၁၈ကြိမ်မြောက်သာမန်တနင်္ဂနွေနေ့

သံယောဟန် ၆း၂၄-၃၅

ပျက်စီးတတ်သောအစာအတွက် မကြိုးစားကြနှင့်။ ထာဝရအသက်တည်စေခြင်းငှာ လူသားသည် သင်တို့အား ပေးမည့်အစာအတွက်ကြိုးစားအားထုတ်ကြလော့။

ဖတ်ရှု့ရသည့်ဧ၀ံဂေလိတရားတော်တွင် ယေဇူးခရစ်တော်ပေးသော ပေါင်မုန့်ကိုစား၍၀သောကြောင့်သာ လူအုပ်ကြီးသည် ခရစ်တော်ကိုရှာကြတဲ့အခါ ကိုယ်တော်က ၎င်းတို့မှားယွင်းစာလိုက်နေကြောင်း ထောက်ပြကာ ထိုခဏတာအသက်ပေးပြီး ပျက်စီးတတ်တဲ့အစာအတွက် မကြိုးစားဘဲ ကိုယ်တော်ပေးမည့် ထာဝရအသက်ဆိုင်ရာ အစာကိုရှာဖွေကြဖို့ ဟောပြောသွန်သင်ကြောင်း သံယောဟန်မှတ်တမ်းမှာ တွေ့ရပါတယ်။

ခရစ်ယာန်အသက်တာဟာ ဘာလဲ။ တကယ်တန်းတော့ ခရစ်ယာန်ဘ၀အသက်တာဆိုတာ ခရစ်တော်သခင်နောက်သို့လိုက်ပြီး တခဏတာအစာအတွက်၊ ပျက်စီးတတ်သည့်အစာအတွက် ရှာဖွေနေတာမဟုတ်ဘဲ ထာဝရအသက်၊ ထာဝရတည်မြဲရာတွေကို ပိုင်ဆိုင်နိုင်ဖို့ ကြိုးစားအသက်ရှင်နေသူများ ဖြစ်ပါတယ်။ ထို့ကြောင့်လည်း ထာဝရဟူသော ဝေါဟာရဟာ ခရစ်ယာန်တို့အသုံးများပြီး ခရစ်ယာန်ဝေါဟာရတစ်ခုလိုပင် ဖြစ်နေပါတော့တယ်။

ဒီနေ့ သံယောဟန်ကတော့ ထာဝရအသက်ဆိုတာ တကယ်တော့ ခရစ်တော်ကိုယ်တော်တိုင်ပဲလို့ ညွှန်ပြပေးနေပါတယ်။ ထို့ကြောင့် ဘုရားသခင်တည်းဟူသော ထာဝရအသက်ရှင်တော်မူသော အဖ၏ တစ်ပါးတည်းသောသားတော်ဖြစ်သည့် ခရစ်တော်ဟာ အသက်ရှင်သန်ရာတို့၏ အရင်းအမြစ်ဖြစ်ကြောင်း ဓမ္မဟောင်းနှင့် ဓမ္မသစ်တို့မှာ ဖော်ညွှန်းပြနေပါတယ်။ ကျွန်ုပ်တို့ခန္တာနေ့စဉ်အသက်ရှင်သန်ဖို့ အစာဟာ အဟာရဖြည့်ပြီး အသက်ပေးနေသလို၊ ကျွန်ုပ်တို့ရဲ့ဝိညာဉ်နေ့စဉ်ရှင်သန်ဖို့အတွက်လည်း ဘုရားသခင်၏နှုတ်တော်ထွက်တရားတော်အားဖြင့် ခရစ်တော်ကိုယ်တော်တိုင် အသက်ပေးနေပါတယ်။ ထိုဝိညာဉ်အဟာရဟာ ကျွန်ုပ်တို့ရှာဖွေနေတဲ့ ထာဝရအသက်ရှင်သန်ဖို့ရန်အတွက် အစဖြစ်ပြီး ရုပ်ခန္တာချုပ်ငြိမ်းသွားသည့်တိုင်အောင် ထာဝရအသက်ရှင်သန်ခြင်းကို ထိန်းသိမ်းပေးနေမှာဖြစ်ပါတယ်။ ထို့ကြောင့် ခရစ်တော်သခင်ကိုယ်တော်တိုင်ဟာ ခန္တာအားဖြင့် လူ့အဖြစ်ယူခဲ့ပြီး ခန္တာချုပ်ငြိမ်းပြခဲ့သော်လည်း ကိုယ်တော်ဟာ ခန္တာကောဝိညာဉ်ပါ ရှင်ပြန်ထမြောက်ခြင်းရယူပြခဲ့ပါတယ်။

ဤသို့ဆိုလျှင် ထာဝရအသက်ကို ပိုင်ဆိုင်ဖို့ ကျွန်ုပ်တို့တတွေ မည်သို့လုပ်ရပါမည်နည်းဟု တရားနာပရိတ်သပ်ကြီးမေးသလို ကျွန်ုပ်တို့တတွေလည်း မေးမြန်းမိမှာပါ။

ခရစ်တော်သခင်ကို ယုံကြည်ပြီး ခရစ်တော်လမ်း၊ အမှန်တရားနှင့် အသက်ကို ရယူလက်ခံပြီး အသက်ရှင်ခြင်းဟာ ကျွန်တော်တို့တစ်ဦးချင်းစီတိုင်းအတွက် သီးသန့်ခေါ်တော်မူခြင်းတွေပင် ဖြစ်ပါတယ်။ ဤခေါ်တော်မူခြင်းကိုလည်း ကျွန်တော်တို့တစ်ဦးချင်းစီဟာ ကိုယ်ပိုင်းယုံကြည်ချက်နှင့် ခံယူချက်ဖြင့် လိုက်လျှောက်ကြရမှာဖြစ်ပါတယ်။ တကယ်တော့် ယခုကဲ့သို့ ခရစ်တော်လမ်းစဉ်ဖြင့် အမှန်တရားကို ကိုင်ဆောင်ရင်း အသက်ရှင်ရတာဟာ ကျွန်တော်တို့ဘ၀မှာ ပုံစံအမျိုးမျိုးပါပဲ - သို့သော်လည်း ခရစ်တော်ကို ဗဟိုထားပြီး ကျွန်တော်တို့အသက်ရှင်နေထိုင်သွားကြတာပါပဲ။

မာသာရ်ထရေးဇားဟာ သူမ၏ကောင်းမြတ်တဲ့လုပ်ရပ်တွေနဲ့ပတ်သက်လို့ ဘာကြောင့်လုပ်တာလဲလိုက အမေးခံရတဲ့ဟာ - ရိုးရိုးရှင်းရှင်းလေးပဲ ဖြေခဲ့ပါတယ် “ခရစ်တော်အတွက် လုပ်တာပါ” တဲ့။ လူတိုင်းအတွက် အံ့အားသင့်စရာပါပဲ - ခရစ်တော်အတွက်ဆိုပေမယ့် ခရစ်ယာန်အတွက်သာ သူမလုပ်ဆောင်ခဲ့တာ မဟုတ်ပါဘူး။ အခြားသောဘာသာခြားတွေကိုလည်း ခွဲခြားမှု့မရှိ၊ လူမျိုးရေးတွေ ခွဲခြားမှု့မရှိ၊ အတန်းအစားတွေ ခွဲခြားမှု့မရှိ . . . သူမဟာ အားလုံးအတွက်ကို ခရစ်တော်အတွက်ပါဟူ၍ ဗဟိုပြုကာ လုပ်ဆောင်သက်သေခံခဲ့ပါတယ်။

ခရစ်ယာန်တစ်ဦးဖြစ်သည့်အလျောက် အသက်ရှင်နေသူများဖြစ်နေရပါမယ်။ ယုံကြည်ခြင်းအသက် ရှင်သန်နေရပါမယ်။ မျှော်လင့်ခြင်းအသက်ရှင်သန်နေရပါမယ်။ ချစ်ခြင်းမေတ္တာအသက်ရှင်သန်နေရပါမယ်။ ဒါဟာ ထာဝရအသက်ကို ရစေမည့်နည်းလမ်းဖြစ်သည့် ဘုရားသခင်ပြုစေသော ကောင်းမြတ်သည့် အလုပ်တိုင်းကို လုပ်ဆောင်စေရာ ဗဟိုရ်နိယာမလည်း ဖြစ်ပါတယ်။

မိတ်ဆွေ၊ ကျွန်ုပ်တို့တတွေလည်း ထာဝရအသက်ဆိုင်ရာအစာအတွက် မိမိကိုယ်ကို မေးခွန်းတချို့အားဖြင့် စမ်းစစ်ဖို့လိုပါပြီ။ လူသည် ဤစကြ၀ဋာတစ်ခုလုံးကို အစိုးရသော်လည်း မိမိ၏အသက်ဝိညာဉ်ဆုံးရှုံးလျှင် အဘယ်အကျိုးရှိမည်နည်း။

ကိုရင် (ဒိုမီနီကန်)