ရဟန်းဝတ်ကော်လံ (သို့) ရိုမန်ကော်လံ

မေး။ ကက်သလစ်ဘုန်းတော်ကြီးတွေရဲ့ လည်ပင်းမှာ ပတ်ဆင်လေ့ရှိတဲ့ နှစ်လက်မခန့်အဖြူပြားကြီးက ဘာလဲမသိလို့ ရှင်းပြပေးပါ။ ဘယ်အချိန်က စတင်ဝတ်ဆင်လေ့ရှိကြတယ်ဆိုတဲ့ သမိုင်းလည်း သိပါရစေ။

ဖြေ။ ဟုတ်ကဲ့။ ကက်သလစ်ဘုန်းတော်ကြီးများရဲ့ လည်ပင်းမှာ ပတ်ဆင်လေ့ရှိတဲ့ နှစ်လက်မခန့်အဖြူပြားကြီးကို ရဟန်းဝတ်ကော်လံ (Clerical Collar) ဒါမှမဟုတ် ရိုမန်ကော်လံ (Roman Collar)လို့ ခေါ်ပါတယ်။ ကက်သလစ်အသင်းတော်ထဲမှာ ရှေးခေတ်ကာလမှစပြီး ယနေ့ခေတ်ထိအောင် ရဟန်းအမျိုးစားများနှင့် ၎င်းတို့၏သင်္ကန်းဝတ်ရုံများလည်း တိုးတက်ပြောင်းလာခဲ့တာတွေ ရှိပါတယ်။ အဲဒီတိုးတက်ပြောင်းလဲမှုတွေနဲ့အတူ အခုလို ၀တ်စားဆင်ယင်မှုလည်း ပြောင်းလဲလာခဲ့တာ ရှိပါတယ်။ သင်္ကန်းဝတ်ရုံရှည်တွေကိုလည်း ၀တ်ဆင်ကြသလို၊ အခုလို လူတွေကြားမှာ သွားလာလှုပ်ရှားတဲ့အခါ ရဟန်းဂုဏ်လက္ခဏာ (identity) မပျောက်အောင် ၀တ်ဆင်ကြပါတယ်။ လူ့ဘောင်လူ့ပတ်ဝန်းကျင် အသိုင်းဝိုင်းထဲကျင်လည်ပြီး သာသနာပြုလုပ်ငန်းများ၊ ပညာရေး၊ လူမှုရေး၊ ပရဟိတအရေးတို့နှင့် အခြားလူမှုကောင်းကျိုးအဖြာဖြာတို့မှာ ကိုယ်တိုင်ရှေ့ဆုံးမှပါဝင်ကာ တက်တက်ကြွကြွ ဆက်ကပ်လှုပ်ရှားသူတွေဖြစ်တာမို့ ကက်သလစ်ဘုန်းတော်ကြီးများအတွက် သင်္ကန်းရှည်ကြီးတွေ ခြုံရုံဝတ်ဆင်လို့ အဆင်မပြေပါဘူး။ နောက်ပြီး ပြောင်းလဲလာတဲ့ ခေတ်အခြေအနေအရ - secularization world အတွက်လည်း ပရော်ဖက်ရှင်နယ်ကျပြီး စမတ်ကျတဲ့ပုံစံတွေသာ လူရာဝင်လာတာမို့ ခေတ်နှင့်လိုက်ရောညီထွေမှုရှိပြီး ရဟန်းတို့ရဲ့ identity ဂုဏ်လက္ခဏာလည်း မပျောက်အောင် နည်းလမ်းရှာရပါတယ်။ အဲဒီမှာပဲ လူ့အသိုင်းဝိုင်း၊ လူ့ပတ်ဝန်းကျင်မှာ ရဟန်းဆိုတဲ့ဂုဏ်လက္ခဏာ identity မပျက်စေတဲ့ ဒီလိုဝတ်စုံကို စတင်ဝတ်ဆင်လာခဲ့ကြတာပါပဲ။ ယနေ့ပုံစံတိုင်းဝတ်ဆင်နေကြတာဟာ ၂၀ ရာစုကမှ စတင်လာခဲ့တာပါ။ ဒါပေမယ့် ဒီနေ့ခေတ် ရိုမန်ကော်လံရဲ့ သမိုင်းကတော့ ၁၇ ရာစုလောက်ကတည်းက ပြင်သစ်ဒီဇိုင်းပုံစံနဲ့ စတင်ခဲ့တယ်လို့ ဆိုရပါလိမ့်မယ်။ (အချို့ကလည်း ဒီလိုကော်လံဒီဇိုင်းဟာ ၁၅ ရာစုကတည်း စတင်နေခဲ့ပြီလို့ ဆိုကြပါတယ်။)

၁၉၉၁ ခုနှစ်မှာတော့ ပုပ်ရဟန်းမင်းကြီးဒုတိယမြောက်ဂျွန်ပေါက ဒီနေ့ခေတ်ကာလမှာ ရဟန်းတစ်ပါးရဲ့ identityဟာ ရှင်းရှင်းလင်းလင်းရှိနေဖို့ လိုတဲ့အတွက်ကြောင့် ဒီရိုမန်ကော်လံဒီဇိုင်းဟာ အသင့်တော်ဆုံးဆိုပြီး ကက်သလစ်ဘုန်းကြီးတိုင်းဝတ်ဖို့ စာချွန်တော်နဲ့တကွ တိုက်တွန်းခဲ့ပါတယ်။ အရှင်သူမြတ်ကြီးရဲ့ စာချွန်တော်ထဲမှာ ဒီလိုရိုမန်ကော်လံကို ၀တ်ဆင်သင့်တဲ့ ရည်ရွယ်ချက် (၂၃)ချက်ကို ထည့်သွင်းထားပါတယ်။ ရဟန်းဆိုတာ ဘုရားသခင်ထံ ဆက်ကပ်ထားတဲ့ တသီးတခြားပုဂ္ဂိုလ်တွေဖြစ်ကြောင်း ဒီကော်လံဝတ်ဆင်ခြင်းအားဖြင့် မြင်သာစေတဲ့ အမှတ်သားတစ်ခုပါပဲ။ ဒီလိုဝတ်ဆင်ခြင်းအားဖြင့် တခြားဒီဇိုင်းမျိုးစုံတဲ့ အ၀တ်စားတွေမှာ စိတ်မရောက်စေဘဲ ဆင်းရဲခြင်းကို ကျင့်ကြံရာလည်း ရောက်ပါတယ်။ ဒါ့အပြင် အသင်းတော်ရဲ့ဥပဒေမှာလည်း ရဟန်းဝတ်ရုံသင်္ကန်းကို ၀တ်ဆင်ဖို့ ဥပဒေရှိနေတာမို့ ဒီရိုမန်ကော်လံကို ၀တ်ဆင်သင့်ပါတယ်။ လူ့ဘုံအလည်မှာ သွားလာလှုပ်ရှားနေတဲ့အခါမှာလည်း ဒီရိုမန်ကော်လံဝတ်ဆင်ထားခြင်းအားဖြင့် ရဟန်းဆိုတာကို လူတွေက သိကြပါလိမ့်မယ်။ ဒါမှ ရဟန်းတစ်ပါးရဲ့ ရည်ရွယ်ချက်တွေကိုလည်း တန်းမြင်မိကြမှာဖြစ်ပါတယ်။ ... စသဖြင့် မိန့်ဆိုထားတာကိုတွေ့ရပါတယ်။

ဒီရိုမန်ကော်လံဝတ်ဆင်ခြင်းကို အသင်းဂိုဏ်းကွဲပါစတာတွေက ထွင်ခဲ့တယ်လို့လည်း ဆိုကြပါတယ်။ ဒီနေ့ခေတ်ဒီဇိုင်းကော်လံအတွက်တော့ ဖြစ်နိုင်ပါတယ်။ ဘာကြောင့်လဲဆိုတော့ အသင်းဂိုဏ်းကွဲပါစတာတွေဟာ ဘုန်းတော်ကြီးတွေမဟုတ်တဲ့အတွက် အဲဒီအချိန်အခါကတည်းက မိမိတို့ကိုယ်ကို သာမန်ယုံကြည်သူတွေနဲ့ မတူတဲ့ identity ပြတဲ့နည်းဖြစ်နိုင်ပါတယ်။ ဒါပေမယ့်လည်း ဒီကော်လံမျိုးကို ၀တ်ဆင်လာခဲ့တာတော့ ၁၅ ရာစုကတည်းကမို့ တကယ့်မူလတည်ထွင်သူတွေကတော့ အသင်းဂိုဏ်းကွဲတွေမပေါ်ခင်က အသင်းတော်ကြီးပါပဲ။ ဒီနေ့ ဒီလိုရဟန်းဝတ်ကော်လံမျိုးကို ကက်သလစ်အသင်းတော်ကြီးအပါအ၀င် အခြားအသင်းဂိုဏ်းကွဲများလည်း အသုံးပြုကြပါတယ်။ သို့သော်လည်း ရိုမန်ကော်လံကိုတော့ ကက်သလစ်ရဟန်းများသာ ၀တ်ဆင်ကြပါတယ်။

ဒိုမီနီကန်ကိုရင်

dom.koyin@gmail.com

ကိုးကားချက်များ။ https://www.ewtn.com/library/PRIESTS/RMCOLLAR.TXT
http://www.ewtn.com/v/experts/showmessage.asp?number=449735
https://aleteia.org/…/30/why-do-priests-wear-a-white-collar/

စိတ်ပုတီး၏လမြတ် အောက်တိုဘာ

အသင်းတော်၏၀တ်ပြုရာပြကဒိန်ထဲတွင် အောက်တိုဘာလ (၇)ရက်နေပသည် စိတ်ပုတီး၏သခင်မပွဲနေ့ ဖြစ်သည်။ ဤပွဲတော်အား လက်ပန်တိုစစ်ပွဲတွင် စိတ်ပုတီး၏တန်ခိုးတော်အားဖြင့် အောင်နိုင်ခဲ့ခြင်းကို အောက်မေ့သတိရလျက် ကျင်းပခြင်းဖြစ်သော်လည်း စိတ်ပုတီး၏ တန်ခိုးအစွမ်းသည် ခေတ်အဆက်ဆက်နှင့် ယုံကြည်စွာဆုတောင်းသည့် လူမျိုးတကာတို့အပေါ် အကျိုးသက်ရောက်မှုရှိသည်ကို အစဉ်နှိုးဆော် ကျင်းပခြင်းလည်းဖြစ်သည်။ ထို့အပြင်း စိတ်ပုတီးစိတ်ခြင်းဖြင့် အထူးဆုတောင်းကြဖို့ အောက်တိုဘာလ တစ်လလုံးကိုလည်း အပ်နှံထားပေသည်။

အောက်တိုဘာလသည် စိတ်ပုတီးစိတ်ဖို့ အကောင်းဆုံးလဟု ဆိုရပေမည်။ သို့သော် တစ်နှစ်ပတ်လုံး အမြဲစိတ်ကြဖို့ အားပေးလျက်ရှိသည်။ စိတ်ပုတီးစိတ်၍ဆုတောင်းခြင်းသည် ကျွန်ုပ်တို့ကို အမှန်တကယ် ငြိမ်းချမ်းစေသလို၊ ဖြူစင်သန့်ရှင်းစေသည်။ မကောင်းသောအရာများ ပြောင်းလဲလာဖို့ စိတ်ပုတီးစိတ်၍ဆုတောင်းခြင်းဟာ အကောင်းဆုံးလက်နက်တစ်ခု ဖြစ်သည်။ စိတ်ပုတီးစိတ်ခြင်းသည် ဘုရား၏မယ်တော် မွန်မြတ်သော ကညာစင်မာရိယာအား အထူးသဒ္ဓါကြည်ညိုခြင်းပေးရာဖြစ်သလို၊ ယေဇူးဘုရားရှင်၏ ဘ၀အကြောင်းရာကိုလည်း ကမ္မဌာန်းရှုရာ ရောက်သည်။

စိတ်ပုတီးစိတ်၍ ဧ၀ံဂေလိကျမ်းအား ကမ္မဌာန်းထောက်ရှု ဆုတောင်းခြင်းသည် ကျွန်ုပ်တို့အား မှားယွင်းသောသွန်သင်ချက်တွေမှ ကာကွယ်ပေးသည်။ အသင်းတော်အား ရန်သူမျိုးစုံ၏ တိုက်ခိုက်မှုမျိုးစုံမှ ကာကွယ်ပေးသည်။

စိတ်ပုတီး၏လမြတ်တွင် မိသားစုနှင့် စိတ်ပုတီးစိတ်၍ ဆုတောင်းသင့်သည်။ မိမိတို့၏သားသမီးငယ်များကိုလည်း ဤဆုတောင်းနည်းမှာ စံနမူနာပြ၍ ဆွဲခေါ်သင့်သည်။ အခါအားသင့်လျှင် အိမ်နီးချင်းတွေပါ စုပြီး စိတ်ပုတီးစိတ်ဆုတောင်းသင့်သည်။

အသင်းတော်ကြီးအတွက်၊ အသင်းတော်အတွင်း ဦးဆောင်မှုပြုနေသော ပုပ်ရဟန်းမင်းကြီးနှင့် ဆရာတော်ကြီးများအတွက်၊ ရဟန်းတော်များအတွက်၊ သီလှရှင်များအတွက် ဆုတောင်းပေးသင့်သည်။ သူတို့တတွေလည်း သင်တို့၏ဆုတောင်းမေတ္တာ အထူးလိုအပ်သူများဖြစ်သည်ကို မမေ့သင့်ပေ။

အောက်တိုဘာလ (၇)ရက်နေ့၊ စိတ်ပုတီး၏သခင်မပွဲနေ့ မစ္ဆားပူဇော်ခြင်းမှာ ပါဝင်သင့်သလို၊ အောက်တိုဘာလ (၁၃)ရက်နေ့ ဖာတီမာမြို့လေးမှာ မယ်တော်သခင်မ၏ နောက်ဆုံးရူပါရုံပြသည့်နေ့ကို သတိရအောက်မေ့သင့်သည်။

အခါအားသင့်သလို မိမိဘာသာလည်း စိတ်ပုတီးစိတ်၍ ဆုတောင်းသင့်သည်။

ဒိုမီနီကန်ကိုရင်

Visit ad limina (သို့) ပုပ်ရဟန်းမင်းကြီးထံ လည်ပတ်ခြင်း

ရိုမန်ကက်သလစ်ခရစ်ယာန်အသင်းတော်တွင် Visit ad limina ဆိုတာကို တချို့လည်း ကြားဖူးကောင်းကြားဖူးကြပါလိမ့်မယ်။ တချို့လည်း အသိတမျိုးမျိုးဖြင့် မှတ်သားကောင်း မှတ်သားမိကြပါလိမ့်မယ်။ Visit ad limina ဆိုတာကို ခပ်လွယ်လွယ်ပြောရရင်တော့ ဒေသခံဆရာတော်ကြီးများဟာ အသင်းတော်ကြီးတစ်ခုလုံးရဲ့ဦးသျှောင် ပုပ်ရဟန်းမင်းကြီးထံ ၅ နှစ်တစ်ကြိမ် တရားဝင်လည်ပတ်ခြင်းပေါ့။ ဒီလို လည်ပတ်ခြင်းကို ၅ နှစ်တခါ ၀တ္တရားတစ်ခုအဖြစ် ပြုလုပ်ကြရပါတယ်။ ဒီလို လည်ပတ်ခြင်းပြုတဲ့အခါ ဒေသခံဆရာတော်ကြီးများဟာ မိမိတို့ဒေသအတွင်း ဖြစ်ပျက်သမျှအကြောင်းရာများ၊ အခြေနေများကို ပုပ်ရဟန်းမင်းကြီးထံ ကိုယ်တိုင်တင်ပြဆွေးနွေးရပါတယ်။ ပြီးမှ ပုပ်ရဟန်းမင်းကြီးရဲ့ အကြံညဏ်များ၊ သြ၀ါဒများကို နားယူပြီး ဆက်လက်အကောင်ထည်ဖော်ရမယ့် အနာဂတ်အစီစဉ်များမှာ အသင်းတော်နဲ့တသားတည်းကျအောင် ဆောင်ရွက်နိုင်မှာ ဖြစ်ပါတယ်။ ဒါဟာ ခပ်လွယ်လွယ်နဲ့ အဖြေပေးလိုက်တာပါ။ ဒီ Visit ad limina ကို လုံးပတ်လည်အောင် ထပ်ပြောပြချင်ပါသေးတယ်။

Visit ad limina ဆိုတဲ့ လာတင်စပ်ဝေါဟာရဟာ အတိုကောက်သုံးထားဖြစ်ပါတယ်။ ၎င်းရဲ့မူရင်းစကားလုံးအပြည့်ဟာ Visitatio ad limina apostolorum ဖြစ်ပါတယ် - ဆိုလိုသည်မှာ - တမန်တော်ကြီးများ၏ မုဂ်တံခါးများသို့ လည်ပတ်ခြင်းဖြစ်ပါတယ်။ တမန်တော်ကြီးများဆိုတာ သံပေတရူးနှင့် သံပေါလူးတို့ကို ရည်ညွှန်းထားခြင်းဖြစ်ပြီး ၎င်းတို့ရဲ့ အုပ်ဂူများထံသွားရောက် အရိုသေပေးခြင်းကို ဆိုလိုပါတယ်။ ဒီလို လည်ပတ်ခြင်းမျိုးကို ရှေးဦးခရစ်ယာန်များခေတ်ကာလမှာတော့ သာမန်အရိုသေပေးခြင်းအဖြစ် ပြုလုပ်လာခဲ့ပြီး နောက်တဖြည်းဖြည်းနဲ့ အသင်းတော်ဟာ စနစ်တကျဖြစ်လာတဲ့အခါမှာတော့ ဒါကို ၀တ္တရားတစ်ခုအဖြစ် ပြုလုပ်လာခဲ့တာဖြစ်ပါတယ်။ ၅ ရာစုမှာပင် ပုပ်ရဟန်းမင်းကြီး လေအို (၁)ဟာ စစ္စလီမှ ဆရာတော်ကြီးသုံးပါးကို ရောမမြို့တော်၊ အသင်းတော်ရဲ့မဟာအစည်းအဝေးကြီးမှာ ကူညီဖို့ ပုံမှန်စေလွှတ်ခြင်းကို စတင်ဝတ္တရားဖော်ခဲ့ပါတယ်။ ၈ ရာစုမှာဆိုရင် ပုပ်ရဟန်းမင်းကြီး ဇာခေဦးက - ရောမအနီးတ၀ိုက်ရှိ ဆရာတော်ကြီးများအနေဖြင့် ၎င်းထံသို့ နှစ်စဉ် ad limina လည်ပတ်ခြင်းကို ကိုယ်တိုင်ပြုလုပ်ကြဖို့ ၀တ္တရားပြုခဲ့ပါတယ်။ ထိုနောက် ဒီဝတ္တရားဟာ တဖြည်းဖြည်းတိုးတက်ပြောင်းလဲလာပြီး ရောမမြို့နဲ့အနီးတ၀ိုက်သာမဟုတ်တော့ဘဲ ၁၁ ရာစုမှာတော့ အခြားမြို့တော်ကြီးများမှ ဆရာတော်ကြီးများလည်း ပုပ်ရဟန်းမင်းကြီးထံ ယခုလိုလည်ပတ်ခြင်းပြုလုပ်ဖို့ ၀တ္တရားဖြစ်လာခဲ့ပါတယ်။ ၁၃ ရာစု၊ ပုပ်ရဟန်းမင်းကြီး ဂရေဂေါ်ရီ (၉)လက်ထက်မှာတော့ ဆရာတော်ဘိသိပ်မခံယူမှီ ဆရာတော်လောင်းများဟာ ယခုလို ad limina လည်ပတ်ခြင်းကို နှစ်စဉ်၊ မိမိကိုယ်တိုင်သော်လည်ကောင်း၊ ကိုယ်စားလှယ်ဖြင့်သော်လည်းကောင်း လည်ပတ်ပြုဖို့ ကတိပြုကြရပါတယ်။

၁၅၈၅ ခုနှစ်၊ ပုပ်ရဟန်းမင်းကြီး စစ္စတု (၅)လက်ထက်မှာတော့ Romanus Pontifex အဖြစ် ရိုမန်ပုပ်ရဟန်းမင်းကြီးဆိုင်ရာ စည်းမျဉ်းထုတ်ပြီး ad limina လည်ပတ်ခြင်းအတွက် စည်းမျဉ်းများ သေချာထုတ်ပြန်ခဲ့ပါတယ်။ ဒီစည်းမျဥ်းထဲမှာတော့ ကမ္ဘာတ၀ှမ်းမှာရှိတဲ့ ဆရာတော်ကြီးများဟာ မိမိတို့တာဝန်ယူထားတဲ့ နေရာအတိုင်းအတာအရ ဘယ်အချိန်၊ ဘယ်နှစ်ခါ စသဖြင့် ad limina လည်ပတ်ရမယ်ဆိုတာကို ညွှန်ကြားထားပါတယ်။

ယနေ့လက်ရှိ ညွှန်ကြားချက်စည်းမျဉ်းကတော့ ၁၉၀၉တွင် ပုပ်ရဟန်းမင်းကြီး ပီအို (၉)ရဲ့ စည်းမျဉ်းလို့ပြောရမှာပါ။ ဒီစည်းမျဉ်းအရ၊ ဒေသခံဆရာတော်တစ်ပါးချင်းစီဟာ ၎င်းရဲ့ သာသနာနယ်အတွင်းမှ ဖြစ်ပျက်သမျှကို ပုပ်ရဟန်းမင်းကြီးနဲ့ကိုယ်တိုင်တွေ့ပြီး ပေးပို့ရပါတယ်။ ဒီလို ၅ နှစ်တခါ သတ်မှတ်ပြီး ကျင့်သုံးလာတာတော့ ၁၉၁၁ ခုနှစ်မှ စတင်ခဲ့ပါတယ်။

ဒီလို ad limina လည်ပတ်ခြင်းမှာ ရည်ရွယ်ချက် သုံးခုရှိပါတယ်။ ပထမ- အဓိကတမန်တော်ကြီးနှစ်ပါးဖြစ်တဲ့ သံပေတရူးနှင့် သံပေါလူးတို့အားအရိုသေပေးခြင်း၊ ဒုတိယ - သံပေတရူးရဲ့အရိုက်ရာအား ဆက်ခံလာသူ ပုပ်ရဟန်းမင်းကြီးအား အရိုသေဂါဝရပြုခြင်း၊ တတိယ - မိမိတို့သာသနာနယ်အတွင်း ဖြစ်ပျက်သမျှအကြောင်းရာများ၊ အရေးတကြီးလိုအပ်သည်များကို ကိုယ်တိုင်တင်ပြဆွေးနွေးပြီး အကြံညဏ်များ၊ အကူညီများရယူခြင်းတို့ပင် ဖြစ်ပါတယ်။

ဆရာတော်ကြီးများ ပုပ်ရဟန်းမင်းကြီးနှင့်တွေ့ဆုံရန် စာင့်ဆိုင်းနေစဉ်။

ဒီနှစ်၊ ခရစ်သက္ကရာဇ် ၂၀၁၈၊ မေလ ၁ -၁၁ အရက်အတွင်းမှာတော့ မြန်မာနိုင်ငံမှ ဆရာတော်ကြီးများသည်လည်း ad limina လည်ပတ်ခြင်းအနေဖြင့် ရောမမြို့တော်သို့ ရောက်ရှိနေကြပါတယ်။ ကျနော်တို့ရဲ့ ဆုတောင်းမေတ္တာများအားဖြင့် ဆရာတော်ကြီးများရဲ့ လမ်းခရီး၊ လုပ်ဆောင်သမျှ၊ အခြားအကျိုးပြုစေမယ့် အလည်အပတ်များ အစစအရာရာ ဘုရားသခင်ရဲ့ကောင်းကြီးတော်ဖြင့် အဆင်ပြေနိုင်ကြပါစေကြောင်း ဆုတောင်းပေးကြရင်း ဆရာတော်ကြီးများနဲ့အတူ တလုံးတ၀တည်း ရပ်တည်ကြပါစို့။

ဒိုမီနီကန်ကိုရင်

dom.koyin@gmail.com

ထိုင်းနိုင်ငံမှ ပထမဆုံးဓမ္မအာဇာနည် သူတော်စင် နီကော်လပ်စ် ဘွန်ကာထ်ကစ်ဘမ်ရွန်

သူတော်စင် နီကော်လပ်စ်ဘွန်ကာထ်ကို ၁၈၉၅ ခုနှစ် ဇန်န၀ါရီလ ၃၁ ရက်နေ့တွင်မွေးဖွားခဲ့ပြီး ဖေဖော်ရီဝါရီ ၅ ရက်နေ့တွင် နာခွန်ပါသွန်နယ်၊ စန်ဖရမ်ရှိ စိန်ပီတာဘုရားကျောင်းတွင် ဆေးကြော်ခြင်းပေးခဲ့ပါတယ်။ သူသည် ရဟန်းတို့တတ်အပ်သောပညာရပ်များကို လေ့လာဆည်းပူးခဲ့ပြီး ၁၉၂၆ ခုနှစ် ဇန်န၀ါရီလ ၂၄ ရက်နေ့တွင် ကောင်းကင်ဘုံသို့ပင့်ဆောင်ခြင်းခံရသော မယ်တော်သခင် ကက်သီဒြယ်ဘုရားကျောင်းကြီးတွင် ရဟန်းသိက္ခာကို ဆရာတော်ကြီးရမ်ပဲရော့စ်လက်တော်မှ ခံယူခဲ့ပါတယ်။

ဖာသာရ်နီကော်လပ်စ်၏ ပထမဆုံးသာသနာလုပ်ငန်းမှာ ဘန်နာခူအက်ဒေသရှိ မေရီ၏မွေးဖွားခြင်းကျောင်းတော်ပင် ဖြစ်ပါတယ်။ ထို့နောက် ဖီဒ်စန်းနူလော့ခ်ရှိ စိန်နီကော်လပ်စ်ဘုရားကျောင်းသို့ ပြောင်းရွေ့တာဝန်ထမ်းဆောင်ခဲ့ပါတယ်။ ထို့အပြင် ချင်းမိုင်တွင်လည်းကောင်း၊ လန်ပန်တွင်လည်းကောင်း၊ ခေါရက်နှင့် နွန်ခေအိုတွင်လည်းကောင်း တာဝန်ထမ်းဆောင်ခဲ့ပါတယ်။

အချိန်ကာလဟာ ထိုင်းနိုင်ငံအတွက် ပြင်သစ်မုန်းတီးရေးစစ်ဆင်နွှဲချိန်ဟု ဆိုရပါလိမ့်မယ်။ ထိုအချိန်အခါက ထိုင်းလူမျိုးများဟာ နိုင်ငံရေးစိတ်ဓါတ်အလွန်ပြင်းထန်လျက်ရှိပြီး ခရစ်ယာန်ဘာသာကိုလည်း ပြင်သစ်ဘာသာဟူလွဲမှားစွာသဘောထား၍ ညှင်းပမ်းနှိပ်စက်ပါတော့တယ်။ ၁၉၄၂ခုနှစ် ဇန်န၀ါရီလ ၁၂ ရက်နေ့တွင် ဘုန်းတော်ကြီး နီကော်လပ်စ်ကိုလည်း ပြင်သစ်သူလျှိုအဖြစ်အထင်မှားကာ ဖမ်းခေါ်သွားပါတယ်။ ထို့နောက် ဘုန်းတော်ကြီးနီကော်လပ်စ်အား ထောင်ဒဏ် ၁၅ နှစ်ချမှတ်ခဲ့ပါတယ်။ ဘန်ခွာမ်ထောင်အတွင်း ဘုန်းတော်ကြီးနီကောလပ်စ်ဟာ သိုးထိန်းပီသစွာဖြင့် အခြားသောအကျဉ်းသားများကို ကာကွယ်စောင့်ရှောက်ထိန်းသိမ်းပြီး ခရစ်တော်၏သတင်းကောင်းများကို ဆက်လက်ဟောပြောသွန်သင်ပေးခဲ့ပါတယ်။

အသက်တော် ၄၉ နှစ်၊ ၁၉၄၄ ခုနှစ် ဇန်န၀ါရီ ၁၂ ရက်နေ့တွင် ဘုန်းတော်ကြီး နီကော်လပ်စ်ဟာ အဆုတ်ရောင်ရောဂါကူးဆက်ခံရပြီး ပျံလွန်တော်မူခဲ့ပါတယ်။

သူ၏အလောင်းတော်ကို ထောင် ၀ါတ်ဘမ်ပရက်ရှိ ထောင်အနီးမှ ဗုဒ္ဒဘုရားကျောင်းတစ်ခု၏ မြေကွက်လပ်တွင် မြုပ်နှံခဲ့ကြပါတယ်။ ထို့နောက် ဆရာတော်ကြီး ပဲရော့စ်သည် အာဏာပိုင်များထံမှ ခွင့်တောင်းကာ အလောင်းတော်ကို ကောင်းကင်ဘုံသို့ပင့်ဆောင်ခြင်းခံရသော မယ်တော်သခင်မ ကက်သီဒြယ်ကြီး၏ မြေအောက်ခန်းတွင် မတ်လမှာ ပြောင်းရွေ့မြုပ်နှံထားခဲ့ပါတယ်။

ဘုန်းတော်ကြီးနီကော်လပ်စ်သည် အသက်ရှင်စဉ်ကာလအတွင်း ဆင်းရဲသားများအတွက် အထူးစိတ်နှလုံးကြီးမားသူအဖြစ် ထင်ရှားသူ ဖြစ်ပါတယ်။ ထို့အပြင် ဘယ်နေရာဘယ်ဒေသမှာ အတာဝန်ထမ်းဆောင်စေကာမူ သူ၏ခရစ်တော်၏သတင်းကောင်းကို သူ၏လူမျိုးများအား မမောမပန်းဟောပြောသက်သေခံသည့် သာသနာပြုကြီးအဖြစ်လည်း ထင်ရှားပါတယ်။ ထောင်အတွင်းကျရောက်နေစဉ်ကာလမှာလည်း ဧ၀ံဂေလိသတင်းကောင်းကို ဟောပြောသက်သေခံဖို့ ဇွဲလုံလကြီးသူဖြစ်ပြီး အကျဉ်းသူအကျဉ်းသားများအား ကိုယ်တော်မြတ်စက္ကရမင်တူးနှင့် အခြားသောသိုးထိန်းလုပ်ငန်းများကို ဆက်လက်ဆောင်ရွက်ပေးနေခဲ့ပါတယ်။ အကျဉ်းကျနေစဉ်ကာလအတွင်း အကျဉ်းသူအကျဉ်းသာ ၆၈ဦးအား တရားမှန်သို့ခေါ်ဆောင်နိုင်ခဲ့ပါတယ်။ သူဟာ နောက်ဆုံးထွက်သက်ထိ ဟောပြောသက်သေခံနေသည့် သာသနာပြုကြီးပါ။

သူပျံလွန်တော်မူသည့်အချိန်မှစ၍ လူများစွာဟာ သူ့အား ဓမ္မအာဇာနည်ကြီး တစ်ဦးအဖြစ်အသိမှတ်ပြုခဲ့ကြပါတယ်။ ထိုင်းလူမျိုးများကိုယ်စား ကာဒီနယ်ကြီး မိုင်ကယ်မီချိုင်ကီဘု့ချူဟာ သူ့အား ရဟန္တာတင်မြှောက်ရန် အဆိုပြုပေးခဲ့ပါတယ်။ ထို့နောက် သူ၏အကြောင်းများနှင့် သူရဲကောင်းဆန်သည့် ဟောပြောသက်သေခံချက်များကို လေ့လာသုံးသပ်ကာ သူအား သူတော်စင်အဖြစ်တင်မြှောက်ရန် အောင်မြင်ခဲ့ပါတယ်။

၂၀၀၀ခုနှစ် ဇန်န၀ါရီလ ၂၇ ရက်နေ့တွင် ဘုန်းတော်ကြီး နီကော်လပ်စ်အား သူတော်စင်အဖြစ်သို့တင်မျြောက်ရန် ပုပ်ရဟန်းမင်းကြီး ဂျွန်ပေါလ် ၂ မှ အတည်ပြုလက်မှတ်ထိုးခဲ့ပါတယ်။ ၂၀၀၀ခုနှစ် မတ်လ ၅ ရက်နေ့တွင် စိန်ပီတာရင်ပြင်မှာ ဘုန်းတော်ကြီးနီကော်လပ်စ်အား သူတော်စင်အဖြစ်သို့ တရားဝင်တင်မြှောက်ကြေငြာပေးခဲ့ပါတယ်။

သူတော်စင်နီကော်လပ်ဘွန်ကာထ်၏ပွဲနေ့သည် သူပျံလွန်တော်မူရာနေ့ဖြစ်သည့် ဇန်န၀ါရီလ ၁၂ ရက်နေ့ဖြစ်ပါတယ်။

သူတော်စင် နီကော်လပ်စ်ဘွန်ကာထ် - ကျွန်ုပ်တို့အဖို့ငှာ ဆုတောင်းပေးတော်မူပါ။

ဒိုမီနီကန်ကိုရင်