ပဉ္စမအကြိမ်သာမာန် တနင်္ဂနွေနေ့ (ကမ္မဌာန်း)

ဘုရားသခင်၏နှုတ်ကပတ်တော်ကို ဆာလောင်ငတ်မွတ်ဖူးပါသလား။ ထို့အပြင် မိမိဘ၀မှာ ဘုရားသခင်၏ ခေါ်တော်မူခြင်း (သီးသန့်ခေါ်တော်မူခြင်း)ကို ရုတ်တရက် ခံရတဲ့အခါ မိမိဟာ အပြစ်သားပါဆိုပြီး စိတ်မကောင်း ဖြစ်မိဖူးပါသလား၊ ငြင်းဆန်မိဖူးပါသလား။

ဖန်းဆင်းခံသတ္တ၀ါ ဖြစ်သည့်နည်းတူ၊ ကျွန်ုပ်တို့အားလုံး တနည်းမဟုတ် တနည်း ဖန်ဆင်းရှင်ကို ဆာလောင်နေကြတာ မိမိတစ်ဦးတစ်ယောက်တည်းသာ မဟုတ်ပါဘူး။ မိမိပတ်ဝန်းကျင် အသိုင်းအ၀ိုင်းမှာလည်း ထိုကဲ့သို့ ဆာလောင်နေတဲ့သူတွေ ဒုနှင့်ဒေးပါပဲ။ နည်းပညာတွေ တိုးတက်နေလို့ လူနေမှု့အဆင့်အတန်းတွေ မြင့်မားလာသည်ဟု ဆိုချင်ပါသလား။ မဖြေနိုင်တဲ့ပုစ္ဆာတွေကို ဖြေနိုင်လာတယ်ဟု ဆိုဦးမလား။ သိပ္ပံပညာတွေကြောင့် အားလုံးကို သိနေပြီလို့ ထင်ပါသလား။ ဤသို့ဆိုလျှင်ပင် မိမိဘ၀အတွက် မေးခွန်းအချို့ဟာ မဖြေရသေးဘဲရှိနေသေးတာ သတိထားမိမှာပါ။ ဤသည်ပင် ဘုရားသခင်၏ နှုတ်ကပတ်တော်ကို ဆာလောင်ရခြင်းအကြောင်းရင်း ဖြစ်မည်လော။

ထိုဆာလောင်ခြင်းအား ရှာဖွေမိလေတိုင်း ဘုရားသခင်၏တန်ခိုးလက္ခဏာများ မထင်မှတ်ဘဲ တွေ့ကြုံရတာတွေလည်း သတိထားမိကြပါလိမ့်မည်။ ထိုကြောင့် လူ့ဘ၀ဟာ ဆန်းကြယ်လှတယ်လို့ ကဗျာဆရာတွေဆိုလာကြတယ်။ စာရေးဆရာတွေ စာဖွဲ့လာကုန်ကြပါပြီ။ သို့ပေမယ့်လည်း မိမိကိုယ်တိုင် မိမိဘ၀ကိုလည်း ပြန်လည်အံ့သြမိရပါတယ်။ ထိုသို့ဆိုလျှင် ဘုရားသခင်သည် ထိုအံ့ဖွယ်ရာတွေထက် ပိုပြီးအံ့ဖွယ်ရာကောင်းမည်မှာ အမှန်ပါပဲ။

ထို့နည်းတူစွာ ယနေ့ခရစ်တော်ဟာ ပထမဆုံးသော တပည့်တော်ကြီးများကို မခေါ်ခင်၊ တန်ခိုးလက္ခဏာ ပြသခဲ့ပါသည်။ ထိုသို့ တန်ခိုးလက္ခဏာပြသရခြင်းမှာ လူပေါင်းများစွာသည် ဘုရားသခင်၏ နှုတ်ကပတ်တော်ကို ငတ်မွတ်နေကြောင်း သိရှိနေသောကြောင့်ပင် ဖြစ်ပါသည်။ ထိုလူပေါင်းများစွာထဲတွင် စီမွန် တံငါသည်လည်း အပါအ၀င်ဖြစ်ခဲ့ပါသည်။ တညလုံး ကြိုးစား၍ ငါးဖမ်းသော်လည်း ငါးတကောင်မှ မမိချေ။ သို့သော် ခရစ်တော်၏စကားအရ ကြိုးစားသောအခါ ငါးများဟာ ပိုက်ကွန်စုတ်ပြဲသည့်တိုင်အောင် အံ့မခန်းလိလိ ဖမ်းမိခဲ့ရသည်။ ခဏချင်းမှာပင် စီမွန်သည် မိမိငတ်မွတ်နေသည့် နှုတ်ကပတ်တော် (ခရစ်တော်)အား အသိမှတ်ပြု၍ မိမိ၏အပြစ်သားဘ၀ အခြေအနေကိုပင် ရှက်မိခဲ့ရလေသည်။ မထိုက်တန်သည်ဟု ခံစားခဲ့ရသည်။

ခေါ်တော်မူခြင်းဟူသော အသုံးအနှုန်းအား လူတော်တော်များများက ရဟန်း၊ကိုရင် နှင့်သီလှရှင်တို့ အတွက်သာ ဟုထင်မြင်တတ်ကြပါသည်။ သို့သော်လည်း ဘုရားသခင်၏ခေါ်တော်မူခြင်းမှာ လူသားထု တစ်ရပ်လုံးအတွက်ဆိုသည်မှာ အီစ္စရာအဲလ်လူမျိုးတစ်စုလုံးကို ဥပမာအဖြစ် အီဂျစ်ဘုရင်၏ ကျွန်အဖြစ်မှ ကယ်တင်ခဲ့ခြင်းက သက်သေပါပဲ။ သို့သော်လည်း ခေါ်တော်မူခြင်းတစ်ခုစီတိုင်းမှာ ဘုရားသခင်၏ မတူညီတဲ့ ရည်ရွယ်ချက်တွေရှိနေတာတော့ အမှန်ပါပဲ။ ထိုကြောင့် လူသားတိုင်းသည် ခေါ်တော်မူခြင်းခံရပါသည်။ ထိုသို့အခေါ်ခံရသည့်အခါ မိမိအခြေအနေကို လစ်လျူရှု့ပြီး ငြင်းဆန်နေမလား။ ဒါမှမဟုတ် နှိမ့်ချတဲ့စိတ်၊ စစ်မှန်တဲ့စိတ်နဲ့ လက်ခံမလား။ မိမိ၏အပြစ်သား အခြေနေကြောင့်ဟု ဆင်ခြင်ပေးပြီး ငြင်းဆန်မည်ဆိုလျှင်ဖြင့် ခေါ်တော်မူခြင်းဟူသမျှအား လက်လွတ်သွားပါလိမ့်မည်။ ထိုကြောင့် အပြစ်သားမှန်လျှင် အပြစ်၏ကယ်တင်ရှင်ကိုရှာဖွေတတ်ရပါမည်။ ရှာဖွေတွေ့ရှိလျှင် လက်ခံတတ်ရပါမည်။ လက်ခံတတ်လျှင် နောင်တတရားစွဲနိုင်ရပါမည်။ နောင်တတရားစွဲနိုင်လျှင် ထိုကယ်တင်ရှင်၏နောက်လိုက် ဖြစ်နိုင်ရပါမည်။ ထိုကယ်တင်ရှင်၏ နောက်လိုက်မှန်လျှင် ထိုကယ်တင်ရှင်ကို သက်သေခံနိုင်ရပေလိမ့်မည်။

ဒီတော့ မိမိကိုယ်ကိုအပြစ်သားဆိုသည်ကို အသိမှတ်ပြုနိုင်ဖို့လိုပါလိမ့်မည်။ လူဆိုသည်မှာ မိမိထက်သန့်ရှင်းမြင့်မြတ်သူမတွေ့သေးလျှင် မိမိဟာ အသန့်ရှင်းဆုံး မြင့်မြတ်ဆုံးဟု တွေးထင်မာန်တက် တတ်ပါသည်။ ပါရမီဆိုသည်မှာ ထိုမာန်တက်တတ်သည့်အခြေနေ၌ မရှိပါ။ နှိမ့်ချတတ်သည့်အခြေနေ၌သာ ရှိပါသည်။ ထိုကြောင့် မာန်မာနသည် အပြစ်တို့၏အခြေခံဖြစ်သလို၊ နှိမ့်ချခြင်းသည် ပါရမီတို့၏အခြေခံဖြစ်ပါသည်။

ကျွန်ုပ်တို့အားလုံး နှုတ်ကပတ်တော်အား ဆာလောင်နေသည့်သူများဖြစ်သည့်အတိုင်း၊ ခရစ်တော်၏ ခေါ်တော်မူခြင်းကို ခံယူ၍ တစ်ဦးနှင့်တစ်ဦး ဝေငှနိုင်ကြပါစေ။ ဤသည်ပင် ကျွနု်ပ်တို့အားလုံး၏ ခေါ်တော်မူခြင်းဖြစ်ပေသည်။ 

ကိုရင် (ဒိုမီနီကန်)