကမ္ဘာကို ပြောင်းရွေ့လာသလိုပဲ ထင်မှတ်တတ်ပါတယ်။ ဘာကြောင့်လဲဆိုတော့ ကက်သလစ်ယုံကြည်ခြင်းမှာ အလင်းသစ်နဲ့ဘ၀သစ်ကို အဓိပ္ပာယ်သစ်တွေနဲ့ ပြန်ရှင်လာခဲ့လို့ပါပဲ။ အဲ -ကက်သလစ်ယုံကြည်ခြင်းကို ၀န်ခံရွတ်ဆိုတဲ့သူတွေဟာ သီးခြားစိတ်ထားလေးတွေရှိလာပါတယ်။ အဲဒီလူတွေကို (Thinking Catholics) စဉ်းစားချင့်ချိန်သော ကက်သလစ်များလို့ ခေါ်ချင်ပါတယ်။ ကမ္ဘာကြီးအကြောင်း၊ မိမိပတ်ဝန်းကျင်ရှိ လူတွေအကြောင်း၊ ပိုင်ဆိုင်မှုတွေအကြောင်း၊ ဆုတောင်းခြင်းအကြောင်း၊ ၀ိညာဉ်ရေးရာ ရင့်ကျက်လာခြင်းအကြောင်း၊ စသဖြင့် အမျိုးမျိုး စဉ်းစားချင့်ချိန်လာကြပါတယ်။ (Archbishop Daniel E. Pilarczyk, Being Catholic: How We Believe, Practice, and Think, pg. 7, 2016)

ယုံကြည်ခြင်းနဲ့ ဧ၀ံဂေလိတရားတော်ကို ကျင့်ကြံတဲ့သူတွေဟာ ခရစ်တော်သခင်၌ ဘ၀ရှင်သန်ခြင်းကို ထိတွေ့ခံစားရစေပါတယ်။ (CCC 2038) ကျနော်တို့တတွေလည်း မိမိတို့ယုံကြည်လက်ခံထားတဲ့ ကက်သလစ်ခရစ်ယာန်ယုံကြည်ခြင်းကို အသင်းတော်ကြီးရဲ့လမ်းပြမှုတွေနဲ့အတူ ကျင့်ကြံနေထိုင်ရင်း ခရစ်တော်သခင်၌ ဘ၀ရှင်သန်ခြင်းကို ထိတွေ့ခံစားရသည်များကို တဖန်သက်သေခံသွားကြပါစို့။

ဥရောပရောက်မြန်မာကက်သလစ်များတွေ့ဆုံပွဲနှင့် လူငယ်သင်တန်းမှ-
ဒိုမီနီကန်ကိုရင်

ယုံကြည်ခြင်းနှင့်ကျင့်ကြံနေထိုင်ခြင်း (အပိုင်း ၄)

မေးခွန်း ၄။ အကျွန်ုပ်တို့ ယုံကြည်ခြင်းကို ဘယ်လိုကျင့်ကြံနေထိုင်သွားကြမလဲ။

Faith without practice is dead! ကျင့်ကြံမှုမရှိတဲ့ယုံကြည်ခြင်းဟာ အသေဖြစ်၏။ (ရှင်ယာကုပ် ၂း၁၄-၂၆) မှာ ရှင်ပြထားပါသေးတယ်။ ကျနော်တို့တတွေ အထက်ပိုင်းမှာ ယုံကြည်ခြင်းအကြောင်းလည်း ကြားနာထားပြီ၊ ဘယ်သူ့ကိုယုံကြည်ကြလို့ ဘာကိုယုံကြည်ကြသလဲဆိုတာလည်း ကြားနားပြီးနေပြီ။ ဒီတော့ ကျနော်တို့ သိနားလည်စွာနဲ့ ယုံကြည်လက်ခံပြီဆိုတာနဲ့ ဘယ်လိုကျင့်ကြံနေထိုင်ကြမယ်ဆိုတာ သိသင့်သလောက်သိပြီး ဖြစ်မှာပါ။

ခရစ်ယာန်တွေအဓိက ကျင့်ကြံတာကတော့ Christ-liked ခရစ်တော်နှင့်တူသောသူများဖြစ်ဖို့ပင် ဖြစ်ပါတယ်။ ခရစ်တော်ကိုစံနမူနာထားပြီး ကောင်းကင်ဘုံရှိ သင်တို့၏ဖခင်သည် ပြီးပြည့်စုံသကဲ့သို့ သင်တို့သည်လည်း ပြီးပြည့်စုံကြလော့ (မာတေဦး ၅း၄၈)မှာ ဆိုထားသလိုပဲ ကျနော်တို့တတွေလည်း ပြီးပြည့်စုံအောင်ခရစ်တော်နောက်လိုက်ရင်း ကျင့်ကြံနေကြတာဖြစ်ပါတယ်။ ဒါ့ကြောင့် ရှေးဦးခရစ်ယာန်များကို သန့်ရှင်းသူများ၊ သူတော်စင်များ၊ လမ်းနောက်လိုက်သူများ စသဖြင့် ခေါ်ဆိုကြပါတယ်။ ညှင်းပမ်းနှိပ်စက်မှုတွေ အမျိုးမျိုးကြုံနေရလည်း ခရစ်ယာန်တွေဟာ ခရစ်တော်ဘုရားရှင်နဲ့ အတတ်နိုင်ဆုံးတူအောင် ကျင့်ကြံ ကြိုးစားခဲ့ကြပါတယ်။ ဘာကြောင့်လဲဆိုတော့ ခရစ်တော်သခင်ဟာ လမ်း၊ အမှန်တရားနဲ့ အသက်ဖြစ်၍ ငါ့ကိုအမှီမပြုဘဲ မည်သူမျှ ခမည်းတော်ဘုရားထံသို့ မလာရောက်နိုင် လို့ ယောဟန် ၁၄း၆မှာ အတည်အလင်းဆိုထားတာကြောင့်ပါ။

ခရစ်တော်ရဲ့တရားလမ်းတွေကို သမ္မာကျမ်းစာနဲ့ မြတ်သောအစဉ်အလာအားဖြင့် ခိုင်မာစွာ သိရှိပြီး ကျင့်ကြံနိုင်ပါတယ်။ ဒါ့ကြောင့် ကက်သလစ်အသင်းတော်ကြီးအနေနဲ့ Rule of Faith ယုံကြည်ခြင်းနိတ္တိဆိုပြီး အမြဲတမ်း သွန်သင်လမ်းပြပေးလျက်ရှိပါတယ်။ ဒီလိုသွန်သင်လမ်းပြပေးဖို့အတွက် အသင်းတော်ကြီးကို ခရစ်တော်သခင်ကိုယ်တော်တိုင် (မာတေဦး ၁၆း၁၈)မှာ သံပေတရူးကို ကျောက်တည်ပြီး တည်ထောင်ပေးခဲ့တာ ဖြစ်ပါတယ်။ ဒီအသင်းတော်ကြီးဟာ နှစ်ပေါင်း ၂၀၀၀ကျော်လာသည့်တိုင်အောင် စစ်မှန်တဲ့ ယုံကြည်ခြင်းနှင့် ခရစ်တော်ရဲ့ တရားတော်တွေကို မူရင်းလည်းမပျောက်၊ ပိုပြီးလည်း နားလည်နိုင်အောင် ခေတ်အဆက်ဆက် ဓမ္မသင်္ဂြိုလ်ပညာရှင်ကြီးများရဲ့ အကူအညီနဲ့ သွန်သင်လမ်းညွှန်နေတာပါ။ 
အသင်းတော်ကြီးအတွင်းမှာ ကျနော်တို့တတွေ ဆေးကြော်ခြင်းမင်္ဂလာခံယူရရှိကြတယ်။ အသင်းတော်ကြီးအတွင်းမှာ နှစ်ပေါင်းများစွာ ထိမ်းသိန်းလာတဲ့ စစ်မှန်တဲ့ယုံကြည်ခြင်းအမွေကို ရရှိကြတယ်။ အသင်းတော်ကြီးအတွင်းမှာ ဘုရားသခင်ရဲ့ နှုတ်တော်ထွက်စကားတော်ကို ကြားနာကြတယ်။ ဘုရားသခင်ကြိုက်နှစ်သက်သည့်အတိုင်း ဘယ်လိုနေထိုင်သွားကြရမယ်ဆိုတာကို အသင်းတော်ကြီးအတွင်းမှာ ကျနော်တို့ လေ့လာယူကြတယ်။ ခရစ်တော်ပေးခဲ့တဲ့ စက္ကရမင်တူးများအားဖြင့် ကျနော်တို့ကို မြှင့်တင်ပေးတယ်၊ ကျနော်တို့ကို ခွန်အားပေးတယ်၊ ကျနော်တို့ကို နှစ်သိမ့်ပေးတယ်။ အသင်းတော်ကြီးအတွင်း စံနမူနာအားဖြင့် ရဟန္တာသူတော်စင်တွေ ရှိနေတယ်။ အသင်းတော်အတွင်း သန့်ရှင်းမြင့်မြတ်တဲ့ မစ္ဆားတရားတော်မြတ်ကို ပူဇော်ကြတယ်။ ခရစ်တော်ရဲ့ ပူဇော်ခြင်းမှာ ကျနော်တို့တတွေ ပူးပေါင်းပါဝင်ကာ ခရစ်တော်ရဲ့ခန္တာကိုယ်ဖြစ်လာကြတယ်။ ပြီးတော့ အဲဒီခွန်အားတွေနဲ့ နေ့စဉ် ရှင်သန်ကြတယ်။

ကျနော်တို့ ကက်သလစ်ခရစ်ယာန်များအတွက် မိမိတို့ယုံကြည်ခြင်းကို ကျင့်ကြံသက်သေခံဖို့ရာ - နှစ်မျိုးပြောပြချင်ပါတယ်။ ပထမကတော့ ခရစ်ယာန်ဘ၀ရဲ့ အခြေခံအချက် (၅)ချက်ဖြစ်ပြီး ဒုတိယအချက်ကတော့ အသင်းတော်ရဲ့ ကျင့်ဝတ် (၅) ချက်ပါ။ နောက်ပြီး ကျနော်တို့အား ယုံကြည်ခြင်းခွန်အားတိုးစေတဲ့ အချက် (၈)ချက်ကိုလည်း ဝေမျှပေးပါ့မယ်။

ခရစ်ယာန်ဘ၀ရဲ့ အခြေခံ (၅)ချက်
---------------------------------------
၁။တပည့်တော်ကြီးများစီရင်ထားသော ယုံကြည်ခြင်းအချုပ် (၁၂)ချက်
၂။စက္ကရမင်တူးများ
၃။ပညတ်တော် ၁၀ ပါး
၎။တနင်္ဂနွေနေ့ မစ္ဆားတရားတော်မြတ်
၅။ဆုတောင်းခြင်း။

အသင်းတော်၏ကျင့်ဝတ် ၅ ချက်။
--------------------------------------
၁။တနင်္ဂနွေနေ့ မစ္ဆားတရားတော်မြတ်နှင့် ပွဲတော်နေ့များ
၂။အာပတ်ဖြေခြင်းစက္ကရမင်တူးအား တနှစ်လျှင် အနည်းဆုံးတစ်ကြိမ် ခံယူခြင်း
၃။ကိုယ်တော်မြတ်စက္ကရမင်တူးအား အနည်းဆုံး ပါစကားကာလတွင် ပင့်ယူခြင်း
၎။အသားရှောင် ၀ါရှောင်ပြုရမည့်နေ့များကို စောင့်ထိန်းခြင်း
၅။အသင်းတော်အား အလှူဒါနဖြင့် ပံ့ပိုးခြင်း။

အကျွန်ုပ်တို့အား ယုံကြည်ခြင်းခွန်အားတိုးပွားစေမည့် အချက် ၈ ချက်။အားထပ်မံဖော်ပြပေးပါမည်။
ဆက်ရန်-

ဥရောပရောက်မြန်မာကက်သလစ်များတွေ့ဆုံပွဲနှင့် လူငယ်သင်တန်းမှ-
ဒိုမီနီကန်ကိုရင်

ယုံကြည်ခြင်းနှင့် ကျင့်ကြံနေထိုင်ခြင်း (အပိုင်း ၃)

မေးခွန်း ၃။ အကျွန်ုပ်တို့ ဘယ်သူ့ကိုယုံကြည်ကြပါသလဲ။ ဘာကိုယုံကြည်ကြပါသလဲ။

ကျနော်တို့တတွေဟာ ဘ၀မှာ မှန်မှန်ကန်ကန်ရှင်သန်ဖို့ မိမိယုံကြည်တာကဘာလဲ၊ ဘာကို မိမိတို့ယုံကြည်နေတာလဲဆိုတာကို အသေအချာသိဖို့လိုအပ်ပါတယ်။ အဲဒီလိုပဲ ဘုရားသခင်ဘက်က စတင်ဖိတ်ခေါ်တဲ့ ယုံကြည်ခြင်းကျေးဇူးတော်မှာ ကျနော်တို့တတွေဟာ တိုးလျှိုးနာခံဖို့ လိုအပ်ပါတယ်။ တနည်းအားဖြင့်ပြောရရင်တော့ - မိမိဘ၀ကို ဧ၀ံဂေလိတရားတော်အတိုင်း ညှိယူကာ ကျင့်ကြံနေထိုင်ဖို့ပါပဲ။ (ကိုယ်ကြိုက်တဲ့ တရားလေးပဲကောက်နှုတ်ပြီး တရားတော်ကို ကိုယ့်ဘ၀နဲ့ ညှိယူတာမဟုတ်ဘဲ တရားတော်တစ်ခုလုံးကို မိမိဘ၀ရဲ့ မီးအိမ်အဖြစ်ထားပြီး ညှိယူလျှောက်လှမ်းကြရဖို့ ဖြစ်ပါတယ်။) ဆာလံကျမ်း ၁၁၉း၁၀၉ မှာဆိုထားသလိုပဲ - ကိုယ်တော်၏နှုတ်တော်ထွက်စကားသည် အကျွန်ုပ်၏ခြေတို့အတွက် မီးခွက်ဖြစ်၍ အကျွန်ုပ်သွားရာလမ်းကို အလင်းပေးပါ၏။-

ကျနော်တို့တတွေ ဆေးကြောခြင်းမင်္ဂလာအားဖြင့် ခရစ်ယာန်များဖြစ်လာခဲ့ကြတယ်။ အေဒီ ၁၅၀၀ နောက်ပိုင်းမှ ဖြစ်ပျက်လာခဲ့တဲ့ အသင်းတော်အတွင်း ဂယက်ထမှုတွေကြောင့် ပရိုတက်စတန့်များ၊ နှစ်ချင်းများ၊ စသဖြင့် ဂိုဏ်းကွဲများစွာပေါ်လာတာကြောင့် ဟိုးယခင်ကတည်းက တည်လာခဲ့တဲ့ အသင်းတော်ကြီးကို ယနေ့တိတိကျကျ ကက်သလစ်အသင်းတော်ကြီးလို့ ခေါ်တွင်လာတယ်။ ဒါ့ကြောင့် ကျနော်တို့တတွေဟာ ကက်သလစ်ခရစ်ယာန်များလို့ အခြားခရစ်ယာန်များနဲ့ မမှားအောင် ခေါ်ဆိုကြတယ်။
ဒီတော့ ကက်သလစ်အသင်းတော်ကြီးရဲ့ သွန်သင်လမ်းပြမှုတွေနဲ့အတူ ကျနော်တို့ ဘာကိုယုံကြည်သလဲ၊ ကျနော်တို့ ဘယ်သူ့ကို ယုံကြည်သလဲ။ အသင်းတော်ကြီးရဲ့ အခြေခံယုံကြည်ခြင်းဟာ တပည့်တော်ကြီးများ စီရင်ထားတဲ့ ယုံကြည်ခြင်းအချုပ်ပင်ဖြစ်ပါတယ်။ -

၁။ အားလုံးစုံကို တတ်နိုင်တော်မူထသော၊ မိုးမြေတို့ကို ဖန်းဆင်းတော်မူထသော ခမည်းတော်ဘုရားကို ကျွန်ုပ်တို့သည် ယုံကြည်လေးမြတ်ခြင်းရှိပါ၏။
၂။ ခမည်းတော်၏ တစ်ပါးတည်းသော သားတော်ယေဇူးခရစ္စတူး၊ ကျွန်ုပ်တို့၏သခင်သည် သန့်ရှင်းသော ၀ိညာဉ်တော်အားဖြင့် ပဋိသန္ဓေယူတော်မူ၍ ကညာမာရိယာမှ ဖွားမြင်တော်မူသည်။
၃။ ပုံစီဦးပီလာတူးမင်းလက်ထက် ဒုက္ခစရိယာကျင့်ခံတော်မူ၍၊ တံကျင်၌သတ်ထားသဖြင့် အသက်တော်ထွက်၍ အလောင်းတော်ကို သင်္ဂြိုလ်သည်။
၎။ အောက်နိမ့်ရာအရပ်သို့ ဆင်းကြွတော်မူ၍ တတိယနေ့တွင် သေသည့်သူတို့အစုမှ ရှင်ပြန်ထမြောက်တော်မူသည်။
၅။ ကောင်းကင်ဘုံသို့ တက်တော်မူ အားလုံးစုံကို တတ်နိုင်တော်မူသော ခမည်းတော်ဘုရား လက်ယာဘက်မှာ ထိုင်၍နေတော်မူသည်။
၆။ ထိုမှ ရှင်သူ၊သေသူတို့ကို စီရင်စစ်ကြောတော်မူရန် ကြွလာတော်မူလိမ့်မည်။ ဤအကြောင်းအချက်တို့ကို ယုံကြည်လေးမြတ်ခြင်းရှိပါ၏။
၇။ သန့်ရှင်းသောဝိညာဉ်တော်ဘုရားကိုလည်းကောင်း၊
၈။ သန့်ရှင်းသော ကက်သလစ်အသင်းတော်ကိုလည်းကောင်း၊
၉။ သူတော်သူမြတ်အပေါင်းတို့သည် တစ်လုံးတစ်ဝတည်းဖြစ်၍ အချင်းချင်း အကျိုးကုသိုလ်တို့ကို ခံစားရကြောင်း၊
၁၀။ အပြစ်ဟူသမျှကို လွတ်ကြောင်း၊
၁၁။ ကိုယ်ခန္ဓာရှင်ပြန်ထမြောက်မည့်အကြောင်း၊
၁၂။ အစဉ်ထာဝရ အသက်ရှင်မည့်အကြောင်းတို့ကိုလည်း ယုံကြည်လေးမြတ်ခြင်းရှိပါ၏။ -အာမင်။

ကက်သလစ်ယုံကြည်ရာကို ထပ်မံ၍ ဖော်ထုတ်ပြောဆိုရလျှင်-

၁။ ဖန်ဆင်းရှင်ထာဝရဘုရားသခင်၊
၂။ ယေဇူးခရစ်တော်နှင့် ပါစကားနက်နဲဖွယ်ရာ
၃။ သန့်ရှင်းသော ၀ိညာဉ်တော်ဘုရား
၎။ ပုဂ္ဂိုလ်သုံးပါး ဘုရားတစ်ဆူ
၅။ ခရစ်တော်တည်ထောင်ခဲ့သော အသင်းတော်
၆။ မြတ်သောအစဉ်အလာနှင့် သမ္မာကျမ်းစာ
၇။ ခရစ်တော်ပေးခဲ့သော စက္ကရမင်တူး ၇ ပါး
၈။မိုးဇယ်မှတဆင့် ဘုရားသခင်ပေးခဲ့သော ပညတ်တော် ၁၀ ပါး
၉။ အသင်းတော်၏သွန်သင်ချက်
၁၀။ ခရစ်တော်ဘုရား၏မယ်တော် မာရိယာ
၁၁။ ဖန်ဆင်းခြင်း
၁၂။ ထာဝရအသက်
၁၃။ ကျေးဇူးတော်နှင့် ကယ်တင်ခြင်း
၁၄။ အပြစ်နှင့် ငရဲ။

(သာမန်နားလည်လွယ်အောင် ယုံကြည်ရာတွေကို အကျဉ်းချုံးဖော်ပြခြင်းသာဖြစ်သည်။)

ဆက်ရန်-

ဥရောပရောက်မြန်မာကက်သလစ်များတွေ့ဆုံပွဲနှင့် လူငယ်သင်တန်းမှ။
ဒိုမီနီကန်ကိုရင်

ယုံကြည်ခြင်းနှင့် ကျင့်ကြံနေထိုင်ခြင်း (အပိုင်း ၂)

မေးခွန်း ၂။ ယုံကြည်ခြင်းဆိုသည်မှာ ဘာလဲ။

ဟေဗြေဦးကျမ်း ၁၁း၁ မှာ “ယုံကြည်ခြင်းဆိုသည်မှာ မိမိတို့မျှော်လင့်ထားသည့်အရာနှင့်ပတ်သက်၍ အာမခံချက်ရရှိခြင်းနှင့် မမြင်နိုင်သောအရာတို့အမှန်ပင် တည်ရှိကြောင်းအခိုင်အမာ သိရှိခြင်းပင်ဖြစ်၏။” ဟု ဆိုထားပါတယ်။ ယုံကြည်ခြင်းဆိုတာ အကောင်းဆုံးမျှော်လင့်ချက်ဖြစ်လာမယ့် အနာဂတ်အမှန်တရားဆီကို ဦးဆောင်ခေါ်ယူသွားခြင်းလို့ ပြောနိုင်ပါတယ်။ ယုံကြည်ခြင်း၊ မျှော်လင့်ခြင်း၊ ချစ်လေးမြတ်ခြင်းဆိုတာ ဘုရားနှင့်တိုက်ရိုက်သက်ဆိုင်တဲ့ပါရမီများ (Theological virtues) လို့ အသင်းတော်ကြီးက သွန်သင်ထားပါတယ်။ ဒါ့ကြောင့် ဒီပါရမီတွေဟာကျနော်တို့ လူသားရဲ့ကြိုးစားမှုနဲ့ကျင့်ကြံလို့ ရနိုင်တာမဟုတ်ဘဲ ဘုရားသခင်ဘက်က စတင်ပြီး လူသားကို ကျေးဇူးတော်ပေးလို့ လူသားက ကျင့်ကြံနိုင်တာဖြစ်ပါတယ်။

သမ္မာကျမ်းစာတစ်အုပ်လုံးမှာ ယုံကြည်ခြင်းနဲ့ပတ်သက်လို့ အကောင်းဆုံးနဲ့အရှည်ဆုံးအခန်းပိုဒ်တွေကတော့ အာဗြဟံအကြောင်းပါပဲ။ အခန်းကြီး ၁၁ - ၅၀ ထိအောင်ရှည်လှပါတယ်။ ဒါဟာ ယုံကြည်ခြင်းဘယ်လောက် အရေးကြီးလဲဆိုတာ ပြသနေတာပါပဲ။ အာဗြဟံအကြောင်း အကျဉ်းချုံးပြောရရင်တော့ -
အာဗြဟံဟာ နောဧရဲ့န၀မမျိုးဆက်ဖြစ်တဲ့ တဲရာရဲ့ သားသုံးယောက်ထဲက တစ်ဦးဖြစ်တယ်။ သူတို့ဟာ ဦးမြို့မှာနေထိုင်နေခဲ့ကြတယ်။ အဲဒီမြို့မှာပဲ ဖခင်ကြီး တဲရာခေါင်းချသွားခဲ့တယ်။ အာဗြဟံက ဆာရကို လက်ထပ်ခဲ့တယ် -ဒါပေမယ့် ဆာရဟာ မြုံနေလို့ သားသမီးမထွန်းကားခဲ့သေးပါဘူး။ ဘယ်လိုဖြစ်ဖြစ် ဦးမြို့ဆိုတာက အဲဒီခေတ်ကာလက ကြွယ်ဝဖွံ့ဖြိုးတိုးတက်နေခဲ့တဲ့မြို့ဖြစ်တဲ့အတွက် အာဗြဟံတို့ဟာ ကောင်းကောင်းနေ၊ ကောင်းကောင်းစားနဲ့ ဘ၀ဟာ အဆင်ပြေနေခဲ့မယ်လို့ ထင်ပါတယ်။ ဒါပေမယ့် အဲဒီလိုကြွယ်ဝဖွံ့ဖြိုးတဲ့မြို့မှာ မကောင်းတဲ့ဓလေ့စရိုက်တွေလည်း ထွန်းကားနေခဲ့တယ်။ နတ်ဘုရားတွေကို ပူဇော်ပသလိုက်ကြနဲ့ လူကိုတောင် ပူဇော်ရာအဖြစ်အသုံးပြုကြနဲ့ ဘုရားစစ်ဘုရားမှန်နဲ့ ဝေးကွာနေခဲ့ကြတယ်။

အဲဒီမှာပင် ဘုရားသခင်က (ကမ္ဘာဦးကျမ်း ၁၂း၁) ဧဗြဟံကို အဲဒီမြို့ကနေ စွန့်ခွာခိုင်းခဲ့တယ်။ အဲဒီမှာ တည်ငြိမ်ကောင်းစားနေတဲ့ဘ၀ကို စွန့်ပြီး မသေချာသေးတဲ့ ဘုရားသခင်ပြမယ်ဆိုတဲ့ ကတိပေးနေရာကို ခရီးနှင်ရမယ်။-သြော် မသေချာမရေမှု့တွေနဲ့။ အသက်ကဖြင့် ၇၅ နှစ်ရှိနေပြီ။ ဘယ်လိုပဲဖြစ်ဖြစ် ဧဗြဟံက စွန့်စားမှု့ကို စတင်ခဲ့တယ်။ သူ့ဇနီး ဆာရ၊ သူ့တူဖြစ်တဲ့ လော့ တို့နဲ့အတူ ခရီးစတင်ထွက်ခွာလာခဲ့တော့တယ်။
ခရီးတလျှောက် အခက်ခဲမျိုးစုံပါပဲ။ ကာနွန်ပြည်မှာ အဆာငတ်ကပ်ဘေးဆိုက်လို့ ဖာရော့မင်းထံမှာ သူ့ဇနီးဆာရကို ညီမဟန်ဆောင်ခိုင်းတာ၊ ဖာရော့မင်းက ကြိုက်မိသွားလို့ ဒုက္ခ။ သူ့ဇနီးမှန်းသိသွားလို့ ပေးထားတဲ့ နွားတွေ၊ မြည်းတွေ၊ သိုးတွေ၊ သစ်ကုလားအုပ်တွေပြန်လိုက်သိမ်းလို့ ပြေးလိုက်ရတယ်။

တိရစ္ဆာန်တွေအတွက် စားကျက်မလောက်လို့ သူနဲ့ သူ့တူ လော့တို့လမ်းခွဲခဲ့ကြရပြန်တယ်။ ဒီကြားထဲ လော့နေတဲ့မြို့ဖြစ်တဲ့ ဆောဒုံနဲ့ဂေါမောရမြို့က အပြစ်တွေများလို့ ဘုရားက မီးရှို့ဖျက်စီးမယ်ပြောလို့ အာဗြဟံတစ်ယောက် ဈေးစစ်သလိုစစ်ပြီး အသနားခံရသေးတယ်။ နောက်ဆုံး အာဗြဟံဈေးစစ်တဲ့အထိတောင် အဲဒီမြို့တွေက မကောင်းကြတော့လို့ မီးရှို့ဖျက်စီးတဲ့အခါ လော့တို့မိသားစုကို ကယ်ထုတ်ရသေးတယ်။
မြုံနေတဲ့ အာဗြဟံရဲ့ဇနီး ဆာရဟာ ကလေးမွေးဖွားဖို့ လုံးဝမဖြစ်နိုင်တဲ့အခြေနေမှာ ဘုရားသခင်က မင်းရဲ့မျိုးဆက်ကို ကောင်းကင်ကကြယ်တွေလောက်များစေရမယ်တဲ့ - ဒုက္ခပဲ။ ဖြစ်နိုင်ပါဦးမလား။ ဒါနဲ့ သူ့ယောက်ျားကိုသနားလို့ ဆာရက အစေခံမနဲ့ပေးအိပ်ပြီး ကလေးမွေးဖွားစေခဲ့ပေမယ့် ဘုရားသခင်က အာဗြဟံနဲ့ဆာရတို့မွေးတဲ့သားရတနာက မျိုးဆက်ကိုသာ ဆိုလိုခဲ့တယ်။ ဒီလိုနဲ့ တစ်ဦးတည်းသောသား အိုက်ဇက်ကိုမွေးဖွားပေးနိုင်ခဲ့တယ်။

သြော်-ပြေးကြည့်မှ ဒီသားတစ်ယောက်ပဲရှိတာကို ဘုရားသခင်က သူ့ကိုပူဇော်ပါဆိုပြီး စမ်းသပ်ခဲ့ပြန်သေးတယ်။ - ဘာတွေဖြစ်ကုန်တာလဲလို့ အာဗြဟံတယောက် သံသယတွေနဲ့ ဇဝေဇ၀ါဖြစ်နေမှာပဲ။
ဘယ်လိုပဲဖြစ်ဖြစ်၊ အာဗြဟံကတော့ ဘုရားသခင်ကို လုံးဝယုံကြည်ခဲ့တယ်၊ လုံးဝချစ်ကြောက်ရိုသေခဲ့တယ်၊ လုံးဝနာခံခဲ့တယ်။ သူရဲ့တစ်ဦးတည်းသောသားကိုလည်း ယဇ်ပူဇော်ဖို့ လုပ်ခဲ့တယ်။ အချိန်မှီ တကြားတမန်ရောက်လာပြီး ဆွဲထားခဲ့တယ် - ပြီးတော့ သူ့ကိုစမ်းသပ်တာ အောင်မြင်နိုင်ခဲ့တယ်။ ဒါ့ကြောင့် ဒီနေ့ အာဗြဟံအမျိုးနွယ်ကနေ ကျနော်တို့ ခရစ်ယာန်တွေ၊ ဂျူးတွေ၊ မွတ်စလင်တွေ စတဲ့ဘာသာကြီး ၃ ခုပေါ်ထွန်းလာခဲ့တယ်။ အာဗြဟံရဲ့မျိုးဆက်တွေ ကောင်းကင်က ကြယ်တွေလို များလှတယ်။

ယုံကြည်ခြင်းဆိုတာကို နားလေစေနိုင်သလို၊ ကြုံရာအခက်ခဲတွေကို ဒီယုံကြည်ခြင်းနဲ့ ကျော်ဖြတ်ခဲ့တယ်ဆိုတာကို အာဗြဟံက သက်သေခံနေပါတယ်။

ယုံကြည်ခြင်းကို အဘိဓါန်မှာတော့ ယုံကြည်ခြင်းဆိုသည်မှာ တစ်စုံတစ်ဦးအပေါ် ယုံကြည်စိတ်ထားခြင်း ဒါမှမဟုတ် တစ်စုံတစ်ရာမှာ ယုံကြည်သက်ဝင်ခြင်းကို ဆိုလိုပါတယ်။ ခရစ်ယာန်အနက်ဖွင့်ဆိုချက်မှာတော့ အနန္တတန်ခိုးရှင် ထာဝရဘုရားသခင်အပေါ်မှာ လုံးဝသေချာတဲ့ ယုံကြည်ပြီး ဘုရားရှင်ပြုတော်မူသော အရာများနှင့် ကတိတော်များအပေါ်မှာ လုံးဝစိတ်ချမှုရှိခြင်းပင် ဖြစ်ပါတယ်။ ဒီယုံကြည်ခြင်းဟာ ဘုရားသခင်ပေးတဲ့ ကျေးဇူးတော်သက်သက်သာဖြစ်လို့ ဘုရားသခင်ဘက်မှ ဖိတ်ခေါ်သံကို လူသားတွေက ပြန်လည်တုန့်ပြန်ခြင်းလို့လည်း ဆိုနိုင်ပါတယ်။ ဒီကျေးဇူးတော်ကြောင့်သာ ကျနော်တို့ လူသားများဟာ “အကျွန်ုပ်ယုံကြည်ပါ၏” လို့ပြောဆိုနိုင်တဲ့ စွမ်းအားသတ္တိရှိလာကြပါတယ်။

ဒါ့ကြောင့် အသင်းတော်ကြီးရဲ့ မြတ်သောအယူဝါဒဟူသော CCC ရဲ့သွန်သင်ချက်မှာတော့ - ယုံကြည်ခြင်းဟာ ဘုရားသခင်နှင့်သက်ဆိုင်သော ပါရမီ (Theologica virtue) ဖြစ်ပြီး ၎င်းပါရမီအားဖြင့် ဘုရားသခင်အပေါ်မှာ ယုံကြည်ကြပြီး ဘုရားပြုတော်မူသော အမှုရာအားလုံးနဲ့ ကတိတော်များအပေါ်မှာ ယုံကြည်ကြခြင်းဖြစ်ပါတယ်။ ယုံကြည်ခြင်းအားဖြင့် လူသားဟာ လွတ်လွတ်လပ်လပ်နဲ့ မိမိကိုယ်ကိုတစ်ခုလုံးကို ဘုရားသခင်ထံမှာ အသေအချာ နှစ်မြှုပ်ထားနိုင်လာတယ်။ (ccc. 1814-1816, 1842)

ဒီလိုယုံကြည်နိုင်တာဟာ မျက်ကန်းယုံကြည်တာမဟုတ်ပါ။ စိန်သောမတ်စ်အကွိုင်နက်စ်ပြောသလို ယုံကြည်ခြင်းနှင့် စဉ်းစားညဏ် (Faith and Reason) နှစ်ခုလုံးပေါင်းစပ်ပြီးမှ ယုံကြည်နိုင်တာ ဖြစ်ပါတယ်။ ရှင်ယာကုပ်သြ၀ါဒစာ ၁း၅-၆ မှာ “သင်တို့တွင် တစ်စုံတစ်ယောက်သည် ညဏ်ပညာကို လိုအပ်လျှင် ဘုရားသခင်ထံတောင်းလျှောက်ပါစေ။ ကိုယ်တော်သည် အပြစ်တင်ခြင်းမရှိဘဲ ရက်ရောစွာပေးလေ့ရှိသဖြင့် သူ့အားညဏ်ပညာကိုပေးသနားတော်မူလိမ့်မယ်။ သို့သော် သူသည် သံသယစိတ်မရှိဘဲ ယုံကြည်ခြင်းနှင့် တောင်းလျှောက်ရမည်။” ဆိုထားပါတယ်။ သိပ်မှန်ပါတယ် - သံသယကြီးသူအတွက် ယုံကြည်ခြင်းဆိုတဲ့ပါရမီဟာ အချည်းနှီးဖြစ်နေနိုင်ပါတယ်။ ဒါပေမယ့် ကိုယ့်ကိုယ်ကို စိတ်ချသူအတွက်တော့ ယုံကြည်ခြင်းက ပါရမီဖြည့်ပေးပြီး များစွာသောညဏ်ပညာ အသိဗဟုသုတတွေရှိရာကို လမ်းပြပါလိမ့်မယ်။

(ဆက်ရန်-)
ဥရောပရောက်မြန်မာကက်သလစ်များ တွေ့ဆုံပွဲနှင့် လူငယ်သင်တန်းမှ။
ဒိုမီနီကန်ကိုရင်

ယုံကြည်ခြင်းနှင့် ကျင့်ကြံနေထိုင်ခြင်း (အပိုင်း ၁)

ယုံကြည်ခြင်းနှင့် ကျင့်ကြံနေထိုင်ခြင်းဆိုတာ ရှေ့သွားနောက်လိုက်ပါပဲ။ Practice makes perfect ဆိုသလို ယုံကြည်ခြင်းဆိုသည့် ပါရမီကြီးကို ကျင့်ကြံနေထိုင်ခြင်းအားဖြင့် ပို၍ပို၍ ပြည့်စုံလာစေသလို၊ တဖက်မှာလည်း ယုံကြည်ပြီဆိုကတည်းက ၎င်းယုံကြည်ခြင်းအတိုင်း နေထိုင်အသက်ရှင်နေတယ်လို့ ယူဆလို့ရပါတယ်။

အဖြေကောင်းလိုချင်ရင် အမေးကောင်းမေးတတ်ဖို့ လိုပါလိမ့်မယ်။ ယုံကြည်ခြင်းနှင့်ကျင့်ကြံနေထိုင်ခြင်းအတွက် မေးခွန်း လေးခုနှင့်စဉ်းစားအဖြေရှာပြီး သုံးသပ်နိုင်ပါတယ်။
၁။ ဘာကြောင့် အကျွန်ုပ်တို့လူသားတွေမှာ ယုံကြည်နိုင်စွမ်းရှိနေပါသလဲ။
၂။ ယုံကြည်ခြင်းဆိုတာ ဘာလဲ။
၃။ အကျွန်ုပ်တို့ ဘာကိုယုံကြည်ကြပါသလဲ - ဘယ်သူ့ကို ယုံကြည်ကြပါသလဲ။
၎။ အကျွန်ုပ်တို့ယုံကြည်ခြင်းကို ဘယ်လိုကျင့်ကြံနေထိုင်သွားကြမလဲ။

ကျနော်တို့လူသားများဟာ အခြားသောဖန်ဆင်းခံတွေအားလုံးထက် ထူးကဲသာလွန်တာက ယုံကြည်နိုင်တဲ့ စွမ်းရည်ရှိလို့ပါပဲ။ ဒါဟာလည်း ဖန်ဆင်းခြင်းအစပြုကတည်းက ဘုရားသခင်က လူသားကို တထူးတခြားဖန်ဆင်းခဲ့တာကြောင့်ဖြစ်ပါတယ်။ ကမ္ဘာဦးကျမ်း အခန်းကြီး တစ် တခုလုံးမှာ ဖန်ဆင်းခြင်းအကြောင်းကို ပြောဆိုထားပြီး တထူးတခြား အခန်းငယ် ၂၆ မှာ - ဘုရားသခင်က ငါတို့ပုံသဏ္ဍာနှင့်တူသော လူကို ဖန်ဆင်းကြစို့ဟုဆိုကာ ဘုရားနှင့်သဏ္ဍာန်တူ လူသားကို ဖန်ဆင်းခဲ့ပါတယ်။ ဒါပေမယ့် အပြစ်ကြောင့် လူတွေဟာ ဇဝေဇ၀ါနဲ့ မရေမရာတဲ့ယုံကြည်မှု၊ တွေးခေါ်မှုတွေကို လက်လှမ်းမှီသလို ဆွဲဖမ်းဆုပ်ကိုင်နေကြရတယ်။ ဘယ်လိုပဲဖြစ်ဖြစ် ဘုရားသခင်ကတော့ ဖန်းဆင်းခံတွေကို ပြစ်မထားဘဲ ကယ်တင်ခြင်းသမိုင်းကို ဘုရားရှင်ကိုယ်တော်တိုင်က စတင်ခဲ့တယ်။ ဒီ့အတွက်ကြောင့် ကျနော်တို့မှာ ယနေ့ ကယ်တင်ရှင်ရှိတယ်ဆိုတဲ့ အသိနဲ့ ကယ်တင်ခြင်းတရားကို ပြောဆိုလာနိုင်ခဲ့ကြတယ်။

ယုံကြည်ခြင်းဆိုင်ရာမေးခွန်းဆိုတာ ကျနော်တို့လူသားအားလုံးနဲ့ သက်ဆိုင်နေတဲ့ မေးခွန်းပါပဲ။ ပုပ်ရဟန်းမင်းကြီး ဘက်နက် (၁၆)အမြဲတမ်းမေးလေ့ရှိပါတယ်။ ဒါကို YOUCAT ဘုရားစကားစာအုပ်ထဲမှာလည်း အဖြေကောင်းကောင်းရတဲ့အထိ ရှင်းရှင်းလွယ်လွယ် ဖိတ်နိုင်ပါတယ်။

လူဆိုတာ မိမိအကြောင်းအမှန်တရားတစ်ခုခုကို မရှာပဲ ရှင်သန်ဖို့ခက်ခဲပါတယ်။ မဖြစ်နိုင်ပါဘူး။ မဟုတ်ရင် ဘ၀သေဆုံးသလို အဆုံးရောက်သွားပါလိမ့်မယ်။ ဒါ့ကြောင့် ရှာဖွေခြင်းဟာ ဘ၀ရဲ့အစိတ်အပိုင်းတစ်ခုလို့ ဆိုနိုင်ပါတယ်။ အမှန်တရားကို ရှာဖွေရင်းနဲ့ ကျနော်တို့တတွေကို သာမန်ရုပ်ဝတ္ထုလောကထဲသာမကဘဲ အဲဒါတွေကိုကျော်ပြီး လက်တွေ့ဘ၀မှာ ကြုံတွေ့ရတဲ့အရာတွေကို ထွက်မပြေးဘဲ၊ ရင်ဆိုင်လက်ခံနိုင်ပြီး ဘ၀ကို မှန်မှန်ကန်ကန်ရှင်သန်လာစေနိုင်ပါတယ်။ ဘ၀အဓိပ္ပာယ်တွေပြည့်စုံလာသလို မျှော်လင့်ချက်တွေလည်း အမြဲဝေဆာလာပါတယ်။ ကျနော်တို့ ခရစ်ယာန်တွေမှာ ဘ၀ရဲ့တစ်ခုတည်းသော အမှန်တရားဟာ ဘုရားသခင်သာလျှင်ဖြစ်ပါတယ်။ ဒါ့ကြောင့် ဒီနေ့ဘုရားရှာနေကြတယ်။
YOCAT #3 မှာ ကျနော်တို့ကိုဖန်ဆင်းကတည်းက ဘုရားသခင်က ကျနော်တို့ရဲ့နှလုံးသားထဲမှာ ဘုရားရှင်ကို တမ်းတရှာဖွေသောနှလုံးသားကို ထည့်ပေးခဲ့တာမို့ ကျနော်တို့တတွေဟာ ဘုရားကိုရှာဖွေမှသာ ဘ၀အဓိပ္ပာယ်ရှာတွေ့မယ်လို့ ဆိုပါတယ်။ သိပ်ကိုမှန်ပါတယ်။ ဥပမာအားဖြင့် စိန်သြဂုတ်စတင်းပါ။

သြဂုတ်စတင်းဆိုတာ ဘ၀မျိုးစုံကျင်လည်ပြီးမှ နောက်ဆုံးဘ၀ရဲ့အဖြေကို ရှာတွေ့ခဲ့သူဖြစ်ပါတယ်။ သူရဲ့ငယ်စဉ်ဘ၀ဟာဆိုရင် ဆိုးဆိုးပေပေရှိလှတယ်လို့ ဆိုရပါလိမ့်မယ်။ မိခင်မောနီကား ဘယ်လောက်ပဲဆုံးမ၊ ဆုံးမ၊ သူကတော့ ဂျစ်ကန်ကန်နဲ့ အရွဲ့တိုက်ပြီး ဘ၀ရဲ့အဖြေကို တခြားဆန့်ကျင့်ဘက်တွေရှိရာ အပျော်အပါးတွေရှိရာမှာ ရှာဖွေနေခဲ့ပါတယ်။ တကယ်တော့ ညဏ်ကောင်းပြီး ခေတ်ပညာတတ်ပီပီ ဘ၀ရည်မှန်းချက်လည်း ကြီးပါတယ်။ တခါတရံ အခြားဒဿနပညာရှင်ကြီးတွေရဲ့ မှားယွင်းတဲ့ အတွေးအခေါ်တွေနောက် လိုက်ပြီး သူ့ဘ၀မှာ အမြဲတမ်း တစ်ခုခုလိုနေသလို ခံစားနေခဲ့ရတယ်။ ဒါပေမယ့် မိခင်မောနီကားပြောတဲ့ ဘုရားသခင်ကိုလည်း သူမယုံချင်ခဲ့ဘူး၊ မယုံနိုင်ခဲ့ဘူး။

တနေ့မှာတော့ မီလန်မြို့မှာ စိန်အန်းဘရုစ်ရဲ့တရားကို ကြားခဲ့ရပြီး သူ့ဘ၀ပြောင်းလဲဖို့ လမ်းစတွေ့လာခဲ့တယ်။ အဲဒီလိုနဲ့ ဇဝေဇ၀ါနဲ့ ချီတုံချတုံဖြစ်နေချိန် အိမ်ရှေ့ထိုင်နေတုန်းတနေ့မှာ ခလေးတယောက်ရဲ့အသံကို ကြားလိုက်ရတယ် . ယူပြီးဖတ်ပါ၊ ယူပြီးဖတ်ပါဆိုပြီး ပြောနေသံ။ ပထမတော့ ကလေးတွေကစားသံထင်နေတာ၊ ဒါပေမယ့် မဟုတ်ခဲ့ဘူး။ အဲဒါနဲ့သူလည်း သူ့ရှေ့က ကျမ်းစာအုပ်ကို ကောက်ယူပြီး ဖတ်လိုက်တယ်။ သူကောက်ယူပြီး ဖွင့်ဖတ်လိုက်တဲ့ ကျမ်းပိုဒ်က - ရောမ ၁၃း၁၃-၁၄။
အဲဒီကျမ်းပိုဒ်ဖတ်ပြီးတာနဲ့ သူတကိုယ်လုံး လွတ်လပ်ပေါ့ပါးပြီး အလင်းတွေ့တဲ့ မျက်ကန်းတစ်ယောက်လို အပျော်ကြီးပျော်တာကို ခံစားခဲ့ရတယ်။ စိန်အန်းဘရုစ်ထံမှာ ဆေးကြောခြင်းခံယူပြီး သူဟာ ခရစ်ယာန်ကောင်းတစ်ဦးဖြစ်လာရုံမကဘဲ ဟစ်ပိုမြို့ရဲ့ဆရာတော်ကြီး၊ ဓမ္မပညာရှင်ကြီးပါ ဖြစ်လာခဲ့တယ်။

သူရဲ့ ကိုယ်တိုင်ရေးသက်သေခံချက်ထဲမှာ - အကျွန်ုပ်တို့အား ကိုယ်တော်ရှင်အတွက် ဖန်ဆင်းခဲ့သည်ဖြစ်၍ အကျွန်ုပ်တို့၏နှလုံးသားသည်လည်း ကိုယ်တော်ရှင်ထံ မနားခိုသရွေ့တော့ နာခိုရာမဲ့လေလွင့်နေဦးမည်သာဖြစ်သည်။ (Book I, Ch.1)

(ဆက်ရန်-)

ဒိုမီနီကန်ကိုရင်
(ဥရောပရောက်မြန်မာကက်သလစ်များတွေ့ဆုံပွဲနှင့် လူငယ်သင်တန်းမှ-)

မြန်မာပြည်နှင့်ငြိမ်းချမ်းရေးနှစ်-၂၀၁၇

ငြိမ်းချမ်းရေးဟူသောစကားလုံးကို လူသားတိုင်းရင်းနှီးကျွမ်းဝင်မှု့ရှိလှပေသည်။ သို့သော် ၎င်းစကားလုံး၏ပဓာန၊ အနှစ်သာရကိုတော့ လူတိုင်းမပိုင်ဆိုင်နိုင်ကြပေ။-၎င်းကိုရရှိဖို့အတွက် ကျွန်ုပ်တို့ တစ်ဦးချင်းမှစ၍၊ မိသားစုအတွင်း၊ အဖွဲ့အစည်းအတွင်း၊ နိုင်ငံအတွင်း၊ ကမ္ဘာနိုင်ငံများကြားထိအောင် နည်းအမျိုးမျိုးဖြင့် ကြိုးစားလာခဲ့ကြသည်မှာ ရှေးပဝေသဏီ လူသားတို့တည်ရှိခြင်းမှစလို့ ယနေ့ထိအောင်ပင် ဖြစ်သည်မှာ မငြင်းနိုင်အောင် သမိုင်းသက်သေတွေက ဒုနှင့်ဒေးပင်။ သို့သော်လည်း မည်သူတွေ ငြိမ်းချမ်းရရှိလို့ မည်သူတွေ ငြိမ်းချမ်းရေးကို ထိန်းသိမ်းထားနိုင်ပါသလဲ။ အမှန်တကယ်တော့ ငြိမ်းချမ်းရေးဆိုတာ ပိုင်ဆိုင်ဖို့ မခက်ခဲသလိုလိုနှင့် တကယ်ပိုင်ဆိုင်ပြန်တော့လည်း ထိန်းသိမ်းဖို့ သိပ်ကို ခက်ခဲလှပြန်သည်။ ပြောရမည်ဆိုလျှင် “အထိမခံ ကြွေပန်းကန်” ပါပဲ။ အထိမခံအောင် ကွဲလွယ်၊ကြွေလွယ်ဖြစ်ရသည်မှာလည်း ၎င်းကိုထုဆစ်သူတွေ သို့မဟုတ် ၎င်းကိုထိန်းသိမ်းကြသူတွေကြောင့်ဟု ပြောရမည်ထင်သည်။ ဒီတော့ဖြင့် လိုရင်းဦးတည်ချက်ကို တိုက်ရိုက်သွားရလျှင်တော့ ငြိမ်းချမ်းရေးကို ထုဆစ်သူများနှင့် ထိန်းသိမ်းသူများအကြား သဟဇာတဖြစ်ပြီး ၎င်းတို့ထုဆစ်သော ငြိမ်းချမ်းရေးနှင့် ၎င်းတို့ထိန်းသိမ်းကြရမည့် ငြိမ်းချမ်းရေး၏ ပဓာန၊ အနှစ်သာရ သဘောတရားများကို သေသေချာချာ လေ့လာသုံးသပ်ပြီး ကိုင်တွယ်ကြဖို့လိုပေမည်။

ငြိမ်းချမ်းရေးအနက်အဓိပ္ပာယ်ကို အင်္ဂလိပ်စကားလုံး “PEACE”အား အခြေခံလိုက်ကြည့်သော် မူရင်းလာတင်ဘာသာစကား PAX-PACIS (f) မှဆင်းလာပြီး အနက်အဓိပ္ပာယ်မှာ ပဠိပက္ခများကင်းမဲ့ပြီး၊ အကြမ်းဖက်မှု့များမရှိဘဲ တစ်ဦးနှင့်တစ်ဦးအကြား၊ တစ်ဖွဲ့နှင့်တစ်ဖွဲ့အကြား သဟဇာတကျကျ လက်တွဲနေထိုင်ကြ၍ ငြိမ်းအေးလှသည့် အခြေအနေနှင့်အချိန်အခါဖြစ်ပေသည်။ အမှန်စင်စစ် အဓိပ္ပာယ်တွေ ရှည်ရှည်ဝေးဝေးကြည့်မနေဘဲ ငြိမ်းချမ်းဟူသော မြန်မာစကားလုံးနှစ်လုံးကပင် တိုက်ရိုက်နားလည်ရလျှင် အပူမီးတွေ၊ ရန်မီးတွေငြိမ်းသွားပြီး အေးအေးချမ်းချမ်းရှိလာသည့် အခြေနေ၊ အချိန်အခါဆိုသည်မှာ ထင်ထင်ပေါ်ပေါ်ရှိလှပေသည်။ ဤသည်ပင် နှစ်ပေါင်းများစွာ ပဠိပက္ခများနှင့် တိုက်ပွဲများဖြစ်ပွားနေသော မြန်မာနိုင်ငံကဲ့သို့သော လူ့အဖွဲ့အစည်းများ၊ နိုင်ငံများအတွက် ငြိမ်းချမ်းဆိုသော စကားလုံးလေးနှစ်လုံးသည် ၎င်း၏ပဓာန အနှစ်သာရအတွက် ပို၍ပုံပေါ်လှပေသည်။ မြန်မာနိုင်ငံသည် လွတ်လပ်ရေးရပြီး အချိန်တိုကာလမှာပင် စတင်ဖြစ်ပွားခဲ့သော နိုင်ငံရေးပဠိပက္ခနှင့် လူမျိုးစုများအကြားဖြစ်ပွားနေသော တိုက်ပွဲများမှာ ကမ္ဘာပေါ်တွင် သက်တမ်းအရှည်ဆုံးသော နိုင်ငံရေးပဠိပက္ခစစ်ပွဲများဖြစ်ပွားသော နိုင်ငံတစ်နိုင်ငံဟုပင် သမုတ်ခေါ်ဆိုလာကြသည့်တိုင်အောင်ပင်။ ထို့ကြောင့် မြန်မာနိုင်ငံသူ၊ နိုင်ငံသားများသည် ငြိမ်းချမ်းရေးကို ဆာလောင်ငတ်မွတ်နေကြသည်မှာ သိသာလှပေသည်။ ဤသို့သော ကမ္ဘာ့သက်တမ်းအရှည်ဆုံးသော နိုင်ငံရေးပဠိပက္ခမီးများငြိမ်းပြီး အေးချမ်းပြီး ဖွံ့ဖြိုးတိုးတက် သာယာသည့် နိုင်ငံတော်တစ်ခုကို ပိုင်ဆိုင်လွန်းလှပြီ။ သို့သော်လည်း ငြိမ်းချမ်းရေးအတွက်မူ လမ်းစဉ်တွေက မချောမွေ့သလို၊ အတားစီးတွေက ပိတ်ဆို့ဟန့်တားနေဆဲပင်။ ဒီအတွက်ကြောင့် မချောမွေ့သည့် လမ်းတွေကို ညီညာလာစေဖို့၊ ပိတ်ဆို့ဟန့်တားနေသည့် အတားစီးများကို ဖယ်ရှားဖို့ ကျွန်ုပ်တို့ တစ်ဦးချင်းမှစ၍ နိုင်ငံသူ၊နိုင်ငံသားတိုင်း အားလုံးပါဝင်လုပ်အားပေးကြလျှင်ဖြင့် သိပ်မကြာသည့် ကာလအတွင်း ငြိမ်းချမ်းရေးသည် ကျွန်ုပ်တို့ဆီသို့ ဧကန်မုချရောက်ရှိလာပေတော့မည်။

မြန်မာနိုင်ငံသည် တိုင်းရင်းသားလူမျိုးပေါင်း ၁၃၅ မျိုးအတူတကွနေထိုင်ကြသည့်နိုင်ငံတစ်နိုင်ငံ ဖြစ်သည့် အလျောက် တိုင်းရင်းသားလူမျိုးများအကြား နားလည်မှု့ကောင်းကောင်း လိုအပ်ပေမည်။ တနည်းအားဖြင့် မြန်မာ့လူမျိုးရေးကို ကောင်းစွာနားလည်သဘောပေါက်ခြင်းမှာ စစ်မှန်စည်းလုံးသော ပြည်ထောင်စုတည်ဆောက်ရန်အတွက် အုပ်မြစ်ကောင်းပင်ဖြစ်ပေမည်။ လူမျိုးစုအကြီးဆုံးဖြစ်သည့်အတိုင်း ဗမာလူမျိုးများသာ အစစအရာရာပိုင်ဆိုင်စိုးပိုင်ခွင့် ကိုင်စွဲကာ ကျန်ရှိ တိုင်းရင်းသားများအား စိုးစံရပိုင်ခွင့်များ ကောင်းစွာခွဲဝေပေးနိုင်ခဲ့ခြင်း မရှိခဲ့သည့်အတွက် လက်နက်စွဲကိုင် အဖွဲ့စည်းများစွာပေါ်ပေါက်လာပြီး ပြည်တွင်းပဠိပက္ခနှင့်တိုက်ပွဲများဖြစ်လာခဲ့သည်မှာ ယနေ့ချိန်ထိ မငြိမ်းသေးသည်မှာ သမိုင်း၏သင်ခန်းစာကောင်းတစ်ခုပင်ဖြစ်ပေသည်။ တချိန်တည်းမှာပင် တိုင်းရင်းသားလူမျိုးများအကြား လူမျိုးကြီးဝါဒလွှမ်းမိုးမည်အား စိုးရိမ်ကြောက်ရွံ့နေရသည်မှာလည်း မြင်သာလှပေသည်။ ထို့အပြင် နိုင်ငံ့ပဠိပက္ခများအား တွေ့ဆုံညှိနှိုင်း အဖြေရှာခြင်းနည်းလမ်းဖြင့် အသေအချာ မဖြေရှင်းဘဲ လက်နက်ခဲယမ်းများဖြင့် အင်အားပြိုင်ဖြေရှင်းလာခဲ့ကြရာ ယနေ့ တိုင်းရင်းသားလူမျိုးစုများအကြား ယုံကြည်မှု့များပျောက်ဆုံးခဲ့ရပြီး သွေးစည်းညီညွတ်ရေးအတွက် အဟန့်အတားကြီးတစ်ခုပင်ဖြစ်လာခဲ့ပေသည်။ သို့ပင်သော်လည်း အနာဂတ်မျှော်လင့်ချက်ကြီးသည် မြန်မာနိုင်ငံသူ၊ နိုင်ငံသားတိုင်း၏ နှလုံးသားတွင်ရှင်သန်နေဆဲပင်။ ဤသည်ကို ထပ်၍ လစ်လျူရှု့မခံရစေချင်။

၂၀၁၄ခုနှစ်၏ ပါစကားသတင်းကောင်းတွင် ကာဒီနယ်ကြီးချားစ်ဘို မိန့်ဆိုခဲ့သည့်အတိုင်း မတူခြားနားခြင်းဟာ သိက္ခာတစ်ခုပင်။ နိုင်ငံတော်အတွင်းရှိ တိုင်းရင်းသားလူမျိုးများအကြား မတူညီသော ယဉ်ကျေးမှု့ဓလေ့ထုံးစံများနှင့် စရိုက်လက္ခဏာများကို အရှိကိုအရှိတိုင်း လက်ခံပြီး နှစ်မြို့ပွေ့ဖက်ကြမည်ဆိုပါက အင်မတန်မှတင့်တယ်လှပပြီး စစ်မှန်စည်းလုံးသော ပြည်ထောင်စုကြီးအဖြစ် ကမ္ဘာ့မျက်နှာပြင်မှာ ဂုဏ်သရေတင့်တယ်စွာဖြင့် ပေါ်ထွန်းလာမည်မှာ ဧကန်မုချပင်။ “One nation, one country”-လူမျိုးတစ်မျိုး၊ နိုင်ငံတစ်နိုင်ငံဟူသော ၀ါဒအားဖျောက်ပစ်စွန့်လွတ်ကြပြီး “Diversity but one in unity”-မတူကွဲပြားသော်လည်း နိုင်ငံတော်တစ်ခုအဖြစ် စည်းလုံးညီညွတ်စွာပေါင်းစည်းကြသည် ဟူသော ကောင်းမွန်မှန်ကန်သော ၀ါဒဖြင့် ခရီးဆက်ကြရပေမည်။ ထိုစည်းလုံးညီညွတ်စွာ ပေါင်းစည်းထားသည့်နိုင်ငံတော်ကြီးတွင် နိုင်ငံသူ၊နိုင်ငံသားတိုင်းသည် ၎င်းတို့၏ နိုင်ငံရေးရပိုင်ခွင့်များကို တန်းတူညီတူ ရရှိစေရန် အာမခံပေးထားနိုင်ရပေမည်။ မည်သူမျှ ဘေးဖယ်ခံဘ၀သို့ မရောက်စေရဘဲ ခွဲခြားစွာဆက်ဆံခံရခြင်းလည်း မရှိစေရပေ။ နိုင်ငံတော်၏ဆုံးဖြတ်ချက်တိုင်းတွင် တိုင်းရင်းသားအားလုံးတွင်လည်း တိုင်းရင်းသားအားလုံး၏ဆုံးဖြတ်ချက်များလည်း တန်းတူပါဝင် နိုင်ရပေမည်။

ဤသို့ သဟဇာတဖြစ်သော၊ စည်းလုံးညီညွတ်သော နိုင်ငံတော်ကြီးကို တည်ဆောက်ရန်အတွက် မတူခြားနားသော တိုင်းရင်းသားများအားလုံးအကြား နားလည်မှု့ကောင်းနှင့်လက်ခံတတ်ဖို့ အင်မတန်မှ လိုအပ်ပေသည်။ မလှပခဲ့သော သမိုင်းစာမျက်နှာများမှ သင်ခန်းစာကောင်းများယူ၍ အနာဂတ်အတွက် ကောင်းမွန်လှပသော စာမျက်နှာသစ်များဖွင့်ဖို့ရန် ပြင်ဆင်သင့်ပေသည်။ ဤသို့ပြုရန်အတွက် ပြန်လည်ကြေအေးသင့်မြတ်ခြင်းများပြုလုပ်ရန် သဓိချလိုအပ်ပေသည်။ ရန်ကိုရန်ဖြင့်တုန့်ပြန်ခြင်း၊ ကလဲ့စားချေခြင်းတို့ဖြင့် ဖြေရှင်းခြင်းမှာ သံတရာဆုံးမည်မဟုတ်ဘဲ၊ ပဠိပက္ခ ပြသနာများကို ပို၍ကြီးထွားခြင်းသာ ဖြစ်စေသည်။ ထိုကြောင့် ချစ်စကိုရှည်စေ၊ ရန်စကိုတိုစေ ဆိုသည့်အတိုင်း တိုင်းရင်းသားမိသားစုကြီးအကြား ညီအစ်ကိုမောင်နှမမေတ္တာကြိုးကိုဆွဲဆံ့လို့ ချည်နှောင်ထားကြရပေမည်။ မုန်းတီးရေးကိုမူကာ နည်းလမ်းစုံဖြင့် တိုက်ဖျက်ပစ်ရပေတော့မည်။ သို့ဖြစ်၍ လက်နက်ကိုင်အဖွဲ့အစည်းများနှင့် နိုင်ငံရေးအဖွဲ့အစည်းများကြားတွင် မှားခဲ့သည်များကို ပြည်ပုန်းကားချလို့ အခြားသော ညီအစ်ကိုမောင်နှများ၊ ပြည်သူများ၏ မျက်နှာကိုထောက်၍ အချင်းချင်းတောင်းပန်ကာ ပြန်လည်ကြေအေးကြစေရန် မေတ္တာရပ်ခံလို၏။ ထို့ကြောင့် ကာဒီနယ်ကြီးချားစ်ဘို နှိုးဆော်သည့်အတိုင်း စစ်ပွဲများအားလုံး ရပ်စဲကြပါ။ ၂၀၁၇ခုနှစ်အား ငြိမ်းချမ်းရေးနှစ်ဖြစ်ပါစေ။

ကာဒီနယ်ကြီးချားစ်ဘို၏နှိုးဆော်ခြင်းအား တလုံးတ၀တည်းထောက်ခံ၍ မြန်မာနိုင်ငံတော် ကက်သလစ်ဆရာတော်ကြီးများအဖွဲ့ချုပ်မှလည်း စစ်ပွဲများအားလုံး ရပ်စဲကြဖို့ ထပ်ဆင့်နှိုးဆော်ကာ ၂၀၁၇ခုနှစ်အား မြန်မာ့ငြိမ်းချမ်းရေးနှစ်အဖြစ် ကြေငြာပြီး အစားရှောင်၊ ခြိုးခြံခြင်းများပြုလုပ်၍ ဆုတောင်းကြရန်အတွက် ကက်သလစ်ဘာသာဝင်များကို တိုက်တွန်းထားလေသည်။ ထို့အပြင် အခြားသော ညီအစ်ကိုဘာသာဝင်များကိုလည်း စေတီပုထိုးများ၊ ဘုရားကျောင်းများ၊ ဗလီကျောင်းများတွင်သွားရောက်ဆုတောင်းကြရန်၊ ငြိမ်းချမ်းအတွက် ဘာသာပေါင်းစုံဆုတောင်းခြင်းများ ပြုလုပ်ကြရန် နှိုးဆော်၍ မြန်မာ့ငြိမ်းချမ်းရေးအတွက် စိတ်အားထက်သန်လျက်ရှိပေသည်။

မြန်မာ့ငြိမ်းချမ်းရေးအတွက် ကမ္ဘာ့ခရစ်ယာန် ကက်သလစ်အသင်းတော်ကြီးတစ်ခုလုံး၏ ဦးသျှောင် ပုပ်ရဟန်းမင်းကြီးဖရန်စစ်ကိုယ်တိုင်မှလည်း အင်မတန်မှ စိတ်အားထက်သန်လှပေသည်။ ယခုနှစ် ခရစ်တော်၏မွေးနေ့ပွဲတော်ဖြစ်သည့် ဒီဇင်ဘာလ ၂၅ ရက်နေ့တွင် ရောမမြို့တော်နှင့် ကမ္ဘာတ၀ှမ်းလုံးအား ကောင်းကြီးပေးဆုတောင်းခြင်းတွင် မြန်မာ့ငြိမ်းချမ်းရေးကိုလည်း အသေအချာ ထည့်သွင်းဆုတောင်းပေးခဲ့လေသည်။ မြန်မာနိုင်ငံတော်တွင် တိုင်းရင်းသားများအကြား ငြိမ်းချမ်းစွာ အတူယှဉ်တွဲနေထိုင်ကြစေရန်နှင့်အတူ လိုအပ်သောအကူညီများပေးကြရန်အတွက်လည်း ကမ္ဘာ့အသိုင်းအ၀ိုင်းတစ်ခုလုံးအား မေတ္တာရပ်ခံပေးခဲ့လေသည်။

ခရစ်သက္ကရာဇ်နှစ် ၂၀၁၇ခုနှစ်သည် မြန်မာ့ငြိမ်းချမ်းရေးနှစ်ဖြစ်သည်-ဟုထပ်မံကြွေးကြော်ပါရစေ။ မင်္ဂလာရှိ၍ အနှစ်သာရပြည့်စုံလှသည့်ကြွေးကြော်သံဖြစ်သည့်အတွက် နိုင်ငံသူ၊နိုင်ငံသားတိုင်း တဆင့်စကား တဆင့်ပါးလို့ သတင်းကောင်းကို ဝေမျှပေးကြပါ။ နှလုံးသားတိုင်းဖြင့် ပွေ့ဖက်၍ ချစ်စကို ရှည်စေကြပါ။ မြန်မာ့နိုင်ငံရေးမှာ အမုန်းတရားတို့ကို နေရာပျောက်သွားစေကြပါ။ ငြိမ်းချမ်းရေးနှင့် အကြမ်းဖက်မှု့များ တူယှဉ်တွဲမနေကြသလို၊ အကြမ်းဖက်မှု့ရှိသည့်နေရာတိုင်းမှာ ဘုရားသခင်မရှိပါ။ အဘယ်ကြောင့်ဆိုသော် ဘုရားသခင်သည် ချစ်ခြင်းမေတ္တာတော်ဖြစ်သောကြောင့်ပင်ဖြစ်ပေသည်။ မီးကိုမီးနှင့်ငြိမ်းသတ်၍ မဖြစ်နိုင်သလို၊ စစ်ကိုစစ်နှင့်တိုက်၍လည်း ငြိမ်းချမ်းရေးမရနိုင်ပေ။ ထို့ကြောင့် စစ်ပွဲများအားလုံးရပ်စဲကြပြီး မြန်မာ့ငြိမ်းချမ်းရေးကို ပွေ့ဖက်ကြပါစို့။

မနောအောင်

ကိုယ်ခန္တာနှင့်စပ်လျဉ်းသည့် ခရစ်ယာန် (ကက်သလစ်)တို့၏ ယုံကြည်ရာအချက်

မေး။      ။အချို့သောဘာသာခြားတို့ဟာ အသက်ချုပ်ငြိမ်းသွားလျှင် လူဟာတန်ဖိုးမရှိတော့တဲ့ ခန္တာကိုယ်ကြီးသာ ကျန်နေခဲ့ပြီဆိုပြီး တန်ဖိုးမထားဘဲ အလွယ်တကူမီးရှိုးဖျက်စီးတာမျိုးတွေ၊ အသုဘလိုက်ပို့တဲ့အခါလည်း မီးသင်္ဂြိုလ်စက်အပေါက်ဝမှာ ပစ်ထားခဲ့ရုံနဲ့ ပြီးရောဆိုတာမျိုးတွေ တွေ့ရတာ စိတ်မကောင်းဖြစ်လှပါတယ်။ ခရစ်ယာန်တွေကတော့ မတူသောယုံကြည်ချက်နှင့် ဓလေ့ကို လေ့လာမိ၍ ကိုယ်ခန္တာနှင့် ခရစ်ယာန်တို့၏ ယုံကြည်ချက်ကို တစိတ်လောက်ရှင်းပြပေးပါလား။

ဖြေ။      ။ချစ်စွာသောဓမ္မမိတ်ဆွေ၊ အထက်ပါအကြောင်းရာများကို ကျနော်ကိုယ်တိုင်လည်း လေ့လာမှတ်သားမိပါတယ်။ တခါတရံ အခြားဘာသာခြားမိတ်ဆွေ အချို့၏ အသုဘကို လိုက်ပို့ဖြစ်တဲ့အခါမျိုးတွေမှာလည်း တခါတရံ အဲဒီအသက်ချုပ်ငြိမ်းသွားတဲ့ ခန္တာကိုယ်ကြီးကို တန်ဖိုးလုံးဝမဲ့နေသလို ပြုမူလုပ်ဆောင်သွားတာမျိုးတွေ့ရတဲ့အခါ ကိုယ့်ယုံကြည်ချက်နှင့်နှိုင်းယှဉ်လျက် ၀မ်းနည်းစာနာမိပါတယ်။ ကျနော်တို့ ကက်သလစ်ခရစ်ယာန်မှာတော့ သေပြီးခန္တာကိုယ်တွေဟာလည်း တန်ဖိုးရှိနေပါတယ်။ ထို့ကြောင့် တန်ဖိုးရှိရှိ ဂရုစိုက်၍ စနစ်တကျ သင်္ချိုင်းတစ်ခုမှာ မြေမြုပ်ခြင်း၊ ဂူသွင်းခြင်းမျိုးကို ပြုလုပ်ပါတယ်။ အသုဘအခမ်းနားမှာလည်း ရဟန်းတစ်ပါးဖြစ်ဖြစ် ဦးဆောင်ကာ အလောင်းကို ကောင်းကြီးပေးခြင်းနှင့် ဆုတောင်းခြင်းအခမ်းနားဖြင့် ပြုလုပ်လေ့ရှိပါတယ်။ ထို့အပြင် နှစ်စဉ် နိုဝင်ဘာ ၁ ရက်နေ့အား သေလွန်သောသူများအားလုံး၏ ၀ိညာဉ်များနေ့အဖြစ်သတ်မှတ်ပြီး အသင်းတော်အတွင်း အထူးဆုတောင်းပေးခြင်းကို ပြုလုပ်ပါတယ်။ ၎င်းကို သင်္ချိုင်းမီးထွန်းပွဲဟုလည်း အလွယ်တကူခေါ်ဝေါ်သမုတ်ကြပါတယ်။ ထို့အပြင် သေလွန်သူအတွက် ရံဖန်ရံခါဆိုသလို တရားတောင်းခြင်း၍ ဆုတောင်းပေးခြင်းမျိုးလည်း ပြုလုပ်လေ့ရှိပါသေးတယ်။ အိမ်တွေမှာလည်း သေလွန်သူအတွက် အထူးရည်စူး၍ ဆုတောင်းပေးခြင်းမျိုးလည်း လုပ်ဖြစ်ပါသေးတယ်။

ဒီတော့ ခရစ်ယာန်(ကက်သလစ်)များအတွက် သေပြီးခန္တာကိုယ်တွေကို ထိုသို့ဂရုတစိုက် တန်ဖိုးထားရခြင်း၏ အဓိက အကြောင်းအရင်း သို့မဟုတ် ယုံကြည်ခြင်း နှင့် သွန်သင်ချက်တွေက ဘာများလဲ။

သမ္မာကျမ်းစာတော်အရ နောက်ဆုံးသောနေ့တွင် ယေဇူးခရစ်တော်သခင်သည် ကမ္ဘာလောကသို့ပြန်လည်ဆင်းကြွလာတော်မူပြီး ကွယ်လွန်ပြီးသူများအားလုံးနှင့် လောကသက်ရှိသတ္တ၀ါများအားလုံးကို ရုပ်ခန္တာနှင့်တကွ ပြန်လည်ရှင်ပြထမြောက်စေမှာဖြစ်ပြီး ရုပ်ခန္တာပျက်စီးပျောက်ဆုံးသူများကိုလည်း မူလရုပ်ခန္တာများ ပြန်လည်ပေးမည်ဖြစ်ပါတယ်။ ကော်ရိန့်သုပထမစာစောင်နှင့် ပထမယောဟန်ကျမ်းတို့၏ သွန်သင်ချက်အရ နောက်ဆုံးသောနေ့တွင် ပြန်လည်ရှင်ပြထမြောက်မည့်ခန္တာကိုယ်သည် လောကအသက်ရှင်စဉ်မှ ခန္တာကိုယ်ပင်ဖြစ်ပြီး သန့်ရှင်းဖြောင့်မတ်သူတို့၏ ခန္တာကိုယ်တွေဟာ ဘုန်းဂုဏ်တော်ဝင်စား၍ ဒုက္ခဝေဒနာမှ ထာဝစဉ်ကင်းလွတ်မှာဖြစ်ပါတယ်။ ထို့နောက် ကောင်းကင်နိုင်ငံတော်ကို စံစားကြရမှာ ဖြစ်ပါတယ်။ (cf.  ပ-ကော် ၁၅း ၃၅-၄၄၊ ပ-ယောဟန် ၃း၂)

ကက်သလစ်အသင်းတော်၏ယုံကြည်ခြင်းအချုပ် ၁၂ ချက်တွင် ခန္တာကိုယ်ရှင်ပြထမြောက်မည့်အကြောင်းမှာ တစ်ချက်အပါအ၀င်ဖြစ်ပါတယ်။ ထိုသို့ ခန္တာကိုယ်နှင့်တကွ ရှင်ပြန်ထမြောက်မည့်အကြောင်းမှာ ခရစ်ယာန်ယုံကြည်ခြင်းအတွက် အဓိကကျလှပါတယ်။ တမန်တော်ကြီး ပေါလူးက - သေခြင်းမှ ရှင်ပြန်ထမြောက်ခြင်းမရှိလျှင် ခရစ်တော်လည်းရှင်ပြန်ထမြောက်ခဲ့ခြင်းမရှိလျှင် ငါတို့၏ဟောပြောခြင်းသည်လည်း အချည်းနှီးဖြစ်ပြီး သင်တို့၏ယုံကြည်ခြင်းသည်လည်း အချည်းနှီးသာဖြစ်မည် - ဟုပြတ်သားစွာ ဟောပြောခဲ့ဖူးပါတယ်။ ဒီတော့ ခန္တာကိုယ်နှင့်ဆက်စပ်လျက် ကျနော်တို့ခရစ်ယာန်တို့၏ ယုံကြည်ချက်မှာ သံပေါလူးမိန့်ဆိုသလို ခန္တာကိုယ်ရှင်ပြန်ထမြောက်မည့်အကြောင်းပင်ဖြစ်၍ အသင်းတော်၏မမှားနိုင်သော သွန်သင်ချက်အဖြစ် သွန်သင်ထားပါတယ်။

ထိုသွန်သင်ချက်ကိုပင် စတုတ္ထမြောက်လေထရမ်အစည်းပွဲကြီး (၁၂၁၅)တွင် ထပ်မံရှင်းလင်း၍ သွန်သင်ပါတယ်။ ယေဇူးသခင်သည် နောက်ဆုံးသောနေ့တွင် ရှင်သူ၊သေသူတို့အား ၎င်းတို့၏လုပ်ရပ်များအပေါ်မူတည်၍ တရားစီရင်မည်ဖြစ်ပြီး ကျနော်တို့သည် မိမိတို့၏ကိုယ်ပိုင်ခန္တာများဖြင့် ပြန်လည်ရှင်ပြထမြောက်ကြမည်ဖြစ်ပါတယ်။ (ရောမ ၂း၆-၁၁)။ ယခုလက်ရှိ ကက်သလစ်မြတ်သောအယူဝါဒထဲမှ သွန်သင်ချက်မှာ ဂူထဲတွင် ကျနော်တို့၏ပျက်စီးတတ်သော ခန္တာကိုယ်များကို ထည့်၍မြုပ်နှံထားကြသော်လည်း နောက်ဆုံးသောနေ့တွင် ခရစ်တော်သည် မပျက်စီးစေတတ်သော ၀ိညာဉ်ရေးရာပြည့်ဝသည့် ခန္တာကိုယ်ဖြင့် ပြန်လည်ရှင်ပြန်စေမည်ဖြစ်ပါတယ်။

ဤယုံကြည်ရာချက်ကို ခေတ်အဆက်ဆက် အသင်းတော်ကြီး၏ဖခင်ကြီးများဖြစ်ကြသည့် ပုပ်ရဟန်းမင်းကြီးကလဲမင်း (၁)၊ ကလဲမင်း (၂)၊ ဂျပ်စတင်း၊ တေအိုဖီးလု့စ်၊ အီရေနီးရု့စ်၊ စီးရယ်၊ သြဂက်စတင်း တို့သည်လည်း သွန်သင်လာခဲ့ကြပါတယ်။

ဒီတော့ မေးခွန်းကို လွယ်လွယ်ဖြေရလျှင် ကျနော်တို့ ခရစ်ယာန်များဟာ ခန္တာကိုယ်ကို အသက်ဝိညာဉ် ချုပ်ငြိမ်းသွားသည့်တိုင်အောင် စနစ်တကျ တန်ဖိုးထားမြေမြုပ်ကာ နောက်ဆုံးသောနေ့တွင် ပြန်လည် ရှင်ပြထမြောက်မည့်နေ့ကို စောင့်နေကြခြင်းဖြစ်ပါတယ်။ ထို့အပြင် ခန္တာကိုယ်အား တကယ့်ကို တန်ဖိုးထားရခြင်းမှာလည်း ဘုရားသခင်ကိုယ်တော်တိုင်ဖန်ဆင်းထား၍ ဘုရားသခင်ကိုယ်တော်တိုင် ကိန်းဝပ်တော်မူတဲ့အတွက်လည်းဖြစ်ပါတယ်။ ထို့ကြောင့် ဆာလံကျမ်းများတွင် ကျနော်တို့၏ ခန္တာများဟာ ဘုရားသခင်၏ဗိမာန်တော်ဖြစ်သည်ဟုပင် တင်စားကြသလို ယုံကြည်ကြပါတယ်။

ဒိုမီနီကန်ကိုရင်

#Dominicankoyin

မဟာသနားဂရုဏာ အထူးဂျူဗီလီနှစ်နှင့် သန့်ရှင်းသောတံခါးတော်

ခရစ်တော်ထံမှာ နှလုံးသားတံခါးတွေကို ကျယ်ကျယ်ဖွင့်ကြပါ။ (ပုပ်ရဟန်းမင်းကြီး ဒုတိယမြောက်ဂျွန်ပေါလ်)

ယခုနှစ် ၂၀၁၅ ဒီဇင်ဘာလ ၈ ရက်နေ့ (မယ်တော်သခင်မ၏အပြစ်မဲ့သန္ဓေယူတော်မူခြင်းပွဲနေ့)မှစ၍ ၂၀၁၆ ခုနှစ်၏၀တ်ပြုကိုးကွယ်ခြင်းပြကဒိန်၏နောက်ဆုံးနေ့ဖြစ်တဲ့ ယေဇူးဘုရင်ပွဲ (နိုဝင်ဘာ ၂၀)အထိကို မဟာဂရုဏာအထူးဂျူဗီလီနှစ်ကြီးအဖြစ် ပုပ်ရဟန်းမင်းကြီးအရှင်သူမြတ်မှ ဖွင့်လစ်ပေးပြီး အထူးဆုတောင်းခြင်းနှစ်တစ်ခုအဖြစ် သတ်မှတ်ထားပါတယ်။ 

ဘာကြောင့် အထူးဂျူဗီလီနှစ်ဟု ခေါ်ရသလဲဆိုတာကတော့ ပုံမှန်ဂျူဗီလီနှစ်မဟုတ်တဲ့ သာမာနှစ်တစ်ခုအား လိုအပ်ချက်တွေကြောင့် ဂျူဗီလီနှစ်အဖြစ်သတ်မှတ်လိုက်ရတဲ့အတွက်ကြောင့်ဟု သာမာန်ဖြေရပါလိမ့်မယ်။ အဓိကအားဖြင့်တော့ ဂျူဗီလီနှစ်ဆိုတာ မူရင်းအားဖြင့် ဓမ္မဟောင်းမှဆင်းသက်လာပြီး ဥပုသ်နှစ် (၇)နှစ်ပတ်လည်၏နောက်ဆုံးနှစ်၊ (သို့) ဥပုသ်နှစ်ကြီး၏ဥပုသ်နှစ်ကို ခေါ်ပါတယ်။ ၎င်းဥပုသ်နှစ်ကြီး၏ဥပုသ်နှစ်ဟာ ၄၉ နှစ်မြောက်နှစ်လော - ဒါမှမဟုတ် ၎င်းနောက်မှတဆက်တည်းနှစ် ၅၀နှစ်မြောက်လောဆိုတာတော့ တတ်အားမပြောနိုင်ကြပါဘူး။ သိုပေမယ့်လည်း ဥပုသ်နှစ်၏အနှစ်အဓိပ္ပာယ်ကတော့ ၀တ်ပြုရာကျမ်း ၂၅း၈-၁၃ အတိုင်း ဘုရားသခင်ရဲ့သနားဂရုဏာခြင်းကိုသက်သေခံရန်အတွက် မိမိအသိုင်းအ၀ိုင်းအတွင်းရှိ အချင်းချင်း သနားဂရုဏာပြသရန် - ကြွေးမှီကြွေးရပ်များလျော်ပေးခြင်း၊ ခွင့်လွတ်ခြင်း၊ အကျဥ်းသားဘ၀တွေမှ လွတ်ငြိမ်းချမ်းသာပေးခြင်း၊ ပြန်လည်ထူထောင်ပေးခြင်း၊ ကူညီပေးခြင်း စသဖြင့်တွေကို လုပ်ဆောင်ကြဖို့ ဖြစ်ပါတယ်။

ထို့ကြောင့် ဂျူဗီလီဆိုတာ သနားဂရုဏာခြင်းနှစ်ပါပဲ။ ထိုရည်ရွယ်ချက်အတိုင်း အသင်းတော်အတွင်း အပြစ်ခွင့်လွတ်ခြင်းများ၊ ပြန်လည်ကြေအေးသင့်မြတ်ခြင်းများ၊ သနားဂရုဏာဝေငှခြင်းများကို ဘုရားသခင်၏ ခွင့်လွတ်ခြင်းနှင့် သနားဂရုဏာတရားများအပေါ်အာရုံပြုကာ ကျွန်တော်တို့အချင်းချင်းအကြား၊ အသင်းတော်အတွင်းမှာ ခမည်းတော်ဘုရားကဲ့သို့သနားဂရုဏာပါဟူသောဆောင်ပုဒ်အားဖြင့် အတုယူကျင့်ကြံဖို့ အထူးနှစ်အဖြစ် တိုက်တွန်းလိုက်ခြင်းလည်းဖြစ်ပါတယ်။ 

ဤဂျူဗီလီနှစ်၏အထူးလက္ခဏာအဖြင့် သန့်ရှင်းသောတံခါးဖွင့်ခြင်းကို ပြုလုပ်ပါတယ်။ သမိုင်းအရတော့ ဤသို့သန့်ရှင်းသောတံခါးဖွင့်ခြင်းကို ၁၅ ရာစုအတွင်း ပုပ်ရဟန်းမင်းကြီး မာတင် (၅)မှ ၁၄၂၃ တွင် ပထမဆုံးအဖြစ် စိန်ဂျွန်းဘာစီလီကာ (St. John Lateran)တွင် ဖွင့်လစ်ခဲ့ပါတယ်။ ထို့နောက်မှ ၎င်း၏အရိုက်ရာခံ ပုပ်ရဟန်းမင်းကြီးများဟာ ထိုဓလေ့ကိုကျင့်သုံးလာပြီး အထူးသဖြင့် ပုပ်ရဟန်းမင်းကြီး အာလက်ဇင်းဒါး (Pope Alexander VI)ဟာ ၁၉၄၄ ခုနှစ်တွင် အခြားသော အထူးဘာစီလီကာကြီးများဖြစ်တဲ့ စိန်ပီတာ (ဗာတီကန်)၊ စိန်မဟာမေရီ နှင့် စိန်ပေါလ်ကျောင်းကြီးများမှ တံခါးတော်များကိုလည်း ချဲ့ထွင်ဖွင့်လစ်ပေးခဲ့ပါတယ်။ 

နှစ် ၂၀၀၀ ဂျူဗီလီကြီးမတိုင်ခင်အထိ စိန်ပီတာဘာစီလီကာမှ သန့်ရှင်းသောတံခါးတော်အား ပုပ်ရဟန်းမင်းကြီးကိုယ်တော်တိုင် ဖွင့်လစ်လေ့ရှိပြီး အခြားသောဘာစီလီကာမှ သန့်ရှင်းသောတံခါးတော်များကိုတော့ ပုပ်ရဟန်းမင်းကြီး၏အထူးကိုယ်စားလှယ်တော်များအားဖြင့် ဖွင့်လစ်စေခဲ့ပါတယ်။ သို့သော်လည်း ပုပ်ရဟန်းမင်းကြီး ဒုတိယမြောက်ဂျွန်ပေါလ်ကတော့ ဘာစီလီကာကျောင်းကြီးလေးကျောင်းမှ သန့်ရှင်းသောတံခါးတော်များကို ကိုယ်တော်တိုင်ဖွင့်လစ်ပါတယ်။ စိန်ပီတာဘာစီလီကာကျောင်းတော်ကြီး သန့်ရှင်းသောတံခါးတော်ကတော့ ပထမဆုံးဖွင့်လစ်ရမှာဖြစ်ပြီး နောက်ဆုံးမှပိတ်ရမှာဖြစ်ပါတယ်။

ဤသို့ သန့်ရှင်းသောတံခါးတော်ကိုဖွင့်ခြင်း အမှတ်လက္ခဏာဟာ-

(၁) အတွင်းနှင့်အပြင် ခြားနားခြင်းကို မြင်တွေ့စေပြီး အပြစ်နှင့်ကျေးဇူးတော်ကို တွေ့မြင်နိုင်စေပါတယ် (မိခါ ၇း၁၈-၁၉)

(၂) ၎င်းဟာ အ၀င်သစ်၊ နေရာသစ်ကိုဝင်စေခွင့်ပြုပေးပြီး အပြစ်တင်ရှု့ချခြင်းထက် သနားဂရုဏာကို ပိုပြီးပြသပေးပါတယ်။ (မာတေဦး ၉း၁၃)

(၃) ၎င်းဟာအကာအကွယ်ပေးခြင်းကိုဆောင်ပြီး ကယ်တင်ခြင်းတရားကို ကာကွယ်ပေးနေပါတယ် (ယောဟန် ၁၀း၇)

ထို့အပြင် အထူးအမှတ်လက္ခဏာကတော့ ခရစ်တော်ကိုယ်တော်တိုင်ဖြစ်ပြီး သံယောဟန်ကျမ်း ၁၀း၇ မှာ "ငါသည်တံခါးဖြစ်၏" ဟုမိန့်ဆိုထားပါတယ်။ ဘုရားသခင်နှင့်ဆက်နွယ်နေဖို့အတွက် ခရစ်တော်တည်းဟူသော တံခါး၊ ၀င်ပေါက်တစ်ခုတည်းသာရှိပါတယ်။ ဆာလံကျမ်း ၁၁၇း၂၀ အတိုင်းပဲ ၎င်းဟာ ဘုရားသခင်၏တံခါးတော်ပါပဲ - ဤတံခါးတော်အားဖြင့် တရားသောသူတို့ဝင်ကြရလိမ့်မယ်။ 

ဤသံရှင်းသောတံခါးတော်များအားဖြင့် ဘာသာဝင်အားလုံးဟာ လွတ်လပ်စွာရွေးချယ်ခွင့်ရှိနေရမှာဖြစ်ပြီး တချိန်တည်းမှာလည်း မကောင်းတဲ့အရာ၊အတိတ်ကာလမှ ညစ်ညမ်းမှု့များအားလုံးကို စွန့်လွတ်နိုင်တဲ့ သတ္တိရှိနေရမှာဖြစ်ပါတယ်။ (မာတေဦး ၁၃း၄၄-၄၆ ကိုဖတ်ပါ။)

ဤသန့်ရှင်းသောတံခါးတော်အားဖြတ်သန်းခြင်းအားဖြင့် ကျွန်တော်တို့တတွေဟာ ယေဇူးခရစ်တော်ဟာ အရှင်သခင်ဆိုတာကိုကြွေးကြော်ခြင်းဖြစ်ပါတယ်။ ကျွန်တော်တို့ရဲ့ယုံကြည်ခြင်းကို ပြန်လည်နိုးကြားစေပြီး ခရစ်တော်ကမ်းလမ်းတဲ့ဘ၀အသစ်ကို လက်ခံခြင်းဖြစ်ပါတယ်။ ခရစ်တော်ထံမှာ နှလုံးသားတံခါးတွေကို ကျယ်ကျယ်ဖွင့်ကြပါ။ 

ဒိုမီနီကန်ကိုရင်

#Dominicankoyin

မဟာဂရုဏာဂျူဗီလီနှစ်ကြီး

Misericordes sicut Pater - ဖခင်ကြီးကဲ့သို့ ဂရုဏာထားပါ။

Misericordia ဟူသော လာတင်ဝေါဟာရစကားလုံးကို ဂရုဏာဟူ၍ ဘာသာပြန်လိုက်ပါတယ်။ သို့သော်လည်း ခရစ်ယာန်တို့နားလည်တဲ့ ဂရုဏာတရားဟာ လာတင်ဘာသာစကားဖြစ်သည့် Miseria (သနားစဖွယ်ကောင်းခြင်း) နှင့် Cordia (နှလုံးသား) ဟူသော စကားလုံးနှစ်လုံးကိုပေါင်းစပ်ထားတာပါ။ ပထမ စကားလုံးဖြစ်သည့် Miseria (သနားဖွယ်ကောင်းခြင်း) ဟာ ကျွန်တော်တို့ လူသားအဖြစ်၊ အဖြစ်မှန်အခြေနေမှန်ကိုညွှန်ပြပေးနေပါတယ်။ အပြစ်ထဲမှာ ရှင်သန်နေထိုင်ရတဲ့ လူသားဖြစ်အင်ဟာ အလွန်ပင်သနားစဖွယ်ကောင်းလှပါတယ်။ အမှန်တကယ်ပါပဲ - ရှင်သန်ရနေရတာကိုပင် ဒုက္ခဟု သတ်မှတ်ရမယ့်အခြေနေပါပဲ။ မိမိကိုယ်စွမ်းဖြင့်လည်း မလွတ်မြောက်နိုင်တဲ့ မဟာဒုက္ခကြီးထဲက သနားစဖွယ်လေးတွေပါ။

သို့သော်လည်း ထာဝရဘုရားသခင်ဟာ သနားကြင်နာတတ်၍ ဂရုဏာတရား အလွန်ကြီးမားလှပါတယ်။ ထို့ကြောင့် ဒုတိယစကားလုံးဖြစ်သည့် Cordia (နှလုံးသား)ဆိုတာ ဘုရားသခင်ရဲ့နှလုံးသားကို ညွှန်ပြပေးနေပါတယ်။ ထာဝရဘုရားသခင်၏နှလုံးသားမှာ ချစ်မေတ္တာများပြည့်လျှံလွန်၍ နောက်ဆုံး ကျွန်တော်တို့လူသားများမထိုက်တန်သည့်အခြေနေတစ်ခု၊ ကယ်တင်ခြင်းကျေးဇူးတော်ကို ဂရုဏာအားဖြင့် ရက်ရက်ရောရောပေးနေတာပါ။

ထိုကြောင့် ဤမထိုက်တန်ပဲရရှိသည့်ကျေးဇူးတော် ဂရုဏာကို ကျွန်တော်တို့တတွေဟာလည်းပြန်လည်ဝေငှကြရမှာဖြစ်ပါတယ်။ ဒါကြောင့် သင်တို့ဖခင်ကဲ့သို့ ဂရုဏာထားပါဟူ မိန့်ဆိုပါတယ် (လု ၆း၃၆)။ ဒုက္ခရောက်နေသူကို မျှဝေခံစားပြီး ကူညီပံ့ပိုးတတ်ခြင်းဟာ ဂရုဏာပါ (လု ၇း၁၃)။ ကိုယ့်ရဲ့ရန်သူကိုပင် သူနဲ့မထိုက်တန်ဘူးဟုတွေးမိသော်လည်း အကူညီပေးတာဟာ ဂရုဏာပါ (လု ၁၀း၃၃)၊ မိမိရဲ့သားဆိုးသမီးဆိုးများကိုလည်း ၎င်းတို့မထိုက်တန်ဘူးဟုတွေးမိသော်လည်း ပြန်လည်လက်ခံတာဟာ ဂရုဏာပါ (လု ၁၅း၂၀)၊ နောက်ဆုံး စေတနာဟာလူတိုင်းနှင့်မတန်ဟုတွေးမိသည့်တိုင်အောင် စေတနာဟာ လက်ခံသူထက် ပြုသူရဲ့ဂရုဏာကြောင့် ထိုက်တန်လာပါတယ်။

ထို့ကြောင့် ဤမဟာဂရုဏာဂျူဗီလီနှစ်ကြီးမှာ ကျွန်တော်တို့တတွေလည်း ကောင်းကင်ဘုံက ခမည်းတော်လိုပဲ မိမိတို့အချင်းချင်း၊ တစ်ပါးသူအပေါ်၊ နောက်ဆုံး မိမိတို့ရန်သူများအပေါ်မှာပင် ဂရုဏာတရားပွားများနိုင်အောင် ကြိုးစားရင်း ခမည်းတော်ရှင်၏ဘုန်းဂုဏ်တော်ကို ထွန်းတောက်စေဖို့ ကြိုးစားသွားကြပါစို့။

ဒိုမီနီကန်ကိုရင်

ဘာစီလီကာ၊ ကက်သီဒြရယ်နှင့် ဘုရားရှိခိုးကျောင်းများ

ခရစ်ယာန်ဘာသာတရားနှင့် ကိုးကွယ်ရာဗိသုကာအဆောက်အအုံတွေကို ရောက်ဖူးကြမှာပါ။ ဤကိုးကွယ်ရာဗိသုကာအဆောက်အအုံများဟာလည်း ကမ္ဘာတ၀ှမ်းလုံး နေရာအနှံ့မှာ ပုံစံမျိုးစုံနှင့် ထွန်းကားလာခဲ့ကြသည့်အတွက် များသောအားဖြင့် ဘုရားရှိခိုးကျောင်းအဖြစ်သာ ဗဟုသုတရှိနေကြပါတယ်။ ခရစ်ယာန်တွေရဲ့ဝတ်ပြုကိုးကွယ်ရာ အဆောက်အအုံတစ်ခုထဲကို ၀င်လိုက်တာနဲ့ ဘုရားရှိခိုးကျောင်းဆို (church) ဆိုတာ လူတိုင်းလိုလိုသိကြပါတယ်။ သို့သော်လည်း သမိုင်းအစဉ်လာနှင့်ရပ်တည်လာခဲ့ကြသည့် ကက်သလစ်အသင်းတော်နှင့် အော့သိုဒေါ့စ်ဘုရားကျောင်းကြီးတွေရဲ့ ကွာခြားမှု့လေးတွေကိုတော့ ခွဲခြားနိုင်သည့် ဗဟုသုတနဲနေကြပါလိမ့်မယ်။ ကျွန်ုပ်တို့ကက်သလစ်အသင်းတော်အတွင်းရှိ ဘုရားရှိခိုးကျောင်းများကို ဘာစီလီကာ၊ ကက်သီဒြရယ်နှင့် ဘုရားရှိခိုးကျောင်းအဖြစ် ကွာခြားတာလေးတွေကို ဗဟုသုတအဖြစ် ဝေမျှလိုပါတယ်။

ပထမဦးဆုံး ဘာစီလီကာအကြောင်းကို မသွားခင်၊ ကက်သီဒြရယ်အကြောင်းကနေစရင် ပိုပြီးရှင်းပါလိမ့်မယ်။ ကက်သလစ်အသင်းတော်အတွင်းမှာ Diocese ဆိုတဲ့ သာသနာနယ်များခွဲခြားပြီး စီမံအုပ်ချုပ်ပါတယ်။ ထိုသာသနာနယ်တစ်ခုဆီတိုင်းမှာ ဆရာတော်တစ်ပါး (လိုအပ်လျှင် လက်ထောက်ဆရာတော်များ)သာအုပ်ချုပ်ဦးဆောင်ပြီး ရဟန်းတော်များအားဖြင့် parish သာသနာစုလေးတွေကို ဦးစီးဦးဆောင်မှု့ပြုပါတယ်။ ပုံမှန်အားဖြင့် သာသနာနယ်တစ်ခုမှာ ဆရာတော်တစ်ပါးသာရှိသည့်အတွက် ဆရာတော်ကျောင်းထိုင်သည့်နေရာ၊ သာသနာတစ်ခုဆီ၏ဗဟိုဘုရားရှိခိုးကျောင်းကြီးကို ကက်သီဒြရယ်ကြီးဟု ခေါ်ပါတယ်။ ထိုကြောင့် သာသနာနယ်တစ်ခုဆီမှာ ကက်သီဒြရယ်ကြီး တစ်ခုသာရှိပြီး ကျန်သည့်ကိုးကွယ်ရာကျောင်းတော်ကြီးတွေကတော့ ဘုရားရှိခိုးကျောင်းများဖြစ်ပါတယ်။ မှတ်သားစရာကတော့ သာသနာနယ်တစ်ခုဆီအတွင်းမှာရှိတဲ့ ဘုရားရှိခိုးကျောင်းများထဲမှာမှ ဆရာတော်ကြီးကျောင်းထိုင်သည့်၊ သာသနာ့ဗဟိုဘုရားရှိခိုးကျောင်းကို ကက်သီဒြရယ်ဟု ခေါ်ဆိုပါတယ်။ ထိုကက်သီဒြရယ်ဟာ ကြီးမားသည့်ကျောင်းတော်ဖြစ်လျှင်မှဖြစ်မည်၊ ခမ်းနားထည်ဝါဆုံးဖြစ်လျှင်မှဖြစ်မည် - အဓိကမကျပါဘူး။ ကက်သီဒြရယ်ဆိုသည့် ဝေါဟာရဟာ လာတင်ဘာသာစကားမှလာပြီး ထိုင်ခုံဟု အကြမ်းအားဖြင့်အဓိပ္ပာယ်ရပြီး သမိုင်းမှာ ဆရာတော်လိုသွန်သင်အုပ်ထိန်းသူသာလျှင် ထိုင်ခုံဖြင့်ထိုင်ပြီး ကျန်သည့်တရားနာအားလုံးဟာ မတ်တတ်ရပ်၍ တရားနာရသည့်အတွက်ကြောင့် ကက်သီဒြရယ်ဆိုတာ ဆရာတော်ထိုင်သည့်ကျောင်းတော်ကြီးဟု အဓိပ္ပာယ်ရပါတယ်။

ဘာစီလီကာဆိုတာကတော့ အဓိပ္ပာယ်ဖွင့်ရခက်ပါတယ်။ ဗိသုကာအနေဖြင့်တော့ ဘာစီလီကာဆိုတာ ရောမအင်ပါရာဗိသုကာအမွေဖြစ်ပါတယ်။ ရောမခေတ်ကာလအတွင်းကတည်းက ဘာစီလီကာကြီးတွေကို အင်ပါရာမင်းမြတ်တွေ ဆောက်လုပ်နေထိုင်ခဲ့ကြပါတယ်။ ပြောရမယ်ဆိုလျှင်တော့ ဘာစီလီကာဆိုတာ အင်ပါရာမင်းတွေရဲ့ နန်းသုံး ကြီးကျယ်ခမ်းနားသည့် ခမ်းမဆောင်ကြီးပါ။ အလွန်တရာကြီးမားပြီး အချိုးစားကျကျနှင့် တခမ်းတနားတည်ဆောက်ထားသည့် သွားလမ်းသုံးလမ်းပါပြီး မျက်နှာကျက်မြင့်မားသည့် ခမ်းမဆောင်ကြီးပင် ဖြစ်ပါတယ်။

လေးရာစုမှာတော့ ရောမအင်ပါရာ ကွန်စတန်တီနိုမှ ခရစ်ယာန်ဘာသာတရားကို ညှင်းပမ်းနှိပ်စက်ခြင်းရပ်တန့်ကာ တရားဝင်ဝတ်ပြုကိုးကွယ်စေခဲ့ပြီးနောက်မှာတော့ ထိုအင်ပါရာမင်း၏မျက်နှာသာပေးမှု့နှင့်အတူ ခရစ်ယာန်ဆရာတော်ကြီးများက ဘုရားရှိခိုးကျောင်းတော်ကြီးအချို့ကို ထိုဘာစီလီကာများအား အတုယူကာ တည်ဆောက်လာခဲ့ကြပါတယ်။ အထူးသဖြင့် အထူးသဒ္ဓါကြည်ညိုထိုက်သည့်နေရာများ၊ သာသနာ၏အထူးဂုဏ်ပြုထိုက်သည့် ရဟန္ဓာကြီးများ၏ နေရာများကို ဘာစီလီကာအဖြစ်ဆောက်လုပ်ကာ ဂုဏ်ပြုလျက်ရျိပါတယ်။ ထို့ကြောင့် ဘုရားဖူးနေရာများတွင် ခရစ်တော်၊ မယ်တော်မာရိယာမှအစ ရဟန္ဓာသူတော်စင်ကြီးများ၏ အသုံးအဆောင်တစ်ခုခု၊ Relic (ပဌနာ)တစ်ခုခု ထားရှိပြီး ပုပ်ရဟန်းမင်းကြီးမှ ဘာစီလီကာကြီး၊ ဘာစီလီကာငယ် စသဖြင့် ခေါင်းစီးတပ်ပေးပါတယ်။ ထို့အတူ ပြင်သစ်ပြည်မှ လုဒ်မြို့လို၊ ပေါ်တူဂီမှ ဖာတီမာရွာလို တန်ခိုးတော်များဖြစ်ပေါ်ရာနေရာတွေမှာလည်း ဘာစီလီကာများဆောက်လုပ်ကာ အထူးသဒ္ဓါကြည်ညိုမှု့များပေးစေပါတယ်။ ထို့နောက် Shrine ဟူ၍ ဘုရားဖူးနေရာအဖြစ်လည်း ၎င်း၏စံချိန်စံနှုန်းများမှီသောအခါ ပုပ်ရဟန်းမင်းကြီးမှ တရားဝင်သတ်မှတ်ကြေငြာပေးပါတယ်။ သို့သော်လည်း ကမ္ဘာနှင့်ချီ၍ တန်ခိုးတော်များဖြစ်ပေါ်နေသည့်အတွက် အချို့နေရာတွေမှာ ဒေသခံတွေသာသိတဲ့ ဘုရားဖူးနေရာတွေလည်း အများကြီးရှိနေပါတယ်။

ကမ္ဘာတ၀ှမ်းလုံးမှာ ဘာစီလီကာငယ်ပေါင်း ၁၄၀၀ကျော်ရှိပြီး ၎င်းတို့ထဲမှ ၅၂၇ ဘာစီလီကာငယ်ဟာ အီတလီတနိုင်ငံတည်းမှာပင် ရှိနေပါတယ်။

မနောအောင်