ဆဌမမြောက် ပါစကားတနင်္ဂနွေနေ့

သံယောဟန် ၁၄း၁၅-၂၁

ဖတ်ရှုရတဲ့ ဧ၀ံဂေလိတရားတော်တွင် သိသာထင်ရှားတဲ့အကြောင်းအရာဟာ သန့်ရှင်းသော ၀ိညာဉ်တော်ကို စေလွှတ်မည်ဆိုတဲ့အကြောင်းပင် ဖြစ်ပါတယ်။ ယေဇူးခရစ်တော်ဟာ ကောင်းကင်ဘုံသို့ မတက်ကြွမှီ ကျွန်ုပ်တို့တတွေအတွက် ဒီလောကမှာနေထိုင်စဉ်အတွင်း သူဟာကျွန်ုပ်တို့နှင့်အတူ ရှိနေကြောင်းကို မီးမောင်းထိုးပြပေးမယ့် ၀ိညာဉ်တော်ဘုရားကို ကတိပေးလိုက်ခြင်းပင်ဖြစ်ပါတယ်။ ဒါဟာ ဘာနဲ့အလားတူသလဲဆိုတော့ လျိုဝှက်ကုဒ်တွေနဲ့တူပါတယ်။ ခရစ်ယာန်ကုဒ်ဟု ဆိုနိုင်ပါတယ်။ ထာဝရ ခမည်းတော်ဘုရားနှင့်အတူ သားတော်ယေဇူးခရစ်တော်ကို မြင်နိုင်စေမယ့် အဓိက ခရစ်ယာန်ကုဒ်ပါ။ ဒါကြောင့်လည်း ခရစ်ယာန်ဘ၀အသက်တာမှာ ၀ိညာဉ်တော်ဘုရားမပါဘဲ ရှင်သန်ဖို့ မဖြစ်နိုင်တာပါ။

ဝိညာဉ်တော်ဘုရားကိုစေလွှတ်မည့်ကတိတော်နှင့်အတူ ကျွန်ုပ်တို့အား အားကိုးရာမဲ့ပစ်ထားမည် မဟုတ်ကြောင်းနှင့် ခရစ်တော်ကိုချစ်လျှင် ခရစ်တော်၏ပညတ်တော်များကို စောင့်ထိန်းကြမည့်အကြောင်းလည်း မိန့်ဆိုတော်မူခဲ့ပါတယ်။ ထို့ကြောင့် ကျွန်တော်တို့တတွေ ဤအကြောင်းအရာ သုံးခုကို ထောက်ရှု့စဉ်းစားကြည့်ဖို့ ကောင်းပါတယ်။

တမန်တော်ကြီးများအချိန်ကာလကို ပြန်လည်သုံးသပ်ကြည့်လျှင် သန့်ရှင်းသောဝိညာဉ်တော်ဘုရား ဆင်းကြွပြီး ဘာမှမသိမတတ်သည့် တပည့်တော်ကြီးတွေဟာ အစစအရာရာ သိရှိလာခဲ့ရပြီး လူ့ဘ၀၌ ခရစ်တော်ပြုလုပ်တော်မူခဲ့သော အရာတွေကိုလည်း နားလည်သဘောပေါက်ကာ ကောင်းကင်နိုင်ငံတော်နှင့် ကယ်တင်ခြင်းတရားအတွက် တရားဟောရတော့မယ်ဆိုတာ သိလာခဲ့ရတာပါ။ သူတို့၏ တရားဟောပြောရာတွင်လည်း ၀ိညာဉ်တော်ဘုရား၏လုပ်ဆောင်ချက်တွေသာ ဖြစ်ကြောင်း တမန်တော်ဝတ္ထုကျမ်းအားဖြင့် သက်သေခံနေပါတယ်။ တမန်တော်ဝတ္ထုကျမ်းတွင် ၀ိညာဉ်တော်ဘုရားအားဖြင့် တပည့်တော်ကြီးတွေ မည်သို့သောအံ့ဖွယ်တွေကိုပြုလုပ်နိုင်ကြောင်း၊ တရားဟောပြောရာတွင် အစစအရာရာ အဆင်ပြေသွားကြောင်း၊ အခက်အခဲတွေနှင့်ကြုံရလျှင်ပင် ၀ိညာဉ်တော်ဘုရား၏ တန်ခိုးအစွမ်းဖြင့် ဘယ်လို ဘယ်ပုံလွတ်မြောက်လာကြောင်းတို့ကို မှတ်တမ်းတင်ရေးသားထားတာကို တွေ့ရပါတယ်။

ယနေ့ခေတ်အချိန်ကာလမှာလည်း ကျွန်တော်တို့မျက်မှောက်ရှေ့မှာပင် ၀ိညာဉ်တော်ဘုရား၏ လုပ်ဆောင်ချက်တွေကို မကြာခဏ တွေ့ကြုံနေရတာပါ။ ကျွန်တော်တို့ဘ၀မှာလည်း ကိုယ်ပိုင်အတွေ့အကြုံများဖြင့် ကြုံတွေ့နေရတာပါ။ သို့သော်လည်း တခါတလေ တချို့လူတွေက သူတို့ဘ၀မှာ ၀ိညာဉ်တော်ဘုရားဘာကြောင့် မရှိဖြစ်နေရသလဲ - ဘယ်လိုအံ့ဖွယ်မှ မဖြစ်ပေါ်ပါလားဟု တွေဝေနေတတ်သူ တွေလည်းရှိနေမှာပါ။ ဒီလောက် ၀ိညာဉ်တော်နှင့်ပြည့်ဝတဲ့ လူတွေကို ကိုယ့်ပတ်ဝန်းကျင်မှာ တွေ့မြင်နေရပါလျက်နဲ့ မိမိကိုယ်တိုင်ကျမှ ဘာကြောင့် ဒီလိုမဖြစ်ရသလဲ . . .

ဒါဟာ မိမိကိုယ်ကို ပြန်လည်သုံးသပ်စမ်းစစ်ကြည့်ဖို့ လိုပါလိမ့်မယ်။ ခရစ်ယာန်ဘ၀မှာ ယုံကြည်ခြင်းဖြင့် စတင်ကြရတာပါ။ ယုံကြည်ခြင်းဟာ ၀ိညာဉ်တော်ဖြင့်ပြည့်ဝတဲ့သူအဖြစ်သို့ မိမိကိုယ်ကို ပြောင်းလဲလာရန် အဓိကသော့ချက်ပဲ ဖြစ်ပါတယ်။ ဒီတော့ ကျွန်တော်တို့ဘာတွေကို ယုံကြည်ကြသလဲ။ ရှင်းပါတယ် - ခရစ်တော်ဟောပြောခဲ့သမျှကို ယုံကြည်လက်ခံပြီးမှသာ ခရစ်တော်ကတိထားရန် ၀ိညာဉ်တော်ဘုရားကို မိမိတို့ဘ၀ထဲမှာ စေလွှတ်ခြင်းခံရပြီး လက်ခံရရှိမှာဖြစ်ပါတယ်။ ခရစ်တော်ဟောပြောခဲ့သမျှဟာ ဧ၀ံဂေလိတရားတော်ပါပဲ။ ချစ်ခြင်းမေတ္တာပေါ်မှာအခြေခံပြီး ကောင်းကင်နိုင်ငံတော်သို့ ၀င်နိုင်ရန် အကြောင်းတရားပါပဲ။ ထို့ကြောင့် ခရစ်တော်က “ငါ့ကိုချစ်လျှင် ငါ၏ပညတ်တော်များကို စောင့်ထိန်းကြလိမ့်မည်။” “ငါ၏ပညတ်တော်များကို ခံယူ၍စောင့်ထိန်းသူသည် ငါ့ကိုချစ်၏။” ဟု မိန့်ဆိုခြင်း ဖြစ်ပါတယ်။

ဘုရားသခင်သည် ချစ်ခြင်းမေတ္တာဖြစ်သည်ဟုဆိုပါတယ်။ ချစ်ခြင်းမေတ္တာဆိုသည်မှာ အစဉ်အမြဲ စိတ်ရှည်၍ ကြင်နာသနားတတ်သည်။ မနာလိုခြင်းမရှိ။ ၀ါကြွားခြင်းလည်းမရှိ။ မာန်မာနလည်းမရှိ။ ကိုယ့်ကျိုးကိုလည်းမရှာ။ အမျက်ဒေါသမထွက်တတ်၊ အငြိုးအတေးလည်းမထားတတ်၊ မကောင်းသောအရာ၌လည်း ရွှင်လန်းခြင်းမရှိ၊ သမ္မတရား၌သာ ၀မ်းမြောက်ခြင်းရှိပြီး အရာအားလုံးကို ယုံကြည်ခြင်း၊ မျှော်လင့်ခြင်းတို့ဖြင့် ကြံ့ကြံ့ခံနိုင်သည် ဟု သံပေါလူးက မိန့်ဆိုခဲ့ပါသည်။ 

သံပေါလူး၏ ချစ်ခြင်းမေတ္တာဂုဏ်သတ္တိတွေကို မိမိရဲ့ဂုဏ်သတ္တိတွေဖြစ်အောင် ကြိုးစားကြည့်ပါ။ ထို့ကြောင့် ကျွန်ုပ်သည် အစဉ်အမြဲစိတ်ရှည်၍ ကြင်နာသနားတတ်သည်။ မနာလိုခြင်းမရှိ။ ကြွာဝါခြင်းလည်းမရှိ။ မာန်မာနလည်းမရှိ။ ကိုယ့်ကျိုးကိုလည်းမရှာ။ အမျက်ဒေါသမထွက်တတ်၊ အငြိုးအတေးလည်းမထားတတ်၊ မကောင်းသောအရာ၌လည်း ရွှင်လန်းခြင်းမရှိ၊ သမ္မတရား၌သာ ၀မ်းမြောက်ခြင်းရှိပြီး အရာအားလုံးကို ယုံကြည်ခြင်း၊ မျှော်လင့်ခြင်းတို့ဖြင့် ကြံ့ကြံ့ခံနိုင်သည် ဟု၍ မိမိကိုယ်ကိုကြုံးဝါးကြည့်လိုက်ပါ . . . ဘ၀ဟာ အသစ်သောအသက်ရှင်ခြင်းဖြင့် ရှင်သန်ထိုက်လာပြီး ကောင်းကင်နိုင်ငံတော်နှင့် ဘုရားသခင်ကို မြင်တွေ့နိုင်ကြဖို့ ၀ိညာဉ်တော်ဘုရားက ကူညီအလင်းပေးပါလိမ့်မယ်။

ကိုရင် (ဒိုမီနီကန်)