ပုပ်ဘက်နက်ဒစ်(၁၆)- ၎င်း၏အနားယူခြင်းဆိုင်ရာ မိန့်ခွန်း

ချစ်လှစွာသော ညီအစ်ကိုတော်များခင်ဗျား၊

ယခုလို ကာဒီနယ်ကြီးများနှင့် အထူးတွေ့ဆုံရခြင်းမှာ ရဟန္တာတင်မြှောက်ခြင်း (Canonizations) သုံးခုအတွက်သာ မဟုတ်ဘဲ အသင်းတော်အတွက် အလွန်အရေးကြီးတဲ့ ဆုံးဖြတ်ချက်တစ်ခုအား လျှောက်တင်ဖို့ဖြစ်ပါတယ်။ ဘုရားသခင်၏ရှေ့မှောက်တွင် အကြိမ်ကြိမ်အခါခါ မိမိ၏သြတ္တပစိတ်အား စဉ်းစားထောက်ရှု့စစ်ဆေးပြီး ကျွန်ုပ်၏ခန္တာစွမ်းအားမှာ အသက်အရွယ်အိုမင်းလာခြင်းကြောင့် စိန်ပီတာ၏အရိုက်အရာမှာ ထမ်းဆောင်ရသည့် ဤတာဝန်အား ဆက်လက်ထမ်းဆောင်ရန်မှာ မသင့်တော်တော့ပေ။ ဤအမှု့တော်သည် ၎င်း၏မရှိမဖြစ်လိုအပ်သည့် ၀ိညာဉ်ရေးသဘာဝကြောင့် စကားလုံးများနှင့် လုပ်ရပ်များဖြင့်သာ ထမ်းဆောင်ရန်မကဘဲ ဆုတောင်းမေတ္တာနှင့် ဝေဒနာ ခံထမ်းခြင်းတို့လည်း မနည်းလိုအပ်ကြောင်း ကျွန်ုပ်အထူးသတိပြုမိပါတယ်။ သို့သော်လည်း ယနေ့ခေတ်ကမ္ဘာမှာ ခေါင်းစဉ်တပ်ရမည်ဆိုလျှင်ဖြင့် များစွာသော အလျင်အမြန် ပြောင်းလဲခြင်းများနှင့် ယုံကြည်ခြင်း၏ ဘ၀အသက်တာနှင့် နက်နက်ရှိုင်းရှိုင်းဆက်စပ်နေသော မေးခွန်းပေါင်းများစွာ၏ ရိုက်ခပ်မှု့ကြောင့် စိန်ပီတာ၏အရိုက်ရာကို ဆက်ခံပြီး ဧ၀ံဂေလိတရားဟောပြောရန်မှာ စိတ်၏ခွန်အား၊ ခန္တာ၏ခွန်အား ဤခွန်အားနှစ်ခုစလုံး လိုအပ်ပါတယ်။ ဤခွန်အားပါပဲ- လွန်ခဲ့တဲ့ လအနည်းငယ်က ကျွန်ုပ်ခံနိုင်ရည်စွမ်းထက် ပို၍ ဆိုးရွားလာခဲ့ပြီး ကျွန်ုပ်အား ယုံယုံကြည်ကြည် လွဲအပ်နှံခဲ့သော အမှု့တော်ဆောင်အား လုံလုံလောက်လောက် မထမ်းဆောင်နိုင်တော့ကြောင်း သတိထားမိခဲ့ပါတယ်။ ဤအကျိုးကြောင်းကြောင့်နှင့် ၎င်းအမှု့တော်ဆောင်၏အထူးအရေးကြီးခြင်းအား သတိထားမိ၍ ကျွန်ုပ်၏လွတ်လပ်မှု့အပြည့်ဖြင့် လွန်ခဲ့သော ၂၀၀၅ခုနှစ် ဧပြီလ ၁၉ ရက်နေ့က ကျွန်ုပ်အား ကာဒီနယ်ကြီးများမှ ယုံယုံကြည်ကြည်ဖြင့် အပ်နှံခဲ့သော စိန်ပီတာ၏အရိုက်ရာခံ၊ ရောမမြို့၏ ဆရာတော်ကြီး အမှု့တော်ဆောင်ခြင်းမှ လာမည့် ဖေဖေါ်ဝါရီလ ၂၈ရက်နေ့၊ ၂၀၁၃ခုနှစ်၊ ၂၀ နာရီတွင်၌ စွန့်လွတ်မည် ဖြစ်ပါကြောင်း ကြေငြာအပ်ပါတယ်။ စိန်ပီတာ၏အရိုက်အရာ၊ ရောမမြို့ ဆရာတော်ကြီးနေရာမှာ လစ်လပ်နေမည်ဖြစ်ပြီး နောက်ထပ် ပုပ်ရဟန်းမင်းကြီးအသစ်တစ်ပါးအား လုပ်ရည်ကိုင်ရည် အရည်အသွေးပြည့်မှီသော ကာဒီနယ်ကြီးများမှ ရွေးကောက်ရွေးမြှောက်ရန်အတွက် ကာဒီနယ်ကြီးများ စုရုံးလာရပေမည်။

ချစ်လှစွာသော ညီအစ်ကိုတော်များခင်ဗျား၊ ကျွန်ုပ်၏ အမှု့တော်ထမ်းဆောင်ခြင်း၌ ကူညီထောက်ပံ့ ပေးကြသော ကူညီလုပ်ဆောင်ပေးကြသော ညီအစ်ကိုတော်များကို အထူးကျေးဇူးတင်ပါတယ်။ ကျွန်ုပ်မှားယွင်းများ အတွက်လည်း ခွင့်လွှတ်ပေးကြဖို့ အနူးအညွတ်တောင်းပန်ပါတယ်။ ယခု ကျွန်ုပ်တို့၏ သန့်ရှင်းမြင့်မြတ်သော အသင်းတော်ကြီးအား သူမ၏အထူးဆရာတော်ကြီး (Pastor)ဖြစ်တဲ့ သခင်ခရစ်တော်ယေဇူးထံ၌ ယုံကြည်စွာ အပ်နှံကြပါစို့။ သန့်ရှင်းသော မယ်တော်သခင်မထံ၌လည်း အားကိုးစွာ ပန်ကြားအပ်ပါစို့။ မယ်တော်သခင်မသည် ပုပ်ရဟန်းမင်းကြီး အသစ်ရွေးချယ်ရာတွင် ကာဒီနယ်ကြီးများအား မိခင်စိတ်ထားဖြင့် စောင့်ရှောက်ကူညီပါလိမ့်မည်။ ကျွန်ုပ်ကိုကျွန်ုပ်လည်း အနာဂတ်မှာ ဆုတောင်းမေတ္တာ၌ ဆက်ကပ်ရင်း သန့်ရှင်းမြင့်မြတ်သော ဘုရားသခင်၏ အသင်းတော်ကြီးအား အစဉ်ချစ်ခင်လျက် သစ္စာရှိစွာ ဆက်ကပ်သွားဖို့ ဆန္ဒရှိပါတယ်။

ဗာတီကန်မှ၊ ဖေဖေါ်ဝါရီလ ၁၀ရက်နေ့။

ပုပ်ရဟန်းမင်းကြီး ဘက်နက်ဒစ် (၁၆)

http://en.radiovaticana.va/articolo.asp?c=663815 မှ မနောအောင် ဘာသာပြန်သည်။