သန့်ရှင်းသောဝိညာဉ်တော်ဆင်းကြွခြင်း (

ဝိညာဉ်တော်မြတ်ကို ခံယူကြလော့ (ယောဟန် ၂၀း၂၃)

ယေဇူးခရစ်တော်၏တပည့်တော်ကြီးများမှာ တကယ်တန်းတော့ ပျံကျလူတန်းစားများပင်ဖြစ်ပါတယ်။ ကျမ်းတတ်ဆရာကြီးများမဟုတ်သလို၊ နိုင်ငံရေးမှာ သြဇာအာဏာ ကြီးမားသူများလည်းမဟုတ်ပါ။ ပြောရမည်ဆိုလျှင် လူမသိ သူမသိအတန်းစားထဲက တကယ့်ကို သာမန်ပုဂ္ဂိုလ်ကြီးများသာ ဖြစ်ပါတယ်။ ဒီတော့ ယေဇူးခရစ်တော် ကောင်းကာင်ဘုံသို့ တက်ကြွတော်မူသွားသောအခါ သူတို့ဘ၀မှာ ဆရာသခင် မရှိတော့ဘဲ လုံးဝရပ်တည်လို့မရတော့မည့် ပုဂ္ဂိုလ်များကဲ့သို့ အရာရာမှာ ကြောက်စိတ်တို့က လွှမ်းမိုးထားပြီး ဘေးအန္တာရယ်များကိုပင် ကြောက်ရွံ့နေကြရပါတယ်။ ဒါတွေကို ခရစ်တော်လျစ်လျှူမရှုခဲ့ပါဘူး။ သေခြင်းမှ ရှင်ပြန် ထမြောက် ပြီးသောအခါ၌လည်း သူတို့နှင့်အတူရှိနေခြင်းအားဖြင့် အားပေးခဲ့သလို၊ ကောင်းကင်ဘုံသို့ တက်တော်မူသော အခါတွင်လည်း သူတို့အတွက် အကြီးမားဆုံးသော ၀ိညာဉ်တော်ကတိတော်ကို ပေးခဲ့ပါတယ်။ ၀ိညာဉ်တော်ဘုရားဆင်းကြွသည့်အချိန်မှစ၍ တပည့်တော်ကြီးများ ခွန်အားပြည့်ပြည့်နှင့် မိမိတို့ကိုယ်တိုင်ပင် မသိနားမလည်နိုင်သော ဘုရားသခင်၏ကယ်တင်ခြင်းအကြောင်းကို ဟောပြောသက်သေခံခဲ့ကြပါတယ်။ ဘာသာစကားတမျိုးသာပြောတတ်သော၍ ပြောဆိုသော်လည်း ကြားရသူတိုင်းမှာ မိမိတို့ဘာသာစကားဖြင့်သာ ကြားနာရ၍ တန်ခိုးအံ့ဖွယ်တို့က ဖြစ်ပေါ်လေ့ရှိနေတယ်။ ဒါတွေဟာ လူ့လုပ်ရပ်များမဟုတ်ဘဲ သန့်ရှင်းသောဝိညာဉ်တော်၏လုပ်ရပ်များသာ ဖြစ်ကြောင်းမှာ ရှင်းနေပါတယ်။

မိတ်ဆွေ။ မိမိဘ၀မှာ သန့်ရှင်းသောဝိညာဉ်တော်ဘုရား၏ အစွမ်းနှင့်လက်ဆောင်ကို သိရှိတွေ့ကြုံဖူးပါသလား။ မည်သည့်အချိန်အခါမျိုးတွင် မည်သည့်ပုံစံဖြင့် ထိုဝိညာဉ်တော် အစွမ်းနှင့်လက်ဆောင်ကို သင်တွေ့ရှိ နိုင်ပါသလဲ။ ကျွန်ုပ်တို့တတွေ အနည်းငယ် စဉ်းစားထောက်ရှု့ကြည့်ကြရအောင်။

 သန့်ရှင်းသော ၀ိညာဉ်တော်ဘုရား၏ဆုကျေးဇူးများမှာ ဉာဏ်ပညာ၊ နားလည်တတ်ခြင်း၊ အကြံဉာဏ်၊ အသိပညာ၊ ဇွဲလုံလရှိခြင်း၊ ဘာသာတရားကိုင်းရှိုင်းခြင်း နှင့် ဘုရားသခင်အား ကြောက်ရွံ့ ရိုသေတတ်ခြင်းတို့ ဖြစ်ပါတယ်။ ဤဆုကျေးဇူးတော် ခုနှစ်ခုဟာ ကျွန်ုပ်တို့တရားထောက်ရှု့နိုင်လျှင် ၀ိညာဉ်တော်ဘုရား၏ အစွမ်းနှင့်လက်ဆောင်ကို သိရှိရမည်ဖြစ်ပြီး အတွေ့အကြုံများကိုလည်း သတိထားမိနိုင်ပါတယ်။ ခရစ်ယာန်ဘ၀ဆိုတာ အထူးအဆန်းမဟုတ်ပေမယ့် အလွန်ဆန်းကြယ်ပါတယ်။ သင်၏ယုံကြည်ခြင်းနှင့် ဉာဏ်ပညာဟာ ဆန့်ကျင့်ဘက်မဟုတ်ပါဘူး။ ကျွန်ုပ်တို့အချင်းချင်းအကြား ဉာဏ်ပညာရှိရှိနှင့် နားလည်ပေးတတ်သည့်အခါ အချင်းချင်း အကြံဉာဏ်များလည်း ပေးတတ်ပါတယ်။ ထိုနောက် အသိပညာဗဟုသုတလည်း ကြွယ်ဝစေ၍ အမြင်ကျယ်ကျယ်နှင့် ညီအစ်ကိုမောင်နှမစိတ်ဓါတ်ကို တစိမ်းများဖြစ်သည့်တိုင် လက်ခံနိုင်စေပါတယ်။ ကျွန်ုပ်တို့တတွေရဲ့ ခရစ်ယာန်ဘ၀မှာ ခေတ္တဘ၀အတွက်သော်လည်ကောင်း ထာဝရကယ်တင်ခြင်းဘ၀အသက်တာအတွက်သော်လည်ကောင်း ဇွဲလုံလရှိရပါမယ်။ ဤဇွဲလုံလဖြင့်လုပ်ဆောင်အသက်ရှင်မှသာ အနာဂတ်မျှော်လင့်ခြင်းတိုင်းဟာ အဓိပ္ပာယ်တွေ ရှိနေမှာဖြစ်ပါတယ်။ ဒါကြောင့် ကျွန်ုပ်တို့ခရစ်ယာန်ဘ၀အသက်တာမှာ ဘာသာတရားကိုင်းရှိုင်းပြီး ဘုရားသခင်ကို ကြောက်ရွံ့ရိုသေကြပါတယ်။ ဒါဟာ ပြည့်စုံသည့်ဘ၀၊ အေးချမ်းသည့်ဘ၀၊ ရှင်သန်ထိုက်သည့်ဘ၀ပင် ဖြစ်ပါတယ်။

ဤပြည့်စုံသည့်ဘ၀၊ အေးချမ်းသည့်ဘ၀၊ ရှင်သန်ထိုက်သည့်ဘ၀ဟာ သန့်ရှင်းသော ၀ိညာဉ်တော်၏ကျေးဇူးဖြင့်သာ ရရှိပါတယ်။ အမှန်တကယ်တော့ ဒီဘ၀ကို ကျွန်ုပ်တို့မကြာခဏ ကြုံဖူးနိုင်ပါတယ်။ လူတစ်ယောက်ကို စိတ်နှလုံးအပြည့်ဖြင့် ကူညီခွင့်ရလိုက်သည့် ကျေနပ်မှု့မျိုး၊ ဆင်းရဲသားတစ်ဦးအပေါ်၊ အားနည်းသူတစ်ဦးအပေါ် ဘာကြောင့်ရယ်မသိဘဲ စေတနာထားမိကာ ထောက်ပံ့ကူညီခွင့်ရလိုက်သည့် ကျေနပ်မှု့မျိုး၊ မိမိမကျေနပ်သည့်၊ မကြည်လင်သည့် လူတစ်ဦးအား ဘာကြောင့်ရယ်မသိ ခွင့်လွတ်လိုက်မိသည့်အခါမျိုး၊ မိမိသြတ္တပစိတ်အတွင်း အတိုက်အခံဖြစ်ကာ ကောင်းမြတ်သည့်အရာတစ်ခုခုကို ဘာကြောင့်ရယ်မသိ လုပ်လိုက်မိသည့်အခါမျိုး၊ မိမိဘ၀ မာနာကြီးသူကြီးဟု ကင်းမွန်းတပ်ခံရသည့်ကြားမှ ကုသိုလ်ကောင်းမှု့ပြုလိုက်မိသည့်အခါမျိုး . . . စသည့်အချိန်အခါမျိုး၊ စသည့် စိတ်ကျေနပ်မှု့မျိုးတွေကို မည်သို့မည်ပုံလုပ်ဆောင်မည်သည်ကို မိမိသိလျှင်မှ သိပါလိမ့်မယ်။ ဒါတွေဟာ ၀ိညာဉ်တော်၏လှုံ့ဆော်မှု့တွေဖြစ်ကြောင်းကိုတော့ အထက်ပါ ဆုကျေးဇူး ခုနှစ်ခုဖြင့် တရားထောက်ရှု့ကြည့်ပါက သိနိုင်ပါတယ်။

ဒါပေမယ့် ကျွန်ုပ်တို့ဘ၀မှာ ဒီလိုအမှန်တကယ် စိတ်ကျေနပ်စရာလေးတွေ၊ စိတ်ပီတိတွေ၊ အေးချမ်းမှု့တွေကို သတိထားမိဖို့ ခေတ္တမျှမစဉ်းစားမိတာများနေပါတယ်။ ဘ၀မှာ ငွေနောက်လိုက်ရသည့်အချိန်တွေက ကျွန်ုပ်တို့ကို စက်ရုပ်တစ်ရုပ်လို အချိန်မှန်လည်ပတ်စေပြီး ခံစားမှု့ကို ဖယ်ပျောက်ပစ်ဖို့ ဖိအားတွေပေးနေသလိုပါပဲ။ တခါတလေ ဘာကြောင့်ရယ်မသိ ကျေနပ်စရာကောင်းမှု့လေး လုပ်မည့်သည်ကိုပင် အဖြေထုတ်ဖို့ထက် အချိန်စက္ကန့်တို့အလွန်ပင် ရှားပါးနေပါပြီ။ ဒီတော့ ကျွန်ုပ်တို့ဘ၀ မငြိမ်းချမ်းနိုင်တာ မဆန်းပါ။ မပြည့်စုံနိုင်တာ မဆန်းပါ။ ပြည့်စုံခြင်းဆိုတာ မိမိဘ၀မှ ဘာမှမလိုအပ်တော့သည့် အချိန်အခါဆိုလျှင် သင့်ခြေလှမ်းတွေ နောက်ထပ်ဘယ်ကို လိုက်နေဦးမလဲ။ ပျံတာပျံဆဲ အတောင်းညောင်းတဲ့ ငှက်ငယ်လို ဘယ်မှာနားခိုရမှန်းမသိဖြစ်နေပါပြီ။ ယနေ့ ခရစ်တော်တရားကို ခေတ္တစဉ်းစားထောက်ရှု့ကာ မိမိဘ၀ကို သန့်ရှင်းသောဝိညာဉ်တော်ထံမှာ အပ်နှံလိုက်ပါ။ သင့်ယုံကြည်ခြင်းက သင့်၏ကယ်တင်ခြင်းတံခါးကို ဖွင့်ပေးပါလိမ့်မယ်။ သင်အသက်ရှင်စဉ်လုပ်ဆောင်ရမည့် အရာမှန်သမျှအတွက်လည်း ၀ိညာဉ်တော်၏ကျေးဇူးနှင့် အားလုံးပြီးပြည့်စုံပါလိမ့်မယ်။ သင့်ဘ၀ဟာ ၀ိညာဉ်တော်ဘုရား၏ အစွမ်းနှင့် လက်ဆောင်ကို သိရှိတွေ့ကြုံရင်း ကျေနပ်စရာ၊ ပြည့်စုံရာ၊ အေးချမ်းရာဘ၀မှာ အသက်ရှင်သွားရပါလိမ့်မယ်။

ငြိမ်းချမ်းသာယာခြင်းသည် သင်တို့နှင့်အတူရှိပါစေ။

ကိုရင် (ဒိုမီနီကန်)