ပါစကားကာလ ဒုတိယတနင်္ဂနွေနေ့

သံယောဟန် ၂၀း ၁၉-၃၁

ဖတ်ရှုရသည့် ဧ၀ံဂေလိတရားတော်မှာ ရှင်ပြန်ထမြောက်တော်မူသော ယေဇူးသခင်ဟာ တပည့်တော်ကြီးများကို ထင်ရှားပြတော်မူခြင်းနှင့်အတူ ဒုတိယအပိုင်းမှာ ယေဇူးသခင်နှင့် သံသယရှင်ကြီး သောမ တို့ဆုံတွေ့ ဖြစ်ပုံကို ဖော်ညွှန်းရေးသားထားပါတယ်။ ဤဧ၀ံဂေလိတရား တစ်ခုလုံးကို ခြုံကြည့်ရလျှင်တော့ ကြောက်ရွံ့နေကြသည့် တပည့်တော်ကြီးများကို ကိုယ်တော်တိုင်ထင်ရှားပြ၍ သက်သေခံကာ ရဲရင့်ကြစေဖို့ဖြစ်ပါတယ်။

ခရစ်တော် ဟောကြားခဲ့သော သတင်းကောင်းများဟာ ဂျူးလူမျိုးတွေနဲ့ အထူးသဖြင့် ဂျူးဘာသာရေးခေါင်းဆောင်ကြီးများ အတွက်တော့ သတင်းကောင်းအဖြစ် မမြင်နိုင်ခဲ့ဘဲ ဖြစ်နေခဲ့သည့်အတွက် ခရစ်တော်ကို ကွက်မျက်ခဲ့တာ ဖြစ်၍ ထိုသတင်းကောင်းများ ထပ်မံမပြန့်ပွားရန် ရှင်းလင်းသုတ်သင်ရမှာက သူ၏အနီးကပ် တပည့်တော်ကြီးတွေသာ ဖြစ်ပါတယ်။ ထို့ကြောင့်လည်း တပည့်တော်ကြီးများအဖြစ်ဟာ ဂျူးလူမျိုးတွေကို ကြောက်နေရတာ ဖြစ်ပါတယ်။ အိမ်ထဲက အိမ်အပြင်ပင် မထွက်ရဲကြဘဲ ပုန်းအောင်းနေကြရပါတယ်။ ဒါကြောင့် ယေဇူးသခင် တံကျင်ပေါ်၌ သတ်ခံခဲ့ရပြီးကတည်းက ကြောက်စိတ်ကြီးများ လွှမ်းမိုးကာ ကစဥ့်ကလျားဖြစ်နေကြတဲ့ တပည့်တော်ကြီးအဖြစ်ကို ကျွန်တော်တို့ တွေးတောကြည့်နိုင်ပါတယ်။ ဒီအတွက်ကြောင့်လည်း ကိုယ်တော်ပေါ်လာသည့်အခါ “သင်တို့၌ ငြိမ်းချမ်းသာယာခြင်းရှိစေသတည်း” ဟု နှုတ်ခွန်းဆက်ခဲ့တာ ဖြစ်ပါတယ်။

အမှန်တကယ်တော့ တပည့်တော်ကြီးများအဖို့ ယေဇူးသခင် ရှင်ပြန်ထမြောက်သွားပြီဆိုတာကို တနင်္ဂနွေနေ့ နံနက်ခင်းမှာ ကိုယ်တော်၏ ကျောက်ဂူကိုသွားခဲ့ကြတဲ့ အမျိုးသမီးတစ်စုမှတဆင့်သာ ကြားသိခဲ့ရတာပါ။ မျက်မြင်ကိုယ်တွေ့တော့ မကြုံတွေ့ရသေးပါဘူး။ ထို့ကြောင့် တပည့်တော်ကြီးတစ်ဦးချင်းစီမှာလည်း ကိုယ်စီ သံသယတွေနဲ့ သူတို့သခင်ဟာ အမှန်တကယ် မက်စီးယားဖြစ်၍ သုံးရက်မြောက်သည့်နေ့မှာ အမှန်တကယ် ရှင်ပြန်ထမြောက်လေသလား ဒါမှမဟုတ် ယုံတမ်းပြောနေကြတာလားဆိုတာ သူတို့အတွက် မခွဲခြားနိုင်သေးဘဲ ရှုပ်ထွေးနေချိန်ပါ။ ဒီလို ရှုပ်ထွေးနေတာတွေကို ကိုယ်တော်၏ ထင်ရှားပြခြင်းက ရှင်းပစ်လိုက်ခြင်း ဖြစ်ပါတယ်။ သို့သော်လည်း ထိုနေရာတွင် မရှိခဲ့သည့် သံသယကြီးမားသည့် သောမအတွက်တော့ ကိုယ်တိုင် တွေ့ကြုံနိုင်မှပင် သူ့မှာရှိသည့် သံသယတွေနှင့် ရှုပ်ထွေးမှုတွေ ရှင်းသွားမှာ ဖြစ်ပါတယ်။ အားလုံးစုံကို သိတော်မူသော ဘုရားဖြစ်သည့်အလျောက် ယေဇူးသခင်သည်လည်း သောမအား သူ၏ ဒဏ်ရာတော်များကို လက်တွေ့စမ်းသပ်စေပြီး သံသယတွေကို ရှင်းပေးခဲ့ခြင်းဖြစ်ပါတယ်။

ယေဇူးသခင်၏ ကိုယ်ထင်ပြသခြင်းဟာ တပည့်တော်ကြီးများ၏ သံသယများကို ရှင်းပေးခြင်းသက်သက် မဟုတ်ပါဘူး။ သူတို့ရဲ့ ကြောက်ရွံ့နေတဲ့ စိတ်တွေကို ဖျောက်ဖျက်ပေးပြီး ရဲရင့်စေရုံသက်သက်လည်း မဟုတ်ပါဘူး။ တပည့်တော်ကြီးများအတွက် တာဝန်တွေ သယ်ဆောင်လာခဲ့ပါတယ်။ ထိုတာဝန်ဟာ ကောင်းကင်နိုင်ငံတော်၏သတင်းကောင်းကို ဟောပြောသက်သေခံဖို့ရန်၊ ဘုရားသခင်၏ အပြစ်ခွင့်လွှတ်ခြင်းကို လက်ဆင့်ကမ်းအသိပေးကြရန်၊ ဘုရားသခင်၏ ချစ်ခြင်းမေတ္တာတွေကို မျှဝေလက်ဆင့်ကမ်းကြဖို့ရန်နှင့် ကယ်တင်ခြင်းလုပ်ငန်းကို ဆက်လက်လုပ်ဆောင်သွားကြဖို့ပဲ ဖြစ်ပါတယ်။ ဒီတာဝန်ဟာ တပည့်တော်ကြီးများပေါ်၌သာ ပေးအပ်တာမဟုတ်ဘဲ ခရစ်တော်နောက်လိုက်၍ တပည့်ခံသူများအားလုံး အပေါ်မှာ ပေးအပ်ခြင်းဖြစ်ပါတယ်။ ထို့ကြောင့်လည်း လက်ဆင့်ကမ်းခြင်း ဖြစ်ပါတယ်။

အမှန်တကယ်တော့ ကျွန်တော်တို့ဘ၀ဟာလည်း တပည့်တော်ကြီးတွေလိုပဲ အကြောက်တရားတွေရဲ့ နောက်ကွယ်မှာ မိမိရဲ့အတွင်းခန်း၌ ပုန်းအောင်းနေရတဲ့သူတွေနဲ့ တူပါတယ်။ ဒါကြောင့်လည်း ဒေါ်အောင်ဆန်းစုကြည်က Freedom from Fear ဆိုတဲ့ စာအုပ်အားဖြင့် ကျွန်တော်တို့တတွေကို အကြောက်တရားက လွတ်မြောက်နိုင်ကြဖို့ ခွန်အားပေးပါတယ်။ ထိုစာအုပ်ထဲမှာလည်း ယခုလို ရေးသားထားပါတယ် “It is not power that corrupts but fear.” တကယ်တော့ ကျွန်တော်တို့ကို ဖျက်စီးတာ အာဏာမဟုတ်ဘဲ အကြောက်တရားသာဖြစ်တယ်လို့ ဆိုလိုပါတယ်။ မှန်ပါတယ် - ကျွန်တော်တို့တတွေဟာ အကြောက်တရားကြောင့်သာ ပျက်စီးခြင်းရဲ့ ပစ်မှတ်ဖြစ်နေရပါတယ်။ အကြောက်တရားကြောင့် မှန်တာတွေကို ကျွန်တော်တို့ မလုပ်ရဲကြဘူး၊ အကြောက်တရားကြောင့် ကျွန်တော်တို့ မှန်တာတွေကို မပြောရဲကြဘူး၊ အကြောက်တရားကြောင့် ကျွန်တော်တို့ တရားမျှတခြင်းကို မထောက်ခံရဲကြဘူး၊ အကြောက်တရားကြောင့် ကျွန်တော်တို့ မေတ္တာတရားမထားရဲကြဘူး၊ အကြောက်တရားကြောင့် ကျွန်တော်တို့ အချင်းချင်း မခွင့်လွှတ်ရဲကြဘူး၊ အကြောက်တရားကြောင့် ကျွန်တော်တို့ ပြန်လည်ကျေအေးခြင်း မလုပ်ဆောင်ရဲကြဘူး။

ဒီအကြောက်တရားတွေပါပဲ ကျွန်တော်တို့တတွေရဲ့ အပြစ်တွေနှင့်ဆိုင်ရာ လုပ်ရပ်တိုင်းရဲ့ နောက်ခံ အကြောင်းရင်း ဖြစ်နေပါတယ်။ ဒီအကြောက်တရားကြောင့်ပဲ ကျွန်တော်တို့တတွေ လုပ်သင့်လုပ်ထိုက်တာနှင့် ကောင်းတာတွေလုပ်ဆောင်ဖို့ ပျက်ကွက်နေကြရတယ်။ လုပ်သင့်လုပ်ထိုက်တာတွေကို လုပ်ဆောင်ဖို့ အကြောက်တရားကြောင့် ကျွန်တော်တို့တတွေ ပုန်းအောင်းနေကြတယ်။ နောက်ဆက်တွဲအနေဖြင့် ကျွန်တော်တို့တတွေရဲ့ အခုလို သူရဲဘောင်ကြောင်တဲ့ စိတ်တွေဖြစ်ပေါ်လာစေပြီး ဒီလို သူရဲဘောင်ကြောင်တဲ့ စိတ်တွေကြောင့် ကျွန်တော်တို့တတွေဟာ တနည်းမဟုတ်တနည်းအားဖြင့် သူတစ်ပါးတွေရဲ့ အကျိုးကို ပျက်စီးဆုတ်ယုတ်စေလာပါတယ်။ အဆိုးဆုံးကတော့ မိမိရဲ့ကိုယ်ကျိုးတွေ ပျက်စီးလာစေပြီး ကျွန်တော်တို့တတွေ ဒဏ်ရာတွေရလာတယ် - ဒဏ်ရာတွေလည်း ပြင်းထန်လာတယ် . . . နောက်ဆုံး ကျွန်တော်တို့ဘ၀ အနာတွေနဲ့ ပုန်းအောင်းနေရတယ်။

မိတ်တွေ၊ သင်နှင့်ကျွန်တော်လည်း ဒီအကြောက်တရားကြီးမှာ ပုန်းအောင်းမနေသင့်တော်ပါဘူး။ ကျွန်တော်တို့ ရဲရင့်ဖို့လိုအပ်ပါတယ်။ ဘ၀မှာ လုပ်သင့်လုပ်ထိုက်တာတွေနှင့် ကောင်းတာတွေလုပ်ဖို့ ကျွန်တော်တို့မှာ သတ္တိတွေ ရှိနေသင့်ပါပြီ။ ဘာကြောင့်လဲဆိုတော့ ကျွန်တော်တို့ရဲ့နောက်မှာ ရှင်ပြန်ထမြောက်တော်မူသော ယေဇူးသခင်ကိုယ်တော်တိုင် မားမားမတ်မတ်ရပ်တည် ခွန်အားပေးနေလို့ပါပဲ။ ကျွန်တော်တို့ရဲ့ ယုံကြည်ခြင်းဟာ ဒီခွန်အားတွေ စီးဆင်းရာ စမ်းချောင်းပါပဲ။ ထို့ကြောင့် ကျွန်တော်တို့တတွေရဲ့ ယုံကြည်ခြင်းနှင့်အတူ သန့်ရှင်းသောဝိညာဉ်တော်ဘုရား၏ ခွန်အားသတ္တိများ ရယူကာ ကောင်းကင်နိုင်ငံတော် အကြောင်းကိုဆက်လက်ဟောပြော သက်သေခံသွားကြဖို့ လိုအပ်ပါတယ်။ ဒီယုံကြည်ကြောင့် အကြောက်တရားကို ကျော်လွှားကာ ကျွန်တော်တို့ မှန်တာတွေလုပ်ကြမယ်၊ မှန်တာတွေ ပြောကြမယ်၊ တရားမျှတခြင်းကို အားပေးထောက်ခံသွားမယ်၊ မေတ္တာတရားထားပြလိုက်ကြမယ်၊ အချင်းချင်း ခွင့်လွှတ်သည်းခံကြမယ်၊ အချင်းချင်းပြန်လည်ကျေအေးကာ သဟဇာတကြတဲ့ ကမ္ဘာကြီးကိုတည်ထောင်ပြီး ကောင်းကင်နိုင်ငံတော်၌ဖြစ်သကဲသို့ မြေကြီးပေါ်၌လည်း ဖြစ်စေကြမယ်။

ဘယ်လိုလဲ မိတ်ဆွေ၊ အကြောက်တရားက သင့်ကိုလွှမ်းခြုံထားဆဲလား၊ ဒီအကြောက်တရားကို ကျော်လွှားဖို့ လုံလောက်တဲ့ သတ္တိခွန်အား သင့်မှာ ရှိနေပြီလား။ ဆက်လက်စဉ်းစား ကျင့်ကြံနိုင်ကြပါစေ။

သောမအား ယေဇူးခရစ်တော်မိန့်ဆိုခဲ့သော စကားသံလေးကို ပြန်လည်ကြားယောင်မိတယ် . . . “သောမ၊ သင်သည် ငါ့ကိုမြင်ရသောကြောင့် ယုံကြည်သလော။ မမြင်ရဘဲ ယုံကြည်သောသူတို့သည် မင်္ဂလာရှိကြ၏။” . .

ယေဇူးခရစ်တော်သည် ဧကန်မုချ ရှင်ပြန်ထမြောက်ခဲ့လေပြီ။ အာလေလုယာ. . .

ကိုရင် (ဒိုမီနီကန်)

ဂလိုရီးယားဂျာနယ် မေလ ၂၀၁၄

ပုပ်ရဟန်းမင်းကြီးနှစ်ပါး၏ ရဟန္တာအဖြစ်တင်မြှောက်ခြင်း ကမ္ဘာအနှံ့မှ စိတ်ဝင်စား

ပြီးခဲ့သည့်နှစ် စက်တင်ဘာလတွင် ပုပ်ရဟန်းမင်းကြီးနှစ်ပါးအား ရဟန္တာအဖြစ်တင်မြှောက်မည်ဟု ကြေငြာခဲ့ပါတယ်။ ယနေ့ ဒီကြေငြာချက်ဟာ လက်တွေ့ဖြစ်လာဖို့၊ တရားဝင် ဖြစ်လာဖို့ ရက်အနည်းငယ်သာ ကျန်ပါတော့တယ်။ ဘာကြောင့်လဲဆိုတော့ ဤပုပ်ရဟန်းမင်းကြီးနှစ်ပါး၏ ရဟန္တာတင်မြှောက်ခြင်းဟာ လာမည့် ဧပြီလ ၂၇ ရက်နေ့မှာ ပြုလုပ်မှာဖြစ်ပါတယ်။ ဒါဟာ အသင်းတော်နှင့် ကမ္ဘာကြီးအတွက် သမိုင်းဝင်မည့်နေ့ရက်ဖြစ်မှာ သေချာပါတယ်။ ရဟန္တာများအဖြစ် တင်မြှောက်ခံရမည့် ပုပ်ရဟန်းမင်းကြီးနှစ်ပါးမှာ ပုပ်ရဟန်းမင်းကြီး ဂျွန် (၂၃) နှင့် ပုပ်ရဟန်းမင်းကြီး ဂျွန်ပေါလ် (၂) ဖြစ်ပါတယ်။

အီစတာပွဲတော်ဟုခေါ်သော ခရစ်တော်၏ရှင်ပြန်ထမြောက်ခြင်းပွဲတော်၏ ရက်သတ္တပတ်ဖြစ်သည့်အလျောက် ရောမမြို့၊ ဗာတီကန်မြို့တော်ဟာ ဘုရားဖူးခရီးသွားများဖြင့် စည်ကားလျက်ရှိနေပါတယ်။ ယခုနှစ် အီစတာပွဲတော်ဟာလည်း ကမ္ဘာတ၀ှမ်း စည်စည်ကားကား ကျင်းပကြ၍ အထင်ကရဖြစ်ရဆုံးပွဲ ဖြစ်ခဲ့ပါတယ်။ ယခုဆက်လက်၍ ပါစကားဒုတိယတနင်္ဂနွေဖြစ်သည့် ဧပြီလ ၂၇ရက်နေ့အတွက်လည်း ကမ္ဘာနှင့်အ၀ှမ်း ဘုရားဖူးခရီးသည်များဟာ ဗာတီကန်သို့ဦးတည်နေကြပါပြီ။ ဗာတီကန်၏ တာဝန်ရှိသူများအရ - ထိုနေ့တွင် ဘုရားဖူးခရီးဧည့်သည် ၈ သိန်းနှင့်အထက် လာရောက်ဖွယ်ရှိကြောင်း သိရှိရပါတယ်။

ရဟန္တာအဖြစ် တင်မြှောက်ခံရမည့် ပုပ်ရဟန်းမင်းကြီးနှစ်ပါးစလုံးဟာ ၂၀ ရာစုနှစ်၏ ရိုမင်ကက်သလစ် အသင်းတော်၏ ကြီးမြတ်သူကြီးများဖြစ်သည်ဟု Reuters သတင်းဌာနက ပြောဆိုလိုက်ပါတယ်။ ထို့အပြင် ကာဒီနယ်ကြီးဒိုလန်ကလည်း ယခုပုပ်ရဟန်းမင်းကြီးနှစ်ပါး၏ ရဟန္တာတင်မြှောက်ခြင်းဟာ “သူရဲကောင်း ဆန်သည့် စင်ကြယ်ခြင်း”ကို ထောက်ပြလိုက်ခြင်းဖြစ်သည်ဟု ဆိုပါတယ်။

ပုပ်ရဟန်းမင်းကြီး ဂျွန် (၂၃)ဟာ ၁၉၅၈မှ ၁၉၆၃ ခုနှစ်အထိ ပုပ်ရဟန်းမင်းအဖြစ် ကက်သလစ်အသင်းတော်အား ဦးဆောင်ခဲ့ပြီး အသင်းတော်အတွင်း အလွန်အရေးပါသော ဒုတိယဗာတိကန်အစည်းဝေးပွဲကြီးကို စတင်ခဲ့သူ ဖြစ်ပါတယ်။

ပုပ်ရဟန်းမင်းကြီး ဂျွန်ပေါလ် (၂)ဟာ ၁၉၇၈ ခုနှစ်စတင်ကာ ၂၀၀၅ ခုနှစ်အထိ ကက်သလစ်အသင်းတော်ကြီးအား နှစ်ပေါင်း ၂၇ နှစ်တိုင်တိုင် ဦးဆောင်ခဲ့သူဖြစ်ပါတယ်။ သူဟာ အသင်းတော်သမိုင်းတွင် ကမ္ဘာအနှံ့ ခရီးသွားများများသွားသည့် ပုပ်ရဟန်းမင်းကြီးဟု အမည်တွင်ပါတယ်။

ပုပ်ရဟန်းမင်းကြီးနှစ်ပါးစလုံးဟာ အသင်းတော်အတွက် အလွန်အရေးကြီးတဲ့ အမွေအနှစ်တွေ ချန်ထားပေးခဲ့ပါတယ် - အထူးသဖြင့် အလွန်အရေးကြီးတဲ့ စင်ကြယ်ခြင်း၏အတုယူစရာများပင် ဖြစ်ပါတယ် ဟု ကိုလန်ဘု့စ်သူရဲကောင်းများ၏အကြီးအကဲဖြစ်သူ သူရဲကောင်းကြီး ကာရ်အန်ဒါဆင်က ပြောပါတယ်။

ယခုကဲ့သို့ ပုပ်ရဟန်းမင်းကြီးနှစ်ပါး အား တပြိုင်တည်း နှစ်ပါး အတူတူ ရဟန္တာ တင်မြှောက်ခြင်းဟာလည်း ပထဆုံးဖြစ်၍ သမိုင်းဝင်မှတ်တမ်းတစ်ခုပါပဲ။ 

အီတလီဝန်ကြီးဌာနအရ ဤအခမ်းအနားသို့ နိုင်ငံ့ ခေါင်းဆောင်ကြီးများ ၁၉ဦးနှင့် အစိုးရ ခေါင်းဆောင်များ ၂၄ ဦးလည်း တက်ရောက် ဖွယ်ရှိကြောင်း သိရှိရပါတယ်။ ထို့အပြင် ငြိမ်း-ပုပ်ရဟန်းမင်းကြီး ဘက်နက်ဒစ် (၁၆)လည်း ဤအခမ်းအနားတွင် ပါဝင်ဖွယ် ရှိသည်ဟု သိရှိရပါတယ်။

မနောအောင်

ကိုယ်တော်သည် ရှင်ပြန်ထမြောက်တော်မူပြီ။

ပုပ် John XXII အကြောင်း

      ဧပြီလ ၂၇ ရက်နေ့တွင် ရဟန္တာအဖြစ်တင်မြှောက်ကြမည့် ပုပ်ရဟန်းမင်းကြီးနှစ်ပါးအနက် ပုပ် John Paul II အကြောင်း လူအများ သိရှိကြပေမဲ့။ နောက် တပါးဖြစ်သော ပုပ် John XXII အကြောင်းကို ဒီ video မှတဆင့် မျှဝေလိုက်ပါတယ်။ ပုပ် John XXII ဟာ ကက်သလစ်သာသနာတော်ကြီး ကို ပြုပြင်ပြောင်းလဲရေး အတွက် အခက်အခဲကြားမှာ မည်မျှ ကြိုးစား လုပ်ဆောင်ခဲ့ကြောင်း၊ သူ၏ကြိုးစားမှု့ကြောင့် ယနေ့ ဗာတီကန် ၂ အစည်းအဝေးကြီးပေါ်ပေါက်လာပြီး သာသနာတော်ကြီး ကို ပြောင်းလဲနိုင်ခဲ့ကြောင်း၊ သူ၏ ကျေးဇူးသည် သာသနာအပေါ် မည်မျှ ကြီးမားကြောင်း ဒါကြောင့် ရဟန္တာပြုထိုက်သူဖြစ်ကြောင်း ပိုမို နားလည်နိုင်လာပါလိမ့်မည်။

၂၀၁၄ ခုနှစ်ဆရာတော်ကြီးချားလ်စ်ဘို၏ ပါစကား သတင်းကောင်း

ချစ်ခင်လေးစားရပါသောညီအစ်ကိုမောင်နှစ်မအပေါင်းတို့၊

ပုံပြင်တိုလေးတစ်ပုဒ်နဲ့အစပြုပါရစေ။ ၁၉၂၁ခုနှစ်၊ ကက်သလစ် ခရစ်ယာန် ရွာ ကလေးတစ်ရွာမှာ ပါစကားပွဲတော်ကိုကျင်းပခဲ့ကြတယ်။ ကက်သလစ်ခရစ်ယာန် မဟုတ်တဲ့အခြားဆွေမျိုး၊ မိတ်ဆွေအပေါင်းအသင်းတွေလည်း ပွဲတော်မှာ ပါဝင် ခဲ့ကြတယ်။ ရုတ်တရက် ဘာသာဝင် မဟုတ်တဲ့အသက်ကြီးကြီး အဖွားအိုတစ်ဦး သေဆုံးခဲ့တယ်။ ရွာသူရွာသားတွေအားလုံးက သူမကိုရင်းနှီးချစ်ခင်ကြတယ်။ လေးစားအားကိုး ကြတယ်။

ပြဿနာကြီးတစ်ခုက “သူမကိုဘယ်နေရာမှာမြေမြှုပ်သဂြိုလ်ကြမလဲ’’ ကက်သလစ် အသင်းတော်ဥပဒေအရ ဆေးကြောခြင်းခံပြီးတဲ့ ပုဂ္ဂိုလ်တွေပဲ သန့်ရှင်းရာ ကက် သလစ်သင်္ချိုင်းမြေမှာမြေမြှပ်ခွင့်ရတယ်။ ရွာအနီးနား တ၀ိုက်မှာ တခြားသင်္ချိုင်း မရှိဘူး၊ သင်္ချိုင်းကဒီတစ်ခုပဲရှိတယ်။ “သူမကို ဘယ်နေရာမှာမြေမြှုပ်ဘ သဂြိုလ်ကြ မလဲ” နောက်ဆုံးသူမကို သင်္ချိုင်းရဲ့ ခြံစည်းရိုး အပြင်မှာမြေမြှပ်ဖို့ ကျောင်းထိုင် ဘုန်းတော်ကြီးက ဆုံးဖြတ်ခဲ့ပြီးမြှပ်ခဲ့ကြတယ်။ ညအချိန်ရောက် တော့ ဘုန်းတော်ကြီး နဲ့ရွာသားသုံးဦးဟာ သင်္ချိုင်းရဲ့ခြံစည်းရိုးကို အပြင်ဘက်ချဲ့ ရွေ့လိုက်တယ်။ အဖွားအိုရဲ့ ဂူလေးဟာ သင်္ချိုင်းမြေထဲရောက် သွားတယ်။

ဒါဟာ ခရစ်တော်အလုပ်ဖြစ်တယ်။ ခရစ်ယာန်တွေလုပ်ကြရမယ်။ ဘာတွေကို လုပ်ကြမလဲ စည်းတွေကိုရွှေ့၊ နံရံတွေကိုဖြိုချကြရမယ်။ ခရစ်တော်ဘုရားရှင် ကိုယ်တိုင်လောကကြီးကို ပြန်လည်ငြိမ်းချမ်း သင့်မြတ်စေခဲ့တယ်။ ဒီအမှုကို ဆက်ပြီး ကျွန်ုပ်တို့ကိုထမ်းဆောင်စေလိုပါတယ်။ ခရစ်တော်ဘုရားရှင်ဟာ မိမိရဲ့ လက်တော်ကို ကမ္ဘာတ၀ှမ်းဆီဆန့်တန်းပြီး ချစ်ခြင်းနဲ့ပွေ့ဖက်တယ်။

အားလုံးကိုပျော်ရွှင်သောပါစကားပွဲတော်ကြီးလို့နှုတ်ဆက်ပါတယ်။

တိုက်တိုက်ဆိုင်ဆိုင်ခါတော်သင်္ကြန်နဲ့ပါစကားပွဲ
ဒီတစ်ပတ်မြန်မာပြည်သူ/သားတွေခါတော်သင်္ကြန်ကိုကျင်းပကြတယ်။ အင်မတိ၊ အင်မတန်ပျော်စရာကောင်းတယ်။ ဆရာတော်ကျောင်းကွင်းကနေ လည်းချောင်းပြီး လမ်းပေါ်သွားလာ သူတွေကိုရေပက်ပြီး၊
တော်ဝင်သင်္ကြန်ကျင်းပတယ်။ သင်္ကြန် ဆိုတာ ကူးပြောင်းခြင်း
နှစ်ဟောင်းအညစ်ကနေ နှစ်သစ်အသစ်ကိုကူးပြောင်း တယ်။ ရန်သူကနေမိတ်ဆွေ တပါးသူအေးချမ်းစေဘို့ မေတ္တာရေစင် သွန်းလောင်း ပေးတယ်။ တပတ်လုံး ရယ်စရာ၊ ရွှင်စရာ ကစားကြ၊ မြူးဆော့ကြ။

ဆင်းရဲသားသာ မကသူဌေးများပါ။
အဆင့်နှိမ့်သူကော မြင့်သူများလည်းပဲပါ
တိုင်းသူ၊ပြည်သားကော အုပ်ချုပ်သူများပါ
ဗမာနဲ့တိုင်းရင်းသားအားလုံး ညီအစ်ကိုမောင်နှမစိတ်ရင်းနဲ့ အသက်ရေကိုပက်ဖျန်းကြတယ်။

ဒီသင်္ကြန်ပွဲဟာမိတ်ဆွေဖွဲ့တဲ့ပွဲ။စစ်အစိုးရအချိန်မှာကော နှစ်စဉ်ကျင်းပစမြဲ ဖြစ်တယ်။ ဒီနှစ် Easter Paschal ပွဲနဲ့ သင်္ကြန်တပတ်ထဲ ဆုံပြီး(၂)ဘက် စလုံးက အထူး ဘာသတင်းပြောချင်သလဲ။ ဒို့ဟာမိသားစုကြီး တစ်ခုဖြစ်တယ်။ ရန်အမုန်းများ ပယ်ရှားပြီး ပြေလည်ပြီ။ မိတ်ဆွေဖြစ်ကြပြီ ဆိုတဲ့သတင်းပဲ ဖြစ်တယ်။

ခါတော်သင်္ကြန်ပွဲနဲ့ Easter ပွဲ၂ခုစလုံးက ဒို့ကိုလူအသစ် အပြစ်နဲ့အမုန်း တရားများမှ ကင်းတဲ့ သူတော်ကောင်းများ ဖြစ်ကြပြီလို့ကြေငြာနေတယ်။ ညီအစ်ကို မောင်နှမ အဖြစ်အသစ်မွေးဖွါးကြပြီ။ ၂၀၁၄ဟာမြန်မာ ပြည်သူ/သားတွေအတွက် အရေးပါ အဓိပ္ပါယ်ရှိဆုံး သတင်းဖြစ်တယ်။

ဒို့လူသစ်များဖြစ်လို့ ရှင်ပေါလူးဟာ အထူးဝမ်းမြောက်ရွှင်လန်းတယ်။
“မည်သူမဆို သခင်ယေဇူး၌ရှိလျှင် အသစ်ပြုပြင်သောသတ္တ၀ါဖြစ်၏။ဟောင်းသော အရာတို့သည် ပြောင်းလဲ၍ ခပ်သိမ်းသောအရာတို့သည် အသစ်ဖြစ်ကြပြီ။ ဘုရား သခင်သည် ယေဇူးအားဖြင့်ငါတို့၏ ရန်ကိုငြိမ်းစေ၍ ကိုယ်တော်နှင့် မိတ်ဿ ဟာယ ဖွဲ့စေတော်မူ၏။

ပါစကားပွဲတော်နဲ့သင်္ကြန်ဟာကျွန်ုပ်တို့လက်တွေ့ဘ၀မှာဘယ်အကျိုး ရစေပါသလဲ။

- ဘုရားနဲ့ကိုယ်နဲ့မိတ်ဖွဲ့ခြင်း၊

ဝါတွင်းရက်(၄၀)ကို ကိုယ်ကျင့်တရားပြုပြင်ပြီး ဆုတောင်း၊၀ါရှောင်ခဲ့ကြပြီ။ ကျွန်ုပ် တို့ရဲ့ ကယ်တင်ခြင်းသမိုင်းကို အကျဉ်းချုပ်လေ့လာခဲ့ကြပြီ။ ဒို့ကိုလာ ကယ်ဆယ်တဲ့ သခင်ယေဇူးကိုယ်တိုင်တောကန္တာရထဲမှာ စုံစမ်းနှောက်ယှက်ခြင်းခံခဲ့ရတယ်။ (မာတေဦး၎) အပြစ်ရဲ့ကျေးကျွန်မှလွတ်မြောက်ဘို့ ဒို့ကြိုးစားခဲ့တယ်။ ရှင်ပေါလူးကိုယ်တိုင် ၀ိညာဉ်ပကတိနဲ့ ဇာတိပကတိ လွန်ဆွဲသလို ရုန်းကန်ခဲ့တယ်။ ဒို့လဲပဲ အကောင်းနဲ့ အဆိုး တောင်နဲ့မြောက် ကဒိမ်းကဘား ရုန်းကန်နေဆဲ ဖြစ်တယ်။ မကောင်း အဆိုးအပြစ်ဟာ ဒို့ကိုဖျက်စီးဘို့ တံခါးဝမှာစောင့်နေတယ်။ ဒါကြောင့်မို့ပဲဘုရားနဲ့ ဒို့- ဒို့နဲ့ဒို့အချင်းချင်း မိတ်ဆွေပျက်ပြားခဲ့တယ်။ ဘုရားရှင်နဲ့ဆက်နွယ်မှုကို ပြန်လည်ရရှိဘို့ အိမ်ကထွက်ခွါသွားတဲ့ သားလေးလိုပဲ အဖဆီကိုပြန်လာဘို့ အချိန်ဖြစ်တယ်။ It is the time to return to God.
- မိသားစုမှာပြန်လည်ကျေအေးခြင်း
ဒို့ဟာ အဖွဲ့အစည်းမိသားစုနဲ့နေကြတယ်။ ဒို့ကိုးကွယ်တဲ့ဘုရားဟာလဲ၊ခမည်းတော်၊ သားတော်- ၀ိညာဉ်တော်အဖွဲ့နဲ့စံပယ်တဲ့ ဘုရားဖြစ်တယ်။ ဒီခေတ်မှာ စိန်ခေါ် ခံရဆုံးဟာ အိမ်ထောင်မိသားစုဖြစ်တယ်။အသက်ထက်ဆုံး အတူတူနေဘို့ ပဋိညာဉ် သစ္စာဆောက်တည်ရတယ်။ ကမ္ဘာဦးကျမ်းမှာ အကြင်လင်နဲ့မယား ကို ကောင်းကြီး မင်္ဂလာပေးထားတယ်။ ထိုသူ ၂-ဦးတို့သည် တသားတကိုယ်တည်း ဖြစ်ရလိမ့်မည်။ (ကမ္ဘာဦး ၂း၂၄) ဒီနေ့ကမ္ဘာကြီးဟာအိမ်ထောင်မိသားစုများကို စိန်ခေါ်နေတယ်။ ပါစကားပွဲသည် ကွဲပြားနေသောမိသားစုများ အတွက်
မျှော်လင့်စရာဖြစ်ပြီး ပြန်လည်ကျေအေး ဘို့ဖြစ်တယ်။

- အချင်းချင်းကျေအေးရုံမက- ရန်သူများနဲ့လည်း ကျေအေး "သင်တို့၏ ရန်သူများကိုချစ်ကြလော့။ ကိုယ်ကိုမုန်းတီးသောသူတို့ကိုအကျိုးပြုကြလော့။ (မာတေဦး ၅း၄၄)

ခရစ်တော်သခင်ရဲ့သတင်းစကားဟာထောင်သောင်းမကလူပုဂ္ဂိုလ်များကိုလမ်းညွှန် ပေးတယ်။

Gandhi, Martin Luther King နဲ့ ကိုယ်နယ်ကိုယ်မြေမှာ နေထိုင်ကြတဲ့ ပုဂ္ဂိုလ်များကို ခွန်အားဖြစ်စေတယ်။ ဒို့အားလုံးဟာ သခင်ယေဇူးရဲ့ တခုတည်း သောခန္ဓာကိုယ်၊ အစိတ်အပိုင်းများဖြစ်တယ်။
မြန်မာပြည်သူ ပြည်သားတိုင်း မျှော်လင့်ချက် ကိုယ်စီနဲ့တမ်းတနေကြတယ်။ လွန်ခဲ့တဲ့နှစ်(၆၀) ဖြစ်ခဲ့တဲ့ ပြည်တွင်း စစ်အစိုးရတပ်နဲ့ တိုင်းရင်းသားလူမျိုးစုစစ်ပွဲများ ပြီးဆုံးတော့မယ်။ ငြိမ်းချမ်းရေး သဘောတူစာချုပ် မူကြမ်းရေးဆွဲပြီးပြီ။ ငြိမ်းချမ်းရေး အရေးကြီးပါတယ်။
No Peace no progress
No peace no democracy
No progress no democracy

မြန်မာပြည်ရှိအသင်းအဖွဲ့များ ကျေအေးနိုင်ခြင်း ဒီနိုင်ငံတော်ကြီးထဲမှာ ဒို့အားလုံးဟာ ညီအစ်ကိုမောင်နှမများဖြစ်ကြတယ်။ ညီအစ်ကိုမောင်နှမ မိသားစု စိတ်ဓါတ်မရှိရင် ကမ္ဘာကြီးမှာ ငြိမ်သက်ခြင်းလည်းမရှိနိုင်ဘူးလို့ ရဟန်းမင်း သူတော်မြတ Francis က မြွတ်ဆိုခဲ့တယ်။ မြန်မာ့သမိုင်းမှာ ဗမာလူမျိုးများသာ အစစအရာရာပိုင်ဆိုင်ခွင့် စိုးပိုင်ခွင့်ရှိပြီး ကျန်ရှိ တိုင်းရင်းသားများ စိုးစံရပိုင်ခွင့် မရှိခဲ့ရသည့်အတွက် ပြည်းတွင်းစစ် ပဋိပက္ခနဲ့အားလုံးအတိဒုက္ခရောက်ခဲ့ကြတယ်။

ရှင်ပြန်တဲ့သခင်ယေဇူးက သတင်းဆန်းလေးတစ်ခုယူလာတယ်။ “Peace be with you” (LK 24;36)

သင်တို့၌ငြိမ်းချမ်းရေးရှိစေတည်း။
ရဟန်းမင်းသူတော်မြတ် ဆဌမမြောက်ပေါလူးပြောတဲ့စကားတခွန်းရှိတယ်။ ကျွှန်ုပ်တို့ နဲ့ကိုက်ညီပါတယ်။ ငြိမ်သက်ခြင်းလိုချင်ရင် တရားမျှတမှုရှိဘို့ကြိုးစားပါ။ တိုင်းရင်းသား လူမျိုးစုငယ်လေးတွေ
နေထိုင်ရာနေရာများမှာ တရားမျှတမှု Supply နည်းနေတယ်။ စည်းပွားရေးလုပ်ငန်းရှင်များ၊ ကုမ္မဏီရှင်များ တရားခြင်း၊ မျှတခြင်းကို အရေးပေးအာရုံပြုဘို့ လိုအပ်ပါတယ်။ ဓမ္မဟောင်းမှဘုရား ရှင်ပြန်ထမြောက်သော ဘုရားဟာ တရားမျှတခြင်းနဲ့စိုးမိုးတော်မူပါတယ်။

တရားမျှတခြင်းစီကိုဦးတည်ခြင်းဟာ လူမျိုးစု(၁၃၅)ခုရဲ့ပြန်လည်ကျေအေးခြင်းကိုဦးတည်တာနဲ့အတူတူပါပဲ။

- မတူခြားနားခြင်းဟာ သိက္ခာတစ်ခုပါ။
ရိုသေကြပါစို့၊ ကျေအေးကြပါစို့။

ဖန်ဆင်းထားသော ပတ်ဝန်းကျင်နဲ့ ကျေအေးရခြင်း

သံယံဇာတနဲ့ပြည့်စုံကြွယ်ဝတဲ့ ကျွန်ုပ်တို့ရဲ့မြေဟာ လွန်ခဲ့တဲ့နှစ်(၆၀)မှာ အဆိုးဝါး ဆုံး ဖျတ်စီးခြင်းခံခဲ့ရတယ်။ စည်းပွားရေးသမားများ အာဏာ အလွဲသုံးစာသူများ ကိုယ့်ကျိုးရှာအမြတ်ထုတ်နေတဲ့အခါ ဒို့နိုင်ငံချစ်ပြည်ချစ်သူများဟာ ကိုယ့်သံယံ ဇာတကို ကာကွယ်ရမယ်။
မြစ်ရေကိုလုံခြုံစေရမယ်။ သစ်တောများကို ထိန်းသိမ်း ရမယ်။ မြေကိုခုခံပေးရမယ်။ ဘုရားပေးထားတဲ့ ဘုရားဖန်ဆင်းထားတဲ့အရာ ဟူသမျှနဲ့ ကျေအေး စေရမယ်။

သခင်ယေဇူးဟာ ကျွန်ုပ်တို့ရဲ့ ခန့်ညားလှတဲ့တာဝန်ကြီးကို သတိပေးနေတယ်။ မိမိကိုယ်တိုင် ဒို့ကိုအခွင့်လွတ်ပြီး ကျေအေးစေခဲ့သလို ဒို့သည်လည်းပဲ ကိုယ့်ကိုမှား မိထိခိုက်သူများစီ သွားပြီးရှာပြီ
ကျေအေးအောင်ပြုပါ။ ဘုရားရှင်ရဲ့ စံနမူနာကို လိုက်ပြီး ကိုယ်ကိုနာအောင်လုပ်သူ ဒုက္ခပေးတဲ့လူ မှားတဲ့လူကို အခွင့်လွတ်ပါ။ ကိုယ်တိုင်ပဲအစပျိုး၊ စလှမ်း၊ စသွားပြီး။ အခွင့်လွတ်ပါ။ သူများလာ ဘို့စောင့်မနေပါနဲ့။

တမျိုးအားဖြင့်ပြောရရင် “ကိုယ်ကဘုရားဖြစ်စေပါ။” ကျမ်းချက်ကို နားထောင်ရ အောင်။ “အသက်ရှင်သော သူတို့သည်တဖန်၊ ကိုယ့်အလိုသို့ လိုက်၍မရှင်။ ဒို့အတွက် အသေခံပြီးမှ ထမြောက်တော်မူသောသူ၏ အလိုသို့ လိုက်၍ ရှင်စေမည်။

လူအတွေးနဲ့မတွေး ဘုရားအတွေးနဲ့တွေးရင် ဘုရားနဲ့တူဘုရားဖြစ်တယ်။ ဘယ် အချိန်မှာဖြစ်မလဲ။ကျေအေးအောင် လုပ်တက်တဲ့သူများ ဘုရားနဲ့ တူပါတယ်။

ဒါကြောင့် ဒို့နဲ့သခင်ယေဇူးဘယ်အချိန်အတူဆုံးလဲ။ သူလုပ်တဲ့အတိုင်း ဒို့လုပ်ရင်၊ သူဟာကာလရ်ဝါရီတောင်ထိပ်မှာ ထူးခြားအံ့သြတဲ့ လက်ဆောင်မွန်ပေးခဲ့တယ်။ forgiveness အခွင့်လွတ်တယ်။ ကျေအေး စေတယ်။

အဆုံးမသတ်ခင်-လက်တွေ့ကျတဲ့အချက်လေး၊ အကြံပြုချင်တယ်။ ကိုယ်ဟာ ဘုရားသခင်ရဲ့ တမန်တော်သံအမတ်ဖြစ်တယ်။ အခုပေါ်ထွက်ခါစဖြစ်တဲ့- “ ပန်းစကား” နှုတ်ထွက်စကားလုံးဟာ ပန်းပွင့်ကဲ့သို့ တူနိုင်ဘို့ကြိုးစား ကြရအောင် ပန်းစကားရဲ့နှိုးဆော်မှုဟာ တပါးသူကိုတိုက်ခိုက် ဆန့်ကျင်တဲ့ စကားမျိုးကို ဆန့်ကျင်ရှုတ်ချသော အဖွဲ့ဖြစ်တယ်။ ရိုးသားသော ဗုဒ္ဓဘာသာဝင်များတောင် ဆန့်ကျင်ဟောပြောတဲ့စကား၊ တရားကြောင့်- တခြားသူများအပေါ် အမြင်စောင်း တယ်။ တစ်ခုခုဖြစ်လာရင် အကြမ်းဖက်ချင်လာတယ်။ ဒါမျိုးတစ်ပါး သူတိုက်ခိုက် စကားမျိုးကိုအစိုးရက ကိုင်တွယ်ဘို့ကောင်းတယ်။ အခုထိ-ရေငုံနှုတ်ပိတ် နေသေး တယ်။

အတိုချုပ်အားဖြင့်- ပါစကားရဲ့ သတင်းကောင်းဟာ ကိုးကွယ် ဘာသာတိုင်း ကိုရိုသေကြဘို့၊ အကောင်းမြင်တက်ဖို့ဖြစ်တယ်။ ဘာသာရေးခေါင်းဆောင်များဟာ မိမိကိုးကွယ်ရာ ဘာသာကောင်းမွန် မြင့်မြတ်ကြောင်းကို ဟောပြောရမယ်။ တခြား ဘာသာကို တိုက်ခိုက်၊ ရှုတ်ချမှုတွေ ရှောင်ရှားသင့်တယ်။ တခြားဘာသာကို ရိုသေလေလေ – ကိုယ့်ဘာသာကိုပိုမွန်မြတ်စေတယ်။ လေးစားစေတယ်။

မတူခြားနားခြင်းဟာ ဂုဏ်သိက္ခာဖြစ်တယ်။ အန္တရာယ်မဟုတ်ပါဘူး။ ဒို့အားလုံး ဒီမြေ၊ ဒီနိုင်ငံနဲ့ပတ်သက်ကြရတယ်။ မတူခြားနားခြင်းကိုလေးစားရင် ငြိမ်းသက် ခြင်း၊ တိုးတက်ခြင်းရလဒ်ရပါတယ်။မတူခြားနားတာကိုမုန်းတီး ဆန့်ကျင်ရင် ပြည်တွင်းစစ်နဲ့လူတွေအိုးအိမ်နေရာပျောက်ဆုံးကြရမယ်။

အနာဂတ်ရဲ့အာရုဏ်ဦးကိုမျှော်ကိုးနေတဲ့ ဒို့ရဲ့နုနယ်သေးတဲ့နိုင်ငံမှာ အမြင်ကျဉ်း၊ အမြော်အမြင်မရှိတဲ့ အဖွဲ့လေးတစ်ဖွဲ့ရဲ့ ပယောဂမှိုင်းထဲ မမိဘို့သတိထားရပါမယ်။

ဒို့ရဲ့နိုင်ငံတော်အသစ်မှာအမုန်းတရားအတွက်နေရာမရှိ။ မြန်မာပြည်ရဲ့ ပန်းတိုင် ဟာ- ငြိမ်းချမ်းခြင်းနဲ့တိုးတက်ခြင်းဖြစ်တယ်။ ဒီသက်တန့်နိုင်ငံတော်ရဲ့ မတူခြားနား ခြင်းများကိုလက်ခံကျင်းပကြရအောင် အသက်နဲ့မေတ္တာကို ရွေးကြရအောင်။

ရှင်ပြန်သောခရစ်တော်သခင်ယေဇူး အားလုံးကိုကောင်းကြီးပေးပါစေ။

ဆရာတော်ကြီးချားစ်လ်ဘို
ရန်ကုန်ကက်သလစ်ဂိုဏ်းချုပ်သာသနာ

http://www.catholicmyanmar.org/hot-news-1/eastermessage2014 မှ တဆင့်ကူးယူဝေငှသည်။

(၄၈) ကြိမ်မြောက် ကမ္ဘာ့ဆက်သွယ်ရေးနေ့ အတွက် နိုးဆောင်ခြင်း

စစ်မှန်သောယဉ်ကျေုးမှု၏ ဆုံစည်းခြင်းကိုဆောင်ကျဉ်းပေးသော ဆက်သွယ်ရေး

(၄၈)ကြိမ်မြောက် ကမ္ဘာ့ဆက်သွယ်ရေးနေ့အတွက်  ပုပ်ရဟန်းမင်းကြီးဖရန်းစစ်၏ သ၀ဏ်လွှာ
သခင်ခရစ်တော်မိုးကောင်းကင်သို့တက်ကြွတော်မူသောပွဲနေ့
(၁၊၆၊၂၀၁၄)

စစ်မှန်သောယဉ်ကျေုးမှု၏ ဆုံစည်းခြင်းကိုဆောင်ကျဉ်းပေးသော ဆက်သွယ်ရေး

ချစ်လှစွာသောညီအစ်ကိုမောင်နှမအပေါင်းတို့

ယနေ့ ကျွန်ုပ်တို့၏ ကမ္ဘာသည် တဖြည်းဖြည်းပို၍ ပို၍ သေးငယ်လာကာ အကျိုးဆက်အားဖြင့် ကျွန်ုပ်တို့အားလုံးအတွက်  မိတ်ဆွေများ ဖြစ်လာရန် ပိုမို လွယ်ကူလာသည့် ကမ္ဘာကြီးတွင် နေထိုင်နေကြသည်။ ခရီးသွားလာခြင်းနှင့် လူမှုဆက်သွယ်ရေး နည်းပညာများ၏ တိုးတက်ဖြစ်တည်မှုတို့သည် ကျွန်ုပ်တို့အချင်းချင်း ပို၍နီးစပ်အောင် သယ်ဆောင်နေပြီး ပိုမိုချိတ်ဆက် စေသည်။ ဂလိုဘယ်လိုက်ဇေးရှင်း (ကမ္ဘာအနှံ့ဖြစ်စဉ်)ကဲ့သို့ ကျွန်ုပ်တို့အချင်းချင်း မှီခိုရပ်တည်နေမှုအား ပို၍တိုးလာ စေပါသည်။ မည်သို့ပင်ဆိုစေကာမူ ကွဲပြားခွဲခြားခြင်းများ (တခါတလေပို၍ နက်ရှိုင်းသည့် ကွဲပြားခွဲခြားခြင်းများ) သည် ကျွန်ုပ်တို့လူသားမိသားစုအကြားတွင် ဆက်လက်တည်ရှိနေပါသည်။ တစ်ကမ္ဘာလုံး အတိုင်းအတာသည် ဥစ္စာ၊ဓန ကြွယ်ဝသော လူကုံတန်သူကြွယ်များနှင့် ချို့တဲ့လွန်းသည့် ဆင်းရဲသား လူတန်းစားများအကြားရှိ ရှယ်ဖွယ်ကောင်းသည့် အတုယူမှားစေသော ခြားနားချက်ကြီးကို ကျွန်ုပ်တို့မြင်တွေ့နေရ ပါသည်။ တစ်ခါတစ်ရံ လမ်းမပေါ်တွင် နေထိုင် နေကြသည့်လူများနှင့် စတိုးဆိုင်ကြီးများ၏ ပြတင်းပေါက်မှ တောက်ပနေသည့် အလင်းရောင်များ၏ ဆန့်ကျင်နေမှု့ များကို တွေ့ရှိရန် မြို့၏လမ်းမများပေါ် လျှောက်ကြည့်ရုံသာ လိုပါသည်။ ထိုအရာများနှင့်ကျွန်ုပ်တို့သည် အလွန်နေသားကျ လာနေပြီးဖြစ်၍ ၄င်းတို့သည် ကျွန်ုပ်တို့အား နေမထိထိုင်မတတ်မဖြစ်စေတော့ပေ။ ကျွန်ုပ်တို့၏ကမ္ဘာကြီးသည် ဖယ်ထုတ်ခြင်း၊ ဘောင်ခတ်ခြင်းနှင့် ဆင်းရဲမွဲတေခြင်း စသည့်ပုံစံအမျိုးမျိုးနှင့် ဒုက္ခဝေဒနာများစွာ ခံစားနေရပါသည်။ စီးပွားရေးရာ၊ နိုင်ငံရေးရာ၊ သဘောတရား အတွေးအမြင်များဆိုင်ရာနှင့် ၀မ်းနည်းစွာပြောရမည်ဆိုလျှင်ဘာသာရေးဆိုင်ရာ စေ့ဆော်မှုများ ရောနှော၊  ရောစပ်ခြင်းမှပေါက်ဖွားလာသည့် ပဋိပက္ခများအား မည်မျှပြောဆိုခြင်း မရှိရာမှလည်း ကျွန်ုပ်တို့ ကမ္ဘာကြီးသည် ဒုက္ခဝေဒနာများ ခံစားနေရပါသည်။
 

ဤသို့ဖြစ်ပျက်နေသည့်ကမ္ဘာတစ်ခုတွင် ပြန်ကြားဆက်သွယ်ရေးမီဒီယာသည် ကျွန်ုပ်တို့အား တစ်ဦးနှင့်တစ်ဦး ပို၍နီးစပ် စေရန် ကူညီပေးနိုင်ပါသည်။ လူသားမိသားစု၏စည်းလုံးခြင်း တန်ဖိုးအမြင်တစ်ခုကိုဖန်တီးပြီးထိုမှတဖန် အားလုံးသော သူတို့၏ ဘ၀အသက်တာတို့သည် လူ့ဂုဏ်သိက္ခာမြှင့်တင်စေမည့် အထူးကြိုးပမ်းမှု့များနှင့် လူသားအားလုံးတသားတည်း၊ တတန်းတည်း လက်ခံနေထိုင်နိုင်ကြစေရန် ခွန်အားပေးစေပါလိမ့်မည်။ ကောင်းသည့် ဆက်သွယ်ဆက်ဆံရေးတို့သည် ကျွန်ုပ်တို့အား တစ်ဦးနှင့်တစ်ဦး ပို၍နီးစပ်စေသကဲ့သို့ ခင်မင် သိစေလာကာ နောက်ဆုံးတွင် စည်းလုံးခြင်းကို တိုးတက် ဖြစ်ထွန်းစေပါသည်။ အကယ်၍ ကျွန်ုပ်တို့သည် အချင်းချင်း နားထောင်ပေးနိုင်ရန်နှင့် တစ်ဦးထံမှတစ်ဦး လေ့လာကြလျှင် ကျွန်ုပ်တို့အား ပိုင်းခြားခွဲခြားထားသည့် နံရံများသည် ပြိုလှဲနိုင်ပါသည်။ ကျွန်ုပ်တို့အချင်းချင်းနားလည်မှုနှင့် အပြန်အလှန် လေးစားမှုများ တိုးပွားစေနိုင်သည့် စကားပြော ဆွေးနွေးကြခြင်းအားဖြင့် ကျွန်ုပ်တို့အကြားရှိ မတူကွဲပြားမှု့များကို ညှိနှိုင်း ယူ၍ရပါသည်။ တွေ့ဆုံ၊ ဆုံစည်းရာ ယဉ်ကျေးမှု့တစ်ခုသည် ကျွန်ုပ်တို့အား ပေးဆပ်ရုံသက်သက်မဟုတ်ဘဲ လက်ခံရယူရန်နှင့် အဆင်သင့် ဖြစ်နေကြရန် တောင်းဆိုနေပါသည်။ ၎င်းအတွက် မီဒီယာသည် အထူးကူညီနိုင်ပါသည်။ အထူးသဖြင့်  လူမှုဆက်သွယ် ဆက်ဆံရေး ကွန်ယက်များသည် မထင်မှတ်လောက်အောင် ရှေ့ပြေးတိုးတက်မှုများ ဖြစ်စေသည်ယနေ့ခေတ်ကာလတွင်ပို၍ပင် ကူညီပေးနိုင်ပါသည်။ တစ်ခုချင်းထောက်ပြရလျှင် အင်တာနက်ပါ။ အင်တာနက်သည် တွေ့ဆုံ၊ ဆုံစည်းရန်နှင့် တသားတည်း၊ တတန်းတည်းဖြစ်ရန် ကြီးမားသည့် ဖြစ်နိုင်ချေများစွာကို ကမ်းလှမ်းနေပါသည်။ ထိုအရာသည် အမှန်တကယ် ကောင်းလှသည့် ဘုရားသခင်ထံမှ လက်ဆောင်တစ်ခုဖြစ်သည်။

သို့သော် ပြဿနာများမရှိဟုပြောဆိုခြင်းမဟုတ်ပါ။ သတင်းအချက်လက်များချိတ်ဆက်၊ ဆက်သွယ်ရာအရှိန်သည် ကျွန်ုပ်တို့ ပြန်လည်စဉ်းစားမှုနှင့် စီရင်ချက်ချမှု စွမ်းအားများထက်ပို၍ကြီးမားနေပါသည်။ ထို့နောက် ၎င်းသည် ပို၍ညီမျှရန် နှင့် မိမိကိုယ်ကိုထုတ်ဖော်သည့် သင့်လျော်သောပုံစံများကိုဖန်တီးမပေးပါ။ ထုတ်လွှင့်လိုက်သော မြောက်များ လှသည့် ထင်မြင်ချက်များသည် အထောက်အကူဖြစ်သည်ဟုဆိုနိုင်သော်လည်း ၎င်းတို့သည် လူများကို မိမိတို့သဘောကျ သဘောတူသည့် ဆန္ဒနှင့်အယူအဆများ၊ သို့မဟုတ် နိုင်ငံရေးနှင့် စီးပွားရေး စိတ်ဝင်စားမှုများကိုသာ ဖော်ထုတ်နေသည့် သတင်းအရင်းအမြစ်၏ နောက်ကွယ်၌ အခုအခံယူရန် လည်းဖြစ်စေပါသည်။ ကမ္ဘာကြီး၏ လူမှုဆက်သွယ်ဆက်ဆံရေးသည် ကျွန်ုပ်တို့အား အသိပညာများ တိုးချဲ့ရန် ကူညီပေးနိုင်သကဲ့သို့မိမိတို့၏ လမ်းကြောင်း များကိုလည်း ပျောက်ဆုံးစေနိုင် ပါသည်။ ဒီဂျစ်တယ်နည်းလမ်းဖြင့် ချိတ်ဆက်၊ ဆက်သွယ်လိုသည့် ဆန္ဒသည် ကျွန်ုပ်တို့အား ကျွန်ုပ်တို့၏ မိတ်ဆွေများ၊ အနီးစပ်ဆုံးသူများမှ အဆက်အသွယ်ပြတ်စေနိုင်ရန် ဆိုးကျိုးသက်ရောက် စေနိုင်ပါသည်။ အကြောင်းအမျိုးမျိုးကြောင့် လူထုဆက်သွယ်ရေးမီဒီယာကို မသုံးနိုင်သည့် သူများသည် ဘေးပယ်ခံရသည် အချက်ကို ကျွှန်ုပ်တို့လစ်လျုမရှုသင့်ပေ။

ဤအားနည်းချက်များသည် အမှန်တကယ်ရှိနေသော်လည်း ၎င်းတို့သည် လူထုဆက်သွယ်ရေးမီဒီယာကို ငြင်းဆန်ရန် မပြုလုပ်ကြပါ။ အမှန်တကယ်ပင် ဆက်သွယ်ဆက်ဆံရေးသည် နည်းပညာအောင်မြင်မှုထက် လူသား၏အောင်မြင်မှု စစ်စစ်တစ်ခုဖြစ်ကြောင်း သတိပေးနေပါသည်။ ထိုသို့ဆိုလျှင်၊ လူသားပီသခြင်းနှင့်လူသား အချင်းချင်း နားလည်မှုများ တိုးတက်လာရန် ဒီဂျစ်တယ်လောက အသိုင်းအ၀ိုင်းသည်  အထောက်အကူဖြစ်စေရန် မည်သို့များ ဖြစ်နေနိုင်မည်နည်း။ ဥပမာအားဖြင့် ကျွန်ုပ်တို့သည် စစ်မှန်သောစိတ်ပိုင်းဖြတ်မှုနှင့် စိတ်ငြိမ်သက်သော အာရုံတစ်ခုလိုအပ်ပါသည်။ ထိုအတွက် ငြိမ်သက်စွာနေတတ်ရန်နှင့် နားထောင်နိုင်ရန် အချိန်နှင့်အရည်အချင်းများ လိုအပ်နေပါသည်။ ကျွန်ုပ်တို့ နှင့်မတူကွဲပြား ခြားနားသော သူများကိုနားလည်လိုလျှင် ကျွန်ုပ်တို့သည် စိတ်ရှည်တတ်ရန်လည်း လိုအပ်သည်။ လူများသည် ၎င်းတို့အား သာမန် သည်းခံပေးရရုံထက် အမှန်ကို လက်ခံပေးခံရမှသာ မိမိကိုယ်ကို အပြည့်အ၀ ဖော်ထုတ်ပြလေ့ရှိကြသည်။ အကယ်၍ ကျွန်ုပ်တို့သည် သူတစ်ပါးအား အမှန်တကယ် စိတ်အားထက်သန်စွာဖြင့် နားထောင်ပေးလျှင် ကမ္ဘာကြီးအား အမြင်မတူသည့် မျက်လုံးဖြင့် ကြည့်တတ်ရန် လေ့လာမိ စေလိမ့်မည်။ မတူညီသည့်ယဉ်ကျေးမှုနှင့် ရိုးရာဓလေ့ ထုံတမ်းများတွင် ဖော်ကျူးပြ နေသော ကြွယ်ဝ၊ မြောက်များလှသည့် လူသားတို့၏အတွေ့အကြုံများကို နှစ်သက်တတ်လာ ပေလိမ့်မည်။ ထို့အပြင် ခရစ်ယာန် ဘာသာတရားအားဖြင့် လှုံ့ဆော်ခွန်အားပေးနေသည့် အရေးကြီးတန်ဖိုးများကိုလည်း နှစ်သက် တတ်လာရန် လေ့လာမိ ပါလိမ့်မည်။ ဥပမာ- လူသားတစ်ဦး၏ တန်ဖိုးကိုသိမြင်ခြင်း၊ လက်ထပ်ထိမ်းမြှားခြင်း၏ သဘောသဘာဝ နှင့်မိသားစု၊ ဘာသာရေးနှင့်နိုင်ငံရေးနယ်ပယ်တို့အကြားတွင် သင့်လျော်သည့် စည်းခြားခြင်း၊ လူသားများ တသားတည်း တတန်းတည်း နိယာမများနှင့် ပံပိုး ကူညီထောက်ပံ့ခြင်း စသဖြင့် အခြားများစွာသော တန်ဖိုးရှိသည့် အရာများ ပါဝင်သည်။

ထိုသို့ဆိုလျှင်၊ ဆက်သွယ်ဆက်ဆံရေးသည်စစ်မှန်သောယဉ်ကျေးမှု၏ ဆုံစည်းခြင်းကို မည်သို့ဖြစ်နိုင်မည်နည်း။ သခင်ခရစ်တော်၏ တပည့်များဖြစ်သည့် ကျွန်ုပ်တို့အတွက်လည်း ဧ၀ံဂေလိ တရားတော်၏ အလင်း၌ အခြားသူများနှင့် ဆုံတွေ့၊ ဆုံစည်းခြင်းဆိုသည်မှာ မည်သို့ ဖြစ်မည်နည်း။ ကျွန်ုပ်တို့၏ ကိုယ်ပိုင် အကန့်သတ်များနှင့် အပြစ်သဘော သဘာဝတို့ ရှိနေသည့်တိုင်အောင် ကျွန်ုပ်တို့အချင်းချင်းစစ်မှန်စွာနီးစပ်နိုင်ရန် မည်သို့ ဆွဲခေါ်၊ ဆွဲယူနိုင်မည်နည်း။ ထိုမေးခွန်းများအား  “အဘယ်သူသည် ကျွန်ုပ်၏နီးစပ်သူ ဖြစ်သနည်း (လုကာ ၁၀း၂၉)” ဟူ၍ ကျမ်းတတ်ဆရာ၊ ဆက်သွယ် ဆက်ဆံသူက သခင်ခရစ်တော်အား တစ်ခါမေးခဲ့သည့် မေးခွန်းတွင် အကျဉ်းချုပ် တွေ့နိုင်ပါသည်။ ရိုင်းပင်းကူညီတတ်သည့် မိတ်ဆွေဖြစ်ခြင်း ဆိုသည့် စကားရပ်ဖြင့် ဆက်သွယ်ဆက်ဆံရေးကို မြင်တွေ့နိုင်ရန် ကျွန်ုပ်တို့အား ဤမေးခွန်းသည် ကူညီပါလိမ့်မည်။ ဤမေးခွန်းနှင့် ပုံစံတူပြန်ဖွဲ့မေးရလျှင် - ဒီဂျစ်တယ်နည်းပညာဖြင့် ဖန်တီးထားသည့် ပတ်ဝန်းကျင် အသစ်တွင်၎င်း၊ ဆက်သွယ်ဆက်ဆံရေးမီဒီယာအား အသုံးပြုရာတွင် ကျွန်ုပ်တို့အနေဖြင့် ရိုင်းပင်းကူညီ တတ်သည့် နီးစပ်ရာ မိတ်ဆွေအဖြစ် မည်သို့ဖြစ်နိုင်ပါမည်နည်း။ ၎င်းမေးခွန်း၏အဖြေကို ကောင်းသောဆာမာရိတန်၏ ပုံဥပမာထဲတွင် ကျွန်ုပ်တွေ့ရှိရပါသည်။ တနည်းအားဖြင့်ထိုဥပမာသည် ဆက်သွယ်ဆက်ဆံရေးပုံဥပမာလည်းဖြစ်သည်။ ဆက်သွယ် ဆက်ဆံမှု ပြုလုပ်သူတိုင်းသည် တနည်းမဟုတ်၊တနည်းအားဖြင့် နီးစပ်ရာမိတ်ဆွေများဖြစ်လာကြသည်။ ကောင်းသော ဆာမာရိတန်သည် လမ်းဘေးတစ်ဖက်တွင် သူတွေ့ရှိသည့် သေလုမျောပါးဖြစ်နေသောလူအား သူနှင့်ပို၍ နီးစပ်လာအောင် ဆွဲခေါ်၊  ဆွဲယူရုံမက ထိုသူ့အတွက်ပါ တာဝန်ယူပေးခဲ့ပါသည်။ ယေဇူးသခင်သည် ကျွန်ုပ်တို့၏နားလည်ခြင်းကို အကွက်ရွှေ့လိုက်သည် - ၎င်းပုံဥပမာသည် အခြားတစ်ယောက်ကို မိမိကဲ့သို့မြင်တတ်၊ ကြည့်တတ်ရုံသာမဟုတ်ဘဲ မိမိကိုယ်ကိုအခြားသူ တစ်ယောက်နှင့် တူအောင် ပြုလုပ်နိုင်သည့် အရည်အချင်းကို ဖော်ပြလိုက်ခြင်းဖြစ်ပါသည်။ ဆက်သွယ်ဆက်ဆံရေးသည် ကျွန်ုပ်တို့အားလုံး လူသားများဖြစ်ကြောင်း၊ ဘုရား၏ သားသမီးများဖြစ်ကြောင်း အမှန်တကယ် သတိထားမိစေပါသည်။ ဤကဲ့သို့ ဆက်သွယ်ဆက်ဆံရေးအစွမ်းကို “နီးစပ်ရာမိတ်ဆွေဖွဲ့ခြင်း”ဟူ၍ မြင်တွေ့ခြင်းကို ကျွန်ုပ်သဘောကျမိပါသည်။

ဆက်သွယ်ဆက်ဆံရေးကိုအခြားသူတစ်ပါးအားသိမ်းကျုံးရန် သို့မဟုတ် ခြယ်လှယ်ရန် အဓိကအားဖြင့် ရည်ရွယ်၍ အသုံးပြုနေသမျှကာလပတ်လုံး ပုံဥပမာထဲမှဓါးပြများလုယက်ရိုက်နှက်ခံထားရပြီး လမ်းဘေးတွင်စွန့်ပစ်ခံထားရသည့် လူ၏ ခံစားရသည့်ဒုက္ခဝေဒနာကဲ့သို့ အကြမ်းဖက်ရန်ပွဲတစ်ခုပုံစံနှင့် ရင်ဆိုင်နေရဦးမည်ဖြစ်ပါသည်။လေ၀ိကြီးနှင့်ရဟန်းတို့သည် ထိုဒုက္ခ၊ဝေဒနာသည်အား ၎င်းတို့၏ နီးစပ်ရာမိတ်ဆွေအဖြစ် မသတ်မှတ်ခဲ့ပေ။ ထိုသူစိမ်းအား ခပ်ဝေးဝေးတွင်သာ ထားခဲ့ ကြသည်။ ထိုခေတ်အချိန်ကာလတွင် ၎င်းသည်ဘာသာရေး အခမ်းအနားဆိုင်ရာ သန့်ရှင်းစင်ကြယ်ခြင်းအမှု၏ စည်းမျဉ်း များဖြစ်၍ ၎င်းလူမျိုးတို့၏ အခြားလူမျိုးအပေါ် တုန့်ပြန်မှုကို ဘောင်ခတ်ပေးခဲ့ ခြင်းဖြစ်ပါသည်။ ယနေ့ခေတ် ကာလတွင် ကျွန်ုပ်တို့၏ စစ်မှန်သည့်နီးစပ်ရာမိတ်ဆွေကို မြင်တွေ့နိုင်ရန် ကျွန်ုပ်တို့၏တုန့်ပြန်မှုများကို အချို့မီဒီယာများမှ ဖန်တီး ပြောင်းလဲစေလျှင် အန္တရာယ်တစ်ခုအမှန်တကယ်ရှိနေပြီဖြစ်သည်။

ဒီဂျစ်တယ်လမ်းမကြီးပေါ်တွင် ဖြတ်သွားဖြတ်လာလုပ်နေရုံနှင့် ဆက်သွယ်ချိတ်ဆက်ရုံဖြင့် မလုံလောက်ပါ။ ဆက်သွယ် ချိတ်ဆက်ခြင်းမှာ အမှန်တကယ်ဆုံတွေ့၊ ဆုံစည်းခြင်းအထိလိုအပ်ပါသည်။ ကျွန်ုပ်တို့သည် သီသန့် ခွဲခြားနေ၍ မရသကဲ့သို့ မိမိတို့အတွင်း၌သာ ပိတ်ဆို့၍လည်းနေ၍မရပါ။ ကျွန်ုပ်တို့သည် ချစ်ရန်နှင့် အချစ်ခံရရန် လိုအပ်ပါသည်။ စိတ်နူးညံ့ရန် လိုအပ်သည်။ မီဒီယာနည်းလမ်းများသည် ဆက်သွယ်ဆက်ဆံရေး၌ အလှတရား၊ ကောင်းမြတ်ခြင်းနှင့် အမှန်တရားတို့ကို လုံးဝသေချာအောင်လုပ်မပေးပါ။ မီဒီယာလောကသည်လည်း လူသားထုကြီးနှင့် ဆက်စပ် သက်ဆိုင် နေရန် လိုအပ်ပါသည်။ ၎င်းသည်လည်းစိတ်နူးညံ့ခြင်းကို ပြသရန်တာဝန်ရှိပါသည်။ ဒီဂျစ်တယ်လောကသည် လူသားထု ဆိုင်ရာ ကြီးမားကျယ်ပြန်သည့် ပတ်ဝန်းကျင် ဖြစ်နိုင်ပါသည်။ ၀ါယာနန်းကြိုးများ၏ ကွန်ယက်မဟုတ်ဘဲ လူသားတို့၏ ကွန်ယက် ဖြစ်ပါသည်။ မီဒီယာ၏ သမာသမတ်ကျခြင်းသည် အပေါ်ယံသက်သက်သာဖြစ်၍ ဆက်သွယ်ဆက်ဆံရေးတွင် မိမိတို့ အတွင်းမှ ရုန်းထွက်သူများ သာလျှင် အခြားသောသူများအတွက် စစ်မှန်သည့် အကျိုးတရား၏ အဓိကအချက် ဖြစ်လာနိုင်ပါသည်။ ကိုယ်ပိုင်ပါဝင်စေ့စပ် တွေ့ဆုံခြင်းသည် ဆက်သွယ် ဆက်ဆံသူ၏ အခြေခံယုံကြည်စိတ်ချရခြင်းပင် ဖြစ်သည်။ အင်တာနက်ကို ကျေးဇူးတင်လျက်၊ ခရစ်ယာန်သက်သေခံချက်သည် လူသားတို့တည်ရှိရာအဆုံးစွန်ထိပင် ရောက်ရှိနိုင်ပေသည်။

ကျွန်ုပ် မကြာခဏ လေ့လာသုံးသပ်မှု ပြုလုပ်ပြီးသည့်အတိုင်း၊ အကယ်၍  လမ်းဆုံများဆီသို့ထွက်သွားနေသော အတွင်းကြေနေသည့် အသင်းတော်ကြီးနှင့် ကိုယ့်အတွင်း ကိုယ်နစ်မွန်းနေသောအသင်းတော်ကြီးအကြား ရွေးချယ်မှု ပြုလုပ်ရ မည်ဆိုပါက ပထမတစ်ခုဖြစ်သည့် အသင်းတော်ကိုအသေအချာ ရွေးမိပါလိမ့်မည်။ ထိုလမ်းများမှာလူသားများ နေထိုင် ကြသည့်ကမ္ဘာကြီးဖြစ်၍ လူသားထုနှင့်၊ ဂဃနဏနွေးထွေးစွာတွေ့ထိနိုင်သည့်လမ်းများဖြစ်ပါသည်။ ကယ်တင်ခြင်းတရား သို့မဟုတ် မျှော်လင့်ခြင်းကို ရှာဖွေ နေကြသည့် နာကျင်မှုဝေဒနာများခံစားနေကြရသည့် လူများစွာသော အမျိုးသားများ/ အမျိုးသမီးများ အတွက် ဤဒီဂျစ်တယ်လမ်းမကြီးသည် ၎င်းလမ်းများထဲမှ တစ်ခုအပါအ၀င်ဖြစ်သည်။ အင်တာနက် အားဖြင့် ခရစ်ယာန် သတင်းကောင်းသည် “ကမ္ဘာမြေကြီး စွန်းတိုင်အောင်”ရောက်ရှိနိုင်ပါသည်(တမန်၁း၈)။ကျွန်ုပ်တို့၏ ဘုရားကျောင်း တော်များကို ဖွင့်ထားပေးခြင်းသည်လည်း ဒီဂျစ်တယ်အသိုင်းအ၀ိုင်းတွင် ဖွင့်ပေးထားခြင်းဖြစ်၍ မည်ကဲ့သို့သောဘ၀၊ အခြေအနေမျိုးတွင်မဆို လူအများဝင်နိုင်စေပြီး ဧ၀ံဂေလိသတင်းကောင်းသည် လူတိုင်းဆီသို့ ရောက်စေနိုင် လာပေသည်။ သာသနာတော်ကြီးသည် လူသားအားလုံး၏ အိမ်ဖြစ်ကြောင်း သက်သေခံပြသရန် ကျွန်ုပ်တို့ ခေါ်တော်မူခြင်း ခံကြရသည်။

ထိုကဲ့သို့သော ပုံရိပ်လွှာရှိသည့် သာသနာတော်ကြီးနှင့် ဆက်သွယ်နိုင်ကြ၏လော။ ဆက်သွယ် ဆက်ဆံရေးသည်ပင် သာသနာ တော်ကြီး တစ်ခုလုံး၏ သာသနာပြုခြင်းခေါ်တော်မူခြင်း ကိုဖော်ထုတ်ပြသရန်အကြောင်းရင်း တစ်ခုဖြစ်ပေသည်။ ယနေ့ လူမှု့ကွန်ယက်များသည် ယုံကြည်ခြင်း၏ အလှတရား၊ ခရစ်တော်နှင့် တွေ့ဆုံရာ အလှတရားကို ပြန်လည် ရှာဖွေ တွေ့ရှိဖို့ရန် ခေါ်တော်မူခြင်း ခံရသည်ကိုတွေ့ကြုံ ခံစားစေရန် လမ်းတစ်ခု ဖြစ်သည်။ ဆက်သွယ်ဆက်ဆံရေး နယ်ပယ်တွင်လည်း ဆက်သွယ် ဆက်ဆံရေးခေတ်တွင် နွေးထွေးသော နှလုံးသား၊ ခွန်အားပေးတတ်သော နှလုံးသားများကို ဆောင်ကျဉ်း ပေးသည့် အသင်းတော်ကြီးကို ကျွန်ုပ်တို့ လိုအပ်ပါသည်။

အကျိုးသက်ရောက်မှုရှိသော ခရစ်ယာန်သက်သေခံခြင်းသည် တစ်ပါးသူအား ဘာသာရေး သွန်သင်ချက်များဖြင့် အတင်းအဓမ္မ တိုက်တွန်းခြင်းမဟုတ်ဘဲ တစ်ပါးသူများအတွက် အဆင်သင့်ဖြစ်နေလိုသည့် ကျွန်ုပ်တို့၏ လိုလားမှု ဆန္ဒအကြောင်းသာ ဖြစ်ပေသည်။ ထိုလိုလားမှု့ဆန္ဒသည်လူသားများအမှန်တရားရှာဖွေရာ၊ လူ့ဘ၀အဓိပ္ပာယ် တို့ကိုရှာဖွေရာ၌ ဖြစ်ပေါ်လေ့ ရှိသော မေးခွန်းများနှင့်သံသယများကိုစိတ်ရှည်သီးခံပြီးလေးစားရိုသေမှုဖြင့် စေ့စပ်ဆွေးနွေး ကြရန်ဖြစ်ပေသည် (ပုပ်ရဟန်းမင်းကြီး ဘက်နက်ဒစ် (၁၆)၊ (၄၇)ကြိမ်မြောက် ကမ္ဘာ့ဆက်သွယ်ရေးနေ့၊၂၀၁၃)။ ဧမာဦးမြို့သို့ သွားကြသော တပည့်တော်ကြီးများ၏အဖြစ်ကို ကျွန်ုပ်တို့ပြန်လည်အောက်မေ့ရမည်။ ယနေ့ခေတ် အမျိုးသား/ အမျိုးသမီးများ၏ မျှော်မှန်းချက်များ၊ သံသယများနှင့် မျှော်လင့်ချက်များကို နားလည်ကြရန်နှင့် ကျွန်ုပ်တို့အားအပြစ်နှင့် သေခြင်းတရားမှ ကယ်တင်ရန် အသေခံ၍ ရှင်ပြန်ထမြောက်တော်မူသော ယေဇူးခရစ်တော်၏ သတင်းကောင်းဖြစ်သည့် ဧ၀ံဂေလိ တရားတော်ကို ၎င်းတို့ထံသို့ဆောင်ကျဉ်းပေးရန် ကျွန်ုပ်တို့သည်ထိုအမျိုးသား၊ အမျိုးသမီးများနှင့် စကားပြော ဆွေးနွေး နိုင်ရမည်။ ကျွန်ုပ်တို့သည် ကျွန်ုပ်တို့ပတ်ဝန်းကျင်၌ မည်သည့်အရာများ ဖြစ်ပျက်နေသည်ကို နက်နက်ရှိုင်းရှိုင်း အာရုံစူးစိုတ် တတ်သည့် လူသားများအဖြစ်နှင့် ၀ိညာဉ်ရေးရာ နိုးကြားနေသူများအဖြစ် စိန်ခေါ်ခံနေရသည်။ အပြန်အလှန် ပြောဆို ဆွေးနွေးခြင်းဆိုသည်မှာ တစ်ပါးသူ၌လည်း ပြောစရာများရှိနေသည်ကို ယုံကြည်ထားကာ၊ ထိုသူ/သူမ၏ အမြင်နှင့် ရှုထောင့်များကို စိတ်ဝင်စားပေးခြင်းဖြစ်ပါသည်။ အပြန်အလှန်ပြောဆိုဆွေးနွေးခြင်း၌ပါဝင်ခြင်းမှာ ကျွန်ုပ်တို့၏ကိုယ်ပိုင် အယူအဆ၊ အတွေးအခေါ်များနှင့် ဓလေ့၊ ထုံးတမ်းများကို ကြေငြာရန်သက်သက် မဟုတ်ပါ။ သို့သော်လည်း ၎င်းတို့တည်း သာလျှင် အကျိုးကြောင်းညီလျက် သို့မဟုတ် အကြွင်းမဲ့ ဖြစ်ကြောင်း ကြွေးကြော်ခြင်း ဖြစ်ပါသည်။

လမ်းဘေး၌သေလုမျောပါး ဒဏ်ရာရရှိထားသည့် လူမမာ၏ ဒဏ်ရာများအပေါ်သို့ ဆီနှင့်စပျစ်ရည် လောင်းထည့်ကာ ဂရုစိုက် ပေးသည့် ကောင်းသော ဆာမာရိတန်တစ်ဦး၏ ပုံရိပ်လွှာသည် ကျွန်ုပ်တို့အတွက် ခွန်အားယူစရာဖြစ်ပါစေ။ ကျွန်ုပ်တို့၏ လူမှုဆက်သွယ်ဆက်ဆံရေးသည် နာကျင်မှုကိုသက်သာစေသည့် လိမ်းဆေးနှင့်စိတ်နှလုံးကို ရွှင်လန်း စေသည့် စပျစ်ရည် ကောင်းတစ်လက်ဖြစ်ပါစေ။ သူတစ်ပါးထံသို့ကျွှန်ုပ်တို့သယ်ဆောင်လာသောအလင်းသည် သာမန်အပေါ်ယံ သက်သက်နှင့် အထူးအကျိုးဆက်များ၏ ရလဒ်မဟုတ်ဘဲ ထိုထက်ပို၍ လမ်းဘေးတဖက်တွင် ဒဏ်ရာများနှင့် စွန့်ပစ်ခံ ထားရသည့် သူများအား ကျွန်ုပ်တို့ကိုယ်တိုင်ချစ်စရာကောင်းသော၊ သနားကြင်နာစရာကောင်းသော “နီးစပ်ရာ မိတ်ဆွေများ” ဖြစ်ခြင်းပင် ဖြစ်ပါစေ။

 ဒီဂျစ်တယ်လောကတွင်နေထိုင်သူများအဖြစ်ရဲရဲဝံ့ဝံ့ဖြစ်ကြပါစို့။ လက်ရှိကာလတွင် အသင်းတော်ကြီးသည် ယနေ့ခေတ် လူများနှင့်ပြောဆိုဆွေးနွေးရန်နှင့် ၎င်းတို့အား ခရစ်တော်နှင့်ပေးတွေ့ရန် ဆက်သွယ်ဆက်ဆံရေး ကမ္ဘာကြီးနှင့် ဆက်စပ် သက်ဆိုင်နေဖို့လိုအပ်ပါသည်။ လမ်းတလျှောက်တွင် လူတိုင်းနှင့်အတူအဖော်ပြု လက်တွဲလျှောက်လှမ်းနိုင်သော၊ အခြားသူတစ်ပါးဘက်မှ ပါဝင်နိုင်သည့်သာသနာတော်တစ်ခု ဖြစ်ရန်လိုအပ်ပါသည်။ ဆက်သွယ်ရေးမီဒီယာနှင့် သတင်း ဈေးကွက်ဆိုင်ရာ နည်းပညာများတို့တွင် ဖြစ်ပေါ်နေသောအပြောင်းအလဲကြီးသည် ကြီးမြတ်၍ ရင်ဖိုစရာ စိန်ခေါ်မှုများကို ပြသနေလေသည်။ ဘုရားသခင်၏ အလှတရားကို အခြားသူတစ်ပါးတို့နှင့် ဝေငှဝေမျှရန်ရှာဖွေရင်း ကျွန်ုပ်တို့သည် ဤစိန်ခေါ်မှုကြီးအား ဆန်းသစ်သည့်ခွန်အားများနှင့် စိတ်ကူးဥာဏ်များဖြင့် ရင်ဆိုင် တုန့်ပြန် နိုင်ကြပါစေ။

ဗာတီကန်မှ၊ ၂၄ ဇန်န၀ါရီ ၂၀၁၄၊ စိန်ဖရန်စစ်ဒေဆာလက်စ်အားအောက်မေ့သတိရသည့်နေ့။
ဖရန်စစ္စကုစ်

သန့်ရှင်းသော ရက်သတ္တပါတ် (ဧပြီလ ၂၀၁၄)

မန္တလေးဂိုဏ်းချုပ် ဆရာတော်ကြီးပေါလ် ဇိန်ထုန်းဂရောင် သာသနာ့သိုးထိန်းတာဝန်မှ အနားယူ

၃.၄.၂၀၁၄ - ကြာသပတေးနေ့တွင် ပုပ်ရဟန်းမင်းကြီးအရှင်သူမြတ် ဖရန်စစ်သည် မန္တလေးဂိုဏ်းချုပ်သာသနာမှ ဂိုဏ်းချုပ်ဆရာတော်ကြီး ပေါလ်ဇိန်ထုန်းဂရောင်၏ သာသနာ့သိုးထိန်တာဝန်မှ အနားယူခြင်းကို  ကာနွန်ဥပဒေ canon 401 § 1 လက်ခံခဲ့ပါတယ်။ ဆရာတော်ကြီးပေါလ်ဟာ သူ၏အသက်အရွယ် အကန့်အသတ်အတိုင်းတာ သို့ရောက်ရှိကာ ယခုလို အနားယူခြင်း (သို့) သာသနာ့သိုးထိန်းတာဝန်မှ ရပ်နားခွင့်ကို ပုပ်ရဟန်းမင်းကြီး အရှင်သူမြတ်ထံသို့ တင်လျှောက်ခဲ့ခြင်းဖြစ်ပါတယ်။ ဆရာတော်ကြီး၏ အရိုက်အရာကို ယခုချိန်တွင် ဆရာတော် နီကော်လပ်စ်မန်းထျန်မှ ဆက်ခံကာ မန္တလေးဂိုဏ်းချုပ်သာသနာ၏ သိုးထိန်းတာဝန်ကို လက်ခံယူပါတယ်။

ဆရာတော်ကြီး ပေါလ်ဇိန်ထုန်းဂရောင်ကို ခရစ်သက္ခရာဇ် ၁၉၃၉ခုနှစ် မတ်လ ၂၀ ရက်နေ့တွင် မွေးဖွားခဲ့ပါတယ်။ ၁၉၆၅ မတ်လ ၂၇ ရက်နေ့တွင် ရဟန်းသိက္ခာခံယူရရှိခဲ့ပြီး ၁၉၇၆ ခုနှစ် ဧပြီလတွင် မြစ်ကြီးနား ဂိုဏ်းအုပ်သာသနာ၏ ခန့်အပ်ခံရ၍ ၎င်းနှစ် ဇူလှိုင်လ ၉ ရက်နေ့တွင် ဆရာတော်သိက္ခာခံယူခဲ့ကာ မြစ်ကြီးနားဂိုဏ်းအုပ်သာသနာ၏ ဆရာတော်တစ်ပါးဖြစ်လာခဲ့ပါတယ်။ ထို့နောက် ၂၀၀၃ ခုနှစ် ဇွန်လ ၁၆ ရက်နေ့တွင် မန္တလေးဂိုဏ်းချုပ်သာသနာ၏ ဂိုဏ်းချုပ်ဆရာတော်ကြီးအဖြစ် တင်မြှောက်ခန့်အပ်ခံခဲ့ရပါတယ်။

ဘုရားသခင်၏ကောင်းကြီးမင်္ဂလာ ဆရာတော်ကြီးပေါလ်နှင့်အတူ အမြဲတမ်းရှိ၍ တရားဘောင်မှာ မွေ့လျော်ပျော်ရွှင်နိုင်ပါစေ။

မနောအောင်

ပဉ္စမမြှောက် ၀ါတွင်းတနင်္ဂနွေနေ့

သံယောဟန် ၁၁း၁-၄၅

ငါသည် ရှင်ပြန်ထမြောက်ခြင်းဖြစ်၏။ အသက်လည်းဖြစ်၏။ ငါ့ကို ယုံကြည်သောသူတို့သည် . . .

ဖတ်ရှုရသည့်ဧ၀ံဂေလိတရားတော်တွင် လာဇရုသေဆုံးခြင်း၊ ဘုန်းဂုဏ်တော်ထင်ရှားစေခဲ့သော ယေဇူးသခင်၊ ယေဇူးသခင်၏မျက်ရည်ကျတော်မူခြင်းနှင့်အတူ သေဆုံးသူလာဇရုအား အသက်ပြန်ရှင်စေတော်မူခြင်း အကြောင်းကို ဆက်စပ်တင်ပြထားပါတယ်။ လာဇရုတစ်ယောက် အသည်းအသန်ဖျားနာနေချိန်တွင် သူ၏အစ်မများက ယေဇူးသခင်ထံ အကြောင်းကြားခဲ့သော်လည်း ကိုယ်တော်ဟာ သူတို့ထံချက်ချင်းမသွားဘဲ အေးအေးဆေးဆေး အချိန်ယူနေခဲ့ပါတယ်။ ထို့ကြောင့် လူတိုင်းက ကိုယ်တော်ရဲ့နှေးကွေးစွာတုန့်ပြန်မှုကို ညည်းတွားနေကြပါတယ်။ ယေဇူးသခင်ဟာ ဘာကြောင့် ထိုကဲ့သို့နှေးကွေးစွာ တုန့်ပြန်ခဲ့ပါသလဲ။ တကယ်တန်းဆို လာဇရုနှင့် ဤမောင်နှမတစ်စုကို ယေဇူးသခင်အလွန်ချစ်မြတ်နိုးပါတယ်။

ယေဇူးသခင်ဟာ လာဇရုတစ်ယောက် သေဆုံးသည့်အခြေအနေရောက်သွားတဲ့အထိ အချိန်ယူနေခဲ့တာပါ။ ဘာကြောင့်လဲဆိုတော့ ဘုရားသခင်၏ဘုန်းဂုဏ်တော်ဟာ သေသူတို့ကို ပြန်ရှင်စေတဲ့အခါ ပို၍ပို၍ ထွန်းတောက်တဲ့အတွက်ကြောင့်ပါတဲ့။ တကယ်ဆိုရင် ထိုအချိန်အခါဟာ ဂျူးလူမျိုးတွေကို ကိုယ်တော့်ကို ရန်လိုနေတဲ့အချိန်ဖြစ်ပါတယ်။ ဖာရီဇေးဦးတို့နှင့် ကျမ်းတတ်ဆရာကြီးတို့ရဲ့ မနာလို မုန်းတီးခြင်းဖြင့် လုပ်ကြံဖို့ချောင်းမြောင်း ခံနေရချိန် ဖြစ်ပါတယ်။ သို့သော်လည်း ဘုရားသခင်၏ ဘုန်းဂုဏ်တော်ထင်ရှားဖို့နှင့် လာဇရုအား ကုသဖို့၊ ပြန်ရှင်စေဖို့ရန်အတွက် ထိုအန္တရာယ်တွေကို ကိုယ်တော်ဂရုမစိုက်ပါဘူး။ နောက်ဆုံး သူကိုယ်တိုင်ဟာ ရှင်ပြန်ထမြောက်ခြင်းနှင့် အသက်ဖြစ်ကြောင်း ၀န်ခံသက်သေပြုခဲ့ပါတယ်။

မိတ်ဆွေ၊ ကျွန်ုပ်တို့တတွေလည်း မကြာခဏဆိုသလို ဘုရားသခင်ထံဆုတောင်းတဲ့အခါ ချက်ချင်းမတုန့်ပြန်၍ ညည်းတွားမိကြပါတယ်။ သို့သော်လည်း ဘုရားသခင်ဟာ ကျွန်ုပ်တို့ကို ဘယ်လောက်ချစ်သလဲဆိုတဲ့ အသိစိတ်ဟာ ပျောက်ကွယ်နေပါတယ်။ ယုံကြည်ခြင်းဆိုတာ အပေးအယူပေါ်မှာ မူတည်လာခဲ့ပါတယ်။ အဆိုးရွားဆုံးကတော့ ဒုက္ခနှင့်ကားတိုင်ဟာ ဘုန်းဂုဏ်တော်လမ်းဆိုတာ မေ့နေကြတာပါပဲ။ ယေဇူးခရစ်တော်ကိုယ်တိုင် ဤဒုက္ခနှင့်ကားတိုင်လမ်းကို ရွေးချယ်ခဲ့ပြီး လူသားစစ်စစ်အဖြစ် အကောင်းဆုံးသက်သေစံနမူနာပြသခဲ့ပြီးမှ ရှင်ပြန်ထမြောက်ခြင်းဆိုတဲ့ အကြီးမြတ်ဆုံးသော ဘုန်းဂုဏ်တော်ကို ရယူခဲ့တာပါ။ ဒါဟာ ကျွန်တော်တို့လူသားတွေ နားလည်စေဖို့အတွက်ပင် ဖြစ်ပါတယ်။ ထို့ကြောင့် ဘုန်းဂုဏ်တော်ဆိုတာ ဒုက္ခနှင့်ကားတိုင်လမ်းမဖြတ်ဘဲ မရောက်ရှိဘူးဆိုတာ စိတ်ထဲမှာ လက်ခံထားဖို့လိုပါတယ်။ ထို့နောက်မှ ထိုဒုက္ခနှင့်ကားတိုင်လမ်းကို ဘုရားသခင်၏ကျေးဇူးတော်အားဖြင့် အောင်မြင်စွာ လျှောက်လှမ်းကြရမှာဖြစ်ပါတယ်။ ဤသည်ပင် - ဘုန်းဂုဏ်တော်အတွက်ခရစ်ယာန်တို့လမ်းစဉ် ဖြစ်ပါတယ်။

တခါတလေ ဒုက္ခနှင့်ကြုံတွေ့နေတဲ့သူတွေကို ဤသို့ရင်ဆိုင်အားပေးဖူးပါတယ် - ခရစ်တော်ပင် ဒုက္ခတွေကို မညည်းမတွားဘဲ ခံထမ်းပြီး အောင်မြင်တဲ့လမ်းကို ပြသခဲ့ပါတယ်။ ထိုအခါ သူတို့ကို ဆိုကြပါတယ် - သူက ဘုရားလေ၊ ငါတို့က သူ့လို ဘုရားမှ မဟုတ်တာ ဘယ်ခံထမ်းနိုင်မလဲ။

တခါတလေ အမုန်းမီးတောက်နေတဲ့ သူတွေကို ယခုလိုဖြောင့်ဖျဖူးပါတယ် - ငါတို့ဆရာသခင် ခရစ်တော်ပင် သူ့ကိုကားတိုင်ပေါ်တင်သတ်ကြတဲ့သူတွေကို ခွင့်လွှတ်ပေးနိုင်ခဲ့သေးတာပဲ။ ထိုအခါ သူတို့က ဆိုကြပါတယ် - သူက ဘုရားလေ၊ ငါတို့က လူလေ . . . ဘယ်လို နှလုံးသားနဲ့ ခွင့်လွှတ်ပေးရမှာလဲ။

ထို့အတူပဲ သာဓကအများကြီးရှိပါသေးတယ်  - သူဟာ ဘုရားမို့၊ ငါတို့ဟာ လူသားတွေပဲ သူ့လို မကျင့်ကြံနိုင်ဘူး၊ သူ့လို မလုပ်နိုင်ဘူး စသဖြင့်ညည်းတွားတတ်ကြပါတယ်။

မိတ်ဆွေ၊ အကယ်၍ ထိုသို့ညည်းတွားသူများအထဲတွင် သင်နှင့်ကျွန်ုပ်ပါ ပါဝင်နေခဲ့ပါလျှင် ကျွန်ုပ်တို့တတွေဟာ ခရစ်ယာန်မဟုတ်ကြတော့ဘူး။ “စေ”တစ်လုံးပိုင်ရှင် ဘုရားဖြစ်သော်လည်း ကျွန်ုပ်တို့လူသားတွေကို ထို စေ တစ်လုံးနဲ့ မကယ်တင်ဘဲ ကျွန်ုပ်တို့ရဲ့ ကိုယ်ပိုင်လွှတ်လပ်ခွင့်ကို လေးစားလျက် ကိုယ်တိုင် လက်ခံယုံကြည်ပြီး တန်ဖိုးထားတဲ့ ကယ်တင်ခြင်းတရားကို ပေးဖို့အတွက် လူ့အဖြစ်နဲ့ လူသားစစ်စစ်ဘ၀ကို ခံယူခဲ့တဲ့ ဘုရားရဲ့ စံနမူနာသက်သေတွေကို ကျွန်ုပ်တို့ မေ့ကုန်ကြပြီ။ လူ့အဖြစ်ယူရခြင်းရဲ့ ရည်ရွယ်ချက်တွေကို မေ့ကုန်ကြပြီ။ ဘုန်းဂုဏ်တော်လမ်းစဉ်ကို မေ့ကုန်ကြပြီ။ နောက်ဆုံး ကျွန်ုပ်တို့ကယ်တင်ခြင်းအတွက် အန္တရာယ်ရှိနေပြီ။

မိတ်ဆွေ၊ ယနေ့ ကျွန်ုပ်တို့တတွေလည်း ကျွန်ုပ်တို့ရဲ့ခရစ်ယာန်အဖြစ်၊ ဘ၀တွေကို သေချာသုံးသပ်ကြည့်ကြပါစို့။ ဒုက္ခနှင့်ကားတိုင်လမ်းကို လျှောက်လှမ်းနေပါစေဦး - ထိုလမ်းဟာ ဘုရားသခင်၏ ဘုန်းဂုဏ်တော်နှင့် ကျွန်ုပ်တို့၏ကယ်တင်ခြင်းတရားတို့ ဆက်စပ်လျက်ရှိနေတာကို ယုံကြည်မျှော်လင့် ထားဖို့လိုပါလိမ့်မယ်။ ထို့နောက် ကျွန်ုပ်တို့တတွေဟာ ထာဝရအသက်ကို ပိုင်ဆိုင်စေဖို့ အာမခံချက်ရှိသူများ ဖြစ်ကြောင်း ခရစ်တော်ကိုယုံကြည်ရင်း ခရစ်တော်ပြသပေးခဲ့တဲ့ စံနမူနာလမ်းစဉ်တွေအား ဖြင့် ထို ရှင်ပြန်ထမြောက်ခြင်းနှင့် ထာဝရအသက်ကို ရယူဆွတ်ခူးကြပါစို့။ ယုံကြည်ခြင်းအားမာန်နှင့် မျှော်လင့်ခြင်းတို့ဖြင့် ဒုက္ခနှင့်ကားတိုင်လမ်းပင်ဖြစ်ပါစေ - လျှောက်လှမ်းပါ . . . ကိုယ်တော်ဟာ ကူညီဖေးမပေးဖို့ ဘယ်လိုအန္တရာယ်တွေကို ကိုယ်တော်ဂရုမစိုက်ဘဲ ကြွလာပါလိမ့်မယ်။ နောက်ဆုံး သူကိုယ်တိုင်ဟာ ရှင်ပြန်ထမြောက်ခြင်းနှင့် အသက်ဖြစ်ကြောင်းကို ကျွန်ုပ်တို့တစ်ဦးချင်းစီရဲ့ ဒုက္ခနဲ့ ကားတိုင်တွေအားဖြင့် ၀န်ခံသက်သေပြုပါလိမ့်မယ်။

ကိုရင် (ဒိုမီနီကန်)

ပုပ်ရဟန်းမင်းကြီးအရှင်သူမြတ် ဖရန်စစ်သည် အင်္ဂလန်ဘုရင်မ ဧလီဇဘက်(၂)အား လက်ခံတွေ့ဆုံ

အချိန်တိုလေးအတွင်းသာ တွေ့ဆုံဖြစ်သော်လည်း ပုပ်ရဟန်းမင်းကြီးအရှင်သူမြတ် ဖရန်စစ်နှက်ါ အင်္ဂလန်ဘုရင်မ ဧလီဇဘက်(၂)တို့၏ တွေ့ဆုံမှုဟာ မီဒီယာလောကနှင့် ကမ္တာတ၀ှမ်း ကိုတော့လှုပ်ရှားစေခဲ့ပါတယ်။ ၎င်းတို့ရဲ့ တွေ့ဆုံမှုဟာ သာမန်တွေ့ဆုံမှုတစ်ခုသက်သက်နှင့် လှိုက်လှဲပြူငှာမှုရှိတယ်ဟု အများကပြောဆိုကြပါတယ်။

၂၀၁၃ ခုနှစ်ကတည်းက အီတလီနိုင်ငံ သမ္မတ၏သီးသန့်ဖိတ်ခေါ်ခြင်းကြောင့် ရောမမြို့တော်သို့ လာရောက်လည်ပတ်ဖို့အစီစဉ်ရှိခဲ့သော်လည်း သူမ၏ကျန်းမာရေးအခြေနေမကောင်းမှုကြောင့် မလာဖြစ်ခဲ့ဘဲ အခုမှလာဖြစ်တာဟု ပုပ်ရဟန်းမင်းကြီးဆိုင်ရာ အင်္ဂလန်သံအမတ် နီဂဲယ်ဘေကာထံမှသိရှိရပါတယ်။

ယခုလည်ပတ်မှုနှင့် တွေ့ဆုံမှုမှာ ပုပ်ရဟန်းမင်းကြီးနှင့် ဘုရင်မကြီးတို့အကြား လက်ဆောင်များ အပြန်အလှန် လဲလှယ်ဖြစ်ခဲ့ကြပါတယ်။ ဘုရင်မကြီးက သူမနှင့်သူမခင်ပွန်းတို့ လက်မှတ်ကိုယ်စီထိုးထားတဲ့ သူမနှင့် သူမခင်ပွန်းတို့၏ဓါတ်ပုံကို အမှတ်တရပေးခဲ့ပါတယ်။ ထို့အပြင် အင်္ဂလိပ်ပစ္စည်းများပြည့်နေတဲ့ ခြင်းတောင်းကြီး တစ်ခုလည်းပါပြီး ဘုရင်မကြီးက ၎င်းခြင်းတောင်းကြီးဟာ ပုပ်ရဟန်းမင်းကြီးအတွက် သီးသန့်ပေးတာ ဟုဆိုပါတယ်။

ပုပ်ရဟန်းမင်းကြီးအရှင်သူမြတ်ကလည်း သူမ၏မြေး အိမ်ရှေ့စံမင်းသား ဂျော့စ်အတွက် အပြာရောင်ကျောက်တုံးနောက်ခံနဲ့ ငွေရောခရစ္စတူးတိုင်ကို ပေးခဲ့ပါတယ်။ ပုံရဲ့အောက်မှာ “ပုပ်ရဟန်းမင်းကြီး ဖရန်စစ်မှ အိမ်ရှေ့နန်းစံ ကမ်းဘရိတ်ခ်ျမှ မင်းသားဂျော့ခ်” ဟုအင်္ဂလိပ်အက္ခရာကြီးကြီးဖြင့် ရေးထိုးထားပါတယ်။

ထို့အပြင် ဘုရင်မကြီးကိုလည်း အင်္ဂလန်မှစိန်အက်ဒွက်၏ပွဲနေ့အား အသင်းတော်၏ ၀တ်ပြုကိုးကွယ်ရာပြကဒိန်တွင် ပထမဆုံးထည့်သွင်းပေးခဲ့သည် ၁၆၇၉ခုနှစ် ကြေငြာစာမူရင်းကော်ပီတစ်ခုကို ပေးခဲ့ပါတယ်။ ထို့အပြင် ပုပ်ရဟန်းမင်းကြီးမျက်နှာ ထည့်သွင်းရိုက်နှိပ်ထားတဲ့ ရွှေဒင်္ဂါးတစ်ခု၊ ငွေဒင်္ဂါးတစ်ခုနှင့် ကြေးဒင်္ဂါးတစ်ခုတို့ကိုလည်း ပေးခဲ့ပါသေးတယ်။

ဘုရင်မကြီးဟာ သူမသက်တမ်းတလျှောက် ပဉ္စမမြောက်ပုပ်ရဟန်းမင်းကြီးကို တွေ့ဆုံခွင့်ရခြင်းဖြစ်ပါတယ်။ ပထမဆုံးတွေ့ဆုံခွင့်ရခဲ့သည်မှာ ပုပ်ရဟန်းမင်းကြီးပီဦး (၁၂)ဖြစ်ပြီး ဒုတိယပုပ်ရဟန်းမင်းကြီးမှာ ပုပ်ရဟန်းမင်းကြီး ဂျွန် (၂၃)၊ ထိုနောက် ပုပ်ရဟန်းမင်းကြီး ဂျွန်ပေါလ် (၂)၊ ထို့နောက် ပုပ်ရဟန်းမင်းကြီး ဘက်နက်ဒစ် (၁၆)နှင့် ယခု ပုပ်ရဟန်းမင်းကြီး ဖရန်စစ်တို့ဖြစ်ကြပါတယ်။ ပုပ်ရဟန်းမင်းကြီး ဂျွန်ပေါလ် (၂)နှင့် ပုပ်ရဟန်းမင်းကြီးဘက်နက်ဒစ် (၁၆)တို့အား အင်္ဂလန်နိုင်ငံသို့ အလည်ဖိတ်ခေါ် ဧည့်ဝတ်ပြုဖြစ်ခဲ့ပါတယ်။

ယခု ပုပ်ရဟန်းမင်းကြီးဖရန်စစ်နှင့် တွေ့ဆုံခြင်းဟာ တရားဝင်အလုပ်သဘောအရ တွေ့ဆုံခြင်း မဟုတ်သော်လည်း အင်္ဂလန်နှင့် ဗာတီကန်အကြား သံတမန်လမ်းပြန်လည်ဖွင့်ခဲ့သည့် နှစ် ၁၀၀ ပြည့်အထိမ်းအမှတ်အဖြစ် မှတ်တမ်းတင်နိုင်ခဲ့သည်ဟု ဆိုပါတယ်။ 

ယခုလို တွေ့ဆုံလည်ပတ်ရာတွင် ဘုရင်မကြီးနှင့်အတူ သူမ၏ခင်ပွန်း ဧဒင်ဘတ်၏မြို့စားကြီး မင်းသားဖီးလစ်လည်း အတူလိုက်ပါခဲ့ပါတယ်။ မိနစ် ၂၀ ခန့်နောက်ကျခဲ့၍ သူမအလာကို စောင့်နေခဲ့တဲ့ ပုပ်ရဟန်းမင်းကြီးအရှင်သူမြတ်ကိုလည်း တောင်းပန်စကားဆိုခဲ့ပါတယ်။

မနောအောင်