၂၅ကြိမ်မြောက် သာမာန်တနင်္ဂနွေနေ့ (၂၂.၉.၂၀၁၃)

မည်သည့်အစေခံမျှ သခင်နှစ်ဦး၏အစေကိုမခံနိုင်ပေ။

ယနေ့ဖတ်ရှု့ရသည့် ခရစ်တော်၏ဧ၀ံဂေလိတရားတော်မှာ မရိုးသားသောဘဏ္ဍာစိုး၏ ပုံဥပမာကို အသုံးချ၍ ကျွန်ုပ်တို့အား လှည့်ကွက်ဖြင့် တရားလမ်းကိုဦးဆောင်ဟောကြားထားပါတယ်။ ဘဏ္ဍာစိုးသည် သူဌေး၏ဥစ္စာပစ္စည်းများကို ဖြုန်းတီး၍ ရာထူးမှအဖယ်ခံလိုက်ရပါတယ်။ သို့သော်လည်း ထိုဘဏ္ဍာစိုးဟာ သူအလုပ်ပြုတ်တာကို အများမသိခင် အချိန်အတိုလေးအတွင်းမှာ သူ၏အနာဂတ်အတွက် အခြားသူများအမြင်မှာ သဘောမနောကောင်းသူ၊ အများလေးစားရသူနှင့် မိတ်ဆွေကောင်းများရဖို့ မရိုးသားတဲ့နိပရိယယ်တွေကို သုံးပါတော့တယ်။ သူ့သခင်အား အကြွေးပေးစရာရှိသူများ၏စာရင်းကို လျော့ပေးကာ သူဌေးငွေနဲ့ သူမျက်နှာယူခဲ့တာပါ။ ဒါပေမယ့်လည်း သူဌေးဟာ ထိုမရိုးသားသော ဘဏ္ဍာစိုးကို ချီးကျူးထားပါတယ်။ အဓိကတော့ ထိုဘဏ္ဍာစိုးရဲ့ ဆင်ခြင်မြော်မြင်ဉာဏ်ကို ချီးကျူးထားပါတယ်။

မိတ်ဆွေ၊ ဒီပွိုင့်ဟာ ကျွန်ုပ်တို့ထောက်ရှု့ရမည့် အဓိကတရားပင်ဖြစ်ပါလိမ့်မယ်။ ကျွန်ုပ်တို့တတွေလည်း ကျွန်ုပ်တို့အနာဂတ်အတွက် ဘယ်လောက်အမြော်အမြင်၊ ဘယ်လိုအမြော်အမြင် ရှိကြပါသလဲ။ ကျွန်ုပ်တို့တတွေဟာ ကောင်းကင်နိုင်ငံတော်ကိုပိုင်ဆိုင်နိုင်ဖို့ ခရစ်တော်နောက်တော်သို့ လိုက်နေကြလို့ ခရစ်ယာန်ဟုအခေါ်ခံရသူများဖြစ်ပါတယ်။ ဒီတော့ ခရစ်ယာန်တွေဖြစ်နေတဲ့ ကျွန်ုပ်တို့တတွေမှာ ခရစ်ယာန်အနာဂတ်ဆိုတာ ရှိနေမှာပါ။ သို့သော်လည်း ဒီခရစ်ယာန်အနာဂတ်ကို အောင်မြင်စွာရရှိဖို့ လောကမှာနေထိုင်စဉ် လောကပစ္စည်းတွေကို အသုံးချရာ၌ ခရစ်တော်ရဲ့ပုံဥပမာထဲက ဘဏ္ဍာစိုးလို ဆင်ခြင်မြော်မြင်ဉာဏ်ရှိနေရမယ်လို့ ခရစ်တော်က မိန့်ဆိုနေပါတယ်။

ထိုကြောင့် လောကမှာနေထိုင်စဉ် ကျွန်ုပ်တို့တတွေအနေဖြင့် လောကပစ္စည်းတွေကို ဘယ်လိုအသုံးချနေကြသလဲ။ ဘယ်လိုအသုံးချမလဲဆိုတာ အနည်းငယ်စဉ်းစားကြည့်စေလိုပါတယ်။ စကားပုံတစ်ခုရှိပါတယ် - အူမတောင့်မှ သီလှစောင့်နိုင်မယ်တဲ့။ မှန်ပါတယ်- ကျွန်ုပ်တို့တတွေဟာ သီလစောင့်ထိန်းနိုင်ဖို့ အူမတောင့်တင်းအောင်ထားရပါတယ်။ ဒီနေရာမှ အူမတောင့်တင်းရဖို့က ကျွန်ုပ်တို့ရဲ့ပထမပွိုင့်မဟုတ်ဘဲ သီလဟာအဓိကရည်ရွယ်ချက်နေရာမှာ ရှိနေတာပါ။ အကယ်၍ ဒီနေရာမှာ အူမတောင့်တင်းဖို့သာ အဓိကဖြစ်နေမယ်ဆိုလျှင် ကျွန်ုပ်တို့တတွေမှာ လောဘစိတ်တွေ တွယ်ကပ်လာမှာ သေချာပါတယ်။ အစားတစ်ခုကိုစားလိုက်တယ်- နောက်တစ်ခုကို ခဏနေစားဖို့၊ အဲဒါပြီး စားဖို့၊ ပြန်ဆာတဲ့အခါ စားဖို့ စသဖြင့် ကျွန်ုပ်တို့လောဘတွေကို ချဲ့ထွင်ဖို့ အကြောင်းပြချက်တွေ ရှိနေမှာပါ။ထို့အတူပါပဲ- ကျွန်ုပ်တို့တတွေဟာ အခြားလောကပစ္စည်းတွေကို အသုံးပြုတဲ့အခါမှာလည်း အဲဒီပစ္စည်းတွေပေါ်မှာ ကျွန်ုပ်တို့စိတ်တွေကို ပထမနေရာမပေးသင့်ပါဘူး။ ထိုပစ္စည်းတွေကို အသုံးချရတဲ့ ရည်ရွယ်ချက်သာလျှင် ပထမစိတ်ထားနေရာမှာ ရှိနေသင့်ပါတယ်။ အဲဒီလို အသုံးချရည်ရွယ်ချက်ဟာလည်း အမြော်အမြင်ရှိရှိဖြစ်နေသင့်ပါတယ်။

ကျွန်ုပ်တို့လူ့အသိုင်းအ၀ိုင်းမှာ ကပ်စီးနှဲသူတွေကို ခနဲ့သည့် အပြောအဆိုတစ်ခုရှိပါသေးတယ်။ သိပ်ပြီးကပ်စီးနှဲမနေပါနဲ့ သေရင်ကိုယ့်နောက်ဘာပါမှာမို့တုန်း။ ဒီစကားစုဟာ ကျွန်ုပ်တို့အတွက် လမ်းနှစ်ခုကို တွန်းပို့ပေးပါတယ်။ ၁-ကျွန်ုပ်တို့တတွေသေရင် ကိုယ့်နောက်ဘာမှမပါတဲ့အတွက် လောကမှာနေထိုင်စဉ်အတွင်း ပျော်ပျော်ပါးပါးနေနိုင်ဖို့ သုံးဖြုန်းရန် အားပေးနေတဲ့လမ်းဘက်ကို ဦးတည်နေပါတယ်။ ၂-ကျွန်ုပ်တို့တတွေသေရင် ကိုယ့်နောက်ဘာမှမပါတဲ့အတွက် ကျွန်ုပ်တို့တတွေ ပိုင်ဆိုင်တာတွေကို ကပ်စီးနှဲမနေဘဲ လှူကြတန်းကြ၊ ပေးကြကမ်းကြ၊ နောက်အခြားသူများကိုလည်း ဝေမျှကြ စသဖြင့်အကျိုးတစ်ခုအတွက် ချိင့်ချိန်သုံးရန် အားပေးနေတဲ့လမ်းဘက်ကို ဦးတည်နေပါတယ်။ ထိုကြောင့် ဤလမ်းနှစ်သွယ်သည်ပင် ခရစ်တော်၏တရားဥပမာကို ပြန်ဖော်ဆောင်ပေးနေပါတယ်။ ပထမနည်းလမ်းအတိုင်းသုံးဖြုန်းမယ်ဆိုလျှင် ကျွန်ုပ်တို့တတွေသေတဲ့အခါ တကယ့်ကို ဘာမှပါသွားမှာမဟုတ်ပါဘူး။ သို့ပေမယ့်လည်း ဒုတိယနည်းလမ်းမှာတော့ ကျွန်ုပ်တို့တတွေဟာ လောကပစ္စည်းတွေနဲ့ နောင်အနာဂတ်ဘ၀အတွက် အကျိုးရှိတာတွေကို စုစည်းနေမိကြမှာပါ။ ထို့အပြင် အချိန်တိုအနာဂတ်မှာလည်း အများတကာရဲ့ လေးစားခြင်း၊ ချစ်ခင်ခြင်း၊ မေတ္တာထားခြင်းတို့ကို တုန့်ပြန်ခံစားရမှာ ဧကန်မုချပင်ဖြစ်ပါတယ်။ ဤသည်ပင် ခရစ်တော်ဖြစ်စေသည့် ဆင်ခြင်မြော်မြင်ဉာဏ်ရှိခြင်းဖြစ်ပါလိမ့်မယ်။

ပုံဥပမာအပြီးတွင် ခရစ်တော်၏အဆုံးသပ်သည်ကား မည်သည့်အစေခံမျှ သခင်နှစ်ပါးကို အစေမခံနိုင်ကြောင်း ပြောဆိုထားပါတယ်။ ထိုကြောင့် ကျွန်ုပ်တို့တတွေဟာ ဘုရားသခင်ကိုချစ်၍ ကောင်းကင်နိုင်ငံတော်ကို ပိုင်ဆိုင်ရန် အမှု့တော်ထမ်းသည့်အခါ ၎င်းနှင့်ဆန့်ကျင့်ဘက်သခင်ကိုတော့ ကျွန်ုပ်တို့တတွေ အစေခံနိုင်မည်မဟုတ်ပါ။ တခါတရံ မကောင်းတဲ့လမ်းစဉ်တွေပေါ် လျှောက်လှမ်းမိခဲ့လျှင်ပင် ဒီမကောင်းတဲ့လမ်းစဉ်တွေကို ကျွန်ုပ်တို့ရှောင်ဖို့ကြိုးစားခြင်းဟာ ကောင်းမြတ်ခြင်းအရှင်ကို အစေခံနေခြင်းကြောင့် ဖြစ်ပါတယ်။ 

ထိုကြောင့် ကျွန်ုပ်တို့တတွေဟာ လောကီပစ္စည်းတွေကို အသုံးချပြီး အားလုံးစုံကိုပိုင်ဆိုင်သည့် ဘုရားသခင်ကိုသာ အစေခံနိုင်ဖို့ ကြိုးစားသွားကြပါစို့။

ခရစ်ယာန်အနာဂတ်ကို ပိုင်ဆိုင်ဖို့ လောကရှိအချိန်၊ ငွေနှင့်ဥစ္စာတို့ကို အကျိုးရှိရှိအသုံးချသွားနိုင်ဖို့ ခွန်အားကျေးဇူးတော်၊ ဉာဏ်ပညာအလင်းကျေးဇူးအား တောင်းလျှောက်သွားကြပါစို့။

ကိုရင် (ဒိုမီနီကန်)