ကိုယ်တော်မြတ်ပွဲတော်ကြီး

ကက်သလစ်အသင်းတော်၏ယုံကြည်ရာသွန်သင်ချက်များစွာထဲမှာ လူပေါင်းများစွာအတွက် ယုံကြည်နိုင်ဖို့ အင်မတန်ခက်ခဲသည့်အရာမှာ ကိုယ်တော်မြတ်မုန့်တော်နှင့် ၎င်းမုန့်တော်ထဲတွင် ယေဇူးခရစ်တော် အမှန်တကယ်ရှိသည့်ဆိုသည့် ယုံကြည်ခြင်းပင်ဖြစ်ပါတယ်။ ထိုသို့လူပေါင်းများစွာအတွက် ယုံကြည်ရခက်နေသည်မှာ မထူးဆန်းပါဘူး။ ယေဇူးခရစ်တော်ကိုယ်တော်တိုင် “ငါ၏အသားကိုစား၍ ငါ၏အသွေးကိုလည်း မသောက်ကြလျှင် သင်တို့၌အသက်မရှိနိုင်ရာ” ဟုမိန့်ဆိုသောအခါ လူပေါင်းများစွာ ခရစ်တော်ထံမှစွန့်ခွာသွားခဲ့ကြတယ်။ ထို့အပြင် သူ၏တပည့်တော်ကြီးများကိုယ်တိုင် သံသယတို့ဖြင့် ယုံကြည်မှု့မရှိဘဲ ဖြစ်နေခဲ့ကြရပါတယ်။ သို့သော်လည်း ခရစ်တော်သခင်ရှင်ပြန်ထမြောက်ပြီးနောက်ပိုင်း သန့်ရှင်းသောဝိညာဉ်တော်၏အလင်းကျေးဇူးတော်ရရှိပြီးကာမှ တပည့်တော်ကြီးတို့လည်း မျက်စိပွင့်နားပွင့်ကာ ထိုမိန့်ဆိုချက်မှာ မှန်ကန်ကြောင်းနားလည်သဘောပေါက်ကာ အပြည့်အ၀ယုံကြည်လာခဲ့ပြီး သက်သေခံဟောပြောသွန်သင်လာခဲ့သောကြောင့် ယနေ့ကက်သလစ်ခရစ်ယာန်တို့ဟာ ယုံကြည်စွာ ဆက်လက်သက်သေခံနေကြပါတယ်။

စစ်မှန်သည့်ယုံကြည်ခြင်းအား ဆက်လက်သက်သေခံရင်း ယနေ့ကက်သလစ်အသင်းတော်အတွင်း၌ နက်နဲရာအထွဉ်အထိပ်ဖြစ်တဲ့ ကိုယ်တော်မြတ်ပွဲတော်ကြီးကို ရှေးဦး ခရစ်ယာန်တို့၏ယုံကြည်ခြင်းအတိုင်း သက်သေခံကျင်းပလျက်ရှိပါတယ်။ ကိုယ်တော်မြတ်ပွဲတော်ကြီးအားဖြင့် အသင်းတော်နှင့်အတူ ယေဇူးခရစ်တော်အမြဲတမ်းရှိနေကြောင်းကို လုံးဝယုံကြည်သက်သေခံနေကြပါတယ်။ ရဟန်းတစ်ပါး၏ မစ္ဆားတရားပူဇော်ရာတွင် ယေဇူးခရစ်တော်ကိုယ်တော်တိုင် ထိုရဟန်းနှင့်ပေါင်းစပ်ကာ မုန့်နှင့်စပျစ်ရည်သန့်အား သူ၏နက်နဲဖွယ်ရာ အသားတော်နှင့်အသွေးတော်အဖြစ်သို့ ပြောင်းလဲဖန်ဆင်းကာ အသင်းတော်အတွင်းရှိ သူ၏သိုးစုအား နေ့စဉ်ကျွေးမွေးစောင့်ရှောက်နေပါတယ်။ ထိုမုန့်တော်သည် ခရစ်တော်၏ခန္တာကိုယ်စင်စစ်ဖြစ်ကြောင်းလည်း ကက်သလစ်အသင်းတော်မှ သက်သေခံလာခဲ့သည်မှာ ရှေးဦးခရစ်ယာန်တို့အချိန်ခါကတည်းပင်ဖြစ်ပါတယ်။

ယနေ့ ကျွန်ုပ်တို့နှင့်အတူ ယေဇူးခရစ်တော်ဟာ ခန္တာနှင့် ၀ိညာဉ် အတူရှိနေပါတယ်။

ဓမ္မဟောင်းခေတ်၏ပဋိညာဉ်အရ လူသားတွေဟာဘုရားသခင်၏တရားတော်နှင့် ပညတ်တော်များကို လိုက်နာကျင့်ကြံအသက်ရှင်ကြဖို့ တောင်းဆိုခံရပါတယ်။ သို့သော်လည်း လူသားတို့၏အားနည်းချက်များကြောင့် ၎င်းဓမ္မဟောင်းခေတ်၏ပဋိညာဉ်ဟာ မအောင်မြင်ခဲ့ရပါဘူး။ ထို့ကြောင့် မပြည့်စုံသည့်လူသားများ ဒါမှမဟုတ် အားနည်းလှသည့်လူသားများနှင့် ပြီးပြည့်စုံသည့်ဘုရားသခင်အကြား ပဋိညာဉ်ဟာ မဖြစ်နိုင်ဘဲ ဖြစ်နေရပါတယ်။ မိုးဇယ်၏ပူဇော်ခြင်းဟာလည်း ဘယ်တော့မှပြည့်စုံသန့်ရှင်းတဲ့ ပူဇော်ခြင်းမဖြစ်နိုင်ပါဘူး။

ဓမ္မသစ်ခေတ်၏ပဋိညာဉ်ဟာ ပြီးပြည့်စုံလွန်းလှပါတယ်။ ဘာကြောင့်လဲဆိုတော့ ဘုရားဖြစ်သည့် ယေဇူးခရစ်တော်ကိုယ်တော်တိုင် အတိုင်းထက်အလွန်အနစ်နာခံပြီး မိမိကိုယ်တိုင်အပြစ်ကင်းစင်တဲ့ သိုးသူငယ်အဖြစ်သဘောထားကာ ဘုရားသခင်အား တစ်ကြိမ်တစ်ခါတည်းနဲ့ထာဝရအတွက်ပါ ပူဇော်ပေးခဲ့သောကြောင့်ဖြစ်ပါတယ်။ ထို့အပြင် ကျွန်ုပ်တို့လူသားများအတွက်လည်း ထာဝရအသက်ရရှိပြီး ရှင်သန်နိုင်ဖို့ရန်အတွက် မိမိကိုယ်တော်တိုင်၏အသွေးနှင့်အသားကို ထာဝရ၀ိညာဉ်အဟာရအဖြစ် ရင်းနှီးပေးခဲ့ပါတယ်။ ထိုကြောင့် ကိုယ်တော်မြတ်မုန့်တော်ကို ပင့်ယူခြင်းအားဖြင့် နေ့စဉ်အသက်တာကို စစ်မှန်သည့်ခရစ်ယာန်၊ ထာဝရအသက်ပိုင်သူများအဖြစ် လျှောက်လှမ်းကျင့်ကြံနေထိုင်ဖို့ အခွင့်အရေးကို အပြည့်အ၀ရရှိထားကြပါတယ်။

စိန်သောမတ်စ်ရဲ့ ဟောပြောချက်အရ ကျွန်ုပ်တို့လူတွေဟာ ဘုရားသခင်ကို ဆာလောင်ပြီး ဘုရားသခင်ကို ရှာဖွေနေကြတဲ့ ဘ၀ခရီးသည်တွေဖြစ်ပါတယ်။ ဘုရားကိုရှာမတွေ့သရွေ့ ကျွန်ုပ်တို့ဆာလောင်မှု့တွေဟာ အမည်မသိ၊ အမည်မရှိကို ဆာလောင်နေမှာပါ။ ဒီတော့ ယနေ့ဘာသာဝင်များစွာ ဆက်လက်ဆာလောင်နေတာ ဆေးကြော်ခြင်းခံပြီးသည့်တိုင် ဆာလောင်နေကြတာ ဘုရားကိုမတွေ့ကြသေးလို့လား။ မှန်ပါတယ်- ဆေးကြော်ခြင်းခံပြီး ဘာသာတရားကိုင်းရှိုင်းသည့်တိုင် ဆက်လက်ဆာလောင်နေသူများမှာ ဘုရားသခင်ကို နာမည်သာကြားဖူးပြီး အမှန်မတွေ့ကြသေးသူများဖြစ်ပါတယ်။ တချို့ခရစ်ယာန်တွေက ကယ်တင်ခြင်းဟူသော ခရစ်တော်ကိုသာလိုချင်ကြပါတယ်။ ကိုယ်တော်ခံထမ်းရာ ကားတိုင်ကိုတော့ စွန့်ပစ်ချင်ကြပါတယ်။ အမှန်တော့် ခရစ်တော်ကိုယ်တိုင်က “ငါ့နောက်လိုက်လိုလျှင် မိမိလက်ဝါးကာတိုင်ကို နေ့စဉ်ထမ်းယူ၍ ငါ့နောက်သို့လိုက်စေ” ဟုမိန့်မှာထားခဲ့ပါတယ်။ ထို့အပြင် သံပေါလူးကလည်း “ခရစ်တော်နှင့်အတူ ဆင်းရဲဒုက္ခခံမှာသာလျှင် ထိုသခင်နှင့်အတူ ဘုန်းစည်းစိမ်တော်ကို ခံစားကြရမည်” ဟုရေးသားထားပါတယ်။ 

ချစ်စွာသောမိတ်ဆွေများခင်ဗျာ၊ ကက်သလစ်ခရစ်ယာန်များဖြစ်သည့် ကျွန်ုပ်တို့တတွေဟာ ယနေ့ခေတ်ကာလမှာ ကိုယ်တော်မြတ်မုန့်တော်၏ နက်နဲဖွယ်ရာအား သိရှိနားလည်ခွင့်ရရှိခြင်းမှာ ကျေနပ်ပျော်ရွှင်ကြပါသလား။ ခရစ်တော်၏အသွေးတော်နှင့်အသားတော်အားပင့်ယူသုံးဆောင်ကာ ရှင်သန်နေကြရသည်ကို ၀မ်းသာရအားခြင်းဖြင့် လုံးဝယုံကြည်ကြပါသလား။ ကိုယ်တော်မြတ်စက္ကရမင်တူးဟာ ဘုရားနှင့်လူအကြား၏ ထူးခြားဆုံးလွန်းသော ဖြစ်ရပ်အဖြစ် လက်ခံယုံကြည်ကြပြီး ကိုယ်တော်မြတ်ကို ဘယ်လိုစိတ်သဘောထားဖြင့် ပင့်ယူနေကြပါသလဲ။ ခရစ်တော်သခင်အား ကျွန်ုပ်တို့၏နေ့စဉ်ဘ၀မှာ အစဉ်လိုအပ်နေကြသလား။ ကျွန်ုပ်တို့အချိန်ခဏယူကာ ပြန်လည်စဉ်းစားကြည့်သင့်ပါတယ်။

ယနေ့ ခရစ်တော်၌ယုံကြည်လက်ခံကာ အသစ်သောဘ၀မှာ ယုံကြည်ခြင်းအားဖြင့် ကိုယ်တော်မြတ်ကို နေ့စဉ်ပင့်ယူကာ ခရစ်တော်နှင့်အတူပေါင်းစပ်၍ ဒုက္ခနှင့်သုခတို့ကို ခံစားဖြတ်လျှောက်ရင်း ဘုရားသခင်နှင့် ထိတွေ့နေနိုင်တဲ့အခွင့်အရေးရှိပါတယ်။ ထိုအခွင့်အရေးအားဖြင့် ထာဝရအသက်ရှင်ရာ ပန်းတိုင်ကို ရယူဖို့ အလင်းတရားပေးစွမ်းရာ ကိုယ်တော်မြတ်စက္ကရမင်တူးရှိနေပါတယ်။ စိန်သောမတ်စ်ပြောသလိုပဲ - ကိုယ်တော်မြတ်စက္ကရမင်တူးအားဖြင့် အာရုံများမမှီနိုင်ရာကို ယုံကြည်ခြင်းဖြင့် ဘုရားသခင်က ဖြည့်စွမ်းပေးပါလိမ့်မယ်။ ထာဝရအသက်မုန့်တော်အား အစဉ်မပြတ်ပိုင်ဆိုင်နိုင်ဖို့ ဧ၀ံဂေလိတရားတော်အားဖြင့် ကိုယ်တော်မြတ်စက္ကရမင်တူးနှင့်အတူ အသင်းတော်၌နေ့စဉ်ရှင်သန်သက်သေခံကြသွားပါစို့။

ကိုယ်တော်မြတ်စက္ကရမင်တူး၌ -
ကိုရင် (ဒိုမီနီကန်)