ဒုတိယပါစကားတနင်္ဂနွေနေ့

သံယောဟန် ၂၀း၁၉-၃၁
“ကျွန်ုပ်၏သခင်၊ ကျွန်ုပ်၏ဘုရား”

ခရစ်ယာန်တို့အတွက် ပါစကားပွဲတော်ဆိုတာ ခရစ်တော်သခင် ဘုရား၏သိုးငယ်တော်၏ ရှင်ပြန်ထမြောက်ခြင်းဖြစ်၍ ဤပါစကားသည် ကျနော်တို့၏ အဓိကယုံကြည်ခြင်းသော့ခ်ပင်ဖြစ်၍ အလင်းတရား၏ခွန်အားကြီးလည်းဖြစ်ပါတယ်။ ကျနော်တို့ရဲ့ ဒီနေ့ကျမ်းစာတော်မြတ်ကို တရားမထောက်ရှု့ခင်မှာပဲ သမ္မာကျမ်းစာကို အရင်မှတ်သားကြည့်ဖို့ကောင်းပါတယ်။

ယေဇူးခရစ်တော်၏ ဒုက္ခစရိယာ၊ သေခြင်းနှင့် ရှင်ပြန်ထမြောက်ခြင်းတို့အဖြစ်အပျက်များဟာ အလျှင်အမြန်ဖြစ်ပျက်သွားခဲ့ပြီ။ တပည့်တော်ကြီးတို့တတွေလည်း ဂျူးလူမျိုးတို့၏ဒေါသအရှိန်ကို ကြောက်ရွံ့နေဆဲဖြစ်သလို ခရစ်တော်ဆရာသခင်အားယုံကြည်ခဲ့သည့် မိမိတို့ကိုယ်တိုင်၏ ယုံကြည်ခြင်းမှာ ဘယ်ဆီဘယ်ပျောက်နေမှန်းကို မသိတော့တဲ့အချိန်ပင်ဖြစ်ပါတယ်။ ဒီအချိန်ဟာ တပည့်တော်ကြီးတို့အတွက် အလွန်ပင်အရေးကြီးသလို ယေဇူးခရစ်တော်အတွက်လည်း လူသားများအားကယ်တင်ဖို့ရန် သာသနာပြုလုပ်ငန်းအစမှာ အလွန်အရေးပါ-ပါတယ်။ ထိုကြောင့် ခရစ်တော်ဟာ တပည့်တော်ကြီးများကို စွန့်ပစ်မထားခဲ့ဘဲ ယုံကြည်ခိုင်မြဲဖို့ ဘ၀သစ်အတွက် အသက်သွင်းပေးရင်း တပည့်တော်ကြီးများထံသို့ ရှင်ပြန်ထမြောက်ပြီး ကြွလာခဲ့ပါတယ်။ မိမိ၏ရှင်ပြန်ထမြောက်ခြင်းဟာ အမှန်အကန်ဖြစ်ကြောင်း သက်သေပြရင်း သူ၏နံဘေးတော်မှ ဒဏ်ရာတော်ကို သံသယရှိနေသူအားပြသခဲ့ပါတယ်။ တပည့်တော်ကြီးများ အလွန်ပျော်ရွှင်သွားခဲ့ရပါတယ်။ ယုံကြည်ခြင်းတို့ အသက်ဝင်လာတယ်။ ခမည်းတော်သည် သားတော်ကိုစေလွှတ်သကဲ့သို့ သားတော်သည် တပည့်တော်ကြီးများကို စေလွှတ်မည်ဟု ဆိုကာ ကယ်တင်ခြင်းသာသနာပြုဖို့ အဆင်သင့်ဖြစ်စေခဲ့ပါတော့တယ်။
ယခုကျွန်ုပ်တို့တတွေအတွက် ကျနော်တို့ရဲ့ယုံကြည်ခြင်းဆိုတာ ဘာလဲ။ အခြားသူကို သာသနာပြုဖို့နောက်ထား မိမိတို့ကိုယ်တိုင်အတွက်ပင် ထိုယုံကြည်ခြင်းရဲ့ အဓိပ္ပာယ်ကို ရှင်းလင်းနေဖို့ လိုအပ်ပါတယ်။ ယုံကြည်ခြင်းဆိုသည်မှာ-

ပထမဦးဆုံး ဝေါဟာရနှစ်ခုကို ခွဲခြားသုံးသပ်ရပါလိမ့်မယ်။ ထိုဝေါဟာရနှစ်လုံးမှာ ယုံခြင်း (belief) နှင့် ယုံကြည်ခြင်း(faith) ပင်ဖြစ်ပါတယ်။ ယုံခြင်းဆိုသည်မှာ အကြောင်းအရာတစ်ခုခု သို့မဟုတ် ပုဂ္ဂိုလ်တစ်ဦးဦးတွင် သာမာန်ယုံလိုက်ခြင်းသာဖြစ်၍ သူ၏တုန့်ပြန်မှု့မှာ အေးအေးဆေးဆေးရှိပေလိမ့်မယ်။ ဥပမာ- သြော်၊ သူပြောတာဟုတ်မှာပါ။ အဲဒါမှန်လောက်ပါတယ်။ စသည့်အေးစက်စက်အတုန့်အပြန်သာရှိပါတယ်။ သို့သော်လည်း ယုံကြည်ခြင်းဆိုတာကတော့ ၎င်းယုံခြင်းထက် ပိုမိုပြင်းထန်ပြီးခွန်အားများစွာပါဝင်နေတယ်။ ထိုကြောင့် အတုန့်အပြန်မှာလည်း ပြင်းထန်ပေလိမ့်မယ်။ မိမိယုံကြည်ရာကို လုပ်တတ်သည့်ပုဂ္ဂိုလ်အတွက် ဒါကိုပို၍သဘောပေါက်လွယ်ပါလိမ့်မယ်။ ဥပမာ- ဟုတ်တယ်-အဲဒါမှန်တယ် အဲဒီအတိုင်းငါလုပ်ရမယ်။ အဲဒီအတိုင်းငါနေထိုင်ရမယ်- စသည့်ခွန်အားများပါဝင်ရှိနေပါတယ်။ ထိုဝေါဟာရနှစ်ခုလုံးဟာ ကျနော်တို့လူသားများ၏ အသိဉာဏ်နှင့်တိုက်ရိုက်ဆက်စပ်နေပါတယ်။ ဒီအတွက်ကြောင့် မိမိယုံကြည်လိုက်သည့်အရာတစ်ခုခုဟာ မိမိရဲ့အသိဉာဏ် (သြတ္တပစိတ်)နှင့် တသားတည်းလက်မခံနိုင်ခဲ့လျှင် တချိန်ချိန်မှာ မိမိစိတ်ပင် ဒွဟဖြစ်လာပြီး ပြသနာတက်လာနိုင်ပါတယ်။ ထိုကြောင့် စိန်သောမတ်အကွိုင်နက်စ်ပြောသလိုပဲ- ယုံကြည်ခြင်းနှင့် ဆင်ခြင်တုံတရား (Faith and Reason) အမြဲတမ်းအတူတူယှဉ်တွဲသွားနေဖို့လိုအပ်ပါတယ်။ ဒါဟာ သိပ္ပံနည်းလမ်းကျကျ ယုံကြည်လိုက်ခြင်းပင် ဖြစ်ပါတယ်။ ထိုကြောင့် ယုံကြည်ခြင်းဘ၀ခရီးဆက်ရာမှာ ဘ၀လမ်းဖြောင့်ဖြူးပေပါလိမ့်မယ်။

ပါစကားပွဲရဲ့ ပျော်ရွှင်ခြင်းအရသာကို ခံစားနိုင်ဖို့ခရစ်တော်ရဲ့ရှင်ပြန်ထမြောက်ခြင်းအပေါ် မိမိတို့ရဲ့ယုံကြည်ခြင်းဟာ ရှင်းလင်းနေမှဖြစ်ပါလိမ့်မယ်။ သခင်ခရစ်တော်ဟာ သူ၏ရှင်ပြန်ထမြောက်ခြင်းကို တပည့်တော်ကြီးများကို တဖြည်းဖြည်းနဲ့ ထုတ်ဖော်ပြသခဲ့တယ်။ ဒီနေ့ ကျနော်တို့ဘ၀မှာကော ခရစ်တော်ဟာ ဘယ်လိုထုတ်ဖော်ပြသနေပါသလဲဗျာ။ တပည့်တော်ကြီးတွေလို ကျနော်တို့ဘ၀ဟာ တခါတလေမှာ ယုံကြည်ခြင်းတွေပျောက်နေပြီး ကျနော်တို့တတွေအနေနဲ့ တခုခုကျရှုံးလို့ ဘ၀ပျက်ပြီလို့ ထင်တဲ့အချိန်၊ စီးပွားရေးကပ်ဆိုဒ်လို့ နလန်မထူနိုင်တော့တဲ့အခြေအနေ၊ အရှက်တရားတခုခုကြောင့် လူတောမတိုးနိုင်တော့တဲ့အခြေအနေ၊ စသဖြင့် အဆိုးဆုံးသောအခြေအနေများ အချိန်အခါများစွာ ရှိမှာပါ။ ဒီလိုအခြေနေဆိုးတွေကနေ နလန်ထူနိုင်ဖို့ ကျော်လွှားနိုင်ဖို့ ကျနော်တို့၏စစ်မှန်တဲ့ ယုံကြည်ခြင်းကသာ ကူညီပေးနိုင်ပါတယ်။ ထိုစစ်မှန်တဲ့ယုံကြည်ခြင်းကနေ မျှော်လင့်ချက်များရှင်သန်လာပြီး ဘ၀ကို မှန်မှန်ကန်ကန်ရှင်သန်ပြီး နောက်ဆုံး ဘုရားသခင်ရဲ့ချစ်ခြင်းမေတ္တာမှာ ကျွန်ုပ်တို့တတွေဟာ ဘုရားသခင်နှင့် မိတ်သဟာဖွဲ့ဖြစ်ပါလိမ့်မယ်။ ဤသည်ပင် ကျနော်တို့တတွေဟာ တပည့်တော်ကြီးသောမ လိုပဲ “ကျွန်ုပ်၏သခင်၊ ကျွန်ုပ်၏ဘုရား” ဟူပြီး ကြွေးကြော်နိုင်ပါလိမ့်မယ်။

ကိုရင် (ဒိုမီနီကန်)