သံမာတေဦး ၂၁း၂၈-၂
ဖတ်ရှု့ရတဲ့ဧ၀ံဂေလိတရားတော်တွင် ယေဇူးခရစ်တော်က ပုံဥပမာတစ်ခုပေးပါတယ်။ ထိုပုံဥပမာထဲတွင် ဖခင်က သူ၏သားနှစ်ယောက်အား ၎င်း၏စပျစ်ခြံတွင် အလုပ်လုပ်ဖို့တောင်းဆိုပါတယ်။ ပထမသားတစ်ယောက်အား တောင်းဆိုသောအခါ ၎င်းသားက မသွားနိုင်ကြောင်း ချက်ချင်းတုန့်ပြန်ခဲ့ပါတယ် - သို့ပေမယ့်လည်း နောက်မှ နောင်တရပြီး စပျစ်ခြံအလုပ်ကို သွားခဲ့ပါတယ်။ ထို့အတူ ဒုတိယသားကိုလည်း ဖခင်ကြီးက ၎င်း၏စပျစ်ခြံမှာ အလုပ်သွားလုပ်ပေးဖို့ တောင်းဆိုခဲ့ပါတယ်။ ထိုအခါ ၎င်းက သွားမယ်ဟု ချက်ချင်းတုန့်ပြန်ခဲ့ပေမယ့်လည်း တကယ်တန်းတော့ မသွားပါဘူး။ အဲဒီမှာပင် ယေဇူးသခင်က မေးခွန်းတစ်ခု မေးမြန်းခဲ့ပါတော့တယ် - ဤသူနှစ်ဦးတွင် မည်သူသည် ဖခင်၏အလိုကို ဆောင်ရွက်ခဲ့သနည်း။
ဤပုံဥပမာဟာ ကျွန်တော်တို့လူသားဘ၀အခြေအနေ ဖြစ်ရပ်မှန်ကို ထင်ဟပ်စေတာပါပဲ။ ကျွန်တော်တို့တတွေလည်း ကုသိုလ်လုပ်သည့်အခါပဲဖြစ်စေ၊ အလှူဒါနပြုလုပ်သည့်အခါပဲဖြစ်စေ၊ အခြားကောင်းသည့်အရာပြုလုပ်ရမှာပဲဖြစ်ဖြစ်၊ ဘုရားသခင်၏အလိုတော်ကို ဆောင်ရွက်ကြတဲ့အခါပဲဖြစ်ဖြစ် မကြာခဏဆိုသလို စိတ်ဟာဒွဟဖြစ်နေတတ်ပါတယ်။ ပထမရုတ်တရက်မှာ မိမိ၏စိတ်အလိုအတိုင်း လုပ်ချင်လုပ်မယ်၊ မလုပ်ချင်မလုပ်ဘူး စသဖြင့် ချက်ချင်းတုန့်ပြန်မိတတ်ကြမှာပါ။ သို့ပေမယ့်လည်း သေချာပြန်စဉ်းစားမိတဲ့အခါ စိတ်ထဲကအဖြေတွေဟာ ပြောင်းလဲတတ်ပါတယ်။ ဖခင်ကြီးရဲ့ ပထမသားလိုပဲ မလုပ်နိုင်ဘူးဖြေပြီးမှ ပြန်စဉ်းစားမိတဲ့အခါ လုပ်သင့်တဲ့အတွက် လုပ်ဖြစ်နိုင်ကြသလို၊ ဒုတိယသားလိုပဲ လုပ်မယ်ပြောပြီး နောက်မှမလုပ်ဖြစ်တာတွေလည်း အများကြီးရှိပါတယ်။
အင်္ဂလိပ်အဆိုရှိတစ်ခုရှိပါတယ် - Action speaks louder than
speech. လုပ်ဆောင်ခြင်းဟာ စကားပြောခြင်းထက် အသံပိုကျယ်သည်ဟု ဆိုရပါလိမ့်မယ်။ မြန်မာ့နိတိကျမ်းတွင်လည်း
မိုးလေးမျိုးနှင့် တူသောလူလေးမျိုးကို ဖော်ပြထားပါတယ်။ ပထမမိုးဟာ ခြိမ်းသာခြိမ်းတယ်
မရွာတဲ့မိုးပါ။ ဒုတိယမိုးကတော့ မခြိမ်းဘဲ ရွာတဲ့မိုးပါ။ တတိယမိုးကတော့ ခြိမ်းလည်းမခြိမ်း
ရွာလည်မရွာတဲ့မိုးဖြစ်ပြီး စတုတ္ထမိုးကတော့ ခြိမ်းလည်းခြိမ်း ရွာလည်းရွာတဲ့မိုးပါ။ ထို့အတူပဲ
လူတွေမှာလည်း ပြောသာပြောတယ် မလုပ်တဲ့သူ၊ အပြောမဟုတ်ဘဲ လုပ်တဲ့သူ၊ ပြောလည်းမပြော လုပ်လည်းမလုပ်တဲ့သူ၊
နှင့် ပြောလည်းပြော လုပ်လည်းလုပ်တဲ့သူဟု လေးမျိုးခွဲခြားနိုင်ပါတယ်။
ပြောလည်းပြော လုပ်လည်းလုပ်တဲ့သူကို ပို၍သဘောကျကြမှာပါ။ သို့ပေမယ့်လည်း
မပြည့်စုံသူတွေမို့ ထိုလူမျိုးရှာတယ်ဟု ထင်ရပါလိမ့်မယ်။ ဘယ်လိုပဲဖြစ်ဖြစ် မပြည့်စုံသူတွေကြားမှာတော့
ခရစ်တော်က အနိမ့်ဆုံး လူနှစ်မျိုးကို ပုံဥပမာပေးခဲ့တာပါပဲ။
မိတ်ဆွေ၊ ကျွန်တော်တို့ခရစ်ယာန်ဘ၀မှာလည်း ဘုရားသခင်၏အလိုကို ဆောင်ရွက်တဲ့အခါ ယေဇူးခရစ်တော်၏ပုံဥပမာထဲက သားနှစ်ဦးထဲက တစ်ဦးမဟုတ်တစ်ဦးလိုတော့ ဖြစ်တတ်ကြမှာပါ။ ကျွန်တော်တို့ပြုလုပ်လိုက်တဲ့ ဆုံးဖြတ်ချက်ဟာ ဘုရားသခင်၏အလိုတော်ကို ဆန့်ကျင့်နေပြီလား ဒါမှမဟုတ် ဘုရားသခင်၏အလိုတော်ကို ပြည့်စုံစေသလားဆိုတာ ခရစ်ယာန်တိုင်းအတွက် အရေးအကြီးဆုံးအချက်ပါပဲ။
သံမာတေဦး ၅း၄၈ တွင် ကောင်းကင်ဘုံ၌ရှိတော်မူသော
ဖခင်သည်ကောင်းမြတ်ပြည့်စုံသကဲ့သို့ ကောင်းမြတ်ပြည့်စုံကြလော့ဟု မိန့်ဆိုထားပါတယ်။ သံမာတေဦး
၆း၁၀ တွင် ကောင်းကင်ဘုံ၌ပြည့်စုံသကဲ့သို့ မြေကြီးပေါ်တွင်လည်း ကိုယ်တော်၏အလိုတော်သည်
ပြည့်စုံပါစေသော်ဟု ဆုတောင်းနည်းသင်ပေးသောအခါ ယေဇူးခရစ်တော်က သင်ပေးခဲ့ပါတယ်။ ခရစ်တော်ကိုယ်တော်တိုင်သည်လည်း
အဖဘုရားသခင်၏ အလိုတော်ကိုပြည့်စုံစေရန် လူ့အဖြစ်ကိုယူ၍ ဤလောကသို့ဆင်းကြွလာခဲ့ကြောင်း
မိန့်ဆိုပါတယ်။ ထို့အပြင် သံမာတေဦး ၂၅း၃၁-၄၀ တွင် -အကြောင်းမူကား ငါဆာလောင်သောအခါ
သင်တို့သည် ငါ့အားစားစရာကိုပေး၏။ ငါသည် ရေငတ်သောအခါ သင်တို့သည် ငါ့အားသောက်ရေကိုပေးကြ၏
ငါသည် သူစိမ်းဧည့်သည်ဖြစ်သောအခါ သင်တို့သည်ငါ့အား ပျူငှာစွာကြိုဆိုကြသည်။ ငါ၌အ၀တ်မရှိသောအခါ သင်တို့သည် ငါ့ကိုအ၀တ်ဖြင့်လွှမ်းခြုံပေးကြသည်။ ငါသည်ဖျားနာသောအခါ
သင်တို့သည် ငါ့အား ကြည့်ရှုကြသည်။ ငါသည်ထောင်ထဲ၌ရှိနေသောအခါ သင်တို့သည်ငါ့ထံသို့
လာကြ၏…. အသိမ်ငယ်ဆုံးသော ငါ၏ညီအစ်ကိုတို့တွင် တစ်ဦးကို သင်တို့ပြုစုလျှင် ငါ့ကိုပင်ပြုစုကြပြီ
ဟုမိန့်ဆိုထားပါတယ်။
ထို့ကြောင့် ခရစ်ယာန်များအတွက် ဘုရားသခင်၏အလိုတော်ဆိုသည်မှာ
ရှင်းလင်းမြင်သာလှပါတယ်။ ချစ်ခြင်းမေတ္တာကိုအခြေခံပြီး မိမိနှင့်နီးစပ်သူများအား ဘုရားသခင်၏မျက်နှာတော်ကိုထောက်၍
မေတ္တာမျှဝေပေးခြင်းပင်ဖြစ်ပါတယ်။ ယနေ့ ဤလောကစပျစ်ခြံကြီးထဲတွင် လုပ်စရာများစွာရှိနေပါတယ်။
ထို့ကြောင့် အဖဘုရားသခင်၏တောင်းဆိုမှုကို လုပ်ဆောင်ပေးကြရင်း ဘုရားသခင်၏သားသမီးများအဖြစ်
သက်သေခံသွားကြပါစို့။
ကိုရင် (ဒိုမီနီကန်)
