ဘုရားသခင်၏သဏ္ဍာန်ထုတ်ဖော်ပြသခြင်း (Epiphany) - မင်းသုံးပါးပွဲနေ့

ဘုရားသခင်၏သဏ္ဍာန် ထုတ်ဖော်ပြသခြင်း (Epiphany)ပွဲတော်နေ့ကို မင်းသုံးပါးပွဲနေ့ဟု ကျွန်တော်တို့ တတွေအလွယ်တကူ သိမှတ်ထားကြပါတယ်။ အမှန်စင်စစ် ဘုရားသခင်၏သဏ္ဍာန်ထုတ်ဖော်ပြသခြင်း ပွဲတော်နေ့ ဖြစ်ပါတယ်။ အဲပီဖန်နီ (Epiphany) ဆိုသည့်စကားလုံးဟာ ဂရိစကားလုံး (ἐπιφάνεια) အဲပီဖန်နီယာဖြစ်ပြီး ပုံသဏ္ဍာန်ထုတ်ဖော်ပြခြင်းဟု အဓိပ္ပာယ်ရပါတယ်။ ယနေ့ဖတ်ရှု့ရမည့် ဧ၀ံဂေလိကျမ်း (မာတေဦး ၂း၁-၁၂)တွင် ဘုရားသခင်အားသိမြင်ဖူးမျှော်လိုကြရာတွင် တကမ္ဘာလုံးမှ လူသားများဖြစ်ကြောင်း အရှေ့တိုင်းမှ မင်းပညာရှိသုံးပါးအားဖြင့် မတူခြားနားသည့် ပညာရှင်များကို ကိုယ်စားပြုများအဖြစ်တွေ့မြင်နိုင်ပါတယ်။ ထို့အပြင် သူငယ်တော်အဖြစ်သာရှိသော ယေဇူးခရစ်တော်၏ လူသားကယ်တင်ခြင်းလုပ်ငန်းကို ကြိုတင်နိမိတ်ဖိတ် ဖော်ထုတ်သည့် ရွှေ၊ လော်ဗန်၊ နှင့် မီးရာတို့ကိုလည်း တွေ့မြင်ထောက်ရှု့နိုင်ပါတယ်။ ထို့အပြင် ၎င်းပစ္စည်းများဟာ အမှတ် လက္ခဏာများရှိ၍ ရွှေဟာ ခရစ်တော်၏ ဘုရင်အဖြစ်ကိုဖော်ထုတ်နေပြီး လော်ဗန်ဟာလည်း ခရစ်တော်၏ ဘုရားအဖြစ်တော်ကို ထုတ်ဖော်ပြသနေသလို မီးရာဟာ ခရစ်တော်၏အသေခံခြင်းအကြောင်းကို နိမိတ်ဖတ်ဖော်ထုတ်နေတာပါ။ 

မင်းပညာရှိကြီးများကပင် ဝေလံခေါင်သီတဲ့အရပ်ဒေသမှ လိုက်လံရှာဖွေကာ ဖူးမျှော်ရသူမို့ - ထိုဘုရင်ဟာ မည်ကဲ့သို့သော ဘုရင်များပါလိမ့်။ ထိုရှင်ဘုရင်ဟာ သာမာန်ဘုရင်တွေလို လူမျိုးအုပ်စုတစ်စုတည်း၊ တမျိုးတည်းအတွက် ရပ်တည်သူမဟုတ်ဘဲ တကမ္ဘာလုံးနှင့်စပ်လျဉ်းနေသည့်အတွက်ကြောင့်သာ အရှေ့တိုင်းမှ မင်းပညာရှိကြီးများက ဖူးမျှော်လိုကြပါတယ်။ ထိုရှင်ဘုရင်သည် လူသားအားလုံးအတွက် ဖြစ်ပါတယ်။ ထိုကြောင့် ခွဲခြားမှု့တွေ၊ ကွဲပြားမှု့တွေ ထိုဘုရင်ဆီမှာ ရှိမည်မဟုတ်ဘဲ တကမ္ဘာလုံးအတွက် အလင်းရှင်၊ ဉာဏ်ပညာတော်ရှင်၊ ကယ်တင်ရှင်ဖြစ်ကြောင်း သိရှိ၍ မင်းပညာရှိတို့က ယခုလို ရှာဖွေဖူးမျှော်လိုခဲ့ကြပါတယ်။ သို့သော်လည်း ဟေရုဒ်မင်းကြီးမူကား အာဏာနှင့်စည်းစိမ်ရစ်မူးလျက် ထိုကဲ့သို့ အလင်းရှင်၊ ဉာဏ်ပညာတော်ရှင်၊ ကယ်တင်ရှင် ဘုရင်မင်းတစ်ပါး သူ၏တိုင်းပြည်မှ ပေါ်ထွန်းသည်ကို မင်္ဂလာအနေဖြင့် မကြည်ဖြူနိုင်ဘဲ သူ၏အာဏာစက်နှင့် စည်းစိမ်ဥစ္စာတွေကို ခြိမ်းခြောက်နိုင်သူအဖြစ်သာ မြင်ခဲ့၍ ဘုရားသခင်၏ သဏ္ဍာန်ထုတ်ဖော်ပြသခြင်းကို တွေ့ရှိဖူးမျှော်ခွင့်နှင့် လွဲခဲ့ရပါတယ်။ 

မိတ်ဆွေ၊ သင်နှင့်ကျွန်ုပ်လည်း မင်းပညာရှိသုံးပါးထဲက တစ်ပါးပါးဖြစ်နိုင်သလို ဟေရုဒ်မင်းကြီးလည်း ဖြစ်နေနိုင်ပါတယ်။ ခရစ်တော်ကို ယုံကြည်တဲ့အခါ ကျွန်တော့်တို့ဘက်က ပေးဆပ်စွန့်လွှတ်ရမှာတွေ ရှိပါတယ်။ ထို့အတူ ခရစ်တော်နောက်လိုက်ဖို့အတွက်လည်း ပေးဆပ်စွန့်လွှတ်ရမှာတွေ အများကြီးရှိပါတယ်။ သို့ပေမယ့်လည်း တရားသဘောအားသေချာထောက်ရှု့လျှင် ထိုပေးဆပ်စွန့်လွှတ်ခြင်းမှာသာ လူသားတစ်ဦးဟာပျော်ရွှင်မှု့အစစ်အမှန်ရရှိနိုင်တာဖြစ်သလို၊ လူသားတွေရဲ့ လွတ်လပ်ခြင်းအစစ်အမှန်လည်း တွေ့ရှိရမှာ ဖြစ်ပါတယ်။ သို့ပေမယ့် ကျွန်တော်တို့တတွေ ပေးဆပ်စွန်လွှတ်ဖို့ဆိုတာ အင်မတန်မှကြီးမားတဲ့ စိန်ခေါ်မှု့ကြီးပါပဲ။ ဘာကြောင့်လဲဆိုတော့ ကျွန်တော်တို့တတွေ မွေးဖွားလာကတည်းက အတ္တမျိုးစေ့၊ လောဘမျိုးစေ့၊ မောဟမျိုးစေ့လေးတွေက ရှိနေပါပြီ။ ထို့ကြောင့်ပင် တခါတရံ ပေးဆပ်လိုက်ရတာကို တူညီသောတန်ပြန်မှု့ကို ရယူလိုချင်ကြတတ်ပါတယ်။ တခါတရံပေးဆပ်လိုက်ရတာကိုပဲ တခုခုရင်းနှီးမြုပ်နှံလိုက်သလို ခံစားတတ်ပါတယ်။ ဒီတော့ စိတ်လွတ်ကိုယ်လွတ် ပေးဆပ်မိလို့ ပျော်ရွှင်မှု့ကို ရရှိဖို့ ခက်နေပါပြီ။ တချို့ ဒီလိုပျော်ရွှင်မှု့ကို ခံစားဖူးသူက ပြောတတ်ပါတယ် - စိတ်လွတ်ကိုယ်လွတ် ပေးလိုက်ရတာ ပေါ့ပါးလန်းဆန်းပြီး အနှိုင်းမဲ့ပျော်ရွှင်မှု့ကို ခံစားလိုက်ရတာပဲတဲ့။ သင်လည်း စမ်းသပ်ခံစားကြည့်ပါ။

တကယ်တော့ စိတ်လွတ်ကိုယ်လွတ်ပေးဆပ်တယ်ဆိုတာလည်း မေတ္တာတရားမှ မလှုံ့ဆော်လျှင် မဖြစ်နိုင်တဲ့အရာပါ။ ထို့ကြောင့် ဦးစွာပထမ မေတ္တာတရားပွားများတတ်ဖို့၊ ချစ်ခြင်းမေတ္တာ ထားတတ်ဖို့ လိုအပ်ပါတယ်။ ဤသည်ပင် ခရစ်တော်သွန်သင်ခဲ့သည့် အကြီးမားဆုံးနှင့် ပညတ်ချုပ်ပဲ မဟုတ်ပါလား။ သင်၏အရှင်ထာဝရဘုရားသခင်ကို စိတ်စွမ်းကိုယ်စွမ်းရှိသမျှချစ်ပြီး သင်၏မိတ်ဆွေကိုလည်း သင်ကဲ့သို့ ချစ်လော့။ ထို့အပြင် ဘုရားသခင်သည်ပင် ချစ်ခြင်းမေတ္တာမဟုတ်ပါလော။ ချစ်ခြင်းမေတ္တာရှိသည့်နေရာမှာ ဘုရားသခင်ရှိနေပါတယ်။ ကျွန်တော်တို့တတွေ တွေ့ကြုံခံစားကြည့်ဖို့ပဲ လိုအပ်ပါတယ်။

မဟုတ်လျှင်တော့ ကျွန်တော်တို့တတွေဟာ ဟေရုဒ်မင်းကြီးလို လောကဥစ္စဓနစည်စိမ်များ၊ အာဏာနှင့် ကာမဂုဏ်ရမ္မက်တို့ကြားမှာရုန်းမထွက်နိုင်ဘဲ အကြောက်တရားတို့ရဲ့ ထောင်ထဲမှာပဲ ရှိနေပါလိမ့်မယ်။ ကယ်တင်ခြင်းတရား၊ လွတ်မြောက်ခြင်းလမ်းသိသော်လည်း လွဲချော်နေဦးမှာ ဖြစ်ပါတယ်။

ကယ်တင်ရှင်ကြွမြန်းလာနေပါပြီ၊ မိတ်ဆွေ။ မင်းပညာရှင်ကြီးများလည်း လာရောက်ဖူးမြင်ကာ ထိုရှင်ဘုရင်ဟာ အကြီးမြတ်ဆုံးဖြစ်သည်ကိုသိရှိ၍ ဖူးမျှော်ရမည်ကို မျှော်လင့်ခဲ့ရသည်ကိုပင် သူတို့အတွက် အတိုင်းမသိသော ၀မ်းမြောက်ခြင်းရှိနေပါပြီ။ ကြယ်ကြီးပျောက်ဆုံးချိန် စိတ်မကောင်းဖြစ်ပုံများ ကြယ်ကြီးကိုပြန်မြင်တော့မှ မျှော်လင့်ချက်ရောင်ချည်ထွန်းတောက်၍ ၀မ်းမြောက်မှု့တို့ ပြန်လည်ပြည့်စုံရပါတယ်။ ခရစ်တော်ကို နုံချာစွာတွေ့မြင်ခဲ့ရသည့်တိုင် သူတို့ယုံကြည်ချက် မကင်းမဲ့သွားချေ။ ထို့အပြင် ဖော်ပြလို့မရသည့်ပျော်ရွှင်မှု့၊ ၀မ်းသာမှု့တို့ဖြင့် ပြည့်သျှံခဲ့ရပါတယ်။

ထိုမင်းပညာရှိတို့လို ၀မ်းမြောက်ပျော်ရွှင်မှု့ကို ကျွန်ုပ်တို့ ခံစားကြည့်ချင်ပါသလား။ သူငယ်တော်ကို ဖူးမြင်ရသည့်အခါ မင်းပညာရှိတို့ဟာ အလွန်ဝမ်းမြောက်ခဲ့ရပြီး ကျွန်ုပ်တို့အားလုံးအတွက်လည်း လူမျိုးမရွေး၊ နိုင်ငံသားမရွေးဘဲ လူမျိုးစုံမှ ကျွန်ုပ်တို့အားလုံးဟာလည်း ထိုပညာရှိတို့လို ၀မ်းမြောက်ပျော်ရွှင်မှု့ကို ရှာဖွေတွေ့ရှိနိုင်ကြောင်း၊ ဘုရားသခင်၏ သဏ္ဍာန် ထုတ်ဖော် ပြသခြင်းကိုလည်း တွေ့ရှိဖူးမျှော်နိုင်ကြောင်း သက်သေပြနေပါတယ်။

ထိုသို့သော ၀မ်းမြောက်ပျော်ရွှင်မှု့နှင့် ဘုရားသခင်ကိုတွေ့ရှိဖူးမျှော်နိုင်ဖို့ ကျွန်ုပ်တို့စိတ်တွေ ခရစ်တော်နှင့် တလုံးတ၀တည်းဖြစ်နေလားဆိုတာ ဆန်းစစ်သွားကြပါစို့။

ကိုရင် (ဒိုမီနီကန်)