ကိုယ်တော်မြတ်ပွဲတော်ကြီး

သံလုကာ ၉း၁၁-၁၇

ယနေ့အသင်းတော်ကြီးသည်  နက်နဲဖွယ်ရာ ကိုယ်တော်မြတ်ပွဲတော်ကို သက်သေခံကျင်းပလျက်ရှိပါတယ်။ လူပေါင်းများစွာအတွက် ယုံကြည်နိုင်ဖို့ အင်မတန်ခက်ခဲလှတဲ့ ယုံကြည်ရာချက်များထဲမှာ ကက်သလစ်အသင်းတော်၏ ကိုယ်တော်မြတ်စက္ကရမင်တူးလည်း အပါအ၀င်ဖြစ်ပါတယ်။ မစ္ဆားတရားတော်အတွင်း ခရစ်တော်ကိုယ်တော်တိုင် ရဟန်း၌ပေါင်းစပ်ကာ ဖန်ဆင်းပြုလုပ်သည့် ဤမုန့်တော်သည် ခရစ်တော်၏ခန္တာဖြစ်ကြောင်း ကက်သလစ်ခရစ်ယာန်တို့ ယုံကြည်လာခဲ့သည်မှာ ရှေးဦးခရစ်ယာန်တို့၏ ယုံကြည်ခြင်းအတိုင်းပင်ဖြစ်ပါတယ်။

ကိုယ်တော်မြတ်မုန့်တော်အား ယနေ့လူပေါင်းများစွာအတွက် ယုံကြည်ရခက်နေသည်မှာ မထူးဆန်းပါ။ ယေဇူးခရစ်တော်သခင်ကိုယ်တိုင် လူ့လောကမှာ အသက်ရှင်နေထိုင်စဉ်အတွင်းပင် “ ငါ၏အသားကို စား၍ ငါ၏အသွေးကိုလည်း မသောက်ကြလျှင် သင်တို့၌ အသက်မရှိနိုင်ရာ” ဟုမိန့်တော်မူသောအခါ လူပေါင်းများစွာ ယေဇူးခရစ်တော်ကို စွန့်ခွာသွားခဲ့ကြပါတယ်။ ဘာကြောင့်လဲဆိုတော့ ကိုယ်တော်မိန့်ဆိုသော ထိုအချင်းရာမှာ လူတို့အတွက် မဖြစ်နိုင်၊ မယုံကြည်နိုင်ရာ ဖြစ်နေသောကြောင့်ပါ။ သို့သော် ဤအချင်းအရာ မှန်ကန်ကြောင်းကို ခရစ်တော်ရှင်ပြန်ထမြောက်ပြီးမှသာ တပည့်တော်ကြီးများကိုယ်တိုင် မျက်စိပွင့်နားပွင့် သတိထားမိလာပြီး သက်သေခံခဲ့သောကြောင့် ယနေ့ကက်သလစ်ခရစ်ယာန်တို့သည် ယုံကြည်နေကြပါတယ်။ ထိုယုံကြည်ခြင်းသည်လည်း စစ်မှန်ပါတယ်။ ယနေ့ ကျနော်တို့နှင့်အတူ ယေဇူးခရစ်တော်သည် ခန္တာနှင့် ၀ိညာဉ် အတူရှိနေပါတယ်။ ဒါ့ကြောင့် ကိုယ်တော်မြတ်မုန့်တော်ကို ပင့်ယူခြင်းအားဖြင့် နေ့စဉ်အသက်တာကို စစ်မှန်သည့်ခရစ်ယာန်၊ ထာဝရအသက်ပိုင်သူများအဖြစ် လျှောက်လှမ်းကျင့်ကြံနေထိုင်ရပါလိမ့်မယ်။ ဤမုန့်တော်သည် ကျနော်တို့အတွက် နေ့စဉ်ခွန်အားလည်း ဖြစ်ပါတယ်။

ချစ်စွာသော ဓမ္မမိတ်ဆွေ။ ယနေ့ဖတ်ရှု့ကြားနာရသည်မှာ ပေါင်မုန့်ငါးလုံးနှင့် ငါးနှစ်ကောင်အားဖြင့် လူငါးထောင်ကျော်ကို ၀၀လင်လင်ကျွေးမွေးရုံမျှမကဘဲ အပိုလျှံများစွာပင် ကျန်ခဲ့ပါသေးတယ်။ သေးငယ်တဲ့ ကျနော်တို့ရဲ့ လှူဖွယ်အားဖြင့် အလျှံအပယ်ဖြစ်သည့်တိုင် များပြားစေသည်မှာ ကျနော်တို့နှင့် ဘုရားသခင်အကြား ထားရှိသည့် ယုံကြည်ကိုးစားခြင်းပေါ် မူတည်နေပါတယ်။ ထို့အတွက်လည်း စိန်ခေါ်မှု့တစ်ရပ်ပါပဲ။ ထို့အပြင် ပွားများစေခြင်းဟာ အခြေခံအားဖြင့် ကျနော်တို့ရဲ့ ဝေမျှတတ်ခြင်းပေါ်မှာလည်း မူတည်လှပါတယ်။ ခရစ်တော်သခင်၏ ခန္တာဟု ပြောလျှင် ယေဇူးသခင်၏ ရုပ်ခန္တာလည်းဖြစ်သလို၊ အသင်းတော်ကြီးလည်းဖြစ်ပါတယ်။ ထို့ကြောင့် ကျနော်တို့အားလုံး ပါဝင်နေတယ်ဆိုတာ သတိရဖို့၊ အချင်းချင်း ပူးပေါင်းပါဝင် မျှဝေတတ်ကြဖို့ကို တရားပြနေတာ ရှင်းရှင်းလေးပါ။

ဒီတော့ ဝေမျှတတ်ဖို့အတွက် ကျနော်တို့တတွေကိုလည်း ယနေ့ကမ္ဘာကြီးက စိန်ခေါ်ပြန်ပါတယ်။ လောကမှာ သူလို ကိုယ်လို အပြိုင်အဆိုင်နဲ့ အတ္တ၊ မာန၊ လောဘတွေကြား ရုန်းကန်နေရချိန် ဝေငှတ်ဖို့ဆိုတာ တကယ့်ကို စိန်ခေါ်မှု့ကြီးတစ်ခုပါပဲ။ သို့ပေမယ့်လည်း ဒီစိန်ခေါ်မှု့ကြီးကို ကျော်လွှားနိုင်စေတာ မေတ္တာ၊ ဂရုဏာ နှင့် စေတနာတရားတို့ပါပဲ။ ၎င်းပါရမီတွေအားဖြင့် ကျနော်တို့တတွေဟာ ဘုရား၊တရားကို မြင်နိုင်ပါလိမ့်မယ်။ ထိုသို့ မြင်နိုင်ဖို့အတွက်လည်း ဖန်ဆင်းချိန်ကတည်းက ကျနော်တို့ကို ၎င်းပါရမီတွေထည့်ပေးထားခြင်း ဖြစ်ပါတယ်။

ချစ်စွာသော မိတ်ဆွေ၊ ဒါတွေဟာ စိတ်ကူးယာဉ်မဟုတ်ပါ။ လက်တွေ့ပါ။ လက်တွေ့ကျင့်ကြံကြည့်ပါ။ ဘ၀မှာ အံ့သြဖွယ်ရာတွေဖြစ်တဲ့အခါ မိမိတို့ကိုယ်တိုင် နားမလည်ဘဲ အံ့အားသင့်ရတာတဲ့ အချိန်အခါတွေ မနည်းလှပါ။ ခရစ်တော်၏ အံ့ဖွယ်တန်ခိုးဖြင့် မုန့်များပွားများခြင်းမှ သင်ခန်းစာတစ်ခုဟာ အချင်းချင်း ဝေမျှပြီး အသက်ရှင်သန်တတ်ဖို့ပါပဲ။ ကိုင်းကျွန်းမှီ၊ ကျွန်းကိုင်းမှီဆိုသလိုပါပဲ။ ခရစ်တော်သခင်ဟာ မုန့်များကို တိုက်ရိုက်မပေးဘဲ လူငယ်လေးတစ်ဦးဆီမှာ ရှိတာလေးကို ဝေငှခြင်းပေါ် ဘုရားကျေးဇူးတော် ပေါင်းစပ်လိုက်ခြင်းပင်ဖြစ်ပါတယ်။

ကျနော်တို့တတွေလည်း မိမိမှာရှိတာလေးကိုပဲ အကြီးမြတ်ဆုံးစိတ်ထားနှင့် ဝေမျှတတ်လာသည့်အခါ ဘုရားရဲ့ကျေးဇူးတော်များ အစဉ်ပေါင်းစပ်ပေးနေပြီး ကောင်းကင်နိုင်ငံတော်ကို ထိတွေ့မြည်းစမ်းခွင့် ရပါလိမ့်မယ်။ အတ္တ၊လောဘကြောင့် မဖြစ်နိုင်ဘူးထင်ထားသည့်အရာများ အံ့ဖွယ်ထူးစွာ ဖြစ်ပေါ်လာလိမ့်မယ်။ ထိုကြောင့် ကိုယ်တော်မြတ်မုန့်တော် (သို့မဟုတ်) ဘုရားကိုနေ့စဉ်ပင့်ယူ၍ မိမိနှလုံးသားမှာ နေရာပေးကာ ဘုရား၏သားသမီးသဖွယ် ဝေမျှတတ်အောင် ကြိုးစားပါ။ ဘ၀စိန်ခေါ်မှု့ကြီးတွေပင် ပြိုလဲကုန်ပါလိမ့်မယ်။

ဒိုမီနီကန်ကိုရင်

#Dominicankoyin

သန့်ရှင်းသော ပုဂ္ဂိုလ်သုံးပါးပွဲတော်ကြီး

သံယောဟန် ၁၆း၁၂-၁၅

ယနေ့ အသင်းတော်ကြီးတွင် သန့်ရှင်းသော ပုဂ္ဂိုလ်သုံးပါးပွဲတော်ကြီးကို ကျင်းပကြပါတယ်။ အထူးပြောစရာမလိုပါဘူး- သန့်ရှင်းသောဝိညာဉ်တော်ပုဂ္ဂိုလ်သုံးပါးဆိုတာ တလုံးတ၀တည်း ရှိတော်မူသော စိန္တေမြတ်စွာ ထာဝရဘုရားသခင်ဆိုတာ ကျနော်တို့ခရစ်ယာန်တိုင်း ကောင်းစွာသိရှိနားလည်ကြပါတယ်။ တစ်ဆူတည်းသော စိန္တေမြတ်စွာ ထာဝရဘုရားသခင်သည် လုံးဝခွဲခြားမရနိုင်သော တလုံးတ၀တည်း၊ တစ်ဆူတည်းအဖြစ်တည်ရှိနေသော သီးခြားပုဂ္ဂိုလ်သုံးပါးဖြင့် တည်ရှိနေသည်ကို နားလည် သဘောပေါက်စေဖို့ ဓမ္မဟောင်းကျမ်းမှ အရိပ်အမြွက်များနှင့် ဓမ္မသစ်မှ ဘုရား၏သားတော် ခေါ် ဒုတိယပုဂ္ဂိုလ် ရှင်တော်ယေဇူးသခင်မှ ထုတ်ဖော်ပြသခဲ့ပြီးဖြစ်ပါတယ်။ ထို့ကြောင့် ကယ်တင်ခြင်းသမိုင်းတလျှောက်တွင် ဘုရား၏သားတော် ယေဇူးခရစ်တော်၏လူ့အဖြစ်ယူခြင်း၊ လူတွေကြားမှာ လူသားတစ်ဦးကဲ့သို့ နေထိုင်အသက်ရှင်ခြင်း၊ လူသားတစ်ဦးကဲ့သို့ ဇီဝအသက်ချုပ်ငြိမ်းခြင်း၊ ဘုရားတန်ခိုးတော်ဖြင့် ပြန်လည် ရှင်ပြန်ထမြောက်ခြင်းနှင့် ကောင်းကင်ဘုံသို့တက်ကြွတော်မူခြင်း၊ ပြီး သန့်ရှင်းသောဝိညာဉ်တော်ဘုရားကို စေလွှတ်၍ ကျနော်တို့အားဆက်လက် လမ်းပြတော်မူခြင်းတွေဟာ နက်နဲဖွယ်ရာတို့၏ ထုတ်ဖော်ပြသခြင်း အကြီးမားဆုံးသော ဖြစ်ရပ်တွေသာဖြစ်ပါတယ်။ သို့သည့်တိုင်အောင် တစ်ဆူတည်းသော စိန္တေမြတ် ထာဝရဘုရားသခင်သည် နဲနက်စွာ တည်ရှိနေဆဲပင်ဖြစ်ပါတယ်။

ကျနော်တို့လူသားတွေဟာ ဖန်ဆင်းခံတွေထဲမှာ အမြင့်ဆုံးသော သတ္တ၀ါတွေဟု ဆိုရသော်လည်း အကန့်အသပ်ဖြင့် ရှင်သန်နေရဆဲ၊ ဆင်ခြင်တုံတရား၊ ညဏ်ပညာတွေးခေါ်နိုင်စွမ်းတွေမှာ ကန့်သပ်နေသည့်အတွက် အကန့်သပ်မဲ့ ထာဝရဟူသော စိန္တေမြတ်ဘုရားရှင်နှင့် ဆိုင်သည့် နက်နဲလှသော အရာများကို စုံစုံလင်လင် ပြည့်ပြည့်၀၀သိနိုင်ဖို့ဆိုတာ မဖြစ်နိုင်ဘူးဟုပင် ပြောရပါလိမ့်မယ်။ သို့သော်လည်း ဘုရား၏ပုံသဏ္ဍန်နှင့် ဆင်တူ ဖန်ဆင်းခံရပြီး ဘုရား၏ဇာတိတော်၌ မိမိ၏ဦးနှောက်ဉာဏ်နှင့် နှလုံးသားဖြင့် ရှင်သန်နေကြ၍ ဘုရားနှင့်လူအကြား မဝေးကွာလှသည်မို့ ဘုရားအကြောင်းကို မသိဘူးလားဆိုတော့လည်း မဟုတ်ပါဘူး-သိကြပါတယ်။ သိကြပါသလားဆိုတော့လည်း - လုံးလုံး၀၀မဟုတ်ပြန်ပါဘူး။ ၎င်းသည်ပင် ကျနော်တို့အတွက် နက်နဲဖွယ်ရာကြီးဖြစ်နေပြန်ပါတယ်။

၅ရာစုအတွင်းက ဓမ္မသင်္ဂြီုလ်ပညာရှင်ကြီး စိန်သြဂက်စတင်းက သန့်ရှင်းသောပုဂ္ဂိုလ်သုံးပါး၏ နက်နဲဖွယ်ရာကို စဉ်းစားတွေးခေါ်ကြည့်ရင်း ပင်လယ်ကမ်းရိုးတန်းတလျှောက်သို့ လမ်းလျှောက်ထွက်သွားပါသတဲ့။ အဲဒီလို ကမ်းရိုးတန်းမှာ လမ်းလျှောက်နေစဉ်မှာပဲ လူငယ်လေးတစ်ယောက်က ကမ်းခြေမှာ ပေအနည်းငယ်နက်တဲ့ လက်ယက်တွင်းလေးတူးထားပြီး ပင်လယ်ထဲကရေတွေကို သဲကြီးမဲကြီးခပ်ထည့်နေတာကို တွေ့လိုက်ပါသတဲ့။ ဒါနဲ့ဓမ္မပညာရှင်ကြီးလည်း ကြည့်မနေနိုင်ဘဲ အဲဒီလူငယ်လေးကို ဘာလုပ်နေတာလဲလို့ မေးလိုက်ပါတယ်။ ဒီတော့လူငယ်လေးက - ကျွန်တော်လား၊ အဲဒီပင်လယ်ထဲကရေတွေကို ဟောဒီကျွန်တော့်ရဲ့ ကန်လေးထဲကို ပြောင်းထည့်နေတာလေ- လို့ဖြေလိုက်ပါတယ်။ ဒါနဲ့ ပညာရှင်ကြီးသြဂက်စတင်းက - ဒါဟာ လုံးဝမဖြစ်နိုင်တာပဲလို့လူငယ်လေးကို ပြောလိုက်ပါတယ်။ ဒီတော့ လူငယ်လေးကလည်း - ဟုတ်တယ်လေ၊ မဖြစ်နိုင်ပါဘူး။ သန့်ရှင်းသောပုဂ္ဂိုလ်သုံးပါး၏နက်နဲရာကို သင်စဉ်းစားတွေးခေါ်တာ မဖြစ်နိုင်သလိုပေါ့ဗျာ- ဟုပြန်လိုက်ပါတယ်။ ပုံပြင်လေးဟာ မရိုးနိုင်အောင်ထပ်ခါထပ်ခါပြောနေရတဲ့ စိန်သြဂက်စတင်းရဲ့ ပုံပြင်တစ်ခု ဖြစ်ပြီး ကျွန်တော်တို့နှင့် ဘုရားသခင်အကြား ခြားနားချက်ကို ထောက်ပြနေတဲ့ အမှန်တရားတစ်ခုလည်း ဖြစ်ပါတယ်။

ချစ်စွာသော ဓမ္မမိတ်ဆွေများ။       ။အထက်ပါ သာဓကများနှင့်အတူ ယနေ့ သန့်ရှင်းသော ပုဂ္ဂိုလ်သုံးပါးပွဲတော်ကြီးမှာ ကျနော်တို့အတွက် စိန္တေမြတ် ထာဝရဘုရားသခင်၏ နက်နဲဖွယ်ရာများကို နားလည်ဖို့ သိပ္ပံသီအိုရီသုံးကာ အဖြေထုတ်ဖို့မဟုတ်ပါဘူး။ သိပ္ပံသီအိုရီလည်း ၎င်းအတွက် မလုံလောက်လှပါဘူး။ ဤနေ့ပွဲတော်အားဖြင့် ကျနော်တို့ကို တရားပေးခြင်းပင်ဖြစ်ပါတယ်။- ရှင်သန်ခြင်းတရားပင်ဖြစ်ပါတယ်။

သန့်ရှင်းသောပုဂ္ဂိုလ်သုံးပါဟာ တစ်ပါးနှင့်တစ်ပါး တစ်တူတည်းဖြစ်နေသည့်တိုင်အောင် အတွင်းကျကျ ချစ်ခြင်းမေတ္တာပေါ်မှာ အခြေတည်ပြီး ပေါင်းစည်းနေကြခြင်းဖြစ်ပါတယ်။ ထိုကြောင့် ဘုရားဇာတိမှာ ဖန်ဆင်းခံရသည့် ကျနော်တို့လူသားတွေဟာလည်း ဘုရားသခင်ကို အတုယူကာ တစ်ဦးနှင့်တစ်ဦး အတွင်းကျကျ မေတ္တာတရားဖြင့် ရောနှောပေါင်းစည်းနေထိုင်ကြဖို့ပင် ဖြစ်ပါတယ်။ သဘာဝအလျောက်လည်း ထိုကဲ့သို့ ရောနှောပေါင်းသင်းနေထိုင်တတ်သည့်သတ္တ၀ါများဖြစ်ကြပါတယ်။ ဒီလိုရောနှောဆက်ဆံ ပူးပေါင်းဆောင်ရွက်မှသာလျှင် ကျနော်တို့ရဲ့လူ့အသိုင်းဝိုင်းကြီးဟာ တိုးတက်လာမှာဖြစ်ပါတယ်။ ဒါ့ကြောင့် ခရစ်ယာန်ဘ၀ဆိုတာ ထိုကဲ့သို့ လူ့ဂုဏ်သိက္ခာနှင့် အခြေခံအခွင့်အရေးများအပေါ်မှာ တရားမျှတခြင်း၊ တန်းတူညီတူဆက်ဆံခြင်း၊ ချစ်ခြင်းမေတ္တာထားခြင်းတို့ဖြင့် ရှင်သန်နေပြီး အချင်းချင်းရိုင်းပင်းကူညီရင်း ရောနှောဆက်ဆံ ပူးပေါင်းကာ ကျွန်ုပ်တို့လောကကြီးကို ကောင်းသထက်ကောင်းအောင် ဖန်တီးသူများ၏ဘ၀ပင် ဖြစ်ရပါမယ်။ 

ချစ်စွာသော ဓမ္မမိတ်ဆွေ။            ။ကျနော်တို့တတွေဟာ စိန္တေမြတ် ထာဝရဘုရားသခင်ကိုရှာဖွေရာမှာ စိန်သြဂက်စတင်းရဲ့ ပုံပြင်လေးလိုပဲ ပင်လယ်ထဲကရေတွေကို မိမိတို့ရဲ့ လက်ယက်တွင်းထဲ ပြောင်းထည့်ဖို့မဟုတ်ပါဘူး။ ကျနော်တို့တတွေဟာ ဘုရားသခင်၏ပုံသဏ္ဍာန်ဆင်တူနေကြောင်း၊ ဘုရားသခင်၏ ဇာတိတော်၌ ရှင်သန်နေကြကြောင်းကို တနေ့ထက်တနေ့ ပိုမိုသိရှိလာကာ ပုဂ္ဂိုလ်သုံးပါဘုရားတစ်ဆူကို ဘ၀၏စံနမူနာထား၍ ရှင်သန်သွားကြဖို့ပင် ဖြစ်ပါတယ်။ ကျနော်တို့ဘ၀ဟာ ဘုရားသခင်ကို သိရှိဖို့နှင့် ချစ်ဖို့ရန် ဖြစ်ပြီး ဘုရားသခင်သည် ကျနော်တို့ဘ၀ စူးစမ်းရှာဖွေခြင်းရဲ့ ဥဿုံပန်းတိုင်ဖြစ်မယ်ဆိုလျှင် ထိုရှာဖွေခြင်းပန်းတိုင်ကို တိုင်းတာပေးတာ ကျနော်တို့ရဲ့ ကောင်းမြတ်သော လုပ်ရပ်တွေသာဖြစ်ပါလိမ့်မယ်။

ဒိုမီနီကန်ကိုရင်

#Dominicankoyin

သန့်ရှင်းသောဝိညာဉ်တော်မြတ်ဆင်းကြွတော်မူခြင်း

ဝိညာဉ်တော်မြတ်ကိုခံယူကြလော့။ (သံယောဟန် ၂၀း၂၃)

ယနေ့ဟာ သန့်ရှင်းသောဝိညာဉ်တော်မြတ်ဆင်းကြွခြင်းပွဲတော်နေ့ဖြစ်ပါတယ်။ ဓမ္မသင်္ဂြိုလ် ပညာရှင်အချို့က ဤနေ့ကို အသင်းတော်စတင်ရာ၊ မွေးနေ့ဟုလည်း ခေါ်ဆိုသမုတ်ကြပါတယ်။ အကြောင်းရင်းကတော့ ၎င်းနေ့မှာ တပည့်တော်ကြီးများအပေါ် သန့်ရှင်းသောဝိညာဉ်တော်မြတ် ဆင်းကြွတော်မူပြီး လူမျိုးတကာတို့အား ဧ၀ံဂေလိသတင်းကောင်းကို စတင်ဟောပြောကြ၍ အသင်းတော်ဟူသော အဖွဲ့စည်းငယ်လေးကို စတင်ထုတ်ဖော်ပြသခဲ့ကြခြင်းကြောင့်ပင်ဖြစ်ပါတယ်။ ဤပွဲတော်နှင့်စပ်လျဉ်းသည့် ဗဟုသုတမှာ ဂျူးလူမျိုးတို့၏ရှာဘုတ် (Shavout)ဟုခေါ်သော ပါစကားပွဲပြီး ရက်ပေါင်းငါးဆယ်ပြည့်ပွဲနေ့မှ ဓမ္မသစ်တွင် ယေဇူးခရစ်တော်၏ရှင်ပြန်ထမြောက်ရာနေ့မှ ရက်ပေါင်းငါးဆယ်ပြည့်သည့်နေ့တွင် တပည့်တော်ကြီးများအပေါ် ကတိထားရာ သန့်ရှင်းသောဝိညာဉ်တော်မြတ်ကိုစေလွှတ်၍ ဆင်းကြွတော်မူရာနေ့အဖြစ် ကျင်းပကြခြင်းဖြစ်ပါတယ်။

တပည့်တော်ကြီးများအဖြစ် ခရစ်တော်ကိုယ်တော်တိုင် ရွေးကောက်ခဲ့သူများမှာ သာမန်တံငါသည်များသာ ဖြစ်ကြပါတယ်။ ဒီတော့ စာပေဗဟုသုတကြွယ်ဝသူများမဟုတ်တာ ပြောစရာမလိုလောက်အောင်ပါပဲ။ ကျမ်းတတ်ဆရာကြီးများလို၊ သြဇာအာဏာကြီးမားသူများလို လူတောမတိုးတာလည်း ပြောစရာမလိုပါဘဲ။ ဒီလိုပုဂ္ဂိုလ်ကြီးတွေဟာ ဆရာသခင်ပေါ်မှာသာ လုံးလုံးမှီခိုနေသူပါ။ ဒီတော့ ဆရာသခင်မရှိတော့လျှင် လုံးဝရပ်တည်နိုင်စွမ်းမရှိတော့ပေ။ ဆရာသခင်သည်သာလျှင် ၎င်းတို့၏ အစွမ်းစ၊ အာဏာဖြစ်ပါတယ်။ ဒါတွေကို သိတဲ့ ဆရာသခင်က ၎င်းတို့ကိုလျစ်လျှူမရှု့ခဲ့ပါဘူး။ ကားတိုင်မှာအသေခံခဲ့ပြီးနောက် အကြောက်တရားအောက်မှာ တကွဲတပြားဖြစ်နေတဲ့ တပည့်တော်ကြီးတွေကို မကြာခဏ ကိုယ်ထင်ပြ (ခန္တာနှင့်ဝိညာဉ် ယခင်အတိုင်း)လာရောက်နေထိုင်ပေးပြီး ခွန်အားပေးစုစည်းခဲ့ပါတယ်။ ကောင်းကင်ဘုံသို့ တက်ကြွတော်မူတော့်မည်ဆိုတော့လည်း ၎င်းတို့အတွက် အကြီးမားဆုံးလက်ဆောင်၊ ခွန်အားအစွမ်းအဖြစ် သန့်ရှင်းသောဝိညာဉ်တော်မြတ်ကို ကတိပေးခဲ့ပါတယ်။ ထိုကတိထားရာ ၀ိညာဉ်တော်မြတ်ဆင်းကြွပြီး နောက်ပိုင်း တပည့်တော်ကြီးများဟာ ခွန်အားအပြည့်၊ သတ္တိအပြည့်၊ အာဏာအပြည့်နှင့် မိမိတို့ကိုယ်တိုင်မသိနားမလည်နိုင်သော ဘုရား၏ကယ်တင်ခြင်းအကြောင်းကို စတင်ဟောပြောကြပါတော့တယ်။ ဘာသာစကားတစ်မျိုးတည်းပြောနေသော်လည်း ကြားရသူတိုင်း မိမိတို့ဘာသာစကားဖြင့်ကြားရ၍ မဟာအံ့ဖွယ်ကြီးတွေ ဖြစ်လေ့ရှိနေပါတော့တယ်။ လူ့အစွမ်းမဟုတ်ဘဲ ၀ိညာဉ်တော်မြတ်အစွမ်းသာဖြစ်ကြောင်း ထင်ရှားလှစေပါတယ်။

ချစ်စွာသော ဓမ္မမိတ်ဆွေ၊ ဒီနေ့တရားတော်မှာ ၀ိညာဉ်တော်မြတ်၏ ကျေးဇူးတော်များအကြောင်းပင် ဖြစ်ပါတယ်။ တချိန်တည်းမှာ ကျနော်တို့တတွေရဲ့ အကြောက်တရားနှင့် အစွမ်းအစ၊ အာဏာပါဝါတစ်ခုခုကို မီးမှောင်းထိုးပြနေပါတယ်။ ဒေါ်အောင်ဆန်းစုကြည် ပြောတဲ့ အကြောက်တရားကို သတိရမိပါတယ်။ It is not the power that corrupt, but fear - ကျနော်တို့ကို တကယ်ပျက်စီးစေတာက အာဏာပါဝါမဟုတ်ဘဲ အကြောက်တရားပင်ဖြစ်ပါတယ်။ သေချာစဉ်းစားမိသော် အမှန်တကယ်ပင် ကျနော်တို့ပျက်စီးခြင်းသို့ ရောက်ရခြင်းမှာ အကြောက်တရားကြောင့်သာဖြစ်နေပါတယ်။ တဖက်မှာတော့ အာဏာဟူသောအစွမ်းအားဖြင့် ကျနော်တို့ဟာ အလွဲသုံးစားမလုပ်ဘဲ မှန်မှန်ကန်ကန်အသုံးချပါက ပို၍ပို၍ကောင်းအောင်စွမ်းဆောင်ချင်သူတွေချည်းဆိုတာ သိမြင်လာနိုင်ပါတယ်။ ဒီနေ့ တပည့်တော်ကြီးတွေ အကြောက်တရားအားဖြင့် တကွဲတပြားလွင့်စင်ပြီး ထွက်ပြေးနေရကာ ပျက်စီးခြင်းတစ်ခုသို့ ကျရောက်နေသော်လည်း ၀ိညာဉ်တော်အားဖြင့် အာဏာအစွမ်းရရှိကာ အံ့ဖွယ်ကောင်းလောက်အောင် လုပ်ဆောင်မှု့တွေကို အကောင်ထည်ဖော်နိုင်ခဲ့ကြပါတယ်။

သန့်ရှင်းသော ၀ိညာဉ်တော်ဘုရား၏ဆုကျေးဇူးများမှာ ညဏ်ပညာ၊ နားလည်တတ်ခြင်း၊ အကြံညဏ်၊ အသိပညာ၊ ဇွဲလုံလရှိခြင်း၊ ဘာသာတရားကိုင်းရှိုင်းခြင်းနှင့် ဘုရားသခင်အားကြောက်ရွံ့ခြင်းတို့ဖြစ်ပါတယ်။ ဤကျေးဇူးတော်များအားဖြင့် ကျနော်တို့တတွေကို ဘုရားသခင်က အစွမ်းအစပေး၍ စွမ်းစွမ်းတမံဖြစ်စေပါတယ်။ အမှန်တရားကိုသိရှိပြီး လက်ခံကျင့်ကြံဖို့၊ သက်သေခံဖို့ ကြောက်ရွံ့ဖို့အချိန်မရှိတော့ပါ။ တရားမျှတခြင်းကို နားလည်သဘောပေါက်လာပြီး ကျင့်ကြံဖို့၊ ဝေငှသက်သေခံဖို့ ကြောက်ရွံ့နေဖို့အချိန်မရှိတော့ပါ။ ထို့အတူ များစွာသော ကောင်းကျိုးများလုပ်ဆောင်ဖို့ ကျနော်တို့မှာ အစွမ်းအစအာဏာတွေရရှိပြီး ကြောက်ရွံ့နေရမယ့်အချိန်တွေမရှိတော့ပါ။

ခရစ်ယာန်တစ်ဦးအတွက် ယုံကြည်ခြင်းနှင့် ညဏ်ပညာ မဆန့်ကျင့်ပါ။ တခုနှင့်တခု ဖြည့်စွက်ပြည့်စုံစေပြီး ကျနော်တို့ကို ခရစ်ယာန်ပီသစေပါတယ်။ ကျနော်တို့အချင်းချင်းကြား အသိပညာ ဗဟုသုတပြည့်စုံကာ အချင်းချင်းနားလည်ပေးတတ်ပြီး အကြံကောင်းညဏ်ကောင်းများပေးကြရင်း တစ်ဦးနှင့်တစ်ဦး ဖြည့်စွက်ပြည့်စုံစေပါတယ်။ ထို့အပြင် တစ်ဦးကိုတစ်ဦးလက်ခံနိုင်ကြပြီး အမြဲတမ်းလမ်းဖွင့် လက်ကမ်းကြိုဆိုနေကာ ညီအစ်ကိုရင်းပမာလို ဘုရား၏သားသမီးစစ်စစ်တွေဖြစ်လာစေပါတယ်။ ပျင်းရိခြင်းဟာ ခရစ်ယာန်တို့အတွက် နှောက်ယှက်ခြင်းပါပဲ - ပျင်းရိနေဖို့အချိန်မရှိပါ။- ခေတ္တဘ၀အတွက်သော်လည်ကောင်း ထာဝရအသက်တွက်သော်လည်းကောင်း ဇွဲလုံလ အမြဲရှိနေရပါ့မယ်။ ဤဇွဲလုံလအားဖြင့် အနာဂတ်ဟာ အဓိပ္ပာယ်များဖြင့်ပြည့်စုံနေမှာဖြစ်ပါတယ်။ အချုပ်မှာတော့ ခရစ်ယာန်တို့အတွက် ဘုရားသခင်ကို ကြောက်ရွံ့ရိုသေကာ ဘာသာတရားကျင့်စဉ်မှာ မေတ္တာတရားပေါ် အခြေခံ၍ ကိုင်းရှိုင်းနေရပါမယ်။ ဤသို့အားဖြင့် ပြည့်စုံသည့်ဘ၀၊ အေးချမ်းသည့်ဘ၀၊ ရှင်သန်ထိုက်သည့်ဘ၀ကို ရရှိစေပါမယ်။

ထို့ကြောင့် ယေဇူးသခင်က * ၀ိညာဉ်တော်မြတ်ကို ခံယူကြလော့။* ဟုမိန့်ဆိုနေပါတယ်။ ပြီးပြည့်စုံသည့်လမ်းစဉ်မှာ ခရစ်ယာန်စစ်စစ်ဖြင့် လောက၏ဆားများ၊ အလင်းများအဖြစ် နေထိုင်သက်သေခံသွားနိုင်ဖို့ လိုအပ်သောကျေးဇူးတော်များကို သန့်ရှင်းသောဝိညာဉ်မြတ်ဖြင့် ခံယူသွားကြပါစို့။

ဒိုမီနီကန်ကိုရင်

#Dominicankoyin

ကိုယ်ခန္တာနှင့်စပ်လျဉ်းသည့် ခရစ်ယာန် (ကက်သလစ်)တို့၏ ယုံကြည်ရာအချက်

မေး။      ။အချို့သောဘာသာခြားတို့ဟာ အသက်ချုပ်ငြိမ်းသွားလျှင် လူဟာတန်ဖိုးမရှိတော့တဲ့ ခန္တာကိုယ်ကြီးသာ ကျန်နေခဲ့ပြီဆိုပြီး တန်ဖိုးမထားဘဲ အလွယ်တကူမီးရှိုးဖျက်စီးတာမျိုးတွေ၊ အသုဘလိုက်ပို့တဲ့အခါလည်း မီးသင်္ဂြိုလ်စက်အပေါက်ဝမှာ ပစ်ထားခဲ့ရုံနဲ့ ပြီးရောဆိုတာမျိုးတွေ တွေ့ရတာ စိတ်မကောင်းဖြစ်လှပါတယ်။ ခရစ်ယာန်တွေကတော့ မတူသောယုံကြည်ချက်နှင့် ဓလေ့ကို လေ့လာမိ၍ ကိုယ်ခန္တာနှင့် ခရစ်ယာန်တို့၏ ယုံကြည်ချက်ကို တစိတ်လောက်ရှင်းပြပေးပါလား။

ဖြေ။      ။ချစ်စွာသောဓမ္မမိတ်ဆွေ၊ အထက်ပါအကြောင်းရာများကို ကျနော်ကိုယ်တိုင်လည်း လေ့လာမှတ်သားမိပါတယ်။ တခါတရံ အခြားဘာသာခြားမိတ်ဆွေ အချို့၏ အသုဘကို လိုက်ပို့ဖြစ်တဲ့အခါမျိုးတွေမှာလည်း တခါတရံ အဲဒီအသက်ချုပ်ငြိမ်းသွားတဲ့ ခန္တာကိုယ်ကြီးကို တန်ဖိုးလုံးဝမဲ့နေသလို ပြုမူလုပ်ဆောင်သွားတာမျိုးတွေ့ရတဲ့အခါ ကိုယ့်ယုံကြည်ချက်နှင့်နှိုင်းယှဉ်လျက် ၀မ်းနည်းစာနာမိပါတယ်။ ကျနော်တို့ ကက်သလစ်ခရစ်ယာန်မှာတော့ သေပြီးခန္တာကိုယ်တွေဟာလည်း တန်ဖိုးရှိနေပါတယ်။ ထို့ကြောင့် တန်ဖိုးရှိရှိ ဂရုစိုက်၍ စနစ်တကျ သင်္ချိုင်းတစ်ခုမှာ မြေမြုပ်ခြင်း၊ ဂူသွင်းခြင်းမျိုးကို ပြုလုပ်ပါတယ်။ အသုဘအခမ်းနားမှာလည်း ရဟန်းတစ်ပါးဖြစ်ဖြစ် ဦးဆောင်ကာ အလောင်းကို ကောင်းကြီးပေးခြင်းနှင့် ဆုတောင်းခြင်းအခမ်းနားဖြင့် ပြုလုပ်လေ့ရှိပါတယ်။ ထို့အပြင် နှစ်စဉ် နိုဝင်ဘာ ၁ ရက်နေ့အား သေလွန်သောသူများအားလုံး၏ ၀ိညာဉ်များနေ့အဖြစ်သတ်မှတ်ပြီး အသင်းတော်အတွင်း အထူးဆုတောင်းပေးခြင်းကို ပြုလုပ်ပါတယ်။ ၎င်းကို သင်္ချိုင်းမီးထွန်းပွဲဟုလည်း အလွယ်တကူခေါ်ဝေါ်သမုတ်ကြပါတယ်။ ထို့အပြင် သေလွန်သူအတွက် ရံဖန်ရံခါဆိုသလို တရားတောင်းခြင်း၍ ဆုတောင်းပေးခြင်းမျိုးလည်း ပြုလုပ်လေ့ရှိပါသေးတယ်။ အိမ်တွေမှာလည်း သေလွန်သူအတွက် အထူးရည်စူး၍ ဆုတောင်းပေးခြင်းမျိုးလည်း လုပ်ဖြစ်ပါသေးတယ်။

ဒီတော့ ခရစ်ယာန်(ကက်သလစ်)များအတွက် သေပြီးခန္တာကိုယ်တွေကို ထိုသို့ဂရုတစိုက် တန်ဖိုးထားရခြင်း၏ အဓိက အကြောင်းအရင်း သို့မဟုတ် ယုံကြည်ခြင်း နှင့် သွန်သင်ချက်တွေက ဘာများလဲ။

သမ္မာကျမ်းစာတော်အရ နောက်ဆုံးသောနေ့တွင် ယေဇူးခရစ်တော်သခင်သည် ကမ္ဘာလောကသို့ပြန်လည်ဆင်းကြွလာတော်မူပြီး ကွယ်လွန်ပြီးသူများအားလုံးနှင့် လောကသက်ရှိသတ္တ၀ါများအားလုံးကို ရုပ်ခန္တာနှင့်တကွ ပြန်လည်ရှင်ပြထမြောက်စေမှာဖြစ်ပြီး ရုပ်ခန္တာပျက်စီးပျောက်ဆုံးသူများကိုလည်း မူလရုပ်ခန္တာများ ပြန်လည်ပေးမည်ဖြစ်ပါတယ်။ ကော်ရိန့်သုပထမစာစောင်နှင့် ပထမယောဟန်ကျမ်းတို့၏ သွန်သင်ချက်အရ နောက်ဆုံးသောနေ့တွင် ပြန်လည်ရှင်ပြထမြောက်မည့်ခန္တာကိုယ်သည် လောကအသက်ရှင်စဉ်မှ ခန္တာကိုယ်ပင်ဖြစ်ပြီး သန့်ရှင်းဖြောင့်မတ်သူတို့၏ ခန္တာကိုယ်တွေဟာ ဘုန်းဂုဏ်တော်ဝင်စား၍ ဒုက္ခဝေဒနာမှ ထာဝစဉ်ကင်းလွတ်မှာဖြစ်ပါတယ်။ ထို့နောက် ကောင်းကင်နိုင်ငံတော်ကို စံစားကြရမှာ ဖြစ်ပါတယ်။ (cf.  ပ-ကော် ၁၅း ၃၅-၄၄၊ ပ-ယောဟန် ၃း၂)

ကက်သလစ်အသင်းတော်၏ယုံကြည်ခြင်းအချုပ် ၁၂ ချက်တွင် ခန္တာကိုယ်ရှင်ပြထမြောက်မည့်အကြောင်းမှာ တစ်ချက်အပါအ၀င်ဖြစ်ပါတယ်။ ထိုသို့ ခန္တာကိုယ်နှင့်တကွ ရှင်ပြန်ထမြောက်မည့်အကြောင်းမှာ ခရစ်ယာန်ယုံကြည်ခြင်းအတွက် အဓိကကျလှပါတယ်။ တမန်တော်ကြီး ပေါလူးက - သေခြင်းမှ ရှင်ပြန်ထမြောက်ခြင်းမရှိလျှင် ခရစ်တော်လည်းရှင်ပြန်ထမြောက်ခဲ့ခြင်းမရှိလျှင် ငါတို့၏ဟောပြောခြင်းသည်လည်း အချည်းနှီးဖြစ်ပြီး သင်တို့၏ယုံကြည်ခြင်းသည်လည်း အချည်းနှီးသာဖြစ်မည် - ဟုပြတ်သားစွာ ဟောပြောခဲ့ဖူးပါတယ်။ ဒီတော့ ခန္တာကိုယ်နှင့်ဆက်စပ်လျက် ကျနော်တို့ခရစ်ယာန်တို့၏ ယုံကြည်ချက်မှာ သံပေါလူးမိန့်ဆိုသလို ခန္တာကိုယ်ရှင်ပြန်ထမြောက်မည့်အကြောင်းပင်ဖြစ်၍ အသင်းတော်၏မမှားနိုင်သော သွန်သင်ချက်အဖြစ် သွန်သင်ထားပါတယ်။

ထိုသွန်သင်ချက်ကိုပင် စတုတ္ထမြောက်လေထရမ်အစည်းပွဲကြီး (၁၂၁၅)တွင် ထပ်မံရှင်းလင်း၍ သွန်သင်ပါတယ်။ ယေဇူးသခင်သည် နောက်ဆုံးသောနေ့တွင် ရှင်သူ၊သေသူတို့အား ၎င်းတို့၏လုပ်ရပ်များအပေါ်မူတည်၍ တရားစီရင်မည်ဖြစ်ပြီး ကျနော်တို့သည် မိမိတို့၏ကိုယ်ပိုင်ခန္တာများဖြင့် ပြန်လည်ရှင်ပြထမြောက်ကြမည်ဖြစ်ပါတယ်။ (ရောမ ၂း၆-၁၁)။ ယခုလက်ရှိ ကက်သလစ်မြတ်သောအယူဝါဒထဲမှ သွန်သင်ချက်မှာ ဂူထဲတွင် ကျနော်တို့၏ပျက်စီးတတ်သော ခန္တာကိုယ်များကို ထည့်၍မြုပ်နှံထားကြသော်လည်း နောက်ဆုံးသောနေ့တွင် ခရစ်တော်သည် မပျက်စီးစေတတ်သော ၀ိညာဉ်ရေးရာပြည့်ဝသည့် ခန္တာကိုယ်ဖြင့် ပြန်လည်ရှင်ပြန်စေမည်ဖြစ်ပါတယ်။

ဤယုံကြည်ရာချက်ကို ခေတ်အဆက်ဆက် အသင်းတော်ကြီး၏ဖခင်ကြီးများဖြစ်ကြသည့် ပုပ်ရဟန်းမင်းကြီးကလဲမင်း (၁)၊ ကလဲမင်း (၂)၊ ဂျပ်စတင်း၊ တေအိုဖီးလု့စ်၊ အီရေနီးရု့စ်၊ စီးရယ်၊ သြဂက်စတင်း တို့သည်လည်း သွန်သင်လာခဲ့ကြပါတယ်။

ဒီတော့ မေးခွန်းကို လွယ်လွယ်ဖြေရလျှင် ကျနော်တို့ ခရစ်ယာန်များဟာ ခန္တာကိုယ်ကို အသက်ဝိညာဉ် ချုပ်ငြိမ်းသွားသည့်တိုင်အောင် စနစ်တကျ တန်ဖိုးထားမြေမြုပ်ကာ နောက်ဆုံးသောနေ့တွင် ပြန်လည် ရှင်ပြထမြောက်မည့်နေ့ကို စောင့်နေကြခြင်းဖြစ်ပါတယ်။ ထို့အပြင် ခန္တာကိုယ်အား တကယ့်ကို တန်ဖိုးထားရခြင်းမှာလည်း ဘုရားသခင်ကိုယ်တော်တိုင်ဖန်ဆင်းထား၍ ဘုရားသခင်ကိုယ်တော်တိုင် ကိန်းဝပ်တော်မူတဲ့အတွက်လည်းဖြစ်ပါတယ်။ ထို့ကြောင့် ဆာလံကျမ်းများတွင် ကျနော်တို့၏ ခန္တာများဟာ ဘုရားသခင်၏ဗိမာန်တော်ဖြစ်သည်ဟုပင် တင်စားကြသလို ယုံကြည်ကြပါတယ်။

ဒိုမီနီကန်ကိုရင်

#Dominicankoyin

ယေဇူးသခင် ကောင်းကင်ဘုံသို့တက်တော်မူသောပွဲနေ့ကြီး

သံလုကာ ၂၄း၄၆-၅၃

မိမိ၏လက်တော်ကိုမြှောက်၍ သူတို့အားကောင်းကြီးပေးတော်မူ၏။-ဤသို့ ကောင်းကြီးပေးတော်မူစဉ်တွင် ကိုယ်တော်သည်သူတို့ထံမှ ထွက်ခွာ၍ ကောင်းကင်သို့ပင့်ဆောင်ခြင်းကို ခံတော်မူ၏။ 

ချစ်စွာသော ဓမ္မမိတ်ဆွေများခင်ဗျာ။ ယခု တနင်္ဂနွေနေ့ (၀ါ) ကိုယ်တော်ရှင်၏နေ့တွင် အမိကက်သလစ်အသင်းတော်ကြီးတွင် ယေဇူးခရစ်တော်သခင်၏ ကောင်းကင်ဘုံသို့တက်ကြွတော်မူခြင်းအား အောက်မေ့သတိရလျက် ကျင်းပကြပါတယ်။ ထိုဖြစ်စဉ်ဟာ ဧ၀ံဂေလိကျမ်းတွင် ယေဇူးခရစ်တော်အကြောင်း မှတ်တမ်းတင်ထားသော အကြောင်းရာများမှ နောက်ဆုံးအကြောင်းရာဖြစ်ပါတယ်။ ဤဖြစ်စဉ်နှင့်စပ်လျဉ်း၍ မှတ်တမ်းတင်ထားရာတွင် ကျမ်းရေးပုဂ္ဂိုလ်ကြီးသံလုကာမှ ခရစ်တော်သခင်၏ကောင်းကြီးပေးခြင်းကို အထူးအသားပေး ဖော်ပြထားပါတယ်။ တပည့်တော်ကြီးများကို လက်တော်မြှောက်၍ ကောင်းကြီးပေးသလို ကောင်းကြီးပေးနေသည့်အတိုင်းပင် ကောင်းကင်ဘုံသို့တက်ကြွတော်မူပါတယ်။ ဆိုလိုသည်မှာ ကိုယ်တော်သခင်၏ ကောင်းကြီးပေးနေခြင်းဟာ ရပ်တန့်မသွားဘဲ ဆက်လက်ပေးနေဆဲဆိုတာကို ညွှန်ပြပေးနေပါတယ်။

စိတ်ဝင်စားဖွယ် ရက်ပေါင်း (၄၀)ဟူသော သင်္ကေတကို ထပ်မံကြားရပါတယ်။ ယေဇူးခရစ်တော် ရှင်ပြန်ထမြောက်ပြီး ရက်ပေါင်း (၄၀)အကြာတွင် ကောင်းကင်ဘုံသို့ တက်ကြွတော်မူကြောင်းကို တပည့်တော်ကြီးများက သက်သေခံထားကြတာပါ။ (၄၀)ဟူသော ဂဏန်းသင်္ကေတမှာ ကျမ်းစာဓမ္မပါမ္ခောတွေအရ ကျမ်းစာတော်မြတ်၏ အမှတ်သားလက္ခဏာတစ်ခုဖြစ်ပါတယ်။ မိုးဇယ်ဟာ ဘုရားသခင်၏မျက်နှာတော်ကို တွေ့ရှိဖို့ တောင်ပေါ်မှာ ရက်ပေါင်း (၄၀) အစာရှောင်ဝါရှောင်ပြုလုပ်ခဲ့ပါတယ်။ အစ္စရေးလူမျိုးတွေ ကတိထားရာနိုင်ငံတော်ကို မ၀င်မှီ တောကန္တာရထဲမှာ နှစ်ပေါင်း (၄၀) ပြင်ဆင်နေခဲ့ရပါတယ်။ သခင်ခရစ်တော်ကိုယ်တိုင် တရားဒေသနာတော်ကို စတင်မဟောပြောမှီ တောကန္တာရထဲမှာ ရက်ပေါင်း (၄၀) အစာရှောင်၊ ၀ါရှောင်ကျင့်ကြံခဲ့ပါတယ်။ ယခုရှင်ပြထမြောက်ပြီး ရက်ပေါင်း (၄၀)အကြာတွင် ကောင်းကင်ဘုံသို့ တက်ကြွတော်မူပါတယ်။

ချစ်စွာသော ဓမ္မမိတ်ဆွေများခင်ဗျာ။ Ascention ဟူသော ဝေါ်ဟာရကိုက ကျနော်တို့အား တခုခုကို အသေချာညွှန်ပြနေတာပါ။ ထိုဝေါ်ဟာရအားဖြင့် အပေါ်ရပ်သို့ တက်ကြွခြင်းဖြစ်စဉ်၊ ဒါမှမဟုတ် အမြင့်သို့ မြင့်တင်ခံရခြင်း ဖြစ်စဉ်တစ်ခုကို အသေချာညွှန်ပြနေတာပါ။ ထိုဖြစ်စဉ်မှာ ကျနော်တို့အား ရုပ်ခန္တာသာမဟုတ်ဘဲ၊ စိတ်ပိုင်းဆိုင်ရာနှင့် ၀ိညာဉ်ရေးဆိုင်ရာတွေကိုပါ အထက်သို့၊ အမြင့်သို့ မြှင့်တင်ပေးနေခြင်းနှင့် တက်ကြွနေခြင်းကို ရှင်းလင်းစွာနားလည်နိုင်ပါတယ်။ ယနေ့ ခရစ်တော်သခင်၏ ကောင်းကင်ဘုံသို့ တက်ကြွခြင်းမှာ ကျနော်တို့အားလုံးကို ရုပ်ခန္တာသာမဟုတ်ဘဲ စိတ်ဓါတ်ရေးရာတွေ၊ ၀ိညာဉ်ရေးရာတွေ အားလုံးပါ ကောင်းကင်သို့ မြှင့်တက်ဖို့ လမ်းစဉ်ကို အသက်ရှင်စဉ်၊ အသက်စွန့်ခြင်းနှင့် ရှင်ပြထမြောက်ခြင်းတို့အားဖြင့် လမ်းပြပေးခဲ့ပါတယ်။ အားလုံးခြုံပြောရရင်တော့ အထက်လမ်းစဉ်၊ ကောင်းကင်နိုင်ငံတော်လမ်းစဉ်သို့ လမ်းပြနေပါတယ်။ ထိုသို့ မြင့်မြတ်တဲ့လမ်းစဉ်ကို လျှောက်လှမ်းနိုင်ဖို့အတွက် ကောင်းကြီးမင်္ဂလာလည်း ပေးခဲ့သလို ပေးနေဆဲပါပဲ။ ထို့ကြောင့်လည်း ကောင်းကင်နှင့်ဆိုင်ရာတွေကိုသာ ရှာဖွေကြဖို့၊ ကောင်းကင်ဘဏ္ဏာတွေကိုသာ စုဆောင်းကြဖို့ အမြဲသွန်သင်ပေးခဲ့ပါတယ်။

ချစ်စွာသော ဓမ္မမိတ်ဆွေများခင်ဗျာ။-ကျနော်တို့အား ရုပ်ခန္တာအတွက်နောက်ထားအုံး၊ လောကတွင် အသက်ရှင်စဉ် စိတ်ဓါတ်ရေးရာတွေ၊ စာရိတ္တရေးရာတွေနှင့် ၀ိညာဉ်ရေးရာတို့တွင် အမြင့်သို့ တက်ကြွနိုင်အောင်၊ တနည်းအားဖြင့် အထက်သို့မြင့်တက်စေဖို့ အဓိကအကြောင်းရာတွေဟာ ဘယ်လိုပါရမီများဖြစ်လေမလဲဗျာ။ အသင်းတော်၏သွန်သင်ချက်ထဲတွင် Cardinal virtues ဟူသော မဖြစ်မနေကျင့်ကြံရမည့် ပါရမီကြီး သုံးခုကို ညွှန်ပြနေပါတယ်။ဘာတွေလဲဆိုတော့ -ယုံကြည်ခြင်း၊ မျှော်လင့်ခြင်း၊ နှင့် ချစ်ခြင်းမေတ္တာတို့ပင် ဖြစ်ပါတယ်။ ဤပါရမီကြီးသုံးခုအားဖြင့် ကျနော်တို့တတွေဟာ ခရစ်တော်၏မြတ်သော လမ်းစဉ်ကို လျှောက်လှမ်းရင်း လောကအသက်ရှင် စိတ်ပိုင်းဆိုင်ရာ၊ စာရိတ္တပိုင်းဆိုင်ရာနှင့် ၀ိညာဉ်ရေးရာဆိုင်ရာတွေမှာ တဖြည်းဖြည်း ပြည့်စုံလာမှာဖြစ်ပြီး နောက်ဆုံးသောနေ့တွင် အားလုံးသောပြီးပြည့်စုံခြင်းကို ကျနော်တို့ ဧကန်မုချ စံစားကြရမှာ ဖြစ်ပါတယ်။ 

လိုအပ်သော ကောင်းကြီးတော်များကို ထိုက်တန်စွာ လက်ခံရင်း ခရစ်တော်၏လမ်းစဉ်အားဖြင့် ကမ္ဘာတ၀ှမ်းလုံးတွင် တရားမျှတခြင်း၊ ငြိမ်းချမ်းခြင်း၊ မေတ္တာတရားပွားများခြင်းနှင့် အပယ်ခံ၊ စွန့်ပစ်ခံ ဆင်းရဲသားများ အားလုံးနှင့်အတူတကွ ဝေမျှနိုင်အောင် ကြိုးစားသွားကြပါစို့။ 

ဒိုမီနီကန်ကိုရင်

#Dominicankoyin

ဆဌမပါစကားတနင်္ဂနွေနေ့

သံယောဟန် ၁၄း၂၃-၂၉

အကြင်သူသည် ငါ့ကိုချစ်လျှင် ငါ၏စကားကိုလိုက်နာစောင့်ထိန်းမည်။ ငါ၏ခမည်းတော်သည်လည်း သူ့ကိုချစ်တော်မူလိမ့်မည်။-ထိုအခါ ငါတို့သည် သူ့ထံသို့လာကြ၍ သူနှင့်အတူ ကိန်းဝပ်တော်မူလိမ့်မည်။

ချစ်စွာသော ဓမ္မမိတ်ဆွေများခင်ဗျာ။- ယနေ့ ဖတ်ရှု့ကြားနာရသည့် ဘုရားသခင်၏ နှုတ်တော်ထွက်စကားတော်အား ခြုံငုံလိုက်မယ်ဆိုလျှင် မေတ္တာတရား၌ တစ်စိတ်တည်း၊ တစ်လုံးတစ်ဝတည်းဖြစ်စေခြင်း ဟုဆိုရပါလိမ့်မယ်။ ထပ်၍ ပြောပါရစေ - ချစ်ခြင်းမေတ္တာ၌ စိန္တေမြတ် ဘုရားရှင်နှင့် ကျနော်တို့တတွေရဲ့ တစ်လုံးတစ်ဝတည်း ဖြစ်တည်ပေါင်းစပ်ခြင်းဟု ဆိုရပါလ်ိမ့်မယ်။ ဒီအတွက်ကြောင့် ကျနော်တို့တွေ၊ ခရစ်ယာန်များအတွက် လုပ်ဆောင်သမျှသော အမှု့အရာတိုင်းဟာ ဘုရားသခင်ကို ချစ်သောကြောင့်ဟူ၍ မေတ္တာတရားအတွင်းမှ မေတ္တာတရားရဲ့ရောင်ပြန်ခြင်း ဖြစ်စေပါတယ်။

ယနေ့ ပထမကျမ်းစာတော်အရ ဂျူးမဟုတ်သောလူတစ်စုဟာ ခရစ်ယာန်ဖြစ်လိုကြောင်း၊ ခရစ်တော်၏ နောက်လိုက်များအဖွဲ့ထဲသို့ ၀င်ရောက်လိုကြောင်း ပြောကြသောအခါ အချို့ခရစ်ယာန်များက ဂျူးထုံးစံ ဥပဒေဖြစ်သည့် အရေဖြားလှီးခြင်း မင်္ဂလာကို အရင် မကျော်ဖြတ်ဘဲ သူတို့နှင့်ပေါင်းစည်း၍ မရကြောင်း ပြောဆိုကာ ၎င်းဂျူးမဟုတ်သူများကို အရေဖြားလှီးခြင်းမင်္ဂလာကို ၀တ္တရားတစ်ခုအဖြစ် ပြုလုပ်ခိုင်းကြတယ်။ သံပေါလူးနှင့် ဘားနက်ဘတို့က ၀ိညာဉ်တော်အလင်းဖြင့် ခွင့်ပြုလိုကြတယ်။ ဒီလိုနဲ့ အဲဒီပြသနာကို ဂျေရုဇလင်အသင်းတော်ဗဟိုရ်အထိတက်၍ အခြားသော တပည့်တော်ကြီးများနှင့် ဆွေးနွေးကြပါတော့တယ်။ ၎င်းဆွေးနွေးပွဲ၏ ရလာဒ်မှာ ထိုဂျူးမဟုတ်သူများ ခရစ်ယာန်အဖြစ်ဝင်ရောက်လိုပါက ဂျူးဝတ္တရားဖြစ်သည့် အရေဖြားလှီးခြင်း မင်္ဂလာခံယူစရာ မလိုဟု ဆိုပါတယ်။ ဘာကြောင့်လဲ။

ဘာကြောင့်လဲဆိုတော့ ၎င်းဟာ သန့်ရှင်းသောဝိညာဉ်တော်မြတ်နှင့် ဆုံးဖြတ်ခဲ့ခြင်းကြောင့်ပင် ဖြစ်ပါတယ် (တမန်တော်ဝတ္ထု ၁၅း၂၈)။ ပို၍ ရှင်းလင်းစွာဖြေဆိုရလျှင် ဥပဒေတစ်ခုကို လိုက်နာရင်း အပေါ်ယံဖြည်းဆည်းချက်ထက် ၀ိညာဉ်တော်မြတ်နှင့်အတူ မေတ္တာတရားကို အခြေခံကာ ဆုံးဖြတ် လုပ်ဆောင်ခြင်းပင်ဖြစ်ပါတယ်။

ချစ်စွာသော ဓမ္မမိတ်ဆွေများခင်ဗျာ။- ကျနော်တို့တတွေ ကိုယ်တိုင်ပဲဖြစ်ဖြစ်၊ ကိုယ်နဲ့နီးစပ်ရာ ပုဂ္ဂိုလ်တွေကိုပဲ ဖြစ်ဖြစ် သတိထားမိလျှင် မှတ်သားစရာလေးတွေ တွေ့တတ်ပါတယ်။ မှတ်သားစရာအများထဲမှ တစ်ခုကတော့ ကျနော်တို့တတွေရဲ့ ပြုမူလုပ်ဆောင်ချက်တိုင်းရဲ့ နောက်ခံ လှုံ့ဆော်မှု့တွေပါပဲ။ နောက်ခံ လှုံ့ဆော်မှု့မတူလေလေ ပြုမူလုပ်ဆောင်သည့်နည်းလမ်းတွေ ကွဲလွဲလေလေပါပဲ။ ဥပမာအားဖြင့် ကျနော်တို့တတွေ တစ်ခုခုလုပ်ဆောင်ရာမှာ ဘာကြောင့်လဲပေါ့။- မိမိ၏ဆန္ဒသဘောအရ လွတ်လပ်စွာ ပြုမူလုပ်ဆောင်နေသလား၊ ဒါမှမဟုတ် တစ်စုံတစ်ယောက်ဖြစ်ဖြစ်၊ တစ်စုံတစ်ခုသော အကြောင်းအရာကြောင့်ဖြစ်ဖြစ် စိတ်ဆန္ဒမပါဝင်ဘဲ ပြုမူလုပ်ဆောင်နေရသလားဆိုတာ ယှဉ်ကြည့်တာနဲ့ သိသာပါတယ်။ အကြောက်တရားဖြင့် လုပ်ဆောင်ရတဲ့အခါ အလုပ်တစ်ခု ပြီးမြောက်သွားသည့်တိုင်အောင် ခြောက်ကပ်ကပ်နိုင်လှပါတယ်။ အလုပ်တစ်ခုကို စိုးရိမ်မှု့တွေနဲ့ လုပ်ဆောင်လိုက်ရတာလည်း ပြီးမြောက်ခဲ့သည့်တိုင်အောင် စိတ်သက်သာမှု့မရှိလှပါဘူး။ မိမိဆန္ဒမပါဘဲ အတင်းအဓမ္မလုပ်ဆောင်လိုက်ရတဲ့ ပြုမူလုပ်ဆောင်မှု့တစ်ခုဟာလည်း အောင်မြင်ပြီးမြောက်ခဲ့သည့်တိုင်အောင် ခြောက်လှန့်ခံနေရဆဲပါပဲ။ အဲဒီလို မိမိဆန္ဒမပါပဲ လုပ်ဆောင်လိုက်ရတဲ့ အရာတွေအားလုံးကို ခြုံငုံကြည့်လိုက်လျှင် အပေါ်ယံအားဖြင့် အောင်မြင် ပြီးမြောက်ခဲ့သည် ထင်ရသည့်တိုင်အောင် မိမိရဲ့ပြုမူလုပ်ဆောင်ပုံတွေက စိတ္တဇဆန်လှပါတယ်။-ကြောက်ရွံ့နေရပါတယ်။-လုံခြုံမှု့မရှိလှပါဘူး။-စိတ်ကျေနပ်မှု့ လုံးဝကို မရှိသလို၊ နှစ်သိမ့်မှု့လည်း မခံစားရပါဘူး။

တဖက်မှာတော့ မိမိရဲ့ပြုမူလုပ်ဆောင်ချက်တွေဟာ မိမိကိုယ်တိုင်နှစ်သက်မြတ်နိုး၍ လုပ်ဆောင်ရတာတော့ လားလားမှကိုမတူညီပါဘူး။ မနှိုင်းယှဉ်ပါနဲ့လို့ပင် ပြောထွက်မိကြပါလိမ့်မယ်။ လုပ်ဆောင်ရတာလည်း ရွှင်လန်းတယ်၊ ပြုမူပုံလည်း လန်းဆန်းတယ်၊ အလုပ်ကိုလည်း ပြီးမြောက်အောင်မြင်ရုံမဟုတ်ဘဲ ထပ်ဆင့် ထပ်ဆင့်လုပ်နေချင်တော့တာပါပဲ။ ဒါကြောင့် အမိန့်ပေးခိုင်းစေတဲ့ ခေါင်းဆောင်နဲ့ ချိုသာစွာ ဦးဆောင်တဲ့ ခေါင်းဆောင်မျိုးမှာ ဘယ်သူ့နောက်လိုက်မလဲလို့ အမေးလွတ်မှာပါ။

ချစ်စွာသော ဓမ္မမိတ်ဆွေများခင်ဗျာ။- လက်တွေ့ဘ၀နှင့် တရားတော် ပေါင်းစပ်ထောက်ရှု့မိသော် ရှင်းလင်းလှတဲ့ အဖြေတစ်ခုကို ထုတ်နိုင်ပါတယ်။ မိမိဟာ ခေါင်းဆောင်နေရာဆိုလျှင် မေတ္တာတရားပေါ် အခြေခံ၍ ချိုသာစွာ ကိုယ်တိုင်ဦးဆောင်ပါ။ မိမိဟာ နောက်လိုက်နေရာမှာဆိုလျှင်လည်း မေတ္တာတရားပေါ်တွင် အခြေခံ၍ မိမိဆန္ဒရာနှုန်းပြည့်ဖြင့် လိုက်နာလုပ်ဆောင်ပါ။ ကျနော်တို့ တစ်ဦးနှင့်တစ်ဦးကြားတွင်လည်း မေတ္တာတရားအခြေခံ၍ မိတ်ဆွေဖွဲ့ကြလျှင်၊ မိသားစု တည်ထောင်ကြလျှင်၊ လူ့အဖွဲ့အစည်းတစ်ခု တည်ထောင်ကြလျှင်၊ နိုင်ငံတစ်ခု တည်ဆောက်ကြလျှင် နားလည်မှု့ပြည့်ဝပြီး ဥပဒေတွေပြဒါန်းစရာမလိုဘဲ ညီညွတ်နေမှာ သေချာပါတယ်။ သို့သော်လည်း ဤတရားမြင့်လွန်းသည်ဟု ဆိုရမလား၊ ဒါမှမဟုတ် ကျနော်တို့ မလိုက်နာနိုင်သလားဆိုတာ မသိပါ။ ထို့ကြောင့် ဥပဒေလေးများဖြင့် ထိန်းကွပ်နေရဆဲပင် ဖြစ်ပါတယ်။ သို့သည့်တိုင်အောင် ခရစ်တော်ညွှန်ပြနေတဲ့ ပြီးပြည့်စုံသည့် ကောင်းကင်နိုင်ငံတော်ကတော့ ပုံရိပ်နမူနာဖြစ်နေစေမှာ ဖြစ်ပါတယ်။ ကျနော်တို့တတွေ အားနည်းသည့်သတ္တ၀ါတွေဟု ဆိုသော်လည်း တဖြည်းဖြည်း ကျင့်ကြံကြိုးစား ဆောက်တည်ရင်း ခရစ်ယာန်တရားတော်၊ ခရစ်တော်၏တရားတော်၊ စိန္တေမြတ်ဘုရား၏ ကောင်းကင်နိုင်ငံတော်ကို သက်သေခံရှင်သန် လျှောက်လှမ်းသွားကြပါစို့။ ဤနည်းဖြင့် ကျနော်တို့တတွေလည်း စိန္တေမြတ်ဘုရားရှင်နှင့် တစ်လုံးတစ်ဝါတည်းအဖြစ်ကို ၀ိညာဉ်တော်မြတ်ဖြင့် ခံယူကာ အချင်းချင်းမေတ္တာပွားနိုင်သည်အထိ ကြိုးစားသွားကြပါစို့။

ဒိုမီနီကန်ကိုရင်

#Dominicankoyin