(၄၇) ကြိမ်မြှောက် ကမ္ဘာ့ဆက်သွယ်ရေးနေ့
(၁၂) ရက်နေ့ ၊ (မေ)လ၊ (၂၀၁၃) ခုနှစ်။
သခင်ခရစ်တော် မိုးကောင်းကင်သို့တက်ကြွတော်မူသောပွဲနေ့
"လူမူကွန်ရက်သည် အမှန်တရားနှင့် ယုံကြည်ခြင်းတို့၏ တံခါးများ၊ ဧ၀ံဂေလိတရားဝေမျှရာ နေရာအသစ်များ”
ပုပ်ရဟန်းမင်းကြီး ဘက်နဒစ်(၁၆) ၏ သ၀ဏ်လွှာ
ချစ်လှစွာသော ညီအစ်ကိုမောင်နှမ အပေါင်းတို့
ကမ္ဘာ့ဆက်သွယ်ရေးနှင့် ဆက်ဆံရေးနေ့သည် နီးကပ်လာသည့်အလျောက်၊ ယနေ့သက်ရှိလူတို့အကြား အချင်းချင်း ဆက်သွယ် ဆက်ဆံပြောဆိုနေကြသည့် နည်းလမ်းများနှင့်ပတ်သက်၍ ပိုမိုပြီး အရေးကြီးလာသော လက်တွေ့ဘ၀ အကြောင်း အလေးအနက် ထောက်ရှု့စဉ်းစားစရာအချို့ကို ပေးလိုပါသည်။ ဒီဂျစနစ်ကိုသုံးသော လူထုဆက်သွယ်ရေးနှင့် ဆက်ဆံရေးကွန်ရက်များ၏ တိုးတက်ဖွံ့ဖြိုးမှု့ကို ကျွန်ုပ်သုံးသပ် ဆင်ခြင်လိုပါသည်။ ၎င်းကွန်ရက်များသည် လူတို့၏ အတွေးအခေါ်များ၊ သတင်း အချက်အလက်များနှင့် ထင်မြင်ချက်များကို မျှဝေကြ၍၊ အဆက်အသွယ်သစ်များ၊ အုပ်စုအဖွဲ့ ပုံစံအသစ်များ ဖြစ်ပေါ်လာနိုင်သည့် အကန့်အသတ်မထား၍ အများ လူထုစုရပ်၏ “စုဝေးရာအရပ်အသစ်” တစ်ခုကို ဖန်တီးရန် ပံ့ပိုးနေကြသည်။
ဤနေရာများသည် ဥာဏ်အမြော်အမြင်ရှိရှိနှင့် တည်ငြိမ်မျှတသော နည်းလမ်းဖြင့် ချင့်ချိန်သုံးတတ်သောအခါ ၎င်းတို့သည် အပြန်အလှန်ဆွေးနွေးခြင်းနှင့် စကားအခြေအတင် ပြောဆိုခြင်း ပုံစံများဖြစ်လာအောင် အားပေးကူညီ နေပါသည်။ အပြန်အလှန် ဆွေးနွေးခြင်းနှင့် စကားအခြေအတင်ပြောဆိုခြင်းတို့အား လေးစားစွာ ဆောင်ရွက်၍ တစ်ပါးသူ၏ အတွင်းရေးအားမထိခိုက်စေဘဲ မှန်ကန်လေးနက်ခြင်းနှင့် တာဝန်သိတတ်ခြင်းတို့ကို အလေးထား စီမံခန့်ခွဲလျှင် လူတစ်ဦးနှင့်တစ်ဦးအကြား စည်းလုံးညီညွတ်ခြင်း၊ အနှောင်အဖွဲ့ကို တောင့်တင်းခိုင်မာစေ၍ မိသားစု၏စိတ်သဘောထား ညီညွတ်ခြင်းကိုလည်း ထိထိရောက်ရောက် အထောက်အကူ ပြုနိုင်ပါသည်။ သတင်းအချက်အလက်များ ဖလှယ်ခြင်းသည် စစ်မှန်သော ဆက်သွယ်မှု့ ဖြစ်လာနိုင်သကဲ့သို့၊ ၎င်းမှတဆင့် ရင်းနှီး ကျွမ်းဝင်မှု့ အဖြစ်သို့ တိုးတက်ပြည့်စုံလာနိုင်ကာ ဆက်သွယ်မှု့ များသည်လည်း တပေါင်းတစည်းတည်း အတူခံစားစေခြင်းကို လွယ်ကူ စေပါသည်။ ကွန်ရက်များသည် ဤကြီးမားသော စွမ်းပကားကို အကောင်အထည် ဖော်နိုင်မည်ဟု ရှု့မြင်မိပါလျှင် ၎င်းကိစ္စတွင် ပါဝင် ပတ်သက်နေကြသည့် သူတို့သည် အစစ်အမှန် ဖြစ်အောင် ကြိုးစားရပေမည်။ အကြောင်းမှာ ဤနေရာများတွင် အတွေးအခေါ်များနှင့် သတင်းအချက်အလက်များကိုသာ မျှဝေနေကြသည်မဟုတ်ဘဲ၊ မိမိတို့ကိုယ်တိုင်ကိုပင် လုံးဝမျှဝေ နေကြပေသည်။
လူထုဆက်သွယ်ရေးနှင့် ဆက်ဆံရေးကွန်ရက်တို့၏ တိုးတက်ဖွံ့ဖြိုးခြင်းသည် စွဲမြဲစွာနှစ်မြုပ်ဆက်ကပ်ရန် ခေါ်နေပါသည်။ လူတို့သည် ဆက်ဆံရေးများတည်ဆောက်ရန်နှင့် မိတ်ဆွေများဖွဲ့ကြရာ၌ လည်းကောင်း၊ စိတ်ထဲတွင်ကိန်းအောင်းနေသော ၎င်းတို့၏ မေးခွန်းများအတွက် အဖြေများရှာကြရာ၌လည်းကောင်း၊ စိတ်အပမ်းဖြေရာ၌လည်းကောင်း အာရုံစိုက် ချိတ်ဆက် လာကြသည်။ ၎င်းအပြင် ညာဏ်ရည်၊စွမ်းရည်နှိုးဆွ၊ လှုံ့ဆော်ခြင်းတို့ကို ရှာဖွေရာ၌လည်းကောင်း၊ အသိပညာ အတတ်ပညာများ နှင့် မည်သို့မည်ပုံ သိနိုင် တတ်နိုင်ခြင်းတို့ကို ဝေမျှခြင်းတို့၌လည်း အာရုံစိုက်လာကြသည်။ ဆက်သွယ်ရေးကွန်ရက်များသည် လူသားတို့၏နှလုံးသားဝယ် အမြစ်တွယ်ဖွံ့ဖြိုးစေပြီး၊လူ့အဖွဲ့အစည်းတည်ဆောက်မှု၊ အခြေခံကျသော လိုအပ်ချက်များအပေါ်လူသားများအား အတူတကွ ဖြစ်စေ ခြင်းကိုတိုးတက်လာစေပါသည်။
လူထုဆက်သွယ်ရေး၊ ဆက်ဆံရေးကွန်ရက်ယဉ်ကျေးမှု့နှင့် ဆက်သွယ်ရေးနည်းစနစ်များ၏ ပုံစံအပြောင်းအလဲသည် အမှန်တရားနှင့် တန်ဖိုးများအကြောင်း ပြောဆိုချင်သူများအဖို့ ကျွမ်းကျင်မှု့၊ စိတ်ရှည်မှု့၊ အားထုတ်မှု့စသည့် လိုအပ်သော စိန်ခေါ်မှုများ ဖြစ်ပေါ်လာ လေသည်။ အများအားဖြင့် အခြားသော လူထုဆက်သွယ်ရေးနှင့် ဆက်ဆံရေးနည်းစနစ်များ၏ အခြေနေ၌ အမျိုးမျိုးသော ထုတ်ဖော်ပြသမှုသည် ၎င်းတို့၏အရေးပါထိရောက်မှု့ထက် ခေတ်ရေစီးကြောင်း၏ ရေပန်းစားမှု့ တို့ဖြင့် လွှမ်းမိုးခံရတတ်သည်။ ခေတ်ရေစီးကြောင်း၏ ရေပန်းစားမှု့မှာ၊ ယုတ္တိတန်သော အခြေအတင် စကားပြောဆို ခြင်းထက် တခါတရံ စီစီညံညံအသံတို့ဖြင့် ထင်ရှားကြော်ကြားခြင်း သို့မဟုတ် ဆွဲဆောင်ခြင်း နည်းပရိယာယ်သို့ ပို၍ ဆက်စပ်နေသည်။ တခါတရံ အသိဥာဏ်၏ ညင်သာသော အသံသည် ထိုလွန်ကဲသော အများကြိုက်သတင်း အချက်အလက်များဖြင့် လွှမ်းမိုးခံရတတ်ကာ ပေးလာသည့် သတင်း အချက်အလက်ထက် အပြောကောင်းသူတို့၏ ဆွဲဆောင်မှု တို့၌သာ အာရုံစိုက်သွားတတ်ကြသည်။
ထိုကြောင့် လူမှု့မီဒီယာသည် အပြန်အလှန်ဆွေးနွေးခြင်း၊ အကျိုးသင့် အကြောင်းသင့် ဖြစ်သော စကားအချေအတင် ပြောဆိုခြင်းနှင့် ယုတ္တိရှိသော ဆွေးနွေးမှု့၏ တန်ဖိုးကို အသိနိုးကြားသောသူ အားလုံး၏ စွဲစွဲမြဲမြဲ နစ်မြုပ်ဆက်ကပ်လိုခြင်းကိုလိုအပ်သည်။ ကျွန်ုပ်တို့သည် မိမိတို့နှင့်အယူအဆ အလွန်ကွဲပြား ခြားနားသော သူများနှင့် စကားပြောဆိုသောအခါ အပြန်အလှန်စကားပြောဆိုခြင်းနှင့် စကားအချေအတင် ပြောဆိုခြင်း များသည်လည်း ရှင်သန်တိုးတက်လာနိုင်ပါသည်။ “ယဉ်ကျေးမှု့ဓလေ့များ ကွဲပြားခြင်း၏အမှန်တရားကို ထည့်သွင်း စဉ်းစားပါက လူတို့သည် အခြားသူတို့၏ ယဉ်ကျေးမှု့ဓလေ့ ဖြစ်တည်ခြင်းကို လက်ခံရန်လိုအပ်သည်သာမက ၎င်းယဉ်ကျေးမှု့ဖြင့် အမြော်အမြင် ကြွယ်ဝလာကာ ၎င်းတို့ပိုင်ဆိုင်သမျှသည် ကောင်းမြတ်၊ မှန်ကန်၊ လှပသောအရာ မှန်သမျှကို ဆက်ကပ်ဖြည့်ဆည်းပေးရန် ဆန္ဒရှိရမည်။ (ကမ္ဘာ့ယဉ်ကျေးမှု့အစည်းအဝေးပွဲ၌ မိန့်ခွန်း -ဘဲလ်လင်၊ လစ်ဘွန်၊ ၁၂ မေ ၂၀၁၀)။
လူထုဆက်သွယ်ရေးနှင့် ဆက်ဆံရေးကွန်ရက်များ ရင်ဆိုင်နေရသည့် စိန်ခေါ်မှုသည်ကား မည်ကဲ့သို့ အမှန်တကယ် ပါဝင်ရမည် ဆိုသည်ပင်ဖြစ်ပါသည်။ သို့ဖြစ်၍ သခင်ခရစ်တော်၏ သတင်းကောင်းကို ဝေမျှလိုသော ဘာသာတူများ၊ ထိုသတင်းကောင်းမှ သင်ကြားပေးသော လူ့ဂုဏ်သိက္ခာတန်ဖိုးကို ဝေမျှခြင်းဖြင့် စိတ်ရောကိုယ်ပါ၊ ပါဝင်ခြင်းမှ အကျိုးသက်ရောက်ပါလိမ့်မည်။ သခင်ခရစ်တော်၏ သတင်းကောင်းကို ဒီဂျစ်တယ်လ် လောကတွင်လည်း သိမြင် ထင်ရှားအောင် လုပ်မှသာလျှင် အမှန်တကယ်ရှိသည့် ဤနေရာသည် အရေးကြီးသည်ဟု ခံယူကြသူ အမြောက်အများတို့၏ အတွေ့အကြုံကင်းမဲ့မှု့အား ဘာသာတူ ယုံကြည်သူအပေါင်းတို့သည် ဂရုစိုက် လာမိကြလိမ့်မည်။ ဒီဂျစ်တယ်လောကသည် ကျွန်ုပ်တို့နေ့စဉ်ဘ၀၏ အရိပ်ကမ္ဘာမဟုတ်ဘဲ ယနေ့ခေတ်လူများ၏ နေ့စဉ်ဘ၀အစိတ်အပိုင်းတစ်ခု ဖြစ်လာသည်။ အထူးသဖြင့် လူငယ်တို့၏ဘ၀ အစိတ်အပိုင်းတစ်ခု ဖြစ်လာ နေလေပြီ။ လူထုဆက်သွယ်ရေး ကွန်ရက်များသည် လူသားတို့၏ အပြန်အလှန်အကျိုးပြုမှုမှ ရလဒ်ဖြစ်သည်။ သို့ရာတွင် ၎င်းတို့၏ အခန်းကဏ္ဍသည်လည်း လူမှုဆက်ဆံရေးကို တည်ဆောက်သည့် ဆက်သွယ်ရေး အင်အားများကို ပြန်လည်ပုံဖော်နေ လေသည်။ ထိုကြောင့် ဤပတ်ဝန်းကျင်ကို နားလည်ထားဖို့လည်း လိုအပ်ပေမည်။
ဘာသာစကားအသစ်များကို အသုံးပြုနိုင်သည့် စွမ်းရည်လည်း လိုအပ်သည်။ ဤလိုအပ်မှု့သည် ခေတ်နှင့်အမှီ ပြောဆိုရန်သာမဟုတ်၊ တိတိကျကျဖြင့် ဧ၀ံဂေလိတရားတော်၏ မကုန်ဆုံးနိုင်သော ကြွယ်ဝချမ်းသာခြင်းကို လူသားအားလုံး သိရှိနားလည်သဘောပေါက်၍ နှလုံးသွင်းနိုင်သည့်တိုင်အောင်ပင် ဖြစ်ပါသည်။ ဒီဂျစ်တယ်လ် ပတ်ဝန်းကျင်ရှိ ရေးသားထားသော စကားလုံးများသည် မကြာခဏ ပုံများ၊ အသံများဖြင့် တွဲထားလေ့ရှိကြသည်။ ယေဇူး၏ပုံဥပမာများကဲ့သို့ ထိရောက်သောဆက်သွယ်ရေးသည် ဘုရားသခင်၏ ချစ်ခြင်း မေတ္တာတော် နက်နဲရာနှင့် ထိတွေ့ရန် ကျွန်ုပ်တို့အား ဖိတ်ခေါ်လိုသည့် ဆန္ဒစိတ်ကူးများလည်း ရှိရပေမည်။ ထို့အပြင်၊ ကျွန်ုပ်တို့ သိရှိကြသည့်အတိုင်း ခရစ်ယာန်တို့၏ ဓလေ့ထုံးစံများသည် အမှတ်လက္ခဏာများ၊ သင်္ကေတများနှင့် အမြဲကြွယ်ဝလျက် ရှိသည်။ ဥပမာ- ကျွန်ုပ်အထင်ပြောရလျှင် ကားတိုင်တော်၊ သန့်ရှင်းမြင့်မြတ်သော ပုံတော်များ၊ ပန်းပုရုပ်တု၊ ရုပ်လုံးတို့နှင့် ကညာစင် မာရိယာ၏ ရုပ်တုတော်များ၊ ခရစ္စမတ်အခါတွင် ခရစ်တော်ဖွားမြင်ခြင်း သရုပ်ဖော်နွားစားခွက်၊ ဘုရားရှိခိုးကျောင်း ပြူတင်းများ စသည်တို့်တွင် မှန်သားပန်းချီများ ခြယ်မှုန်းခြင်း၊ ဘုရားကျောင်းထဲရှိ ပုံတော်များ ဖြစ်ကြပါသည်။ ထိုအနုပညာ အမွေအနှစ်များသည် ယုံကြည်ခြင်း၏ အမှန်တရားကို ထုတ်ဖော်ပြသလိုသော အနုပညာရှင်များ၊ ဂီတပညာရှင်များ၏ ကြိုးစားမှု့များပင် ဖြစ်သည်။
လူထုဆက်သွယ်ရေးနှင့် ဆက်ဆံရေးကွန်ရက်များ၌ ယုံကြည်သူအပေါင်းတို့သည် ၎င်းတို့မျှော်လင့်ခြင်း၊ ယုံကြည်ခြင်းတို့၏ နက်ရှိုင်းသော အရင်းမြစ်များကို ဝေမျှရင်း ၎င်းတို့၏စစ်မှန်မှု့ကို ပြသကြသည်။ ယုံကြည်ခြင်းသည် ယေဇူးခရစ်တော်၌ ဖွင့်ဟ ဖော်ပြသောဘုရား၊ သနားဂရုဏာနှင့်ပြည့်စုံ၍ ချစ်မြတ်နိုးလှသော ဘုရားသခင်၌ ယုံကြည်ခြင်းဖြစ်သည်။ ဤဝေမျှခြင်းတွင် ၎င်းတို့၏ ယုံကြည်ခြင်းကို တိကျပြတ်သားသော ထုတ်ဖော်ပြသမှုများ ပါဝင်သည်သာမက ၎င်းတို့၏သက်သေခံခြင်း၊ ၎င်းတို့၏ ဧ၀ံဂေလိ တရားတော်နှင့် အပြည့်အ၀ကိုက်ညီသော “ရွေးချယ်ခြင်း၊ နှစ်သက်မှုများနှင့် ဆုံးဖြတ်ချက်များကို တိတိကျကျ မပြောသည့်တိုင်၊ ဆက်ဆံပြောဆိုသည့် နည်းလမ်းတို့လည်း ပါဝင်သည်”။ (၂၀၁၁ ခုနှစ် ကမ္ဘာ့လူထုဆက်သွယ်ရေးနှင့် ဆက်ဆံရေးနေ့မှ အမှာစကား)။ ဤကဲ့သို့ သက်သေခံခြင်းကို သီးသန့်ပေါ်လွင်စေသည့် နည်းမှာ တစ်ပါးသူအတွက် မိမိကိုယ်ကို စိတ်ရှည်၊ လေးစားစွာဖြင့် ထိုသူတို့ ရှာဖွေနေကြသည့် လူသားများဖြစ်တည်သော အကြောင်းအရင်း အဓိပ္ပာယ်တို့၏ မေးခွန်းများနှင့် စပ်လျဉ်း၍ လိုလိုလားလား ပေးဆပ် ခြင်းပင် ဖြစ်သည်။ လူထုဆက်သွယ်ရေးနှင့် ဆက်ဆံရေးကွန်ရက်များတွင် ယုံကြည်ခြင်းနှင့် ကိုးကွယ်မှု့ဘာသာ အယူဝါဒတို့ အကြောင်း အပြန်အလှန်ဆွေးနွေးမှု တိုးတက်လာခြင်းသည် အများလူထုရှေ့ အချေအတင်ပြောခြင်းနှင့် လူ့အသိုင်းအ၀ိုင်း၏ အသက်တာတွင် အလွန်အရေးပါကြောင်း ခိုင်မာစွာ အတည်ပြု ပေးနေခြင်းဖြစ်သည်။
ယုံကြည်ခြင်းကျေးဇူးတော်ကို လှိုက်လှိုက်လှဲလှဲ လက်ခံရရှိသူများအတွက် လူသားတို့၏ချစ်ခြင်း၊ အမှန်တရားနှင့် ဘ၀အဓိပ္ပာယ်များ ဆိုင်ရာမေးခွန်းများ၊ အခြေခံကျဆုံးသော တုန့်ပြန်မှုများကို ယေဇူးခရစ်တော်ကိုယ်တိုင် အဖြစ် တွေ့ရှိ ကြသည်။ ထိုမေးခွန်းများမှာ လူမှုဆက်သွယ်ရေးကွန်ရက်မှ လုံးဝပျောက်ကွယ်မည်မဟုတ်သည့် မေးခွန်းများ ပင်ဖြစ်ပါသည်။ ယုံကြည်ခြင်းရှိသူတိုင်းသည် ဒီဂျစ်တယ်လ် အသိုင်းအ၀ိုင်း၌ ၎င်းတို့ဆုံတွေ့သူတိုင်းအား လေးလေးစားစားနှင့် ကျွမ်းကျင် လိမ်မာစွာဖြင့် ဝေမျှလိုချင်သော စိတ်ဆန္ဒ ရှိကြသည်မှာ သဘာဝကျပေသည်။ သို့သော်လည်း အစွမ်းကုန် ပြောရလျှင် ကျွန်ုပ်တို့၏ ဧ၀ံဂေလိတရားတော်အား ဝေမျှခြင်းသည် အသီးအပွင့်များ ထွန်းကားလာပါက ဤသည်မှာ ကျွန်ုပ်တို့၏ ကိုယ်ပိုင်အားထုတ်မှု့မတိုင်မှီကပင် ထာဝရဘုရားသခင်၏ နှုတ်တော်ထွက် စကားတော်ကိုယ်၌က အခြားသူတို့၏ နှလုံးသားများကို အမြဲညွတ်ပျောင်းရန် တန်ခိုး ရှိသောကြောင့်ပင် ဖြစ်သည်။
အနန္တတန်ခိုးတော်ရှင် ဘုရားသခင်၏တန်ခိုးတော်နှင့် ဖြစ်ပေါ်လာသော ယုံကြည်အားကိုးမှုသည် လူသားတို့ဖန်တီးသော နည်းစနစ်၌ ယုံကြည်အားကိုးမှု့ထက် အမြဲသာလွန်နေရမည်။ သဘောထားကွဲစေသော စကားသံများကို ဟစ်ကြော် ဖွင့်ဟရန်လွယ်ကူသောနေရာ၊ သည်းထိတ်ရင်ဖိုစရာ ဖန်တီးမှု့များ တခါတရံလွှမ်းမိုးနိုင်သည့် နေရာလည်းဖြစ်သည့် ဤဒီဂျစ်တယ်လ် ပတ်ဝန်းကျင်တွင် ကျွန်ုပ်တို့သည် သတိမူ၍ ထိုးထွင်း သိမြင်တတ်ကြရန် လိုအပ်သည်။ အဆိုပါ အကြောင်းအရာနှင့်စပ်လျဉ်း၍ ကျွန်ုပ်တို့ပြန်လည် သတိရ ရမည့်အချက်မှာ ဧလိယသည် ထာဝရဘုရားသခင်၏ အသံတော်ကို မှတ်မိရာတွင် ကြီးမား၍ပြင်းထန်သော လေထဲ၌မဟုတ်၊ မြေငလျင်လှုပ်ခြင်း၌မဟုတ်၊ မီး၌လည်းမဟုတ်ပေ။ သို့ရာတွင် “ဖြည်းညှင်းသော အသံကလေး”၌ မှတ်မိလေသည်။ (ဓမ္မရာဇ၀င် တတိယစောင် ၁၉း၁၁-၁၂)။ အခြေခံကျသော လူသားတို့ တမ်းတတတ်သည့် ချစ်ရန်၊ အချစ်ခံရန်သော်လည်းကောင်း၊ အမှန်တရားနှင့် အဓိပ္ပာယ်ကို ရှာဖွေရန် သော်လည်းကောင်း ကျွန်ုပ်တို့သည် တစ်ဦးအပေါ်တစ်ဦးယုံကြည်ဖို့လိုအပ်သည်။ ထိုဆန္ဒမှာလည်း လူယောက်ျားနှင့် လူမိန်းမတို့၏ နှလုံးသားထဲတွင် ဘုရားသခင်ကိုယ်တော်တိုင် သူ့ကိုယ်သူထည့်သွင်းပေးထားပြီး ကျွန်ုပ်တို့လက်ရှိတွင် သူတော်မြတ်ကာဒီနယ် နယူးမင်း (Blessed Cardinal Newman) ခေါ်ဝေါ်ခဲ့သည့် ယုံကြည်ခြင်း၏ “အကြင်နာ မီးရောင်” အား အမြဲဆက်လက်၍ အမြဲတမ်းလိုလိုလားလား လက်ခံရန် ထိန်းသိမ်းသွားရပေမည်။
လူထုဆက်သွယ်ရေးနှင့် ဆက်ဆံရေးကွန်ရက်တို့သည် ဧ၀ံဂေလိတရားတော် ပြန့်ပွားစေရန် နည်းလမ်းများ ဖြစ်သကဲ့သို့ လူထုတိုးတက်ဖွံ့ဖြိုးရေးအတွက် အကြောင်းအရင်း တစ်ရပ်လည်း ဖြစ်နိုင်ပေသည်။ ဥပမာအနေဖြင့်ပြရသော် သီးခြားထားသည်ဟု ခံစားနေကြရသည့် ခရစ်ယာန်များရှိသည့် အချို့သော ပထ၀ီဝင်နှင့် ယဉ်ကျေးမှုဆိုင်ရာ အခြေနေများ၌၊ လူထုဆက်သွယ်ရေးနှင့် ဆက်ဆံရေးကွန်ရက်များသည် ကမ္ဘာတ၀ှမ်းလုံးတွင် ရှိနေကြသည့် ယုံကြည်သူ အုပ်စုတို့နှင့် ၎င်းတို့အမှန်တကယ် စည်းလုံး ညီညွတ်ခြင်း ရှိနေကြကြောင်း ခံစားမှု့ဖြင့် အားဖြည့်ပေးနိုင်သည်။ ကွန်ရက်များသည် ယုံကြည်ခြင်းတစ်ခုတည်း၌ ပါဝင်နေကြသည့် သူများနှင့် ပို၍နီးကပ်စွာရှိနေသည့် ခံစားချက်နှင့် ဆုတောင်းကူညီပေးကာ ၀ိညာဉ်ရေးဆိုင်ရာ၊ ၀တ်ပြုကိုးကွယ်မှုဆိုင်ရာ အရင်းအမြစ် တို့အား မျှဝေခြင်းတို့ကို လွယ်ကူအောင် ဆောင်ရွက်ပေးသည်။
ယုံကြည်ခြင်းမှ ဝေးကွာနေကြသောသူတို့၏ မေးခွန်းများနှင့် သံသယများတွင် စစ်မှန်၍ အပြန်အလှန်အကျိုးပြုသော ပါဝင်ပတ်သက်မှုသည် ကျွန်ုပ်တို့အား ဆုတောင်းခြင်းနှင့် အလေးအနက် စဉ်းစားဆင်ခြင်ခြင်းများအားဖြင့် ထာဝရ ဘုရားသခင်ရှိနေတော်မူခြင်း၌ ကျွန်ုပ်တို့ယုံကြည်ခြင်းနှင့် ချစ်လေးမြတ်ခြင်း ပါရမီကို လက်တွေ့ကျကျ ကျင့်သုံးခြင်းဖြင့် အားဖြစ်စေရန် လိုအပ်ကြောင်း ခံစားသင့်ပါသည်။ “ငါသည် လူတို့၏ ဘာသာစကားများနှင့် ကောင်းကင်တမန်တော်တို့၏ ဘာသာစကားများကို ပြောဆိုနိုင်သော်လည်း ချစ်ခြင်းမေတ္တာမရှိလျှင် ဆူညံသော မောင်းကဲ့သို့ လည်းကောင်း၊ အသံမြည်သော လင်းကွင်းကဲ့သို့လည်းကောင်းဖြစ်၏။” (၁ကော် ၁၃း၁)
ဒီဂျစ်တယ်လ် လောကတွင် ကျွန်ုပ်တို့နှင့်လက်ရှိသက်ရှိနေထိုင်သူများကို ဆုတောင်းခြင်း၊ ကမ္မဌာန်း ထောက်ရှု့ခြင်းနှင့် ဘုရားသခင်၏နှုတ်တော်ထွက်စကားတော်မြတ်ကို ဝေငှနိုင်ရန် အခွင့်လမ်းများ ဖန်တီးပေးသည့် ဆက်ဆံရေးကွန်ရက်များ ရှိနေသည်။ သို့ရာတွင် ဤကွန်ရက်များသည် ယုံကြည်ခြင်း၏ အခြားရှု့ထောင့်များဘက်ကိုလည်း လမ်းဖွင့်ပေးနိုင်သည်။ လူတို့သည် ကျေးဇူးများစွာအား အွန်လိုင်း (Online)၌ အစကနဦးပြုလုပ်ကာ အမှန်တကယ်ရှာဖွေနေကြသည်။ ထိုကျေးဇူးများမှာ လူကိုယ်တိုင် တိုက်ရိုက်တွေ့ဆုံခြင်း၊ လူမှု့အဖွဲ့အစည်း၏ အတွေ့အကြုံများနှင့် ဘုရားဖူးသွားခြင်းများပင် ပါဝင်သည်။ ထိုအရာများသည် ယုံကြည်ခြင်းခရီး၌ အမှန်တကယ် အရေးကြီးပေသည်။ ဒီဂျစ်တယ်လ် လောကတွင် ဧ၀ံဂေလိတရားတော် ထင်ရှားစွာရှိစေရန် ကျွန်ုပ်တို့သည် ဘုရားရှိခိုးကျောင်းများ၊ သီးသန့်ဝတ်ပြု ဆုတောင်းရန်နေရာများ စသည့် သတ်သတ်မှတ်မှတ်ရှိသည့်နေရာတစ်ခုခု၌ ဆုတောင်းခြင်း သို့မဟုတ် ၀တ်ပြုကိုးကွယ်ခြင်း အခမ်းအနားများ ကျင်းပရန် လူများစွာအား စုရုံးဖိတ်ခေါ်နိုင်သည်။ ကျွန်ုပ်တို့၏ ယုံကြည်ခြင်းကို ထုတ်ဖော်ပြသခြင်းနှင့် ဧ၀ံဂေလိ တရားတော်ကို သက်သေခံခြင်းတို့၌ မည်သည့် ဒိဋ္ဌဖြစ်ရပ်မျိုး၌ လုပ်ရသည်ဖြစ်စေ၊ ရုပ်ပိုင်းအရ သော်လည်းကောင်း၊ ဒီဂျစ်တယ်လ် အရသော်လည်းကောင်း၊ ဆက်စပ်ခြင်း သို့မဟုတ် စည်းလုံးညီညွတ်ခြင်း မကင်းမဲ့သင့်ပေ။ မည်သို့ပင် ဖြစ်စေကာမူ ကျွန်ုပ်တို့သည် အများအရှေ့၌ ရှိနေကြသောအခါ ထာဝရဘုရားသခင်၏ ချစ်ခြင်းမေတ္တာကို လူများသိရှိအောင် ဝေးလံသော ကမ္ဘာအစွန်းဆုံးထိတိုင် သွားရောက် ဟောကြားရန် ခေါ်တော်မူခြင်းခံကြရသည်။
ထာဝရဘုရားသခင်၏ ၀ိညာဉ်တော်မြတ်သည် သင်တို့နှင့်အတူရှိ၍ သင်တို့အား အမြဲအလင်းပေးပါစေဟု ကျွန်ုပ်ဆုတောင်း လိုက်ပါသည်။ ထို့အပြင် သင်တို့သည် ဧ၀ံဂေလိတရားတော်မြတ်၏ သံတော်ဆင့်များနှင့် သက်သေများ ဖြစ်ကြပါမည့် အကြောင်း သင်တို့အားလုံးကို ကျွန်ုပ် လှိုက်လှိုက်လှဲလှဲ ကောင်းကြီးပေးပါသည်။ “ကိုယ်တော်က သူတို့အား မိန့်ဆိုသည်ကား ကမ္ဘာအရပ်ရပ်သို့ သွားကြ၍ ဝေနေယျသတ္တာဝါအပေါင်းတို့အား ဧ၀ံဂေလိတရားတော်ကို ဟောပြောကြလော့။” (မာကု ၁၆/၁၅)
ပုပ်ရဟန်းမင်းကြီး ဘက်နဒစ်(၁၆)။
ဗာတီကန်မြို့တော်မှ ၂၄ ဇန္န၀ါရီလ ၂၀၁၃၊ စိန်ဖရန်စစ်ဒီဆေးလ်ပွဲနေ့။
CBCM NOSC
.jpg)
