"ယုံကြည်ခြင်းအချုပ်" အပေါ် စဉ်းစား ထောက်ရှု့ရာ (၂)

ကျွန်ုပ်သည် တစ်ဆူတည်းသော သခင်၊ ခမည်းတော်၏ တစ်ပါးတည်းသော သားတော်၊ ဖန်ဆင်းခြင်းကို မခံ၊ ဘုရားမှ ဘုရား၊ အလင်းမှ အလင်း၊ စစ်မှန်သော ဘုရားမှ စစ်မှန်သောဘုရား၊ ခမည်းတော်နှင့် သဘော သဘာဝတစ်ဆူတည်းဖြစ်သော ယေဇူးခရစ်တော်ကို ယုံကြည်ပါ၏။ ထိုသခင်အားဖြင့် အရာ အားလုံးသည် ပြုလုပ် ဖန်ဆင်းခြင်း ခံရ၏။ 

          ဤယုံကြည်ချက်ကို ၀န်မခံမှီ အထက်၌ ခမည်းတော်ဘုရား အကြောင်းနှင့် သူ့အပေါ် ယုံကြည်ခြင်း အကြောင်းကို ဆွေးနွေး တင်ပြထားပြီး ဖြစ်ပါသည်။ သို့ဖြစ်၍ ထိုမှတဆင့် ယခု ဒုတိယ ယုံကြည်ချက်ကို ဆက်လက် ထောက်ရှု့ ကြည့်ကြပါစို့။

          အကယ်၍ ကျမ်းစာတော်မြတ်သည် ဘုရားသခင်၏ ဗျာဒိတ်တော် စစ်မှန်ပါလျှင်၊ ယေဇူးသည် ဘုရား ဖြစ်ရပေမည်။ ထိုကြောင့် ကျမ်းစာတော်မြတ်ကို ယုံကြည်လျှင် ယေဇူးသခင်သည် ဘုရား ဖြစ်ကြောင်း၊ ခမည်းတော်ဘုရား၏ တစ်ပါးတည်းသော သားတော်ဖြစ်ကြောင်း တွေ့နိုင်ပါသည်။ သံယောဟန် (၁၀း၃၀)တွင် ခမည်းတော်နှင့် ငါသည် တစ်ဆူတည်း (တစ်ခုတည်း) ဖြစ်၏ လို့ပြောဆို ထားပါသည်။ ကျွန်ုပ်တို့ဟာ ကျမ်းစာတော်မြတ်ကို ယုံကြည်သောအခါ ထို ကျမ်းစာတော်မြတ်ထဲတွင် ပါသော စာသားများမှာ ဘုရားသခင်ပြောကြားသော စကားများ (၀ိညာဉ်တော်အားဖြင့် ကျမ်းရေး ပုဂ္ဂိုလ်များ မှတဆင့်) ဟု မှတ်ယူ ထားပါသည်။ ပထမ ဗာတီကန် အခန်း(၂း ၇) တွင် ကျမ်းစာတိုင်းတွင် ဘုရားသခင်သည် ၎င်းတို့၏ စာရေးဆရာပင် ဖြစ်သည်ဟု ကြွေးကြော် ထားလေသည်။ 

   တကယ်တန်း စဉ်းစားကြည့်လျှင် ကျမ်းစာ တစ်ခုလုံးသည် ခရစ်တော် အကြောင်းကိုသာ ရေးသားထားခြင်း ဖြစ်လေသည်။ ဓမ္မဟောင်းကျမ်းတွင် ကမ္ဘာမြေသို့ သူ၏ ဆင်းကြွလာခြင်း အကြောင်း ပြင်ဆင်ဟောပြော ထားပြီး ဓမ္မသစ်ကျမ်းတွင် သူ ကိုယ်တော်တိုင် ဘုရားသခင်၏နိုင်ငံတော် အကြောင်းကို ဟောပြောနေလေသည်။ ထိုဓမ္မသစ် ကျမ်းဖြင့် ကောင်းကင်နိုင်ငံဆိုင်ရာ ဗျာဒိတ်တော်များကို ဖွင့်ဟ ပြလေသည်။ ဘုရားသခင် ကိုယ်တော်တိုင် မမြင်နိုင်ရာမှ မြင်နိုင်ရာ ဖြစ်စေ၏။ သံယောဟန်ကျမ်း (၁၄း၇) “သင်တို့သည် ငါ့ကို သိကြပါလျှင် ငါ၏ ခမည်းတော်ကိုလည်း သိကြ လိမ့်မည်။ ယခုမှ စ၍ သင်တို့သည် ငါ၏ ခမည်းတော်ကို သိကြ၍ ဖူးမြင် ကြရလေပြီ။” ထိုကြောင့် ယေဇူးသည် ဘုရား ဖြစ်ကြောင်းကို ထိုရေးမှတ်ထားသော စာအုပ်(ကျမ်းစာ) ဖြင့် သိနိုင်လေသည်။ ကမ္ဘာပေါ်တွင် ယေဇူး ကိုယ်တော်တိုင် အသက်ရှင် နေထိုင်စဉ် လုပ်ဆောင်ခဲ့သော သူ၏ လုပ်ဆောင်ချက်များဖြင့်လည်း သိနိုင်လေသည်။ နောက်ထပ် တမန်တော်ကြီးများမှ တဆင့် အဆင့်ဆင့် ကျွန်ုပ်တို့ထံသို့ ကမ်းလင့်ခဲ့သော ရှေးထုံး အစဉ်လာဖြင့်လည်း သိနိုင်ပေသည်။ ထိုတမန်တော်ကြီးများ မှာ ယေဇူး ခရစ်တော်အား ကိုယ်တိုင် မြင်တွေ့ခဲ့သူများ၊ သူ့စကားသံများကို ကိုယ်တိုင် ကြားခဲ့ရသူများ၊ သူနှင့် အတူ စကားလက်စုံ အမြဲပြောနေခဲ့သူများ ဖြစ်ပြီး ကျွန်ုပ်တို့အား ပြန်လည် ပြောပြလေခြင်း ဖြစ်ပါသည်။ ထိုကြောင့် ဤအရာတွေကို နားလည် လက်ခံသောအခါ ဘုရားသခင်၏ ဗျာဒိတ်တော်ကို အာရုံထား ယုံကြည်လာဖို့ ဖြစ်စေမည်။ 

          ဂျူးဘာသာ၊ အီစ္စလာမ်ဘာသာများ ကဲ့သို့ ဘုရား တစ်ဆူတည်းသာ ယုံကြည်သော ဘာသာတရား အတွက် ယေဇူးသခင်အား ဘုရားအဖြစ်၊ ဘုရား၏ တစ်ပါးတည်းသော သားတော်အဖြစ် ယုံကြည်ဖို့ရန် စိန်ခေါ်မှု့ကြီး တစ်ခုပင် ဖြစ်နေနိုင်ပါသည်။ အမှန်ဆိုရသော် ခရစ်ယာန် ဘာသာတရားသည်လည်း ဘုရား တစ်ဆူတည်းကိုသာ ယုံကြည်သော ဘာသာတရား ဖြစ်ပေသည်။ သို့သော်လည်း ခမည်းတော်၊ သားတော်၊ သန့်ရှင်းသော ၀ိညာဉ်တော်ဟူ၍ ပုဂ္ဂိုလ် သုံးပါးပေါင်း ဘုရားတစ်ဆူအဖြစ် တစ်ဆူတည်းကိုသာ ယုံကြည် ၀န်ခံကြသည်။ ဘာသာတရားများစွာနှင့် လူများစွာသည် လုံးဝ အမှန်တရား တစ်ခုတည်းသာ ရှိသည်ဟု ယုံကြည်ကြွေးကြော် ကြပါသည်။ ထိုကြွေးကြော်ခြင်းသည် ဘုရားထံသို့ ဦးတည် နေပါသည်။ သို့သော်လည်း ယေဇူးမူကား သူ ကိုယ်တော်တိုင် “ငါသည် လမ်း၊ အမှန်တရားနှင့် အသက်” ဖြစ်၏ဟု တိုက်ရိုက် ကြွေးကြော်ခဲ့ပြီး သူ့မှတဆင့် ခမည်းတော်ဘုရား ထံရောက်ဖို့ တခြားလမ်း မရှိဟု ဆိုလေသည်။ (ယောဟန် ၁၄း၆)

         သံယောဟန်ကျမ်း၏ ပထမဆုံးအခန်းကို ကောင်းကောင်း မှတ်မဦးမည်ဆိုလျှင်ဖြင့် “အစဦး၌ နှုတ်တော်ထွက် စကား တည်ရှိတော်မူ၏။ နှုတ်တော်ထွက် စကားသည် ဘုရားသခင်နှင့် အတူ ရှိတော်မူ၏။ နှုတ်တော်ထွက် စကားသည် ဘုရားသခင် ဖြစ်တော်မူ၏။”ဟု ကြားသိ ရပါလိမ့်မည်။ ကျွန်ုပ်တို့တတွေဟာ ခရစ်ယာန် အဖြစ် ယေဇူးသည်ဘုရားသခင်၏ စကားပြောသော နှုတ်တော်ထွက် စကားတော်ဟု ယုံကြည် ၀န်ခံကြသည်။ ဒါဟာ ကျွန်ုပ်တို့ လူသားများ၏ စဉ်းစားတွေးခေါ်မှု့၌ ကျိုးကြောင်း စီလျော်ပေသည်။ ဘုရားသခင်သည် ကောင်းကင်နှင့်မြေကြီးကို ဗလာနတ္တိမှ ဖန်ဆင်းသော အခါ သူ၏ “စေ”တစ်လုံးဖြင့် နှုတ်ထွက် စကားဖြင့် ဖန်ဆင်းလေသည်။ ဤသည်ပင် အံ့သြစရာ ကောင်းလှပေသည်။ ထိုကြောင့် ကျွန်ုပ်တို့ တတွေဟာ “သူ့အားဖြင့် အရာအားလုံးသည် ပြုလုပ် ဖန်ဆင်းခြင်း ခံရ၏”ဟု အသံထပ်ကာ ယုံကြည်ခြင်းကို ၀န်ခံနိုင်ပါသည်။ 

ကိုးကားချက်။ ။ Pope Paul VI, the Credo of the People of God

                             ။ ကျမ်းစာတော်မြတ် (ကက်သလစ်)

(ကျန်သည့် ယုံကြည်ခြင်း အချုပ်များကိုလည်း ထောက်ရှု့ သုံးသပ်ပါဦးမည်)

မနောအောင်