ပါစကားပွဲနေ့ကြီး

ကျွန်ုပ်တို့တတွေ ယနေ့ ပါစကားပွဲတော်ဟူ၍ လွန်ခဲ့သော နှစ်ပေါင်း ၂၀၀၀ကျော်ခန့်က သမိုင်းတွင် တစ်ခုတည်းသော ဖြစ်ရပ် ဖြစ်သည့် ခရစ်တော်ယေဇူး၏ ပြန်ရှင် ထမြောက်ခြင်းကို အောက်မေ့ သတိရကာ ကျင်းပနေကြပါတယ်။ ဒီနေ့ ဒီပွဲတော် ဒီအံ့ဖွယ် ကောင်းလွန်းသည့် ဖြစ်ရပ်ဟာ ကျွန်ုပ်တို့ရင်ထဲမှာ လတ်ဆပ် နေဆဲ ဖြစ်သည်မှာ သေချာပါတယ်။ ထိုဖြစ်ရပ်ဟာ လူသားသမိုင်းမှာ လူစင်စစ်တစ်ဦး၏ ဖြစ်ရဖြစ်ခဲ့သလို ဘုရားစင်စစ်၏ ဖြစ်ရပ် ဆိုတာလည်း မှန်ပါတယ်။ ဒီတော့ ကျွန်ုပ်တို့၏ ၀ိညာဉ်ရေးကို ပြန်လည်သုံးသပ်ဖို့ ထိုဖြစ်ရပ်မှန်ကို အခြေတည်ကာ တရားထောက်ရှု့ဖို့ ဖိတ်ခေါ်အပ်ပါတယ်။

မိတ်ဆွေ .... ကျွန်ုပ်တို့ဘ၀မှာ ပြန်ရှင်ထမြောက်ခြင်းကို ကြုံတွေ့ဖူးဖို့ ကျွန်ုပ်တို့ သေဆုံးဖူးပါသလား။ ပြန်ရှင် ထမြောက်တယ်ဆိုတာ သေဆုံးခြင်းမရှိဘဲ၊ သေဆုံးခြင်းကို မဖြတ်ကျော်ဘဲ မကြုံဖူးနိုင်ပါ။ ဇီဝခန္ဒာ အတိုင်းတော့ ကျွန်ုပ်တို့ကိုယ်တိုင် ကြုံဖူးမည်မဟုတ်ပါဘူး။ သို့သော်လည်း ကျွန်ုပ်တို့ ဘ၀မှာ အကြိမ်ပေါင်း များစွာ သေဆုံးနေတဲ့ မိတ်ဆွေတွေကို တွေ့ဖူးပါလိမ့်မယ်။ မိမိကိုယ်တိုင်လည်း သေဆုံး ဖူးပါလိမ့်မယ်။ ဤသို့ဆိုလျှင် ကျွန်ုပ်တို့တတွေ ရှင်ပြန်ထမြောက်ခြင်းကိုလည်း မြည်းစမ်းကြည့်လို့ ရပါပြီ။

ယနေ့ကျမ်းစာတော်မြတ်တွင် အမျိုးသမီးတစုဟာ ခရစ်တော်ပြန်ရှင်မည့်နေ့ဟူသော ယုံကြည်ခြင်းဖြင့် ဂူဝသို့ အမွှေးနံ့သာများယူပြီး သွားကြပါတယ်။ သို့သော် ဂူအ၀သို့ရောက်သောအခါ ဂူဝတံခါး ပွင့်နေသည်ကို တွေ့ရ၍ ဂူအတွင်းသို့ဝင်ရောက်ကာ ယေဇူးခရစ်တော်ကို ရှာဖွေကြပါတယ်။ အမှန်တကယ်တော့ ဒီအမျိုးသမီးများသည် လွန်ခဲ့သော သုံးရက်နေ့က ခရစ်တော်ယေဇူး၏ ဒုက္ကစရိယာနှင့်အတူ ၎င်းတို့ဘ၀ သေဆုံးခဲ့ရသူများပင် ဖြစ်ပါတယ်။ ထိုကြောင့် ကိုယ်တော်၏ ပြန်ရှင်ထမြောက်ခြင်းသည် သူတို့ကိုယ်တိုင်၏ ဘ၀ပြန်ရှင်ဖို့နေ့လည်း ဖြစ်ပါတယ်။ သူတို့တတွေ ကိုယ်တော့်ကိုမတွေ့ခဲ့ကြပါ။ ဒါပေမယ့် သိကြားတမန်တော်၏ကိုယ်ထင်ပြသမှု့နှင့်အတူ သတင်းကောင်းကို ကြားသိခွင့်ရခဲ့ပါတယ်။ “သင်တို့သည် အသက်ရှင်သောသူကို သေသူတို့အစုတွင် အဘယ်ကြောင့် ရှာဖွေနေကြသနည်း။ ကိုယ်တော်သည် ဤနေရာတွင် မရှိ။- ရှင်ပြန်ထမြောက်လေပြီ”။

မိတ်ဆွေ..... ကျွန်ုပ်တို့တတွေလည်း ဘ၀သေဆုံးတဲ့အခါတိုင်း ဘ၀အဓိပ္ပာယ်ကို သေတို့တို့အစုတွင် ရှာဖွေကြမည်လော။ ကျွန်ုပ်တို့ဘ၀ ပြန်ရှင်ဖို့ လမ်းစပင် တွေ့မည်မဟုတ်ပါဘူး။ ထိုကြောင့် ထာဝရအသက်ရှင်နေသည့်သူတို့အစုတွင် ရှာဖွေရပါလိမ့်မယ်။ ထို့အတူ ကျွန်ုပ်တို့ကိုယ်တိုင်လည်း ခရစ်ယာန်တစ်ဦးဖြစ်သည့်အလျောက် အသက်ရှင်နေသူများ ဖြစ်နေရပါမယ်။ ယုံကြည်ခြင်းအသက် ရှင်သန်နေရပါမယ်။ မျှော်လင့်ခြင်း အသက် ရှင်သန်နေရပါမယ်။ ချစ်ခြင်းမေတ္တာ အသက် ရှင်သန်နေရပါမယ်။ ချစ်ခြင်းမေတ္တာဟာ ကျွန်ုပ်တို့ အသက်ဆက်လက် ရှင်သန့်ဖို့နှင့် ထာဝရအသက်ရှင်သန့်ဖို့ အကောင်းဆုံး ဆေးပါ။ ဘုရားသခင်ကိုယ်တိုင် ထိုဆေးဖြစ်နေ၍ ကျွန်ုပ်တို့မှီဝဲရန် လိုအပ်ပါတယ်။ ဤဆေးကို မှီဝဲပြီး ယနေ့ကမ္ဘာမှာ ထာဝရ အသက်ရှင်နေသူများစွာ တွေ့မြင်နိုင်ပါတယ်။ ဥပမာ- မာသာရ်ထရေးဇားနှင့် ရဟန္တာ သူတော်စင်အပေါင်းတို့ပင် ဖြစ်ပါတယ်။

ဒီနေ့ကမ္ဘာမှာ ချစ်ခြင်းမေတ္တာဆေးဝါး  အခမဲ့ဖြန့်ဖြူးပေးဆပ်ဖို့ စေတနာ့ဝန်ထမ်းများစွာ လိုအပ်နေပါတယ်။ အထူးသဖြင့် ခရစ်ယာန်တို့၏ အနှိုင်းမဲ့ချစ်ခြင်းမေတ္တာတရားကို ကမ္ဘာကြီးလိုအပ်နေပါတယ်။ ကျွန်ုပ်တို့ဘေးပတ်ဝန်းကျင်မှာ အသက်ရှင်လျက် သေဆုံးနေသူများစွာ ရှိပါတယ်။ ကျွန်ုပ်တို့ပတ်ဝန်းကျင်မှာ ယုံကြည်ချက်တွေပျောက်၊ မျှော်လင့်ချက်တို့သေဆုံး၊ ချစ်ခြင်းမေတ္တာဆေးဝါးကို လုံးဝဆာလောင်နေသူများစွာ ရှိနေပါတယ်။ မျက်စိတချက်ဖွင့်ကြည့်လို့ နားတဖက်စွန့်ကြည့်လိုက်ပါ။ ခရစ်တော်ဟာ ယနေ့အထိ အသက်ရှင်နေပြီး နောင်ကာလ အစဉ်အဆက်ဆက် အသက်ရှင်နေမည့်သူပါ။ ထိုကြောင့် ကျွန်ုပ်တို့ကိုယ်တိုင် ဘ၀ သေဆုံးနေလျှင်လည်း သူ့ထံချည်းကပ်ပါ။ ကျွန်ုပ်တို့၏မိတ်ဆွေများဘ၀ သေဆုံးနေလျှင်လည်း သူ့ထံ ညွှန်ပြလိုက်ပါ။ သူ့ထံသို့ ခေါ်ခဲ့ပါ။ သူဟာ ကျွန်ုပ်တို့အားလုံးကို အစဉ်အမြဲဖိတ်ခေါ်နေသူပါ။

ထာဝရအသက်ရှင်သူ ယေဇူးခရစ်တော်သည်  ဒီနေ့မှာလည်း သူ၏တရားနှင့် သူကိုယ်တိုင်ဟာ ကျွန်ုပ်တို့လူသားတွေကြားမှာ အသက်ရှင်ကာ သူ၏ချစ်ခြင်းမေတ္တာတရားကို ရှင်သန်စေရာ မြေဆီ ထည့်ပေးနေသူဖြစ်ကြောင်း ကျွန်ုပ်ကြွေးကြော်ပါတယ်။ ကျွန်ုပ်တို့တတွေဟာလည်း သူ၏ ချစ်ခြင်း မေတ္တာတရားကို နားလည် ကြိုးစား အားထုတ်လေတိုင်း သူနှင့် တသားတည်း ရှိနေကြောင်း သိသာပါတယ်။ ကျွန်ုပ်တို့မျက်နှာမှာ ဘုရားရဲ့ ပုံရိပ်တွေ ပေါ်နေတာကို သတိထားမိကြပါသလား။ သေးငယ်သည့် လုပ်ရပ်ပင်ဖြစ်ပါစေ ချစ်ခြင်းမေတ္တာပါသည့် ဂရုဏာ လုပ်ရပ်ဆိုလျှင် ကျွန်ုပ်တို့မျက်နှာများ ထွန်းထောက်လာသည်မှာ နေမင်း၏ ထွန်းတောက်မှု့ကိုပင် မှေးမှိန် ပျောက်ကွယ် သွားစေပါတယ်။ 

ရှင်ပြထမြောက်လေသော ယေဇူးခရစ်တော်၌ မှီခိုရင် ကျွန်ုပ်တို့တတွေသည်လည်း ရှင်ပြန်ထမြောက်ပါစေ။ ပါစကားပွဲနေ့သည်လည်း ကျွန်ုပ်တို့နှလုံးသားမှာ အစဉ်ရှင်သန်လျက် လူတိုင်းအား ဝေမျှနိုင်သော ခရစ်ယာန်စစ်စစ်များ ဖြစ်နိုင်ကြပါစေ။ “ကိုယ်တော် ရှင်ပြန်ထမြောက်လေပြီ” အာလေလုယာ . . .

 ကိုရင် (ဒိုမီနီကန်)